Author: +9251

راولپنڈی: چیف آف آرمی اسٹاف جنرل قمر جاوید باجوہ نے کہا ہے کہ ہم نے افغان امن عمل کے لیے ہر ممکن کوشش کی اور آئندہ بھی کرتے رہیں گے۔

پاک فوج کے شعبۂ تعلقاتِ عامہ (آئی ایس پی آر) کی جانب سے جاری اعلامیے کے مطابق آرمی چیف کی زیر صدارت دو روزہ کور کمانڈرز کانفرنس ہوئی، جس میں داخلی سیکیورٹی، بیرونی خطرات اور خصوصاً افغانستان کی صورت حال پر غور کیا گیا۔

آئی ایس پی آر کے مطابق کانفرنس میں افغانستان میں ہونے والی تازہ پیشرفت پر تفصیلی غور کیا گیا۔

ترجمان پاک فوج نے بتایا کہ اجلاس میں پاک افغان بارڈر میں بدلتی صورت حال پر بات چیت اور بریفنگ دی گئی۔ جنرل قمر جاوید باجوہ نے سرحد کنٹرول کے حوالے سے اقدامات پر اطمینان کا اظہار کیا۔

کانفرنس کے شرکا سے گفتگو کرتے ہوئے چیف آف آرمی اسٹاف نے کہا کہ ’ہم نےافغان امن عمل کیلئے ہر ممکن کوشش کی ہے ، معاملات کےحل کیلئے آئندہ بھی سنجیدہ کوششیں کرتے رہیں گے‘۔

سپہ سالار نے زور دیا کہ ’ذمہ داری کا احساس کرتے ہوئے تمام فریقین مثبت کردار ادا کریں ، افغانستان میں دیرپا امن خطے کا استحکام ثابت ہوگا، غلط فہمیاں پھیلانے، قربانی کا بکرا تلاش کرنےسے اجتناب برتنا چاہیے ،سازشی عناصر کی تمام سازشوں کو ناکام بنانا ہوگا۔

آئی ایس پی آر کے مطابق اجلاس میں ملک کو درپیش کثیر النوعیت چیلنجز کا جائزہ بھی لیاگیا، جن سےنمٹنےکیلئےقومی حکمت عملی اختیارکرنےکی ضرورت پر زور دیا گیا۔

آرمی چیف نےکرونا سے نمٹنےکےلیے فارمیشنز کے تعاون کوسراہا اور مون سون، انسداد پولیو مہم کے حوالے سے کی جانے والی کاوشوں کا سراہا۔

بہاولپور: پاکستان 84 لاکھ کسان اس ملک کا اثاثہ ہیں، وزیر اعظم کا قوم کے کسانوں سے خطاب،اطلاعات کے مطابق آج بہاولپورمیں کسان کنونشن سے خطاب کرتے ہوئے وزیر اعظم عمرا ن خان نے کہا ہے کہ ہمارے 84 لاکھ کسان اس ملک کا اثاثہ ہیں اور اگر ہم اپنے کسانوں کی مدد کر گئے تو یہ ملک اٹھ جائے گا۔

وزیر اعظم نے بہاولپور میں کسان کنونشن سے خطاب کرتے ہوئے کہا کہ اس کنونشن کے انعقاد کا مقصد یہ پیغام دینا ہے کہ اگر یہ ملک اپنے لاکھوں کسانوں کی مدد کر گیا تو یہ ملک اٹھ جائے گا۔

انہوں نے کہا کہ ایک مہم چلی ہوئی تھی کہ اس ملک کو جاگیرداروں نے تباہ کردیا لیکن شہر کے لوگ تو جاگیردار اور کسانوں میں فرق ہی نہیں کر سکتے۔

انہوں نے کہا کہ اس ملک میں 26ہزار وہ لوگ ہیں جن کی زمین 125 ایکڑ سے زیادہ ہے تو جب لوگ کہتے تھے کہ جاگیردار ٹیکس نہیں دیتے اور انہوں نے لوگوں پر ظلم کیا تو وہ یہ نہیں دیکھتے کہ یہ لوگ 26 ہزار سے بھی کم ہیں، اس ملک کی اصل جان اس ملک کے کسان ہیں۔

عمران خان نے کہا کہ ہمارے ملک میں 84 لاکھ کسان ہیں جو اس ملک کا اثاثہ ہیں، آج مجھے سب سے زیادہ خوشی اس بات کی ہے کہ تحریک انصاف کے دور حکومت میں سب سے محنت کش کسانوں کے پاس 1100 ارب روپے اضافی گئے۔

ان کا کہنا تھا کہ ہمارے ملک میں قانون کی نہیں طاقت کی بالادستی رہی ہے، شوگر ملز والے طاقتور تھے تو کسانوں کی ٹرالی کھڑی رہ جاتی تھیں اور انہیں اپنے گنے کی قیمت بھی نہیں ملتی تھی، جو ریٹ دیے جاتے اس سے کم پیسے ملتے تھے، کٹوتی ہوتی تھی اور محنت کرنے والے کو اپنی محنت کا پھل نہیں ملتا تھا اور طاقتور نفع کما رہا تھا۔

وزیر اعظم نے کہا کہ یہ سب دیکھتے ہوئے اپنے قانون سازی کی کہ کس دن شوگر ملز کرشنگ شروع کریں گی اور اگر وہ نہیں کریں گی تو ان پر جرمانہ کیا جائے گا، ہم نے کسانوں کو پوری قیمت دلوائی اور اسی طرح کسانوں کو گندم اور مکئی کی بھی صحیح قیمت ملی۔

ان کا کہنا تھا کہ ہم کسانوں کی آمدنی دوگنی کرنا چاہتے ہیں کیونکہ اس سے پاکستان کو فائدہ ہو گا، جب کسان کمائے تو وہ اپنی زمین پر لگائے گا، زمین کی پیداوار بڑھے، ملک کو فائدہ ہو گا، ملک میں غربت کم ہو گی اور کسان کی پیداوار میں اضافے کے ساتھ اشیائے خوردونوش کی قیمتیں نیچے آ جائیں گی۔

انہوں کہا کہ اس وقت ملک میں مہنگائی کی ایک وجہ یہ ہے کہ دنیا کو چیزیں برآمد کرنے والا پاکستان آج اشیا برآمد کررہا ہے، جب ملک بنا تو ہماری آبادی 4 کروڑ تھی لیکن آج آبادی ساڑھے 22 کروڑ تک پہنچ چکی ہے اور جب آبادی اتنی بڑھے گی تو ہمیں پیداوار بھی اسی طرح سے چاہیے، اس سال ہماری گندم کی ریکارڈ پیداوار ہوئی لیکن اس کے باوجود ہم 40لاکھ ٹن گندم درآمد کررہے ہیں۔

لاہور:نوازشریف کی جان بخشی کی جائے:نوازشریف کی ہدایت پرشہبازشریف خفیہ رابطوں میں مصروف،اطلاعات کے مطابق سینئر صحافی رانا عظیم کا کہنا ہے کہ شہباز شریف اسلام آباد میں کسی کے ذریعے اہم ملاقات کرنے جا رہے ہیں۔

ذرائع کا کہنا ہے کہ اس حوالے سے یہ بھی کہا جارہا ہےکہ نوازشریف کوبرطانیہ سے سخت بے رحمی سے جوپیغام ملا ہے اس کے بعد نوازشریف کے پاس اب جھکنے کے علاوہ کوئی دوسرا آپشن نہیں‌ ہے ، اس حوالے سے نوازشریف اورشہبازشریف کے درمیان چند دن پہلے جو رابطہ ہوا تھا اس میں نوازشریف کو شہبازشریف نے اس بات پرقائل کرلیا تھا کہ اب بغاوت سے بازآجائیں اورملک کے خلاف بیانیہ دینا چھوڑ دیں‌

یہ بھی معلوم ہوا ہےکہ شبازشریف نے نوازشریف کو یہ بھی درخواست کی کہ پارٹی کا وجود خطرے میں ہے اوراگرپارٹی ہی نہ بچی توہمارے پیچھے کون کھڑا ہوگا

یہ بھی سننے کو ملا ہے کہ اس موقع پرنوازشریف پہلے کی نسبت اب کی باربہت دھیمے دھیمے اورقابل رحم انداز میں شہبازشریف سے بات کرتے رہے

ادھر ذرائع نے یہ بھی دعویٰ کیا ہے کہ شہازشریف نے نوازشریف کو پھرقائل کیا کہ وہ اپنے بیانیہ سے باز آتے ہیں‌ تو پھر وہ پاکستانی اداروں سے بات کرسکتے ہیں اس کےلیے اپنی اورمریم کی زبان بندی کی شرط ضروری ہے ، جس پر نوازشریف نے ہاں کرتے ہوئے کچھ کرنے کا مشورہ بھی دیا

ذرائع نے اس حوالے سے یہ دعویٰ کیا ہے کہ شہبازشریف بہت جلد اہم شخصیات سے ملنے والے ہیں اور اس ملاقات کےبعد اگرمعاملات طئے پاگئے تو پھرنوازشریف کے ساتھ ساتھ شہبازشریف کو بھی اپنے عزائم سے تائب ہونا پڑے گا اوراس کے نتیجے میں ن لیگ بالکل تقسیم ہوکررہ جائے گی ، بلکہ اہم ذرائع نے تو دعویٰ کیا ہے کہ ن لیگ کا وجود ختم ہوجائے گا اورپھریہ پر انی لیگوں کی طرح کاغذوں میں رہ جائی گی

ادھر ایسی ایک بڑی خبرمعروف صحافی رانا عظم نے دی ہے وہ کہتے ہیں‌ کہ شہباز شریف جلد اسلام آباد میں ایک اہم ملاقات کرنے جا رہے ہیں۔ملاقات کے لیے شہباز شریف نے فیملی کے کچھ لوگوں کو بھی اعتماد میں لیا ہے۔شہباز شریف کے قریبی دوست نے بتایا کہ اہم ملاقات میں وہ یہ یقین دہانی کرانے کی کوشش کریں گے کہ میں اپنے بھائی اور بھتیجی کو منا لوں گا،دونوں کی زبان بندی ہو گی لیکن ہمیں اگلے انتخابات میں ریلیف دیا جائے۔

رانا عظیم نے پہلے دعوے کے برعکس دعویٰ کیا کہ شہباز شریف یہ ملاقات نوازشریف سے مشورہ کیے بغیر کر ہے ہیں۔اس کے لیے انہوں نے قریبہ رشتہ داروں سے مشورہ کیا ہے۔رانا عظیم نے مزید دعویٰ کیا کہ نوازشریف نے کہا کہ اگر مجھ سے کچھ پوچھے بغیر کیا گیا تو میں پاکستان آ جاؤں گا پھر کئی اپنوں کی امیدوں پر پانی پھر جائے گا۔قبل ازیں سینئیر صحافی و تجزیہ کار عارف حمید بھٹی نے کہا کہ شہباز شریف اسی گارنٹی پر باہر آئے تھے کہ اب اینٹی اسٹیبلشمنٹ بیانیہ نہیں چلے گا۔