Author: +9251

اردو جو کہ قیام پاکستان سے ہی پاکستان کی قومی زبان بن گئی یا یوں کہوں تو غلط نہ ہوگا کہ اردو پاکستانیوں کی پہچان بن گئی۔ ایک دور تھا کہ جب پاکستانی اردو بولنے پر فخر محسوس کرتے تھے۔ ہمارے چھوٹے چھوٹے بچے سکولوں، کالجوں میں شوق سے اردو بولتے اور سیکھتے تھے۔ اس وقت اردو زبان کو بہت اہمیت حاصل تھی اور شاید یہی وجہ تھی کہ ایک وقت میں اردو زبان کو بہت ترقی بھی حاصل رہی۔

اردو زبان کو فروغ دینے میں سب سے زیادہ ہاتھ ہمارے ادیبوں اور شعراء کا ہے جنہوں نے اپنی بے انتہا محنت سے اردو زبان کے لیے کام کیا۔ بے شک یہ ان کی اپنی زبان سے محبت کا منہ بولتا ثبوت ہے۔

اب یہاں سوال یہ اٹھتا ہے کہ اردو کو آج بھی اتنی ہی اہمیت حاصل ہے جتنی قیام پاکستان کے وقت تھی؟ کیا باحثیت قوم ہم آج اپنی قومی زبان کا حق صحیح سے ادا کررہے ہیں؟ کیا اپنی زبان کو پیچھے چھوڑ دینے سے اور اسے بھول جانے سے ہم دنیا میں اپنی پہچان بنا پائیں گے؟ ان سب حالات کو دیکھتے ہوئے آخر اردو کا مستقبل کیا ہوگا؟

آج اکیسویں صدی میں اردو زبان کافی حد تک اپنا مقام کھو چکی ہے۔ جہاں صدیوں پہلے اردو بولنے، لکھنے اور سننے کا ذوق زور وشور سے ہوا کرتا تھا آج وہیں بہت سے پاکستانی کو انگریزی بولنے، سننے اور لکھنے کو ترجیح دیتے ہیں۔

یہاں تک کہ اگر کوئی بچہ اردو میڈیم اسکول سے تعلیم حاصل کر رہا ہو یا پھر کوئ اردو مضمون میں ڈگری لے رہا ہو تو لوگ انھیں حقارت کی نگاہ سے دیکھتے ہیں انھیں اتنی اہمیت نہیں دی جاتی جو سائنسی مضمون پڑھنے والے بچوں کو دی جاتی ہے۔ اس کے علاؤہ آج کے دور میں پڑھے لکھے ماں باپ اپنے بچوں کو کم عمری میں ہی انگریزی زبان سیکھنی شروع کر دیتے ہیں جس کا مقصد یہ ہوتا ہے کہ وہ بڑے ہوکر اچھی انگریزی بول سکے۔

یہی وجہ ہوتی ہے کہ بہت سے بچے اپنی مادری زبان سے دور ہوجاتے ہیں اور پھر جب ان کے سامنے کوئی دوسرا اردو بولتا یا لکھتا ہے تو اسے بچے خود سے حقیر سمجھتے ہیں اور یوں معاشرہ بگاڑ کا شکار ہوجاتا ہے۔ جو قومیں اپنی زبان، اپنی ثقافت کو اپنے ہاتھوں کھو دیتی ہیں وہ پھر کبھی کامیاب نہیں ہوسکتی صرف اور صرف زوال کا شکار ہوتی ہیں۔

بس اب تو ڈر اس بات کا ہے کہ ناجانے اردو کا مستقبل کیا ہوگا؟

زبانیں کاٹ کہ رکھ دی گئی نفرت کے خنجر سے
یہاں کانوں میں اب الفاظ کا رس کون گھولے گا؟
ہمارے عہد کے بچوں کو انگلش سے محبت ہے
ہمیں یہ ڈر ہے مستقبل میں اردو کون بولے گا؟
(فیض احمد فیض)

@SeharSulehri

اکثر اوقات ہم سڑک پے جاتے ہوئے لوگو کو روک کر راستہ پوچھتے ہیں۔ اور پھر جیسے ہی ہمیں مطلوبہ جواب ملتا ہے ہم اپنی راہ لیتے ہیں ایک لمحے کے لیے اگلے کا شکریہ ادا نہں کرتے اور بڑھ جاتے ہیں جیسے ہمارا کوئی ملازم کھڑا تھا ہم بلایا اور راستہ پوچھ لیا.
بہت سی وجوہات ہیں جن کی وجہ سے شکریہ ادا کرنا اور لوگوں اور ہماری زندگیوں میں موجود چیزوں کے لیے شکریہ ادا کرنا ضروری ہے ، لیکن کیا آپ جانتے ہیں کہ شکر گزار ہونا آپ کی صحت کے لیے بھی اچھا ہے؟ یہاں ایک فہرست ہے جن وجوہات کے لیے ہمارا شکر گزار ہونا بہت اچھا ہے!

اور سب سے اچھی بات یہ کے آپکا شکریہ ادا کرنا دوسروں کو خوشی دیتا ہے اور ان میں اچھا کام کرنے کی تحریک پیدا کرتا ہے ایک اچھے معاشرے کے لیے یے سود مند ہے.

آپ دوسرے لوگوں کو اچھا محسوس کرتے ہیں جب آپ انہیں دکھاتے ہیں کہ آپ ان چیزوں کی تعریف کرتے ہیں جو وہ آپ کے لیے کرتے ہیں۔ ایسا کرنا اچھے دوستوں کو بہترین دوست بنا سکتا ہے۔ ایک سادہ "شکریہ” بہت آگے جاتا ہے اور آپ کو بہتر دوستی میں مدد دیتا ہے ، اور آپ اپنے خاندان کے ساتھ اپنے دوستوں کے ساتھ رشتوں میں اور رابطوں میں اور بھی بہتر ہو جاتے ہیں۔ جب آپ دوسروں کے بارے میں اچھا محسوس کرتے ہیں ، تو یہ آپ کو اچھا لگتا ہے اور پھر سب کو اچھا لگتا ہے!

شکر گزار ہونا آپ کو اعتماد دیتا ہے۔ اسی طرح آپکا شکریہ ادا کرنا دوسروں کو بھی اعتماد دیتا ہے.

جب آپ اپنی زندگی کی چیزوں کے لیے شکر گزار ہوتے ہیں ، یہاں تک کہ اگر یہ ایک خوبصورت غروب آفتاب جیسی آسان چیز ہے اس کو دیکھتے ہوئے اچھا محسوس کریں اور رب تعالیٰ کا شکر ادا کریں تو آپکو سکون ملتا ہے تو اس طرح شکر آپ کو زیادہ خود اعتمادی دیتا ہے۔ اس کا مطلب یہ ہے کہ آپ دوسروں سے اپنے آپ کا موازنہ کرنے کے بارے میں زیادہ پراعتماد اور کم پریشان ہوں گے۔ شکر گزار ہونا اچھی عادت ہے اس عادت کو دیکھ کر دوسرے بھی آپ کی طرح شکر گزار ہونا چاہیں گے.

شکرگزاری آپ کی سوچ کو مثبت اور آپکو اچھا انسان بناتی ہے۔

شکر گزار لوگ منفی کے بجائے زیادہ مثبت ہوتے ہیں۔ جب وہ پانی کے ساتھ ایک گلاس دیکھتے ہیں تو کہتے ہیں گلاس آدھا بھرا ہوا ہے۔ منفی لوگ پانی کا وہی گلاس دیکھیں گے اور کہیں گے کہ یہ آدھا خالی ہے۔ ہم جو پانی ہے اس کے لیے شکر گزار بننا چاہتے ہیں ، اس پانی کی فکر نہ کریں جو نہیں ہے۔

سب سے اچھی بات آپکا شکر گزار ہونا آپ کو بہتر سونے میں مدد دے سکتا ہے۔

اگر آپ ڈائری لکھتے ہیں تو ہر دن کے اختتام پر آپ ان تمام چیزوں کی فہرست لکھیں جن پر آپ اس دن کے شکر گزار ہیں تو آپ کو بہتر نیند آئے گی۔ اس سے آپ کو اپنے دن کی تمام اچھی چیزوں کو یاد رکھنے میں مدد ملتی ہے ، جیسے آپ کے کھانے میں لذیذ بریانی یہ اپنی پسند کا کھانا کھایا اور شکر ادا کیا ، یا وہ دوست جس نے آپ کے اسکول کے کام میں آپ کی مدد کی ہو اور آپ نے اِسکا خوشی سے شکریہ ادا کیا ہو تو جب آپ یاد کریں گے آپ بڑی مسکراہٹ کے ساتھ خوشی اور سکون سے سو جائیں گے.

یہ صرف آپ کو خوش نہں کرتا بلکہ جس شخص کا آپ شکریہ آدا کر رہے ہیں اسے بھی خوش کر دیتا ہے.
شکر گزار ہونا آپ کو زندگی کے مشکل وقت سے گزرنے میں بھی مدد کرتا ہے ، کیونکہ آپ اپنی زندگی کی تمام اچھی چیزوں کو آسانی سے ذہن میں رکھ سکتے ہیں۔ شکر گزار ہونا آپ کو خوش کرتا ہے اور خوش رہنا آپ کے دماغ اور جسم کو صحت مند رکھنے میں مددگار ثابت ہوسکتا ہے!

شکریہ ادا کریں ایک اچھی زندگی گزارنے کے لیے.

‎@salmabhatti111

تہمت لگانا یا بہتان باندھنا مطلب آپ نے کسی شخص کو وہ برائ کرتے دیکھا نہی لیکن صرف زاتی تسکین کی خاطر آپ نے وہ برائ اس سے منسوب کردی یہ سوچے بغیر کہ
کسی پر بے جا تہمت اور بہتان لگانا شرعی لحاظ سے بھی انتہائی سخت گناہ اور حرام کام ہےاور اخلاقیات کے بھی منافی ہے

ہمارے معاشرے کی سب سے بڑی اور اخلاقی برائیوں میں سے ایک برائ الزام تراشی اور تہمت لگانا ہے ،کچھ لوگ یہ فعل اپنے مزموم مقاصد کو حاصل کرنے کیلیے کرتے ہیں اور کچھ صرف زاتی تسکین ،وقتی خوشنودی اور بعض اوقات کسی کی خوشامد کیلیے بھی یہ گھٹیا کام سر انجام دیتے ہیں
۔حضرت علی رضی اللہ تعالیٰ عنہ فرماتے ہیں : بے گناہ لوگوں پر الزام لگانا آسمانوں سے زیادہ بھاری وزن ہے ، یعنی کبیرہ گناہوں میں شمار ہوتا ہے۔

اللہ تعالیٰ نے سورۃ الاحزاب میں بے گناہ لوگوں (مسلمانوں )کو زبانی سے تکلیف دینے والوں یعنی تہمت اور بہتان لگانے کو مکمل طور پر گناہ قرار دیاہے اور سخت عزاب کی وعید سنائ ہے
خدا لعنت کرے ان لوگوں پر جو کسی بےگناہ پر تہمت لگاتے ہیں اور سنی سنائی جھوٹی باتوں کو آگے آپنے سے ملاکر پھیلاتے ہیں اور لوگوں کی عزتیں اچھالتے ہیں اور مکافات عمل کو مکمل طور پر بھول چکے ہیں
اپنی زندگی کی Frustration اور جھوٹی انا کی تسکین کے لیے محفل میں چار لوگوں کے ساتھ کسی کے عیب یا زندگی کے مسائل پر اپنی عاقلانہ رائے کا اظہار کرتے یا اس بندے کی کردار کشی کرتے وقت یہ یاد رکھیں کہ حشر کے میدان میں جب خدا سب کے عیبوں پر سے پردہ اُٹھائے گا تو تہمت لگانے والے کی آنکھ پر سے بھی پٹّی اُتاری جائے گی۔ اور اُس کے سامنے ہر اُس شخص کو کھڑا کیا جائے گا جس کی پارسائی پر دُنیا کی عدالت میں اُس نے فیصلہ سُنایا تھا۔

اُس لمحے خدا کے سامنے اپنی کہی کسی بات کی دلیل پیش کرنے کا موقع نہیں ملے گا آپ کو۔۔۔ بلکل ویسے جیسے آپ نے کسی کے لیے غلط گمان کرتے اُسے اپنی صفائی پیش کرنے کا موقع نہیں دیا۔

زندگی کی کہانی فلم کی طرح تین گھنٹے پر مشتمل نہیں ہوتی۔ اصل زندگی کی کہانیاں ہماری سوچ سے کہیں زیادہ اُلجھی ہوئی ہوتی ہیں۔ خدا تو نصوح کی بھی توبہ قبول کرلیتا ہے پھر انسان کو کیا حق ہے کہ کسی کے لیے سزا کا انتخاب کرے؟

صحیح غلط، نیک یا گناہ گار یہ فیصلے خدا اور بندے کے آپس کے معاملات ہیں۔ برائے مہربانی اپنی ناقص عقل کو تکلیف نہ دے کر صرف اپنی ذات کا محاصرہ کیجیے۔
کچھ لوگ ایسے بھی ہوتے ہیں جن کے دلوں میں سوائے بغض حسد اور کینہ کے کچھ نہی ہوتا
وہ بہن بھائی جیسے پاک رشتے پر بھی انگلی اٹھانے سے باز نہیں آتے۔اییسے لوگ خدا اور خدا کے احکامات کو بھول بیٹھے ہیں ۔
جبکہ اللہ تعالی بار بار فرمارہے ہیں
جس نے کسی کے بارے میں ایسی بات کہی جو اس میں حقیقت میں تھی ہی نہیں یا اس پر تہمت لگائ ، تو اللہ اسے (الزام لگانے والے، تہمت لگانے والے کو دوزخ کی پیپ میں ڈالے گا اور روز آخرت یہی اسکا ٹھکانہ ہوگا یہاں تک کہ اگر وہ اپنی اِس حرکت سے دنیا میں ہی توبہ کر لے تو اس کی خلاصی ممکن ہے

ایک حدیث میں ارشادِ نبوی ہے: مسلمان کے لئے یہ روا نہیں کہ وہ لعن طعن کرنے والا ہو۔

الغرض مسلمان پر بہتان باندھنے یا اس پر بے بنیاد الزامات لگانے پر بڑی وعیدیں آئی ہیں، اِس لیے اِس عمل سے باز آنا چاہیے اور جس کسی پر تہمت لگائ ہو اس سے معافی کا خواستگار ہونا چاہیے
اگر کوئی کچھ نہیں کہہ رہا یا کر رہا تو اس کا مطلب یہ نہیں وہ کچھ کر نہیں سکتا۔
بہتر ہے جو اللّٰہ پر معاملات چھوڑ کر چپ ہو گیا ہے، اسے چپ ہی رہنے دے۔

اگر وہ خاموشی توڑ گیا تو یقین کرو، وہ وہ راز وہ وہ کچھ سامنے آئے گا، لوگ اپنے پیدا ہونے پر معافی مانگے گیں۔.
اللہ تعالیٰ بہترین انتقام لینے والا ہے..

@_Ujala_R