Author: +9251

جنرل حمید گل فاونڈیشن کی جانب سے بینظیر بھٹو ہسپتال کو 50 ملین روپے کا عطیہ

راولپنڈی (  باغی ٹی وی   ) جنرل حمید گل فاونڈیشن کی جانب سے بینظیر بھٹو ہسپتال میں 50 ملین روپے کی لاگت سے بچوں کے لئے دو سو بستروں کے وارڈ اور انتہائی نگہداشت کے جدید طرز کے یونٹ کا افتتاح کر دیا گیا بینظیر بھٹو ہسپتال بچوں کے وینٹیلیٹر کے تناسب سے ریجن کے تمام ہسپتالوں سے سب سے بڑا ہسپتال بن گیا، وارڈ کا افتتاح جنرل حمید گل کی ہمشیرہ مسز کرنل فاخرہ  مظہر نے عظمی گل یوسف گل جنرل جاوید اسلم ڈاکٹر رفیق احمد کے ہمراہ کیا ۔ افتتاحی تقریب میں وائس چانسلر پروفیسر ڈاکٹر محمد عمر ۔ انجینئر شفیق الرحمان، مولانا فضل الرحمن خلیل، جنرل افتخار بر گیڈ یئر صغیر ڈاکٹر ظفر الرحمان، کیپٹن محمد وارثی، عتیق الرحمن جنجوعہ    عبدالحمید لون، منظور بٹ کنول حیات اور دیگر نے شرکت کی ۔

اپنے خطاب میں عظمی گل نے کہا کہ یہ وارڈ جنرل حمید گل کی خواہش پر والدہ محترمہ بیگم مسز افسر شہباز گل نے شروع کرایا اور اس کی توسیع میں خود کرائی میری والدہ کی خواہش کی تکمیل کے لئے دن رات کام کرتے ہو ئے دس ماہ یہ کام مکمل کرایا اور آج گیارہ مارچ مرحوم والدہ کے سالگرہ کے اس کا افتتاح کروکر انہیں سالگرہ کا تحفہ دیا ۔ انہوں نے بتایا کہ دس ماہ کی مدت میں 5 کروڑ روپے کی لاگت سے مکمل ہوا اس میں 20 جدید ترین انکو بیٹر ہیں اور ایک جدید ترین انتہائی نگہداشت وارڈ برائے نو مولود اطفال بھی شامل ہے اس موقع پر اپنے خطاب میں ایم ایس ڈاکٹر محمد رفیق نے کہا کہ یہ ایک گراں قدر اضافہ ہے اور وینٹیلیٹر ز کے تناسب سے بے  نظیر بھٹو ہسپتال راولپنڈی ریجن کے ہسپتالوں میں سب سے بڑا ہسپتال بن گیا ہے 

ڈیل اسٹین بھی سیلفی کے شوقین نکلے، پاکستان کی میزبانی کو خوب سراہا

باغی ٹی وی :ڈیل اسٹین بھی سیلفی کے شوقین نکلے،میڈیا سے گفتگو کرتے ہوئے صحافیوں کے ساتھ سیلفی بنوائی ،ڈیل اسٹین کا کہنا ہے یادگار سیلفی سوشل میڈیا پر شئیر کریں گے . پاکستان کے متعلق اپنی یادیں شیئر کرتےہوئے ڈیل اسٹین نے جنوبی افریقہ کے ساتھ 2007 میں پاکستان کا دورہ کیا تھا، میچ کے بارے میں اپنی ماہرانہ رائے دیتےہوئے ان کا کہنا تھا کہ اگر بارش میچ میں مداخلت کرے تو نتائج کچھ بھی آسکتے ہیں

ڈیل اسٹین کا کہنا تھا کہ ہمارے کچھ میچ بارش کی وجہ سے خراب ہوئے،کراچی کنگز کیخلاف ہفتے کو اہم میچ ہے، میں اس گراونڈ میں تیرہ سال پہلے کھیل چکا ہوں، جنوبی افریقہ نے ٹیسٹ میچ جیتا تھا اور میری پانچ وکٹیں تھی

ان کا کہنا تھا کہ جب بھی کھیلیں تو پرفارم اور اچھے نتائج کیلئے کھیلیں، پاکستان آکر بہت مزہ آیا اور شائقین بہت زبردست ہیں، پاکستان کی فاسٹ بولنگ ہسٹری بہت عمدہ رہی ہے،وقار یونس اور وسیم اکرم جیسے بولرز یہاں رہ چکے ہیں، نوجوانوں سے تجربہ شیئر کرنا اچھا رکھتا ہے،اگر کوئی سیکھنا چاہتا ہے تو اسے سمجھانا بری بات نہیں.میں ٹیسٹ کرکٹ اور ون ڈے نہیں کھیل رہا ہوں اور ورلڈ جنوبی افریقی ٹیم مینجمنٹ سے رابطہ میں ہوں

میانوالی:وزیر اعظم عمران خان کےایک اور ساتھی ،دوست اورمعروف صحافی قضائے الٰہی سے وفات پاگئے ،اطلاعات کےمطابق پی ٹی آئی میانوالی کے بانی رہنما، سینئر صحافی، وزیراعظم عمران خان کے دوست و قریبی ساتھی انوار حسین حقی حرکت قلب بند ہونے سے وفات پا گئے، ان کی نماز جنازہ مرکزی عیدگاہ میں ادا کی گئی، نماز جنازہ میں ضلع بھر کے صحافیوں، سیاسی، سماجی شخصیات اور شہریوں کی بڑی تعداد نے شرکت کی

دریں اثنا وزیر اعظم نے اپنے ٹویٹ میں انوار حقی کی وفات پر اظہار افسوس کرتے ہوئے ان کی خدمات کو سراہا اور ان کو مشکل وقت کا ساتھی قرار دیا، وزیر اعلیٰ عثمان بزدار، گورنر چو دھری سرور، فردوس عاشق اعوان، جہانگیر ترین، شاہ محمود قریشی، امجد علی خان، ملک احمد خان، سردار سبطین خان، احمد خان نیازی، ملک سجاد احمد، حسن ناصر و دیگر نے اظہار افسوس کرتے ہوئے پسماندگان سے اظہار تعزیت کیا ہے۔

ڈپٹی ڈائریکٹر تعلقات عامہ تنویر خالد کی زیر صدارت ضلعی دفتر اطلاعات میں تعزیتی اجلاس میں انوار حسین حقی کی ناگہانی وفات پر گہرے دکھ اور افسوس کا اظہار کیا گیا۔ شرکا نے مرحوم کے ایصال ثواب کیلئے فاتحہ خوانی اور لوا حقین کیلئے صبر کی دعا کی۔

ہیمسٹرنگ انجری کا شکار عامر یامین کی جگہ وقاص مقصود کراچی کنگز کے اسکواڈ میں شامل

باغی ٹی وی :آل راؤنڈر عامر یامین ہیمسٹرنگ انجری کے باعث ایچ بی ایل پی ایس ایل 2020سے باہر ہوگئے ہیں۔ کراچی کنگز نے ان کی جگہ بائیں ہاتھ کے فاسٹ باؤلر وقاص مقصود کو اسکواڈ میں شامل کرلیا ہے۔

انجری کا شکار29 سالہ عامر یامین(گولڈ) کے ایم آر آئی اسکین کا جائزہ لینے کے بعد ڈاکٹر سہیل سلیم نے انہیں آرام کا مشورہ دیا ہے۔

ایچ بی ایل پی ایس ایل 2020 میں آلراؤنڈر عامر یامین نے کراچی کنگز کی جانب سے تین میچوں میں تین وکٹیں حاصل کی تھیں تاہم اس دوران وہ کسی بھی میچ میں بیٹنگ نہیں کرسکے تھے۔

متبادل کھلاڑی کی حیثیت سے32 سالہ وقاص مقصود کے نام کی منظوری ایونٹ کی ٹیکنیکل کمیٹی نے دی۔ کمیٹی میں پی سی بی کے چیف ایگزیکٹو آفیسر وسیم خان، بازید خان،مرینہ اقبال، سمیر کھوسہ اور ڈاکٹر سہیل سلیم شامل ہیں۔

سلور کٹیگری میں شامل وقاص مقصود اس سے قبل ایچ بی ایل پی ایس ایل 2019 میں اسلام آباد یونائیٹڈ کی نمائندگی کر چکے ہیں۔انہوں نے ایونٹ میں 2 میچز کھیلے تھے۔