Author: +9251

لاہور:”میلہ لوٹ لیا” میں نے اہل پاکستان نے لوٹ لیا،میں کچھ بھی نہیں یہ اللہ کا انعام ہے ،مشہورسنگر،اداکارعلی ظفرکی مبشرلقمان سے انتہائی اہم گفتگو،باغی ٹی وی کےمطابق مشہورگلوکار،اداکارعلی ظفرکی پی ایس ایل کےلیے مشہورگانے کوچارچاند لگنےپربڑی مہذبانہ ،مدبرانہ گفتگونے علی ظفرکواوربھی ممتاز کردیا ،

باغی ٹی وی کے مطابق علی ظفرنے معروف اینکر، سینئرصحافی مبشرلقمان سے گفتگوکرتے ہوئے اس گانے کی تیاری سے لیکرآبیاری تک تمام مراحل کے بارے میں بتادیا، ایک موقع پرجب مبشرلقمان نے علی ظفر سے پوچھا کہ آپ کو پتہ ہی ہےکہ پی ایس ایل کوخوبصورت بنانے کے لیے بہت سے لوگوں کوآزمایا گیا لیکن کوئی بھی بہترپرفارمنس نہ دکھا سکا لیکن یہ اعزاز آپ کے حصے میں آیا ہے اس کی کیا وجہ ہے ،

اس پرعلی ظفر نے بہت خوبصورت جواب دیتے ہوئے کہا کہ میں کچھ بھی نہیں یہ جوکچھ ہوا اللہ کے فضل سے ہوا ہے صرف پانچ دنوں میں ایک گانا لکھنا پھر اس کی تیاری کرنا ، اورپھرمیوزک کے لیے لوازمات پورے کرنا ممکن نہ تھا ، اوراب یہ ہوگیا ہے تو اب یہ یقین ہے کہ یہ اللہ کے فضل کے بغیر ممکن نہ تھا ،

مبشرلقمان نے اس موقع پربہت خوبصورت سوال کیا کہ اس پرآپ کس کوکریڈٹ دینا چاہیں گے تو پہلے تو علی ظفر نے اہل پاکستان اوراپنے ساتھیوں کا شکریہ ادا کیا اوران کواس گانے کا کریڈٹ دیا لیکن جب مبشرلقمان نے علی ظفر سے یہ پوچھا کہ کیا آپ کے گھروالوں کو کریڈٹ نہیں جاتا کہ جن کی دعاوں سے آپ اتنا بڑاکام بہت کم دنوں میں اورکامیاب ترین کرنے میں کامیاب ہوئے توعلی ظفر نے سب سے پہلے اپنی والدہ ، پھر اہلیہ اورایسے ہی دیگرگھروالوں کوکریڈٹ دیتے ہوئے کہا کہ اگروہ میرے ساتھ تعاون نہ کرتے تومیرے لیے ممکن نہ تھا کہ میں پی ایس ایل کے لیے اتنےکم وقت میں اتنا خوبصورت گانا تیار کرتا

ایک سوال کے جواب میں علی ظفر نے کہا کہ مبشربھائی مجھے ان چارپانچ دنوں میں بہت سی چیزیں‌سیکھنے کوملیں ، میں نے دیکھا ہےکہ میرے ملک کے نوجوانوں میں اہلیت ہے وہ بہت کچھ ہیں ، ضرورت اس بات کی ہے کہ ان کومواقع ملنے چاہیں ،ان کوآگے لانا چاہیے ،علی ظفر نے کہا کہ ہمارے نوجوان ضائع ہورہے ہیں ہمیں ان کوگائیڈ کرنا چاہیے

علی ظفر سے گفتگوکرتے ہوئے مبشرلقمان نے مبارکباد دیتے ہوئے کہا کہ سنا ہےکہ آپ کواس گانے کی تیاری کے دوران اپنی بیٹی کی سالگرہ اورپھراپنی اہیلہ کی سالگرہ کوبھی انجوائے کیا ہے تو علی ظفر نے کہا کہ واقعی ہی ایسا ہی ہے ، علی ظفر کہتے ہیں کہ اللہ کا فضل ہے ، اس میں انسان کا کوئی کردار نہیں

مبشرلقمان نے علی ظفرکوتسلی دیتے ہوئے کہا کہ چند ہفتوں سے آپ کے لیے حالات سازگارہونے لگے ہیں ، آپ کے خلاف توالزامات تھے آپ ان سے باعزت بری ہونے لگے ہیں ، آپ کے گانے بڑے ہٹ ہورہے ہیں ، اللہ تعالیٰ نے آپہ کا وقت نہیں پھیر دیا ،یہ بھی آپ کے لیے ایک اچھی بات ہے ،

ایک سوال کے جواب میں علی ظفر نے کہا کہ میں کسی کامیابی کا کریڈٹ نہیں لینا چاہتا ، یہ اللہ کے فضل کے سوا کےکچھ نہیں ، ایک سوال پھر جب مبشرلقمان بڑے مزاحیہ انداز میں کہا کہ علی ظفرآپ لاہورقلندرز کےلیے کوئی ایسا گانا نہیں گا سکتے جس سے لاہورقلندرزبھی کوئی میچ جیت سکے

مبشرلقمان کے ایک سوال کے جواب میں علی ظفر نے بہت ہی مہذبانہ طرزگفتگواختیار کرتے ہوئے کہا کہ میں کچھ بھی نہیں ، مبشرلقمان کے ایک سوال کے جواب میں علی ظفر نے کہاکہ یہ سب صبر کا پھل ہے،جب مبشرلقمان نے جاتے جاتے علی ظٍفرسے پوچھا کہ کوئی خاص پیغام اپنے چاہنے والوں کےلیے توعلی ظفر نے بڑی ادبی گفتگوکرتے ہوئے کہہ دیا کہ "آپ نے میلہ لوٹ لیا ہے” کیوںکہ اگراہل پاکستان مجھے عزت نہ دیتے تومیرے گانے کا کیا کمال تھا

اسلام آباد :صوبہ جنوبی پنجاب نہ بن سکا مگر صوبہ ہزارہ کے قیام کے لیئے مجوزہ آئینی ترمیم سینٹ میں جمع کروا دی گئی ،اطلاعات کےمطا بق سینیٹ میں صوبہ ہزارہ کے قیام کے لیے مشاورتی اجلاس کے بعد مجوزہ ترمیمی بل جمع کرادیا گیا جس میں صوبے کے خدوخال اور آئینی و قانونی ترامیم کے حوالے سے تجاویز دی گئی ہیں جبکہ اس حوالے سے تحریک چلانے کا بھی فیصلہ کیا گیا۔

جمیعت علمائے اسلام (ف) کے سینیٹر طلحہ محمود نے صوبہ ہزارہ کے قیام کے لیے مجوزہ آئینی ترمیمی بل سینیٹ میں جمع کرا دیا اور کہا کہ ہزارہ ڈویژن کے عوام نئے صوبے کے قیام کے لیے دباؤ ڈال رہے ہیں۔ان کا کہنا تھا کہ ترمیمی بل میں ہزارہ ڈویژن کے موجودہ انتظامی ڈویژن پر مشتمل ایک صوبے کے قیام کا مطالبہ کیا گیا ہے اور یہ عوام کا آئینی حق ہے۔

سینیٹر طلحہ محمود کا کہنا تھا کہ ہل ہزارہ ایک عرصے سے الگ صوبے کے حصول کے لیے آواز اُٹھا رہے ہیں جس کے لیے تمام سیاسی جماعتیں بھی متفق ہیں۔اس سے قبل ہزارہ صوبے کے حوالے سے آئینی ترمیمی بل پر منعقدہ مشاورتی اجلاس میں مرتضیٰ جاوید عباسی، قلندر لودھی ،بابر نواز، راجا فیصل زمان، ریاض شاہ اور صوبائی رکن اسمبلی مولانا عبید الرحمٰن سمیت ہزارہ کی تمام سیاسی جماعتوں کی قیادت نے شرکت کی۔

اجلاس میں صوبہ ہزارہ تحریک کے حوالے سے جلسوں اور کنونشنز منعقد کرنے کا فیصلہ کیا گیا اور مجوزہ ترمیمی بل میں صوبے کی قومی، صوبائی اور سینیٹ کی نشستوں کی تعداد بھی واضح کی گئی ہے۔مجوزہ ترمیمی بل میں کہا گیا ہے کہ صوبے کا نام ہزارہ اور مجموعی نشستیں 14 ہوں گی، 11 براہ راست اور 3 نشستیں خواتین کے لیے مخصوص ہوں گی۔

صوبہ ہزارہ کے حوالے سے مجوزہ ترمیمی بل میں کہا گیا ہے کہ خیبرپختونخوا (کے پی) کی مخصوص نشستوں پر منتخب ہونے والی خواتین کی رکنیت کو اس وقت تک معطل نہیں کیا جائے گا جب تک اسمبلی برقرار ہے۔مجوزہ بل کے مطابق آرٹیکل 59 میں ترمیم کی جائے جس کے تحت سینیٹ کے ڈھانچے کی وضاحت ہوگی اور مجموعی تعداد کو 96 سے بڑھا کر 142 کردی جائے۔

سینیٹ میں جمع کیے گئے مجوزہ بل میں کہا گیا ہے کہ آئین کے آرٹیکل 106 میں ترمیم کے ساتھ صوبائی اسمبلی کے خدوخال اور نشستوں کی وضاحت ہوگی اور ہزارہ صوبے کی مجموعی نشستیں 36 ہوں گی۔صوبائی نشستوں کے حوالے سے تجویز دی گئی ہے کہ 29 جنرل، 6 خواتین اور ایک اقلیتی نشست ہوگی اور آرٹیکل 175 اے میں ترمیم کرکے شق 6 میں نئی شق 6 اے کا اضافہ کیا جائے گا۔

مجوزہ بل کے مطابق ہزارہ صوبے کے ہائی کورٹ کے چیف جسٹس اور ججوں کی ابتدائی تقرری کے لیے، پشاور ہائی کورٹ کے چیف جسٹس بھی کمیشن کے رکن ہوں گے۔نئے صوبے کے عدالتی نظام کے حوالے سے تجویز دی گئی ہے کہ آئین کے آرٹیکل 198 میں ترمیم کے ساتھ شق اے کو تبدیل کردی جائے گی، شق(ون)اے کے بعد نئی شق(ون) بی داخل کی جائے گی یعنی شق (بی) ہزارہ صوبے کے لیے ہائی کورٹ کی ایبٹ آباد میں اس کی اصل نشست ہوگی۔

یاد رہے کہ پاکستان مسلم لیگ (ن) نے گزشتہ برس 13 فروری کو صوبہ ہزارہ کے لیے بل قومی اسمبلی میں جمع کرادیا تھا اسے قبل جنوبی پنجاب اور بہاولپور صوبے کے لیے بھی آئینی ترمیم کا بل جمع کرادیا گیا تھا۔

مسلم لیگ (ن) کے رکن ملک سجاد اعوان نے صوبہ ہزارہ کے قیام کے لیے آئینی ترمیمی بل قومی اسمبلی سیکریٹریٹ میں جمع کروا دیا تھا جس میں احسن اقبال، رانا ثنا اللہ، مریم اورنگ زیب، مرتضیٰ جاوید عباسی اور سجاد اعوان کے دستخط تھے۔

قومی اسمبلی سیکریٹریٹ میں جمع کردہ بل میں مسلم لیگ (ن) نے کہا تھا کہ خیبرپختونخوا (کے پی) اسمبلی نے 25 مارچ 2014 کو ہزارہ صوبے کی تشکیل کے لیے قرار داد منظور کی تھی۔مذکورہ قرارداد کے حوالے سے کہا گیا تھا کہ ‘اس قرار داد کی حمایت ایوان میں موجود سیاسی جماعتوں کے اراکین نے کی تھی’۔مجوزہ ترمیمی بل میں صوبے کی قومی، صوبائی اور سینیٹ کی نشستوں کی تعداد بھی واضح کردی گئی تھی۔

اسلام آباد:وزیراعظم عمران خان کی درخواست پراسلامی تعاون تنظیم کا خصوصی وفد کشمیرکے‌ حوالے سے اہم اقدامات کے لیے اسلام آباد پہنچ گیا ،اطلاعات کے مطابق سیکریٹری جنرل اسلامی تعاون تنظیم (او آئی سی) کے نمائندہ خصوصی برائے کشمیر کی سربراہی میں 7 رکنی وفد پاکستان پہنچ گیا ۔دفتر خارجہ کے مطابق 7 رکنی وفد او آئی سی کے نمائندہ خصوصی برائے کشمیر یوسف الدوبے کی سربراہی میں اسلام آباد پہنچا ہے۔

او آئی سی کا وفد 6 مارچ تک اپنے دورے کے دوران آزاد کشمیر اور لائن آف کنٹرول کا دورہ کرے گا اور بھارت کی جانب سے بلا اشتعال جارحیت سے ہونے والے نقصانات کا جائزہ لے گا۔دفتر خارجہ کے مطابق وفد کو مقبوضہ کشمیر میں جاری بھارتی بربریت اور انسانی حقوق کی خراب صورتحال سے متعلق بریفنگ بھی دی جائے گی۔

او آئی سی کے نمائندہ خصوصی برائے کشمیر کے وفد کے ہمراہ دورے کا مقصد 5 اگست 2019 کے بعد بھارتی اقدامات کا جائزہ لینا اور مقبوضہ کشمیر کی صورتحال سے متعلق او آئی سی وزرائے خارجہ اجلاس کے لیےجامع رپورٹ تیارکرنا ہے ۔