Author: +9251

وزیراعظم عمران خان سے گورنر سندھ اور پیر پگارا کی ملاقات

باغی ٹی وی :وزیراعظم عمران خان سے گورنر سندھ عمران اسماعیل نے ملاقات کی ہے جس کے دوران انہوں نے دورہ کراچی کی دعوت قبول کرلی۔گورنر سندھ نے وزیراعظم کو صوبے میں وفاقی حکومت کی جانب سے عوامی فلاحی اور ترقیاتی منصوبوں پر بریفنگ دی۔

اس موقع پر انہوں نے وزیراعظم کو منصوبوں کے افتتاح کے لیے دورہ کراچی کی دعوت بھی دی جسے انہوں نے قبول کرتے ہوئے کہا کہ وہ جلد کراچی کا دورہ کریں گے۔دوسری جانب وزیراعظم اور پیرپگارا کی ملاقات میں سندھ کے سیاسی امور اور عوام کو درپیش مسائل کے حل سے متعلق بات چیت ہوئی۔

ملاقات کے لیے آئے پیر پگارا نے سندھ کے عوام کی فلاح وبہبود اور صوبہ کی مجموعی ترقی میں دلچسپی دکھانے اور وفاق کی جانب سے اقدامات کی تعریف کی۔انہوں نے سندھ میں احساس پروگرام کے تحت کفالت پروگرام کے دائرہ کار میں توسیع کی درخواست بھی کی۔گورنر سندھ عمران اسماعیل اور پیر صدرالدین شاہ بھی ملاقات میں موجود تھے۔

ایک اور پی پی رہنما کے خلاف نیب کا ریفرنس دائر
باغی ٹی وی :بے نظیر انکم سپورٹ پروگرام میں کرپشن تحقیقات پر نیب نے سابق چیئر پرسن بی آئی ایس پی فرزانہ راجہ کے خلاف ریفرنس دائر کر دیا۔

قومی احتساب بیورو نے 32 والیمز پر مشتمل کرپشن ریفرنس احتساب عدالت میں دائر کیا، ریفرنس میں پیپلز پارٹی رہنما فرزانہ راجہ سمیت 19 ملزمان کو نامزد کیا گیا۔ نیب نے موقف اختیار کیا کہ فرزانہ راجہ نے 4 اشتہاری کمپنیوں کو خلاف ضابطہ ٹھیکے دیئے، فرزانہ راجہ نے بے نظیر انکم سپورٹ پروگرام کو ایک ارب 46 کروڑ کا نقصان پہنچایا۔
اس سے قبل نیب چیئرمین کی جانب سے 6ریفرنس دائر کرنے کی منظوری دی گئی ،چیئرمین نیب نے اس اجلاس میں‌ بینظیر انکم سپورٹ پروگرام کی سابق چیئرپرسن فرزانہ راجہ اور دیگرکے خلاف ریفرنس کی منظوری.ملزموں نے غیر قانونی تشہیری ایجنسیوں کے ذریعے خزانے کو ایک ارب 46 کروڑ کانقصان پہنچایا.

ذرائع کے مطابق نیب بورڈ نے سکندر جاوید اور دیگر کے خلاف ریفرنس دائر کرنے کی منظوری دی.سکندر جاوید اور دیگر پرصاف پانی پروگرام کے ٹھیکوں میں خرد برد کا الزام ہے.اجلاس میں علی احمد لنڈ اور دیگر کے خلاف بدعنوانی کا ریفرنس دائر کرنے کی منظوری.ملزموں پر سندھ کی مقامی حکومتوں میں 13ہزار سے زائد افراد غیرقانونی طور پر بھرتی کرنے کا الزام ہے .بورڈ کی سابق رکن صوبائی اسمبلی اسماعیل گجر اور دیگر کے خلاف ریفرنس کی منظوری ہوگئی ہے .

وزیراعظمم احساس اسکالر شپ پروگرام کا افتتاح کریں گے

باغی ٹی وی :وزیر اعظم کی معاون خصوصی ڈاکٹر ثانیہ نشتر کے مطابق احساس اسکالر شپ پروگرام ملک کی تمام سرکاری جامعات میں زیر تعلیم مستحق طلبہ کے لیے ہو گا اور اس میں جس خاندان کی سالانہ آمدن 45 ہزار روپے سے کم ہو گی وہی تعلیمی وظیفہ حاصل کرسکیں گے۔

انہوں نے کہا کہ تعلیمی وظیفے کے تحت طلبا کی ٹیوشن فیس معاف ہو گی اور ہر طالب علم کو 4 ہزار روپے ماہانہ بھی ملیں گے۔ احساس اسکالر شپ پروگرام کے پہلے مرحلے میں 50 ہزار طلبہ کو اسکالر شپس دی جائیں گی۔

احساس انڈر گریجویٹ اسکالر شپ پروگرام کے تحت 24 ارب روپے کے وظائف طلبا کو دیے جائیں گے جس سے ملک بھر کے 2 لاکھ مستحق طلبا مستفید ہوں گے۔ اعلی تعلیم کا حصول ممکن بنانے کے لیے ہر سال 50 ہزار طلبہ کو وظائف دیے جائیں گے۔

احساس انڈر گریجویٹ اسکالرشپس میں 50 فیصد کوٹہ لڑکیوں کے لیے رکھا گیا ہے جبکہ وزیر اعظم کی خواہش پر 2 فیصد اسکالرشپس خصوصی (معذور) طلبہ کو دی جائیں گی اور اسکالر شپ کا دارومدار مستقبل میں طلبا کی تعلیمی کارکردگی پر ہو گا۔

وزیر اعظم کی معاون خصوصی ڈاکٹر ثانیہ نشتر نے اسلام آباد میں ڈاکٹر شہباز گل کے ساتھ نیوز کانفرنس کرتے ہوئے کہا جس کی آمدن 45 ہزار روپے سے کم ہوگی وہ تعلیمی وظائف کا حقدار ہوگا، تعلیمی وظائف کا آغاز سرکاری یونیورسٹی سے ہوگا، تعلیمی وظائف کا 50 فیصد کوٹہ طالبات کا ہے۔ انہوں نے مزید بتایا کہ تعلیمی وظائف کا 2 فیصد کوٹہ خصوصی طالب علموں کے لیے ہوگا، تعلیمی وظائف میں ٹیوشن فیس معاف ہوگی اور 4 ہزار روپے ماہانہ ملیں گے۔

ڈاکٹر ثانیہ نشتر کا کہنا تھا سرکاری میڈیکل کالجز کے طالب عملوں کو بھی ان تعلیمی وظائف سے مستفید کیا جائے گا۔ ڈاکٹر شہباز گل نے ایک سوال کے جواب میں بتایا کہ ماضی میں ہائیر ایجوکیشن پر زیادہ خرچے کیے گئے لیکن ضرورت اس بات کی ہے کہ پرائمری، مڈل اور ہائی سکول پر زیادہ فنڈز خرچ کیے جائیں، ایسی حکمت عملی بنائی جا رہی ہے، جس سے پرائمری، مڈل اور ہائی سکولوں کی تعلیم کا معیار بڑھایا جائے گا۔

کوئی نہیں مانتا نواز شریف کرپشن کی وجہ سے جیل یا لندن میں ہیں،بلاول نے عجیب بات کہہ دی

باغی ٹی وی :بلاول بھٹو نے حالیہ احتساب پر شدید تنقید کرتے ہوئے کہا ہے کہ اس وقت سیاسی انتقام عروج پر ہے، آج ہر طرف سے جمہوریت پر حملے ہو رہے ہیں، جمہوری جدوجہد ہم سب کے مفاد میں ہے، کوئی نہیں مانتا نواز شریف کرپشن کی وجہ سے جیل یا لندن میں ہیں۔

بلاول بھٹو زرداری کہا حکومتی بیانیہ پہلے دن سے ٹوٹ پھوٹ کا شکار تھا، سیاسی انتقام کی وجہ سے ہمارے رہنما جیل میں ہیں، سیاسی مخالف کے مرحوم بھائی کو بھی نہیں چھوڑا، خور شید شاہ کے مرحوم بھائی کو نیب نے نوٹس جاری کیا، آئی ایم ایف ڈیل کے مطابق معاشی فیصلے کیے جاتے ہیں، ایسا نہیں کہ ٹیکس نہ دینے والے چور اور ڈاکو ہیں، ہمارے ٹیکس نظام میں خامیاں ہیں۔

ان کا کہنا تھا موجودہ حکومت کے آتے ہی معاشی بحران پیدا ہوگیا، جمہوریت پسند قوتیں کسی نہ کسی وجہ سے متحد نہیں، نیب اور معیشت ساتھ ساتھ نہیں چل سکتے، تاجروں کے بعد عمران صاحب نے بھی کہہ دیا نیب اور معیشت ساتھ نہیں چل سکتے، اعجاز جاکھرانی الیکشن میں جیتے مگر سلیکشن میں محمد میاں سومرو سے ہارے، بینظیر بھٹو شہید اور آصف زرداری تمام کیسز میں باعزت بری ہوئے، سابق صدر آصف زرداری کی پٹیشن میں انصاف کے منتظر ہیں۔

بلاول بھٹو نے مزید کہا پی ٹی آئی، آئی ایم ایف بجٹ سے چھوٹے طبقے کا معاشی قتل ہوگا، اس ملک کے عوام نے ان کو پہچان لیا ہے، اضافہ دور کی بات تنخواہ اور پنشن نہیں مل رہی، حکومت نے کروڑوں لوگوں کو بے روزگار کر دیا، سفید پوش طبقہ، کسان، مزدور معیشت چلاتے تھے، ہم نے تنخواہوں میں اضافہ کیا، روزگار دیا۔

جب ان سے شیخ رشید بارے پوچھا گیا تو بلاول بھٹو کا کہنا تھا کہ گٹر کی باتیں گٹر میں چھوڑیں، شیخ رشید ہر سلیکٹڈ حکومت میں آتے ہیں، وہ ہمیشہ سلیکٹڈ وزیر رہیں گے، حیرانی کی بات ہے شیخ رشید ابھی تک وفاقی وزیر ہیں، گزشتہ دور میں حادثے پر عمران خان وزیر ریلوے کے استعفیٰ کا مطالبہ کرتے تھے، یہ سلیکٹڈ کی آخری باری ہے، ان سلیکٹڈ کے ساتھ جو ہوگا آپ سب کو بہت مزہ آئے گا. واضح‌رہے کہ اس سے پہلے بھی بلاول اور شیخ رشید کے درمیان گرم سرد جملوں کا تبادلہ ہوا تھا