Author: +9251

شیخوپورہ (نمائندہ باغی ٹی وی سے) شیخوپورہ شہر میں ٹریفک کے نظام کی بد حالی گورنمنٹ لیاقت ہائی سکول چوک میں بنائے گئے بے ہنگم یو ٹرن کے باعث درجنوں جان لیواء حادثات اور ٹریفک کے شہر میں روزانہ درجنوں مرتبہ جام ہونے کے باعث طلباء اور طالبات کے سکولوں میں بروقت نہ پہنچنے اور کئی بار ٹریفک میں ایمبولینس گاڑیاں پھنس جانے کے باعث دل کے مریضوں کے جان کی بازی ہار جانے کا معاملہ ڈسٹرکٹ اینڈ سیشن جج شیخوپورہ راؤ عبدالجبار خان کی عدالت میں پہنچ گیا ہے جبکہ فاضل عدالت نے اس ضمن میں سکول ٹیچر سید شفیق الرحمنٰ شاہ کی انسانی حقوق کی پٹیشن کو سماعت کے لیے منظور کرتے ہوئے چیف آفیسر میونسپل کارپوریشن ٹی ایم او ڈی ایس پی ٹریفک اور ایکسین ہائی وے کو دو مارچ کو اپنی عدالت میں طلب کر لیا ہے سید شفیق الرحمنٰ شاہ کی پٹیشن میں کہا گیا تھا کہ ڈی ایچ کیو ہسپتال کے چوک سے لے کر لاہور روڈ پر چوک تاجدار ختم نبوت تک کسی بھی منصوبہ بندی کے بغیر یوٹرن بنائے گئے ہیں اور اس دو کلومیٹر کے راستے میں تجاوزات کی بھر مار اور ٹریفک کا نظام کنٹرول نہ کیے جانے کی بناء پر درجنوں مرتبہ دن میں ٹریفک بلاک ہوتی ہے جس کے باعث عوام میں سخت بے چینی پائی جا رہی ہے اور لیاقت ہائی سکول چوک کے یوٹرن کے دونوں جانب آئی کیٹس نہ لگائے جانے کی بناء پر کئی جان لیواء حادثات ہو چکے ہیں جس کی شکایت کرنے پر ٹریفک یولیس نے آج تک ٹریفک کا نظام بہتر کرنے کے لیے کوئی لائحہ عمل مرتب نہیں کیا گیا جنگ آزادی 1857 کے شہداء کی یاد میں بنائے جانے والی پارک کا نام و نشان مٹا دیا گیا ہے اور چوک یاد گار پارک کا یوٹرن بھی بلاوجہ بند کر دیا گیا ہے اور تھانہ سٹی اے ڈویژن چوک کا 50 برس پرانا یوٹرن بھی بلاوجہ ختم کر دیا گیا ہے دن بھر شہر میں کوئی ٹریفک سارجنٹ نظر نہیں آتا اس دو کلو میٹر کے فاصلے پر کئی تعلیمی ادارے اور شفاخانے ہیں جہاں پر ٹریفک کی بندش کے باعث طلباء اور طالبات سکول وقت پر نہیں پہنچ سکتے اور کئی مرتبہ بند ٹریفک میں ایمبولینس گاڑیاں پھنس جانے کے باعث دل کے مریض فوت ہوچکے ہیں

شیخوپورہ (نمائندہ باغی ٹی وی سے) لاہور روڈ پر قلعہ ستار شاہ کے قریب ایک مضر صحت اور ناقص ونڈا تیار کرنے والی فیکٹری کا انکشاف ہوا ہے جس کے بارے میں ایک سرکاری ادارے نے رپورٹ مرتب کر کے صوبائی حکام کو بھیج دی ہے باخبر ذرائع کے مطابق کمشنر لاہور ڈویژن نے اس فیکٹری کے خلاف فوری طور پر کارروائی کرنے کی ہدایت جاری کر دی گئی ہے سرکاری ادارہ کی رپورٹ میں کہا گیا تھا کہ بعض افسروں کی ملی بھگت یہ فیکٹری تھانہ فیکٹری ایریا کے علاقہ قلعہ ستار شاہ کے قریب چل رہی ہے جہاں پر تیار ہونے والے ونڈا غلہ منڈی شیخوپورہ جاوید نگر بھکھی چوک السعید کوٹ عبدالمالک اور دیگر علاقوں کی دوکانوں پر فروخت ہوتا ہے اس فیکٹری میں ونڈے کی تیاری میں ناقص غیر معیاری اور زائدالمعیاد اجزاء استعمال کیئے جاتے ہیں جس کے کھانے سے جانور زہرخورا کا شکار ہو کر بیمار ہو جاتے ہیں گاؤں ڈیرہ ڈوگراں کھاریانوالہ کے زمیندار عدیل احمد ڈوگر کی فارم کی 35 گائیں ونڈا کھانے سے بیمار ہوگئی تھیں جن میں سے 13 گائیں ہلاک ہوگئی ہیں اور اس ونڈا سے پالتو جانور بکرے بھیڑ وغیرہ بھی بیمار ہو جاتے ہیں