Author: +9251

اسلام آباد: کورونا وائرس: اسلام آباد ائیر پورٹ پر جدید تھرمل اسکینر نصب کردیا گیا ،اطلاعات کےمطابق حکومت نے کورونا وائرس سے بچاؤ کے لیے حفاظتی اقدامات مزید تیز کردیے جس کے تحت اسلام آباد ائیرپورٹ پر مسافروں کی اسکریننگ کے لیے جدید تھرمل اسکینر نصب کردیا گیا ہے۔

ذرائع کےمطابق اسلام آباد کے ایئرپورٹ پرجدید تھرمل اسکینرکی تنصیب پڑوسی ملک ایران اور افغانستان میں کورونا وائرس کے کیسز سامنے آنے کے بعد کی گئی ہے، تاکہ اس وائرس کے پھیلاو کوروکا جاسکے۔

2 روز قبل کراچی اور اسلام آباد سے دو کیسز کی تصدیق ہونے کے بعد سے حکومت پاکستان نے وائرس سے بچاؤ کے لیے کمر کس لی ہے۔ حفاظتی اقدامات کے تحت تمام غیر ملکی مسافروں کی ائیرپورٹس پر اسکریننگ کا عمل جاری ہے۔

اس کے علاوہ اسلام آباد ائیرپورٹ کے انٹرنیشنل ارائیول پر کورونا وائرس کی تشخیص کے لیے جدید آٹو میٹک تھرمل اسکینر نصب کردیا گیا ہے۔جدید تھرمل اسکینر خود کار طریقے سے بخار اور فلو کو چیک کرتا ہے، اس سے کم وقت میں زیادہ مسافروں کی اسکیننگ کی جاسکے گی۔

تہران :کرونا وائرس: تہران میں کشمیری طلبا پھنس گئے، شدید پریشانی کا شکار،تفصیلات کےمطابق ورلڈ ہیلتھ آرگنائزیشن نے اعلان کیا ہے کہ کورونا وائرس کی وجہ سے عالمی سطح پر تشویش پائی جارہی ہے اورصحت عامہ کی ہنگامی صورتحال کے باعث کا خوف دنیا بھر میں بڑھ رہا ہے۔

یہ مرض ایسٹونیا ، ڈنمارک ، جارجیا ، برازیل ، پاکستان ، سویڈن ، ناروے ، یونان ، رومانیہ اور الجیریا کے علاوہ یورپ اور مشرق وسطی میں بھی تیزی سے پھیل گیا ہے۔ایران میں سرکاری نیوز ایجنسی ارنا کے تازہ اعداد و شمار میں 141 تصدیق شدہ واقعات 22 اموات ہوئی ہیں۔

ساوتھ ایشین وائر کے مطابق بھارت اپنے شہریوں کو متاثرہ ممالک سے نکالنے کا سلسلہ جاری رکھے ہوئے ہے لیکن ایران میں کشمیری طالب علم پریشانی اور گھبراہٹ کا شکار ہیں ۔وہ حالیہ کورونا وائرس کی وجہ سے سے ایران کو چھوڑنا چاہتے ہیں اور جلد از جلد وطن واپس آنا چاہتے ہیں۔

تہران یونیورسٹی آف میڈیکل سائنسز سے ایم بی بی ایس اور ایم ڈی کرنے والے سرینگر کے بہت سے طلبا نے کہا ہے کہ ہم چاہتے ہیں کہ سفارت خانہ ہمیں یہاں سے نکالے لیکن ہماری درخواستوں پر کوئی غور نہیں کیا جارہا۔ہم 200 سے زیادہ طالب علم ہیں۔ ہمارے والدین پریشان ہیں۔ اور ہم اپنے کمروں تک محدود ہیں۔

ساوتھ ایشین وائر کے مطابق انہوں نے کہا کہ ایران میں ہندوستانی سفارتخانے کو بھیجے گئے ای میل کا جواب دیتے ہوئے یہ کہا گیا کہ انہوں نے ہماری درخواست ایرانی سفارتخانے کو بھیج دی ہے۔ہم نے ٹکٹ بھی بک کروالئے تھے لیکن وہ منسوخ ہوگئے۔طلبا کا کہنا ہے کہ ہمارے والدین پریشان ہیں۔ یونیورسٹی بند ہے ، امتحانات منسوخ کر دئے گئے ہیں۔ ہمیں پروازوں کے لئے ٹکٹس کی بکنگ میں بھی پریشانی کا سامنا ہے۔

ایک اور طالب علم نے بتایا کہ ہم سب کو انخلا کے بارے میں بھارتی حکومت کے باضابطہ بیان کا انتظار ہے۔ میں نے ہندوستانی سفیرکے ٹوئٹر ہینڈل پر ٹوئیٹ کیا تھا لیکن اس کا جواب نہیں دیا گیا۔
القمرآن لائن کے مطابق ڈی سی ، سری نگر ، ڈاکٹر شاہد چودھری نے تہران میں ہندوستانی طلبا کو ہندوستانی سفارتخانے کی ہیلپ لائن سے رابطہ کرنے کے لئے ٹویٹ کیا تھا۔

اسلام آباد:وزیراعظم کے لشکرمیں پھراضافہ ہوگیا ، تانیہ ایدریس کواہم ذمہ داری سونپ دی گئی ، اطلاعات کےمطابق ڈیجٹیل پاکستان وژن کی سربراہ تانیہ ایدرس کو وزیراعظم عمران خان کی معاون خصوصی بنا دیا گیا۔

اسلام آباد سے ذرائع کے مطابق تانیہ ایدرس کو معاون خصوصی برائے ڈیجیٹل پاکستان پروگرام تعینات کیا گیا ہے جن کی تعیناتی کا کابینہ ڈویژن نے نوٹیفکیشن بھی جاری کردیا ہے۔

تانیہ ایدرس سنگاپور میں واقع گوگل کے علاقائی ہیڈ آفس میں اہم پوزیشن پر فائز تھیں لیکن وہ اپنی پرکشش نوکری چھوڑ کر پاکستان آئیں تھی۔خیال رہے کہ انہیں گزشتہ سال دسمبر میں ڈیجیٹل پاکستان وژن پروگرام کا ہیڈ بنایا گیا تھا اور اب وہ معاون خصوصی ہوں گی۔

لاہور:پٹرولیم مصنوعات کی قیمتوں میں خاطرخواہ کمی سے عوام کوریلف ملنے کی امید پیدا ہوگئی ہے، مبشرلقمان نے عوام کوخوشخبری سنادی ،باغی ٹی وی کےمطابق پاکستان کے صف اول کے سنیئرصحافی ، تجزیہ نگارمبشرلقمان نے عوام کوریلیف کی خوشخبری سناتے ہوئے کہا ہےکہ اگلے چند دنوں تک عوام بھی سکھ کا سانس لیں گے

Next week we may see some decline in the Petrol and Diesel prices. If that happens by a significant margin it will help the masses a lot.

— Mubasher Lucman (@mubasherlucman) February 28, 2020

سماجی رابطے کی ویب سائٹ پرمبشرلقمان نے عوام کوخوشخبری سناتے ہوئے کہا ہے کہ بالآخراب عوام کوریلیف ملنے کی امید پیدا ہوگئی ہے، انہوں نے کہا ہےکہ امید ہے کہ حکومت کی طرف سے پٹرولیم مصنوعات میں خاطرخواہ کمی کرنے سے مہنگائی میں ضرور کمی ہوگی اورعوام کوتکلیف کے بعد آسانی ملے گی جو کہ پاکستان اوراہل پاکستان کے لیے ایک بہت اچھی بات ہے

باغی ٹی وی کےمطابق سنیئر صحافی حسب عادت جب بھی قوم کے نام کوئی اہم پیغام گوش گزارکرنا ہوتا ہے مختصرانداز میں ٹویٹرکے ذریعے آگاہ کردیتے ہیں، اس پیغام میں بھی ان کا کہنا ہےکہ وہ امید رکھتے ہیں کہ اب عوام کو ریلیف ملنا شروع ہوجائے گا

بینجنگ :چینی عیسائیت قبول کرلیں ، کرونا سے جان چھوٹ جائے گی ، یورپ کے عیسائی عیسائی پادری کی منطق ، چین میں جنم لینے والے کرونا وائرس اورپھراس سے جس طرح اموات کا سلسلہ شروع ہوا ہے، دنیا کو ہلاکررکھ دیا ہے،دوسری طرف بعض عیسائی مذہب سے تعلق رکھنےوالے مذہبی رہنماوں نے اس موقع سے بھرپورفائدہ اٹھانے کےلیے لوگوں کونئے مشورے دینے شروع کردیئے ہیں‌

Rick Wiles is now asking God for $100 million so that he can build a global media platform to guide humanity through the End Times until Christ returns. pic.twitter.com/NRM4zu7qNx

— Right Wing Watch (@RightWingWatch) August 1, 2019

باغی ٹی وی کی رپورٹ کے مطابق چین میں عیسائی کمیونٹی کےسب سے بڑے پادری رک وائلز جو کہ پہلے ہی متنازعہ بیانات کی وجہ سے سرخیوں کی زینت بنے رہتے ہیں نے کہا ہے کہ چینی لوگ عیسائیت قبول کرلیں گے توکرونا وائرس سےان کی جان چھوٹ جائے گی

رک وائلز نے چین کی کیمونسٹ پارٹی کے جنرل سیکرٹری کو بھی مخاطب کرتے ہوئے کہا کہ آپ چین کوعیسائیت کےتابع کرلیں آپ کی کرونا وائرس سے ہمیشہ ہمیشہ کے لیے جان چھوٹ جائے گی ، عیسائیت قبول کرنے سے جوغلطیاں سرزد ہوئی ہیں اورجوگناہ کیئے ہیں وہ بھی ختم ہوجائیں گے ،

Rick Wiles says that if China will just turn to Jesus, the coronavirus crisis will end. pic.twitter.com/JZCWNFLPpZ

— Right Wing Watch (@RightWingWatch) February 25, 2020

چینی عیسائی پادری کے اس بیان کےبعد چین میں ابھی تک کوئی ردعمل نہیں آیا بہرکیف اس عیسائی پادری نے اپنے ویڈیوپیغام میں اس عزم کو دہرایا ہے کہ چینیوں کے لیے بہتریہی ہے کہہ وہ عیسائیت قبول کرلیں اورکرونا وائرس سے بچ جائیں