Author: +9251

نئی دہلی :انتہا پسندوں نے نام پوچھ کر سرفراز کو گولی ماردی ،اطلاعات کےمطابق شرپسند عناصر کے مشتعل ہجوم نے شناخت کے بعد مسلمان لڑکے کو گولی مار دی، شرپسندوں نے اسپتال لے جانے والی ایمبولینس بھی تباہ کردی۔

تفصیلات کے مطابق بھارت کے دارالحکومت نئی دہلی میں شہریت کے متنازعہ قانون کیخلاف پرامن مظاہروں کا سلسلہ جاری ہے، تاہم امریکی صدر ڈونلڈ ٹرمپ کے دورہ بھارت سے ایک دن قبل یہ احتجاج پرتشدد ہوگیا۔

ہندو انتہاء پسندوں نے پرامن دھرنے کے شرکاء پر ہلہ بول دیا، شرپسندوں کے حملوں سے اب تک20 افراد جان کی بازی ہار چکے ہیں اور درجنوں افراد زخمی بھی ہوئے۔اس حوالے سے برطانوی نشریاتی ادارے بی بی سی کے نمائندے نے آنکھوں دیکھا حال بیان کیا ہے، شرپسندوں کے حملے میں زخمی ہونے والے ایک سرفراز نامی نوجوان سے کی گئی بات چیت رپورٹ کی ہے۔

بی بی سی کی رپورٹ کے مطابق شمال مشرقی دلی کا رہائشی نوجوان سرفراز علی بھی ان جھڑپوں کے دوران تشدد کا نشانہ بنا۔ سرفراز دو روز قبل رات کے وقت گوکولپوری کے علاقے سے اپنے چچا کے جنازے سے موٹر سائیکل پر واپس آرہا تھا اس کے ساتھ اس کے والد بھی موجود تھے۔

https://web.facebook.com/watch/?v=139017270667825

سرفراز نے بتایا کہ کراسنگ پل پر ایک مشتعل ہجوم نے انہیں اور ان کے والد کو گھیر لیا، وہاں بہت سے لوگ بھی آجا رہے تھے اور ہجوم میں شامل افراد ان کے شناختی کارڈ چیک کر رہے تھے۔

اپنے اوپر ہونے والے حملے کے بارے میں بتاتے ہوئے سرفراز کا کہنا تھا ایک لڑکے نے میرا نام پوچھا، میں نے ابتدا میں دوسرا نام بتانے کی کوشش کی۔ اس کے بعد اس نے مجھ سے میری پتلون اتارنے کو کہا جب میں نے اپنا نام سرفراز بتایا تو اس نے مجھے لاٹھیوں سے پیٹنا شروع کر دیا اور پھر مجھے گولی مار دی۔

بعد ازاں سرفراز کو طبی امداد کی فراہمی کیلئے دہلی کے جی ٹی بی اسپتال لانے والے حسن اور ستیہ پرکاش تھے۔ حسن نے بتایا کہ مجھے رات کے وقت پرانے برجپوری علاقے کے مہر ہسپتال سے فون آیا کہ وہاں موجود ایک نوجوان سرفراز کو جی ٹی بی اسپتال منتقل کرنا ہے۔

میں اس علاقے میں داخل ہونے سے ڈر رہا تھا۔ لہٰذا ہم نے مریض کو باہر آنے کے لیے کہا۔ اس کے بعد سرفراز کے بھائی انہیں ساتھ لے کر باہر آئے، حسن نے کہا کہ ہم مریض کو اسپتال لے جا رہے تھے میں پیچھے بیٹھا تھا کیونکہ مریض کے جسم سے خون بہہ رہا تھا، ستیہ پرکاش نے ابھی تھوڑا ہی ایمبولینس کو آگے بڑھایا کہ ہجوم نے ایمبولینس کے بونٹ اور پھر ونڈ اسکرین پر حملہ کردیا۔

بھارت میں سکھ برادری مسلمانوں کی محافظ بن گئی. گردواروں کے دروازے کھول دیے

باغی ٹی وی رپورٹ کے مطابق : دہلی اور دیگر بھارتی شہروں میں آر ایس ایس کے دہشت گردوں کی طرف سے جہاں مسلمانوں کے خلاف گھیراؤ جلاؤ اور حملے جاری ہیں وہاں سکھ کمیوٹی مسلم برادری کے لیے محافظ کے طور پر کھڑی ہے . سکھ کمیونٹی کے لیڈروں نے کہا ہے کہ ہمارا مذہب ہمیں یہ تعلیم دیتا ہے کہ ہم بلا تفریق مذہب و نسل دوسروں کی حفاظت کریں..مسلمان ہمارے اپنے شہری اور بھائی ہیں ان کی حفاظت ہم ہر طرح سے کریں گے .سکھوں کے حفاظتی جتھے اپنے مسلمانوں بھائیوں کے ساتھ پیٹرولنگ کرتے ہیں اور باہر جاتے ہوئے ان کے ساتھ نکلتے ہیں. انہوں نے اپنے گردواروں کے دروازے بھی مسلمانوں کے لیے کھول دیے ہیں.

دہلی میں پولیس بھی ہندوانتہا پسندوں کی ساتھی، زخمی تڑپتے رہے، پولیس نے ایمبولینس نہ آنے دی

دہلی جل رہا تھا ،کیجریوال سو رہا تھا، مودی سن لے،ظلم و تشدد ہمیں نہیں ہٹا سکتا، شاہین باغ سے خواتین کا اعلان

دہلی میں ظلم کی انتہا، درندوں نے 19 سالہ نوجوان کے سر میں ڈرل مشین سے سوراخ کر دیا

دہلی تشدد ، خاموشی پرطلبا نے کیا کیجریوال کے گھر کا گھیراؤ، پولیس تشدد ،طلبا گرفتار

دہلی میں ایک ماہ کیلئے دفعہ 144 نافذ،مسلمانوں‌ کو گھروں سے نہ نکلنے کی ہدایت

واضح‌رہے کہ دہلی میں ہندو انتہا پسندوں کی جانب سے متنازعہ شہریت بل کے خلاف احتجاج کرنے والے مظاہرین پر تشدد کیا گیا، مسلمانوں کے گھر جلائے گئے، مساجد کی بے حرمتی کی گئی اور ایک مسجد کو شہید کیا گیا.مسلمانوں کی املاک کو جلانے اور لوٹنے کا سلسلہ بھی جاری ہے۔ مساجد اور درگاہوں کی بھی بے حرمتی کی جا رہی ہے، بھجن پورہ میں مزار کو نذر آتش کیا گیا، اشوک نگر میں مسجد کو آگ لگائی گئی اور مینار پر ہنومان کا جھنڈا بھی لہرا دیا گیا۔

ٹیکساس:کیا کہنے امریکی کتوں کے :سمجھدار کتا اپنی گمشدگی کی رپورٹ لکھوانے خود ہی تھانے پہنچ گیا،اطلاعات کےمطابق یہ واقعہ گزشتہ ہفتے امریکی ریاست ٹیکساس کے شہر اوڈیسا میں پیش آیا جہاں شام کے وقت مقامی پولیس اسٹیشن میں ایک کتا داخل ہوا اور سکون سے چلتا ہوا فرنٹ ڈیسک تک جا پہنچا۔

یہاں پہنچ کر اس نے اپنے اگلے پنجے کاؤنٹر پر رکھ دیئے اور آرام سے کھڑا ہوگیا جیسے وہاں موجود اہلکار سے کوئی بات کرنا چاہ رہا ہو۔ اسے دیکھ کر وہاں موجود پولیس اہلکاروں کو اندازہ ہوگیا کہ وہ کوئی پالتو اور سدھایا ہوا کتا ہے جو اپنے مالک سے بچھڑ گیا ہے، اس لیے وہ اپنی ہی گمشدگی کی رپورٹ لکھوانے وہاں آگیا ہے۔

کتے کا سکون اور اطمینان دیکھ کر پولیس والوں کو حیرت ہوئی لیکن بدقسمتی سے اس کے گلے میں کوئی شناختی ٹیگ موجود نہیں تھا جس سے اس کے مالک کے بارے میں پتا چل سکتا۔ تاہم ’’حیوانی ہمدردی‘‘ کے تحت پولیس والوں نے اس کے ساتھ کھیلنا شروع کردیا۔

کچھ دیر بعد جب کوئی اسے لینے نہیں آیا تو اس کی تصاویر ’’اینیمل کنٹرول ڈیپارٹمنٹ‘‘ کو بھیج دی گئیں تاکہ وہ اس کے مالک کو تلاش کرسکے۔ البتہ، اس سے پہلے کہ متعلقہ محکمے والے وہاں پہنچتے، یہ کتا خود ہی وہاں سے چلا گیا اور معلوم ہی نہیں ہوسکا کہ وہ کہاں سے آیا تھا۔

اگلے روز جب اس کتے کی تصویریں سوشل میڈیا اور مقامی ویب سائٹس پر نمودار ہوئیں تو کتے کے مالک نے پولیس اسٹیشن کال کرکے بتایا کہ اس کتے کا نام ’’چیکو‘‘ ہے جو کل شام اس سے بچھڑ گیا تھا لیکن رات گئے تک خود ہی گھر واپس بھی آگیا تھا۔ پولیس کے مطابق، یہ کتا پولیس اسٹیشن سے صرف ایک میل کے فاصلے پر ہی کسی گھر میں رہتا ہے۔