Author: +9251

لندن :چینی شہریوں کا داخلہ بند کردیا گیا : کرغزستان نے چینی شہریوں کو نئے ویزوں کا اجراء روک دیا ،اطلاعات کے مطابق برطانوی خبر رساں ادارے ’رائٹرز‘ نے کرغزستان کے نجی نیوز ایجنسی کا حوالہ دیتے ہوئے بتایا کہ کرغزستان کے نائب وزیرِ خارجہ ’نورلان عبدالرحمانوف‘ نے اس بات کی تصدیق کی ہے کہ کرغزستان نے پُراسرار کورونا وائرس کے پیشِ نظر اپنے ہمسایہ ملک ’چین‘ کے شہریوں کو نئے ویزے جاری کرنے سے روک دیا ہے۔

علاوہ ازیں وہ چینی شہری جو پہلے ہی کرغزستان کے ویزے کے حامل ہیں انہیں ابھی بھی چین سے کرغزستان آنے کی اجازت ہے۔واضح رہے کہ چین کے شہر ووہان سے پھیلنے والے اس خوفناک کورونا وائرس سے چین میں مزید 118 افراد ہلاک ہوگئے ہیں جس کے بعد اموات کی تعداد 2 ہزار 236 ہو گئی ہے۔

علاوہ ازیں چین سے باہر کورونا وائرس سے اب تک 11 ہلاکتوں کی تصدیق ہو چکی ہے جب کہ ایک ہزار سے زائد کیسز رپورٹ ہو چکے ہیں۔ادھر چین سے آمدہ اطلاعات کےمطابق اس وائرس سے ہلاکتوں میں تیزی آگئی ہے

لندن: لندن؛ حملے میں زخمی موذن نماز جمعہ کے لیے مسجد پہنچ گئے،برطانوی پولیس دیکھ کرحیران رہ گئی ،اطلاعات کےمطابق برطانوی دارالحکومت کی سینٹرل لندن ماسک میں گزشتہ روز چاقو حملے میں زخمی ہونے والے موذن رفعت مغلد نماز جمعہ کے لیے مسجد پہنچ گئے۔زخمی موذن کو دیکھ کر برطانوی پولیس حیران رہ گئی کہ ایک زخمی اللہ کے دربارمیں حاضری دینے کے لیے زخموں کے باوجود پھر پہنچ گیا

بین الاقوامی میڈیا رپورٹس کے مطابق گزشتہ روز پارک ڈبلیو 8 میں واقع مسجد میں نماز ظہر کے دوران ایک چاقو بردار شخص نے موذن پر حملہ کیا تھا جس میں وہ زخمی ہوگئے تھے۔زخمی کی شناخت 70 سالہ رفعت مغلد کے نام سے ہوئی جنہیں اسپتال میں طبی امداد دی گئی جب کہ اسکارٹ لینڈ یارڈ نے حملہ آوار کو گرفتار کر کے نامعلوم مقام پر منتقل کردیا جہاں اس سے تفتیش کی جارہی ہے۔

BREAKING NEWS: We are hearing unconfirmed reports that a muadhin has been stabbed at London Central Mosque. More details to follow. pic.twitter.com/YQhU50hrBM

— 5Pillars (@5Pillarsuk) February 20, 2020

اسپتال میں زیر علاج رہنے کے بعد موذن رفعت مغلد نماز جمعہ کی ادائیگی کے لیے مسجد پہنچے تو ان کے ہاتھ پر پٹی بندھی تھی۔حملے کے حوالے سے موذن نے بتایا کہ میں نے آنکھیں بند کر لی تھیں اور سجدہ ریز ہوگیا تھا، مجھے ایسا لگا کہ کسی نے بھاری اینٹ دے ماری ہے، یہ انتہائی خوفناک تھا اور بہت زیادہ خون تھا۔

بزرگ موذن نے کہا کہ کچھ دیر بعد آنکھیں کھولیں اور ہاتھ اوپر کیے اور زخم پر ایک ہاتھ رکھ کر بہتے ہوئے خون کو روکنے کی کوشش کی، وہاں موجود لوگ ایمبولینس کو کال کررہے تھے اور کچھ خون کو روکنے کی کوششیں کررہے تھے لیکن میں خوش قسمت تھا کہ میری شہہ رگ نہیں کٹی۔

اس موقع پر میئر لندن صادق خان بھی موجود تھے جنہوں نے میڈیا سے گفتگو کرتے ہوئے کہا کہ اس بات کو یقینی بنائیں گے کہ لندن کے شہری خود کو محفوظ تصور کریں۔میئر لندن صادق خان نے مسجد کا دورہ کیا اور منتظمین کے ساتھ ساتھ نمازیوں سے ملاقات کی، میئر کو مسجد کی سیکورٹی کے حوالے سے اٹھائے گئے اقدامات پر بریفنگ دی گئی۔

نیدرلینڈز (ڈچ) 18 ویں صدی میں چوری ہونے والا قیمتی تاج حکومت نے واپس کرکے خاندان کی خوشیوں کو چارچاند لگا دیئے،اطلاعات کےمطابق حکومت نے 18 ویں صدی میں چوری ہونے والا قیمتی تاج واپس کردیا۔امریکی میڈیا رپورٹ کے مطابق ڈچ حکومت نے اپنے بیان میں بتایا کہ ایتھوپیا کا یہ ’شاہی تاج‘ 21 سال قبل ایک گِرجاگھر سے غائب ہوگیا تھا اور یہ وہاں کے لوگوں کے لیے مذہبی اعتبار سے بھی بہت اہمیت کا حامل تھا۔

ایتھوپین نژاد ڈچ شہری ’سِراک اسفا‘ جو 1970 میں نیرلینڈز ہجرت کر گئے تھے انہوں نے اپنی ایک ویڈیو بیان میں کہا کہ یہ تاج 1998 میں ان کے ہاتھ لگا۔سِراک اسفا نے خبر رساں ایجنسی کو انٹرویو دیتے ہوئے بتایا کہ انہیں یہ تاج اپنے اپارٹمنٹ میں ایک مہمان کے سوٹ کیس میں سے ملا جسے وہ وہیں چھوڑ کر چلا گیا تھا جس کے بعد انہوں نے اس انمول چیز کو 21 سال تک اپنے پاس چھپا کر رکھا۔

سراک اسفا نے کہا کہ وہ ایسی حکومت کو ہرگز وہ تاج واپس کرنا نہیں چاہ رہے تھے جن کے دورِ اقتدار میں یہ چوری ہوا تھا۔انہوں نے بتایا کہ اسی وجہ سے انہوں نے یہ تاج واپس کرنے کے لیے 21 سال تک انتظار کیا اور اتنے سالوں تک اس کی حفاظت بھی کی۔

نئی دہلی:عشق جب حد سے بڑھ جائے تو پھرایسا ہی ہوتا ہے، بھارتی شہری کے پاس 2ہزار300 موبائل،اطلاعات کےمطابق موبائل فون کے شوقین تو بہت سے لوگ ہوتے ہیں لیکن بھارت میں ایک ایسا شخص سامنے آیا ہے جس کے پاس 4 یا پانچ نہیں بلکہ 2371 موبائل فونز ہیں۔

غیرملکی خبررساں ادارے کی رپورٹ کے مطابق بھارتی شہر ممبئی سے تعلق رکھنے والے شہری جیش کلے کی ویڈیو وائرل ہوئی ہے جس کے پاس 2371 موبائل فونز موجود ہیں۔جیش کا کہنا ہے کہ اس کی خواہش ہے کہ اس کا نام گنیز بک آف ورلڈ ریکارڈ میں شامل کیا جائے، جیش نے پانچ سال کے دوران فونز جمع کرنا شروع کیے تھے جن میں زیادہ تر نوکیا کمپنی کے موبائل فونز ہیں۔

یوٹیوب ویڈیو میں دیکھا جاسکتا ہے کہ کلے کے گھر کے ہر گوشے میں فونز موجود ہیں، کمرے، بیڈروم، باورچی خانے کے دروازوں میں یہاں تک کہ اس کی بیوی کی الماری اور بستروں میں بھی فون کو جگہ دی گئی ہے۔ویڈیو میں کلے کا کہنا تھا کہ یہ فونز نہیں بلکہ میرے بچے ہیں اور میرے پاس فوری دنیا کے فونز موجود ہیں۔

فونز سے اپنی محبت کا اعتراف کرتے ہوئے کلے نے کہا کہ اس کی شروعات اپنے کالج کے دنوں سے ہوئی جب اس کے پاس نوکیا 3310 کا فون تھا جو دوسری منزل سے گر کر بھی ٹوٹنے سے بچ گیا تھا، اس نے اس چیز سے متاثر ہوکر فون جمع کرنا شروع کردئیے۔

ویڈیو میں کلے کا کہنا ہے کہ میرے دوست اور خاندان کے افراد میرے لیے مختلف رائے دیتے ہیں لیکن کچھ ایسے بھی ہیں جو مجھے پاگل آدمی کہتے ہیں۔جیش کلے کے مطابق کچھ مجھ پر فخر محسوس کرتے ہیں اور کچھ یہ بھی کہتے ہیں کہ میں نے ایک بڑی سرمایہ کاری میں بہت زیادہ رقم لگا رکھی ہے۔