Author: +9251

دوحہ، قطر: امریکہ اگرجان چھڑانا چاہتا ہے توشرارتوں سے بازرہے ، افغان طالبان کے واضع پیغام نے صورت حال ہی بدل کررکھ دی ،اطلاعات کےمطابق افغان طالبان کے دفتری ترجمان سہیل شاہین نے دوحہ سے ایک بیان میں کہا ہے امن مذاکرات کے تحت پہلے افغان طالبان اور امریکی افواج کے مابین پرتشدد کارروائیاں باقاعدہ طور پر بند کی جائیں گی اور جس ماہ یہ اعلامیہ جاری ہوگا، اسی مہینے کے اختتام تک امن معاہدے پر دستخط بھی کر دیئے جائیں گے۔ وہ بی بی سی اردو کے نمائندے سے بات کررہے تھے۔

افغان طالبان ذرائع کے مطابق، یہ اعلامیہ آج یا کل جاری ہو سکتا ہے جبکہ فریقین کی جانب سے پُرتشدد کارروائیاں روکنے کی ممکنہ تاریخ بائیس فروری ہوگی جس کے بعد ایک ہفتے تک پُرامن فضا ماحول برقرار رکھا جائے گا، جس کی نگرانی امریکی فوجی اور طالبان، دونوں کے ذمہ داران خود کریں گے۔ امید ہے کہ فروری کے اختتام یا پھر مارچ کی پہلی تاریخ تک امن معاہدے پر باضابطہ دستخط کردیئے جائیں گے۔

افغان طالبان نے امریکہ اوراتحادیوں کو خبردار کرتے ہوئے کہا ہےکہ اگرامریکہ اوراتحادی افغانوں کے خلاف حملوں سے باز نہیں آئیں گے توپھرامریکہ کی محفوظ واپسی بھی خطرے میں پڑسکتی ہے ،طالبان ترجمان نے کہا کہ اگر یہ معاہدہ توقعات کے مطابق طے پا گیا تو پھر امریکا افغانستان سے اپنے فوجیوں کو بتدریج اور بحفاظت باہر نکال لے گا جبکہ اس ضمن میں افغان طالبان انہیں محفوظ راہداری فراہم کریں گے۔

واضح رہے کہ 2016 میں اپنی صدارتی انتخابی مہم کے دوران ڈونلڈ ٹرمپ نے دعوی کیا تھا کہ وہ اپنے فوجیوں کو گھر واپس لائیں گے۔ اب ان کا عہدِ صدارت اپنے اختتام کے قریب ہے جبکہ ان پر افغان امن معاہدہ طے کرنے پر اندرونی دباؤ بھی بڑھ گیا ہے۔

فی الحال یہ معلوم نہیں کہ یہ ایک جامع امن معاہدہ ہوگا جس کا اطلاق پورے افغانستان پر ہوگا، یا پھر یہ صرف ایک ایسا معاہدہ ہوگا جس کے ذریعے امریکا کو افغانستان سے بحفاظت نکلنے کےلیے راہداری فراہم کی جائے گی۔

ماسکو: سچی محبت کی عظیم داستان جوروسی فوجی نے میدان جنگ میں برقرار رکھی ، 16 ٹینکوں سے ’دل‘ بنا کر،محبوبہ کو شادی کا پیغام بھیج دیا ،اطلاعات کے مطابق ایک روسی فوجی نے منفرد انداز میں اپنی محبوبہ کو شادی کا پیغام دیا ہے: وہ شادی کی پیشکش کےلیے روسی فوج کے 16 ٹینک لے آیا۔

روسی وزارتِ دفاع کے ٹی وی چینل نے چند روز پہلے سوشل میڈیا پر ایک ویڈیو شیئر کرائی ہے جس میں 16 عدد ٹی 72 بی تھری ٹینکوں کو ہلکی ہلکی برفباری میں دل جیسی ترتیب بناتے دکھایا گیا ہے۔ جبکہ ایک فوجی ان ہی ٹینکوں کے درمیان اپنی محبوبہ کو گلدستہ پیش کرتے ہوئے شادی کا پیغام دے رہا ہے۔

یہ واقعہ روسی فوج کے لیفٹیننٹ ڈینس کازنتسیف کا ہے جن کا معاشقہ الیکساندرا کوپیتوفا کے ساتھ ایک لمبے عرصے سے جاری تھا۔ انہوں نے اس سال ویلنٹائنز ڈے پر اپنی محبوبہ کو ایک منفرد انداز سے شادی کا پیغام دینے کا فیصلہ کیا جس کےلیے انہوں نے اعلی حکام سے خصوصی اجازت بھی حاصل کی، جو بہت آسانی سے دے دی گئی۔البتہ اسی کے ساتھ روسی فوج نے یہ سارا منظر فلمانے کا فیصلہ بھی کیا، جس پر ڈینس کو کوئی اعتراض نہیں تھا۔

محبوبہ کو شادی کی پیشکش کرنے کےلیے ڈینس نے الیکساندرا سے کہا کہ وہ اپنی آنکھوں پر ہتھیلیاں رکھ کر انہیں بند کرلے۔ اسی دوران 16 ٹینکوں نے دل جیسی فارمیشن بنانا شروع کردی جو اگلے چند منٹوں میں مکمل ہوگئی۔ اس کے بعد ڈینس اپنی محبوبہ کا ہاتھ پکڑ کر اسے ٹینکوں کے درمیان والی خالی جگہ پر لے گئے اور آنکھیں کھولنے کےلیے کہا۔

پھر انہوں نے الیکساندرا کو گلدستہ دیا اور گھٹنوں کے بل جھک کر کہا: ’’ہم ایک زمانے سے ساتھ ہیں۔ ہم نے وقت اور فاصلوں کی آزمائشوں کا سامنا کیا ہے… مجھ سے شادی کرلو!‘‘

محبوبہ حیرت سے گنگ رہ گئی اور ڈینس نے آگے بڑھ کر اسے انگوٹھی پہنائی؛ اور گود میں اٹھا لیا۔ الیکساندرا کا کہنا ہے کہ وہ سمجھ ہی نہیں سکی کہ آخر یہ ہو کیا رہا ہے، لیکن جب معلوم ہوا تو وہ انکار کیے بغیر نہ رہ سکی۔

دبئی : عرب شہزادی کے دنیا بھرمیں‌چرچوں سے تہلکہ مچ گیا ،اطلاعات کے مطابق دُبئی کی شہزادی نے شیخہ موضع نے مملکت کی تاریخ میں اپنی زندگی اورعرب امارات کی تاریخ کا اعزاز اپنے نام کرلیا اور کہا میں بہت فخر محسوس کرتی ہیں کہ مجھے ملک کی خدمت کرنے کا موقع ملا ۔

تفصیلات کے مطابق دُبئی کے شاہی خاندان کی رکن شہزادی شیخہ موضع مملکت کی تاریخ میں پہلی خاتون پولیس پائلٹ بن گئیں، شیخہ موضع بنت مروان المکتوم نے بطور پولیس پائلٹ اپنی کہانی بیان کی جس پر عوام کی جانب سے اُن کی بہت پذیرائی ملی۔

کیپٹن شیخہ موضع دُبئی پولیس میں لیفٹیننٹ پائلٹ کے عہدے پر ذمہ داری سرانجام دے رہی ہے ، دُبئی میں گلوبل ویمنز فورم سے خطاب کرتے ہوئےشیخہ موضع نے کہا کہ میں اماراتی لیڈر شپ اور اپنے شاہی خاندان کی بھرپور حمایت کے باعث آج اس مقام پر پہنچنے میں کامیاب ہوئیں۔

شہزادی کا کہنا تھا کہ ایک عظیم ترین قوم ہونے کا احساس بہت زیادہ خوشی دیتا ہے، ہمارے قائدین کے نظریئے پر عمل پیرا ہونے کے باعث ہی امارات ترقی کی نئی منزلیں چھو رہا ہے اور اس کے لیے دُبئی کے موجودہ فرمانروا اور متحدہ عرب امارات کے وزیر اعظم و نائب صدر شیخ محمد بن راشد المکتوم کا خصوصی طور پر شکریہ ادا کرنا ضروری ہے۔

دُبئی کی شہزادی کا خواتین کے حوالے سے کہنا تھا کہ اماراتی خواتین بہت قابلیت اور صلاحیت رکھتی ہیں، یہی وجہ ہے کہ وہ زندگی کے دیگر شعبوں میں بھی اپنا آپ منوا رہی ہیں۔کیپٹن شیخہ موضع نے اپنی کامیابیوں کا تمام تر کریڈٹ اپنے گھر والوں دیا اور بتایا کہ پولیس پائلٹ بننے سے قبل ایمریٹس ایئر لائن بطور پائلٹ کام کرچکی ہوں۔

شیخہ موضع نے مملکت کی تاریخ میں پہلی خاتون پولیس پائلٹ کا اعزاز ملنے پر کہا کہ میں بہت فخر محسوس کرتی ہیں کہ مجھے ملک کی خدمت کرنے کا موقع ملا ، مجھے اس ذمہ داری سے بہت لگاؤ ہے، انھوں نے امید ظاہر کی میری کہانی دیگر نوجوان اماراتی خواتین کے لیے بھی ترغیب کا باعث بنے گی اور وہ بھی ایوی ایشن کے شعبے میں اپنا آپ منوائیں گی۔