Author: +9251

خانپور ڈیم سے جڑواں شہروں کو کتنا پانی ملے ، اعلامیہ جاری

باغی ٹی وی :وفاقی وزیرمنصوبہ بندی اسدعمرکی زیر صدارت اسلام آبادکوپانی کی فراہمی سےمتعلق اجلاس ہوا جس میں وفاقی وزیراسدعمرنے خانپورڈیم سےجڑواں شہروں کو پانی کی فراہمی بہتر بنانےکی ہدایت ہے. اجلاس میں جڑواں شہروں کیلئےیومیہ 52ملین گیلن پانی سپلائی کےنئےمنصوبے کافیصلہ کیا گیا.منصوبےسےجڑواں شہروں کواضافی پانی کی فراہمی میں مددملےگی،وفاقی وزیراسدعمرنے منصوبے کے پی سی ون کی تیاری کی ہدایت ہے.

بلاول نے حکومت سے احسان اللہ احسان بارے کیا اہم مطالبہ

باغی ٹی وی : سرکاری سطح پر کالعدم تنظیم تحریک طالبان پاکستان کے سابق ترجمان احسان اللہ احسان کے فرار کی تصدیق کے بعد چیئرمین پاکستان پیپلز پارٹی بلاول بھٹو زرداری نے حکومت سے تحریری جواب مانگ لیا ہے۔

ذرائع کے مطابق بلاول بھٹو نے قومی اسمبلی سیکریٹریٹ میں اپنے تحریری سوالات جمع کرادیے ہیں۔ بلاول بھٹو نے وزیر داخلہ سے احسان اللہ احسان سے متعلق جواب مانگے ہیں۔

ذرائع کے مطابق بلاول بھٹو نے 12 فروری کو اپنے سوالات قومی اسمبلی سیکریٹریٹ میں جمع کرائے ہیں۔ قومی اسمبلی سیکریٹریٹ نے بلاول بھٹو کے تحریری سوالات کے وصول ہونے کی تصدیق بھی کی ہے۔
https://twitter.com/Greente34124008/status/1229357335572815872?s=20

واضح‌ رہے کہ حکومت نے احسان اللہ احسان کے فرار کی خبر کی تصدیق کر دی ہے . وفاقی وزیر داخلہ اعجاز شاہ کا کہنا تھا کہ احسان اللہ احسان کے فرار کی خبر سنی ہے، پتہ ہے وہ چلا گیا ہے اس لیے خبر کی تصدیق کر رہا ہوں اس پر بہت کا کام ہو رہا ہے آپ کو جلد خوش خبری ملے گی،

خدارا ہمیں نکالیں چین میں‌ محصور طالبہ کی حکومت سے اپیل

باغی ٹی وی :چین میں کرونا وائرس کی وجہ سے پھنسے ہوئے طلبا میں سے ایک سٹوڈنٹ نے حکومت سے اپیل کرتے ہوئےکہا ہےکہ ہم اس شہر میں بالکل بھی محفوظ نہیں ہیں. ہمیں. جلد از جلد یہاں سے نکالا جائے . ہم یہاں ڈپریشن اور اینگزئٹی کا شکار ہیں. ہمیں جلد واپس اپنے ملک میں بھیجا جائے تاکہ ہم سکون کے ساتھ اپنے والدینکے ساتھ رہ سکیں، یہاں پہلے ہی متاثرین کی تعداد 60 ہزار ہو چکی ہے.

چین میں پھنسے ہوئے طالب علموں کے والدین کا حکومتی رویے کے خلاف مظاہرہ ، ان کے پیاروں کو جلد ملک لانے کا مطالبہ

واضح‌رہے کہ چین کے صوبے وہان میں پھنسے ہوئے پاکستانی طالب علموں کے والدین ،بہن بھائیوں اوردیگررشتہ داروں نے ان طالب علموں کو وطن واپس نہ لانے پرحکومت کے رویے کے خلاف سخت مظاہرہ کیا. اس سلسلے میں باغی ٹی وی اور معرف اینکر پرسن مبشر لقمان اپنی خصوصی کاوش کر کے ان طلبا کی آواز آگے پہنچا رہے ہیں. حکومت پر زور دے رہے ہیں کہ وہ جلد پاکستانیوں کو یہاں‌سے باحفاظت واپس نکالیں.

چین میں محصور ایک طالبہ کی حکومت سے اپیل pic.twitter.com/BRdaYKzUCR

— Baaghi TV باغی ٹی وی (@BaaghiTV) February 17, 2020

وزیراعظم سمیت اہم رہنماؤں کی کوئٹہ دھماکے کی شدید مزمت

باغی ٹی وی :کوئٹہ میں افسوسناک دھماکے پر حکومت سمیت اپوزیشن کے قائدین نے گہرے رنج اور افسوس کا اظہار کیا ہے . وزیراعظم عمران خان، اپوزیشن لیڈر میاں شہباز شریف اور وزیراعلیٰ پنجاب سمیت اہم رہنماؤں نے کوئٹہ دھماکے کی شدید مذمت کرتے ہوئے قیمتی جانوں کے ضیاع پر گہرے دکھ اور افسوس کا اظہار کی ہے۔

وزیراعظم عمران خان نے کوئٹہ دھماکے کی شدید مذمت کرتے ہوئے دہشتگردی واقعے میں شہید ہونے والے پولیس اہلکاروں اور شہریوں کے درجات کی بلندی کیلئے دعا کی اور ہدایت جاری کی کہ زخمیوں کو بہترین طبی امداد کی فراہمی یقینی بنائی جائے۔

وزیراعلیٰ پنجاب سردار عثمان بزدار نے بھی دھماکے میں قیمتی انسانی جانوں کے ضیاع پر گہرے دکھ اور افسوس کا اظہار کرتے ہوئے کہا کہ شہدا کے لواحقین سے دلی ہمدردی ہے۔ انہوں نے زخمیوں کی جلد صحت یابی کیلئے دعا کی اور کہا کہ ملک دشمن عناصر کی بزدلانہ کارروائیاں پرعزم قوم کے حوصلے پست نہیں کر سکتیں۔ دہشت گردی کے خلاف جنگ میں شہدا کی عظیم قرنیاں رائیگاں نہیں جانے دیں گے۔ قوم دہشتگردی اور انتہا پسندی کے خاتمے کے لئے پرعزم اور یکسو ہے۔

جمعیت علمائے اسلام کے سربراہ مولانا فضل الرحمن نے شہیدوں کے بلند درجات کیلئے دعائے مغفرت اور زخمیوں کی جلد صحت یابی کیلئے دعا کی اور کہا کہ وہ لواحقین کے غم میں برابر کے شریک ہیں۔ بلوچستان حکومت امن وامان برقرار رکھنے میں ناکام ہو چکی ہے۔ حکومت ذمہ داوں کے خلاف کارروائی کرکے حقائق عوام کے سامنے لائے۔

وزیر داخلہ اعجاز احمد شاہ نے اپنے بیان میں واقعے کی شدید مذمت کرتے ہوئے کہا کہ شرپسند عناصر کو ان کے ناپاک عزائم میں کامیاب نہیں ہونے دیں گے۔ اس طرح کے بزدلانہ واقعات سے لوگوں میں خوف وہراس پھیلانے والے ناکام ہوں گے۔ جاں بحق ہونے والے افراد اور ان کے لواحقین کے لئے دعاگو ہیں۔ اس دھماکے میں ملوث افراد کو کیفر کردار تک پہنچایا جائے گا۔

پاکستان مسلم لیگ (ن) کے صدر اور قائد حزب اختلاف شہباز شریف نے بھی دھماکے کی شدید مذمت کرتے ہوئے کہا ہے کہ انھیں قیمتی انسانی جانوں کے ضیاع پر دلی رنج اور افسوس ہے۔ دہشت گردی کے واقعات کو سنجیدگی سے لینا ہوگا۔ نیشنل ایکشن پلان پر عملدرآمد کے حوالے سے حکومت ذمہ داریوں کا تعین کرے۔ متاثرہ خاندانوں کے دکھ میں برابر کے شریک ہیں۔ اللہ تعالی شہدا کو جنت الفردوس میں اعلیٰ مقام اور لواحقین کو صبر جمیل دے.

واضح‌رہے کہ پیر کے شام کوئٹہ کے علاقے عدالت روڈ بلدیہ ہوٹل کے قریب اس وقت خودکش دھماکہ ہوا جب کوئٹہ پریس کلب کے سامنے ایک مذہبی جماعت حضرت ابوبکر صدیقؓ کے یوم وفات کے موقع پر مظاہرہ جاری رہا تھا دھماکے میں 2پولیس اہلکاروں سمیت8افرادشہید ہو گئے

معروف اداکارہ نادیہ جمیل نے بھی چین میں‌ پھنسے پاکستانی طلبا کی واپسی کےلیے آواز اٹھا دی

باغی ٹی وی رپورٹ کے مطابق :چین میں محصور پاکستانی طلبا کے لیے اٹھنے والی آواز اب مزید توانا ہونےلگی، معروف ایکٹر، اینکر اور چائلڈ پروٹیکشن ورکر نادیہ جمیل نے حکومت پاکستان پر زور دیتے ہوئے کہا کہ چین میں جو ہمارے بچے بے یارومدد گار پھنسے ہوئے ہیں. ان کو والپس لانے کے لیے حکومت آخر کیوں اتنی بے رخی اور بے پرواہی سے کام لے رہی ہے، کیا اگر ہمارا اپنا کوئی بچہ ، عزیز والد ، ولدہ یا بہن بھائی ایسی صورت حال میں ہوتا تو کیا ہم ایسے بیٹھے رہتے. انہوں نے مزید بات کرتے ہوئے کہا کہ کیا حکومت پاکستان نے اس وبا زدہ علاقے میں ان بچوں کو اس لیے چھوڑ دیا ہے کہ وہ وہاں پڑے رہیں.اور موت کا انتظارکریں. ہمیں ناجانے کیوں احساس نہیں ہے کہ ہم اپنے ان شہریوں کے لیے کچھ کریں تا کہ وہ اپنے پیاروں کے ساتھ مل کر اپنی زندگی گزار سکیں ،

نادیہ جمیل نے کہا کہ حکومت سے سوال ہے کہ وہ ان پاکستانی بچوں اور شہریوں کو واپس لانے کے لیے کیا اقدام کر نے والی ہے اور کیا اقدام کیے جارہے ہیںِ.دوسرا کیا فوج جس نے ہمیشہ مشکل وقت میں اپنے شہریوں کو ریسکیو کیا ہے وہ بھی اس میں حصہ لے رہی ہے. اور کیا پاکستان نے کوئی ایسا بندوبست کیا ہے کہ جب وہ بچے واپس آئیں گے تو ان کو حفاظتی طور پر کہاں رکھا جائے گا. نادیہ جمیل نےپھر سے کہا کہ حکومت ، فوج اور ہر وہ ادارہ جو کردار ادا کر سکتا ہے چین میں پاکستانی شہریوں کو نکالنے کے لیے اپنا کردار ادا کرے اور بتائے کہ کسی تاریخ تک یہ ہمارے بچے واپس آرہے ہیں.

اقوام متحدہ کے سکریٹری جنرل کی جنرل قمر جاوید باجوہ سے ملاقات

باغی ٹی وی رپورٹ کے مطابق اقوام متحدہ کے سکریٹری جنرل انتونیو گو ٹریس نے آج جی ایچ کیو میں چیف آف آرمی سٹاف جنرل قمر جاوید باجوہ سے ملاقات کی۔
ملاقات کے دوران باہمی مفادات کے امور ، مجموعی طور پر علاقائی سلامتی کی صورتحال سمیت افغان مہاجرین کے معاملے ، افغان مصالحتی عمل اور تنازعہ کشمیر پر تبادلہ خیال کیا گیا۔آرمی چیف نے کہا کہ پاکستان استحکام ، امن اور میانہ روی کے حصول کے لئے پرعزم ہے۔

سکریٹری جنرل انتونیو گو ٹریس کا کہنا تھا کہ مسئلہ کشمیر کے بارے میں اقوام متحدہ کی قراردادوں پر عمل درآمد کرنے کی ضرورت ہے اور اقوام متحدہ کے امن مشنوں میں پاکستان کی شراکت کو سراہا . پاکستان کی دہشت گردی کو روکنے میں غیر معمولی کامیابیوں کا اعتراف کیا۔ انہوں نے ملٹری آبزور گروپ انڈیا پاکستان (یو این ایم او جی آئی پی) میں اقوام متحدہ کے ملٹری آبزرور گروپ کو مکمل رسائی پر پاکستان کا شکریہ ادا کیا اور پاکستان میں سلامتی کی بہتر صورتحال اور علاقائی امن و استحکام کی جانب مثبت کوششوں کو سراہا