Author: +9251

سہولت کارڈ منصوبہ کی حقیقت کیا ہے بتایا رانا ثناءاللہ نے

باغی ٹی وی :سہولت کاڑد کی حقیقت کیا ہے بتانے ہوئے ن لیگی رہنما رانا ثناءاللہ نے دعوٰی کیا ہے کہ سہولت کارڈ منصوبہ مسلم لیگ ن نے پاکستان کارڈ کے نام سے شروع کیا تھا، موجودہ حکومت نے سیف سٹی منصوبہ تباہ کر دیا،

لاہور میں گفتگو کے دوران رانا ثناء نے حکومت کو مخاطب کرتے ہوئے کہا کہ چند سال پہلے آپ نے اے ٹی ایم بھری تھی کیاوہ اتنی جلدی خالی ہو گئی۔ آپ نے سوائے لنگرخانے کھولنے کے کیا کیا۔ طلباء کیلئے لیپ ٹاپ اسکیم بند کردی گئی، یونیورسٹیوں کودی جانیوالی گرانٹ بندکردی گئی، حج پرسبسڈی ختم کردی، 300 فیصد گیس کی قیمتوں میں اضافہ کردیا۔ ن لیگی دورحکومت میں ایسے ایسے منصوبے جن کی لاگت 100 سے 200 ارب ہے ریکارڈ مدت میں مکمل ہوئے۔

انہوں نے ایک بار پھر قسم کھاتے ہوئے کہا کہ فردوس عاشق اعوان نے شہباز شریف کے بارے میں جس طرح کے الفاظ استعمال کیے، خدا کی قسم، 10 سال میں میں نے ایک روپے کی کرپشن نہیں دیکھی۔

وزیراعظم نے وفاقی کابینہ کا اجلاس 18 فروری کو بلا لیا ، کیا ہوگا ایجنڈا

باغی ٹی وی :وزیراعظم عمران خان نے وفاقی کابینہ کا اجلاس 18 فروری بروز منگل کو طلب کرلیا ہے جس میں 12 نکاتی ایجنڈے پرغور کیا جائے گا۔

ذرائع کے مطابق کابینہ اجلاس میں ملکی سیاسی و معاشی صورتحال اور ترک صدر طیب ایردوان کے دورہ پاکستان میں معاہدوں کی تفصیلات سے کابینہ کو اعتماد میں لیا جائے گا۔اس کے علاوہ کابینہ مہنگائی کی روک تھام کے اقدامات کا بھی جائزہ لے گی جبکہ احساس پروگرام میں ارکان پارلیمان کو شامل کرنے کے معاملے پر بریفنگ بھی ایجنڈا میں شامل ہے۔

اجلاس میں گیس کی قیمتوں اور بجلی بلوں کا معاملہ بھی ایجنڈے میں شامل کیا گیا ہے جبکہ دالوں پر ٹیکس ریگولیڑی ڈیوٹی کے معاملے پر بھی غور کیا جائے گا۔وفاقی کابینہ کو پاکستان اسٹیل ملز کے معاملہ پر بھی غور کیا جائے گا جبکہ بھارت سے ایک بار کے لیے کیڑے مار ادویات کی درآمد کی اجازت کا معاملہ بھی ایجنڈے میں شامل کیا گیا ہے۔

عمران صاحب کی لینڈ کروزر کہاں سے آئی، مریم اورنگ زیب کی کڑی تنقید

باغی ٹی وی :مسلم لیگ ن کی ترجمان مریم اورنگزیب کا کہنا ہے کہ 18 ماہ میں روزگار، کاروبار اور معیشت تباہ ہوگئی، عمران مافیا نے شریف گروپ کے دفاتر پر چھاپہ تو مار لیا لیکن ہمیشہ کی طرح کچھ نہیں ملا۔

مریم اورنگزیب کا کہنا ہے کہ حکومت اپنی چوری سے نظر ہٹانے کے لئے سیاسی مخالفین کے گھروں پر چھاپے مار رہی ہے۔ بتایا جائے اب جہانگیر ترین اور خسرو بختیار کے دفاتر اور ملوں کو کب چیک کیا جائے گا، عمران مافیا پورا کا پورا غیر قانونی فارن فنڈنگ سے بنا، عوام کی روٹی، چینی اور آٹا کہاں ہے، پتہ چل جائے گا، بتایا جائے پشاور میٹرو کی رقم کہاں گئی۔

انہوں نے مزید کہا کہ بنی گالہ پہ چھاپہ مارا جائے، عمران صاحب کی لینڈ کروزر کہاں سے آئی، پتہ چل جائے گا۔ عمران مافیا، شریف خاندان اور مسلم لیگ ن کے رہنماوں کو جیلوں میں رکھ کر اٹھارہ ماہ میں ایک روپے کی کرپشن کا ثبوت عدالت میں نہیں پیش کر سکا۔
واضح‌رہے کہ اس سے پہلے مسلم لیگ ن کے صدر اور قائد حزب اختلاف شہباز شریف نے بھی عمران خان اور اس کی حکومت پر کڑی تنقید کی تھی . اور ان اقدام کو مشرف کے اقدام سے تشبیہ دی تھی.