Author: +9251

واشنگٹن :ایران مشرق وسطیٰ کا کینسر ہے: امریکی سینیٹر لینڈسے گراہم خطے میں ایرانی سازشوں پربول اٹھے،اطلاعات کےمطابق امریکی ری پبلییکن پارٹی کے سینیڑ لینڈسے گراہم نے ایران کو کڑی تنقید کا نشانہ بنایا ہے۔ ان کا کہنا ہے کہ ایران مشرق وسطٰی میں ایک کینسر کی طرح ہے۔

غیر ملکی خبر رساں ادارے کے مطابق میونخ میں منعقدہ امن کانفرنس سے خطاب کرتے ہوئے لینڈسے گراہم نے کہا کہ لبنان، شام اور عراق کے مسائل کا حل خطے میں ایران کے کردار اور مداخلت کو محدود کرنے میں ہے۔ امریکی سینیٹر لینڈسے گراہم نے کہا کہ ایران مشرق وسطیٰ میں کینسر ہے۔ ایران ایٹم بم کے حصول کے لیے کوشاں ہے۔ اگر اس نے جوہری بم بنا لیا تو وہ اسے استعمال بھی کرے گا۔

امریکی سینیٹر کا کہنا تھا کہ امریکی صدر ڈونلڈ ٹرمپ ایران پر پابندیاں اٹھانے کو تیار ہیں بہ شرطیکہ ایران جوہری ایندھن کو اپنے جوہری ایندھن کو مشرق وسطیٰ کے دوسرے ممالک میں تقسیم کرے جن سے وہ پرامن توانائی حاصل کر سکیں۔انہوں ‌نے کہا کہ ایران خطے کے مسائل کی جڑ ہے۔ جب تک خطے میں ایران موجود ہے اس وقت تک عراق ، شام ، یمن اور لبنان کے مسائل حل نہیں ہو سکتے۔

ریاض: جنگی ہیلی کاپٹر کی تباہی ، آرمی چیف کے امریکہ میں داخلے پرپابندی اورپھرجنگی طیارے کی تباہی ، آج کا دن فوج پربھاری فضائیہ کا لڑاکا طیارہ گر کر تباہ ہو گیا۔بین الاقوامی میڈیا رپورٹس کے مطابق افواج کے ترجمان کا کہنا ہے کہ جنگی طیارہ حکومت کی سپورٹ کے لیے ہونے والے آپریشن کے دوران گر کر تباہ ہوا۔

سعودی اتحادی افواج نے تباہ ہونے والے طیارے کے پائلٹس سے متعلق فی الحال کوئی بھی تفصیل بتانے سے گریز کیا ہے۔دوسری جانب حوثی باغیوں نے طیارے کو نشانہ بنانے کا دعویٰ کرتے ہوئے کہا ہے کہ “دشمن کے لڑاکا طیارے” کو مار گرایا ہے۔

حوثی باغیوں کے ترجمان نے تحریری بیان میں دعویٰ کیا کہ الجوف صوبے میں تباہ ہونے والا طیارہ تحریک کے کارکنوں کی کارروائی میں تباہ ہوا۔ان کا کہنا تھا کہ طیارے کو میزائل سے نشانہ بنایا گیا۔

واضح رہے کہ سعودی عرب کی قیادت میں اتحادی افواج نے 2015 میں یمن کی بین الاقوامی سطح پر تسلیم شدہ حکومت کے خلاف ایرانی نواز حوثی باغیوں کے خلاف جنگ کا آغاز کیا تھا۔

یاد رہے کہ آج دمشق میں ایک جنگی ہیلی کاپٹرتباہ ہوا ہے اورادھردوسری طرف امریکہ نے سری لنکن آرمی چیف کے امریکہ میں داخلے پرپابندی عائدکردی ہے جبکہ دنیا میں جاری فوجوں کی لشکرکشی کے دوران تیسرا اہم واقعہ سعودی عرب کے جنگی جہاز کی تباہی کا ہے جسے بڑا اہم لیا جارہا ہے

واشنگٹن: آرمی چیف کے امریکہ میں داخلے پر پابندی عائد کردی گئی ،اطلاعات کے مطابق امریکہ نے آرمی چیف پر ملک میں ہونے والی خانہ جنگی کے دوران ماورائے عدالت قتل اور بنیادی انسانی حقوق کی خلاف ورزی کا الزام عائد کرتے ہوئے ان کے امریکا میں داخلے پر پابندی عائد کردی۔

امریکی وزیر خارجہ مائیک پومپیو نے ٹوئٹر پر جاری بیان میں سری لنکن آرمی چیف پر پابندی عائد کرنے کا اعلان کیا۔مائیک پومپیو نے سری لنکا میں خانہ جنگی کے دوران آرمی چیف شویندرا سلو کو ماورائے عدالت قتل میں ملوث قرار دیا۔امریکی وزیر خارجہ کا کہنا تھا کہ امریکا جنگی جرائم اور انسانی حقوق کی خلاف ورزیوں میں ملوث افراد کے لیے اپنے احتساب کی جدوجہد میں متزلزل نہیں ہوگا۔

I am designating Shavendra Silva making him ineligible for entry into the U.S. due to his involvement in extrajudicial killings during #SriLanka’s Civil War. The U.S. will not waver in its pursuit of accountability for those who commit war crimes and violate #humanrights.

— Secretary Pompeo (@SecPompeo) February 14, 2020

اس سے قبل ایک بیان میں مائیک پومپیو کا کہنا تھا کہ سری لنکن آرمی چیف لیفٹیننٹ جنرل شویندرا سلواکے خلاف بنیادی انسانی حقوق کی خلاف ورزیوں کے الزامات کو اقوام متحدہ اور دیگر اداروں نے قلم بند کرلیا ہے۔عرب میڈیا کے مطابق امریکا کی جانب سے پابندی کے بعد سری لنکن آرمی چیف کے اہلخانہ بھی امریکا میں داخلے کے اہل نہیں ہوں گے۔

سری لنکن وزارت خارجہ نے امریکی اقدامات پر سخت اعتراض اٹھایا ہے اور اسے غیر تصدیق شدہ اطلاعات پر لیا گیا اقدام قرار دیا ہے۔سری لنکا کی وزارت خارجہ نے واشنگٹن پر زور دیا ہےکہ وہ اپنے فیصلے پر نظر ثانی کرے، آرمی چیف شویندرا سلوا کے خلاف انسانی حقوق کی خلاف ورزیوں میں ملوث ہونے کے کوئی ٹھوس ثبوت نہیں۔

واشنگٹن : ناسا نے خبردارکردیا،زمین تباہ ہوسکتی ہے، کوئی خطرناک چیز34،000 میل فی گھنٹہ کی رفتار سے زمین کی طرف بڑھ رہی ہے،اطلاعات کےمطابق امریکی خلائی تحقیقی ادارے ناسا نے خبردار کیا ہے کہ آج انتہائی بڑےسائزکاسیارچہ زمین کےقریب سے گزرےگا، تاہم اس سے زمین کو کوئی خطرہ نہیں۔

تفصیلات کے مطابق امریکی خلائی تحقیقی ادارہ ’نیشنل ایرو ناٹکس اینڈ اسپیس ایڈ منسٹریشن (ناسا) کا کہنا ہے کہ انتہائی بڑے سائز کا سیارچہ آج زمین کے قریب سے گزرے گا ، سیارچہ پاکستانی وقت کےمطابق شام چاربجےزمین کےقریب ہوگا۔

سیارچےکی لمبائی ساڑھے تین ہزارفٹ ہے اور یہ تقریبا 34،000 میل فی گھنٹہ کی رفتار سے زمین کی طرف سفر کررہا ہے۔سیارچہ زمین سے35 لاکھ 90ہزارمیل کےفاصلےسےگزرےگا تاہم خوش قسمتی سے زمین سے انتہائی قریب ہونے کے باجوود یہ اس راستے پر نہیں ہے ، جس سے زمین کو کسی قسم کا کوئی خطرہ ہو۔

اس سیارچے کو 2002 پی زیڈ 39 کے نام سے جانا جاتا ہے اور اسے اگست2002 میں دریافت کےبعدسےٹریک کیا جارہاہے۔ماہرین کا ماننا ہے کہ اس سیارچے سے دنیا کو کوئی نقصان پہنچنے کا اندیشہ نہیں تاہم ناسا مزید معلومات حاصل کرنے کی کوشش کر رہا ہے۔

واضح رہے اس سیارچے کو سائز کے اعتبار سے برج خلیفہ سے بڑا کہا جارہا ہے ، کیونکہ اس کا ساڑھے تین ہزارفٹ جبکہ دنیا کی سب سے بڑی عمارت برج خلیفہ 2 ہزار 717 فٹ لمبا ہے۔

خیال رہے ستمبر 2017 میں فلورنس نامی سیارچہ زمین سے 43 لاکھ 91 ہزار میل کے فاصلے سے گزرا تھا جبکہ اپریل 2017 کو 2014 جے او 25 نامی سیارچہ زمین سے محض 11 لاکھ میل کے فاصلے سے گزرا تھا، یہ فاصلہ زمین اور چاند کے درمیان فاصلے سے 4.6 گنا زیادہ تھا۔

دمشق: ملک پرآزمائش درآزمائش،میزائل حملے میں فوج کا ہیلی کاپٹر تباہ، 2 پائلٹس ہلاک،اطلاعات کےمطابق فوج کے ہیلی کاپٹر کو میزائل حملے میں تباہ کردیا گیا جس کے نتیجے میں دونوں پائلٹس ہلاک ہوگئے۔

عالمی خبر رساں ادارے کے مطابق شام میں ترک حمایت یافتہ جنگجوؤں کے علاقے میں شامی فوج کے ہیلی کاپٹر کو زمین سے فضا میں مار کرنے والے میزائل سے نشانہ بنایا گیا، میزائل لگنے سے ہیلی کاپٹر میں آگ بھڑک اُٹھی اور ہچکولے کھاتے ہوئے زمین بوس ہوگیا۔

From bad to worse.

– UN @OCHA_Syria says 832,000 people have been displaced in #Idlib since Dec 1.

Hostilities haven't even reached #Idlib city yet – this crisis is hard to fathom & only set to worsen. There are 500,000 alone in #Idlib city… pic.twitter.com/84HNWcfrq4

— Charles Lister (@Charles_Lister) February 13, 2020

ریسکیو اداروں نے امدادی کاموں کا آغاز کرتے ہوئے ہیلی کاپٹر کے ملبے سے دو پائلٹس کی لاشوں کو نکال لیا ہے۔ ترکی سے جنم لینے والی عسکریت پسند جماعت ’ نیشنل لبریشن فرنٹ‘ نے میزائل حملے کی ذمہ داری قبول کرلی ہے۔

واضح رہے کہ گزشتہ ہفتے بھی اس علاقے میں شامی فوج کے ایک ہیلی کاپٹر کو میزائل حملے میں تباہ کردیا گیا تھا جس میں شامی فضائیہ کے 3 اہلکار ہلاک ہوگئے تھے۔ اس علاقے میں ترکی کے حمایت یافتہ باغیوں کا کنٹرول ہے جو کرد جنگجوؤں کیخلاف برسرپیکار ہیں۔