Author: +9251

یوٹاہ: امریکی شہری کے ڈرامے نے ساری دنیا کوپیچھے چھوڑدیا،چوہوں کے ذریعے پیسہ بچانے کا انوکھا کھیل،اطلاعات کےمطابق ایک امریکی شہری کو آج کل ایک عجیب و غریب جرم کے لیے مقدمے کا سامنا ہے۔ یہ شخص پہلے کسی ہوٹل میں کمرہ کرائے پر لیتا اور خود ہی وہاں چوہے چھوڑ دیتا۔ پھر وہ روم سروس کو بلا کر صفائی کی ناقص صورتِ حال پر ہنگامہ کھڑا کردیتا۔ ہوٹل انتظامیہ اپنی عزت بچانے کے لیے اس سے معافی مانگتی اور کمرے کا کرایہ بھی نہیں لیتی۔

مقامی پولیس کے مطابق، ریان سنٹیل اسٹیٹ نامی یہ 37 سالہ شخص امریکی ریاست یوٹاہ کا رہائشی ہے۔ یہ تین ہوٹلوں کے ساتھ اسی قسم کی جعل سازی میں ملوث پایا گیا ہے جبکہ پولیس کو یقین ہے کہ یہ اس سے پہلے بھی کئی دوسرے ہوٹلوں کے ساتھ یہ کارستانی کرچکا ہے۔فی الحال اسے مجرمانہ جعل سازی اور دھوکا دہی کے تحت پانچ الزامات کا سامنا ہے۔ ان الزامات کے ثابت ہونے پر سزا اور جرمانے کا فیصلہ مقامی عدالت کرے گی۔

یہ تو معلوم نہیں کہ پولیس نے سنٹیل کو کب اور کیسے گرفتار کیا؟ لیکن اتنا ضرور بتایا گیا ہے کہ گرفتاری کے بعد اس نے اپنے جرم کا اعتراف کرلیا ہے اور کہا ہے کہ وہ کئی ہوٹلوں میں چوہے اور ہیمسٹر (چوہوں جیسے چھوٹے جانور) چھوڑ کر مفت کمرے کے مزے لوٹ چکا ہے۔

واضح رہے کہ امریکا میں ہوٹلوں اور ریستورانوں میں صفائی ستھرائی سے متعلق قوانین بہت سخت ہیں جن کی خلاف ورزی پر مالکان کو بھاری جرمانوں اور سزاؤں کا سامنا کرنا پڑتا ہے لیکن ان ہی قوانین کا فائدہ اٹھاتے ہوئے بہت سے لوگ مفت کھانا کھانے کےلیے کھانے میں کنکر اور شیشے کے ٹکڑے گرا کر شور مچا دیتے ہیں جس کی وجہ سے ریستوران کو اُن کا بِل معاف کرنا پڑتا ہے۔

ریاض :جب کوئی بس طلبا کو لے جارہی ہوتو اس سے آگے نکلنے کی کوشش نہ کرنا ورنہ سخت جرمانہ ہوگا ، نیا حکم آگیا، حکام نے اسکول وین کو اوور ٹیک کرنے کو خلاف ورزی قرار دیتے ہوئے 3 سے 6 ہزار جرمانہ عائد کردیا، یہ فیصلہ اسکول طلبہ کی حفاظت کو یقینی بنانے کیلئے کیا گیا ہے۔

غیر ملکی خبر رساں ادارے کی رپورٹ کے مطابق یہ فیصلہ سعودی عرب کے محکمہ ٹریفک کی جانب سے جاری کیا گیا ہے، جاری اعلامیے میں ٹریفک حکام نے ڈرائیوروں کو متنبہ کیا کہ اسکول بسوں کو اوو ٹیک کرنا ٹریفک قوانین کی خلاف ورزی ہے۔ٹریفک حکام کا کہنا تھا کہ اسکول بسیں مختلف جگہوں پر رکتی ہوئی چلتی ہیں، اس باوجود انہیں اوور ٹیک کرنا خلاف ورزی ہوگا۔

عرب خبر رساں ادارے کی رپورٹ میں بتایا گیا ہے کہ اگر کوئی ڈرائیور اسکول کو اوور ٹیک کرے گا تو اسے تین سے چھ ہزار جرمانے کا سامنا کرنا پڑے گا۔ٹریفک حکام نے اس سے قبل ایک ویڈیو سوشل میڈیا پر شیئر کی تھی جس میں اسکول بسوں کو اوور ٹیک کرنے کے نقصانات سے آگاہ کیا گیا تھا۔