Author: +9251

تل ابیب:اسرائیل نے دنیا کا خطرناک ترین ڈرون شکن لیزر نظام تیارکرلیا،عرب اورایشیا کے کئی ممالک نشانے پر،اطلاعات کے مطابق اسرائیلی دفاعی سامان بنانے والی کمپنی رافیل نے ایک نہایت مؤثر نظام بنایاہے جو ایک وقت میں لیزر کے ذریعے کئی ڈرون دورانِ پرواز تباہ کرسکتا ہے۔ اسے امن اور جنگ، دونوں حالات میں کامیابی سے استعمال کیا جاسکتا ہے۔

اسرائیلی وزارت دفاع کے مطابق رافیل کمپنی نے حال میں کئے گئے بعض ٹیسٹ کی تفصیلات اور ویڈیو جاری کی ہے۔ کمپنی نے مطابق اس سسٹم کا نام ’ڈرون ڈوم سی یواے ایس رکھا گیا ہے جو ہر طرح کی صورتحال میں 100 فیصد کامیاب ثابت ہوا ہے جو عسکری اور شہری علاقوں کو ڈرون اور دیگر بڑے یو اے وی سے محفوظ بناسکتا ہے۔

یہ سسٹم ایک وقت میں منڈلاتے ہوئے کئی ڈرون کو گراسکتا ہے اور بدھ کے روز رافیل کے اس کا عملی مظاہرہ بھی کیا ہے۔ اس نظام کی خاصیت یہ ہے کہ اس سے تیزی سے اڑتے ہوئے بہت چھوٹے ڈرون کو بھی تباہ کرسکتا ہے جو عموماً اپنی جسامت کے وجہ سے جُل دیکر نکل جاتے ہیں۔

ادھراسرائیلی کمپنی نے دعویٰ کیا ہے کہ ان کا نظام آزمائش میں 100 فیصد کامیاب رہا ہے۔ اس کا حساس شناختی نظام بہت درستگی سے کسی پرندے یا ڈرون کے درمیان انتخاب کرسکتا ہے اور فوری طور پر اسے تباہ کردیتا ہہے۔

ویڈیو میں دیکھا جاسکتا ہے کہ تین ڈرون ادھر ادھر تیزی سے سمت بدلتے ہوئے پرواز کررہے ہیں اور ڈوم سسٹم نے ان سب کو زمین کی دھول چٹائی ہے۔ اسرائیل انہیں سرحدی حفاظت اور اپنی تنصیبات محفوظ بنانے کے لیے بھی استعمال کرے گا۔اس ضمن میں رافیل کمپنی چھ عدد سسٹم برطانوی فوج کو فروخت کرنے کا معاہدہ بھی کرچکی ہے۔

ایران کے خلاف جارحیت ، ٹرمپ کے ہاتھ بندھ گئے.

باغی ٹی وی :امریکی صدر کے ایران بارے جارح روے میں اب بندھ باندھا جارہا ہے ، اس سلسلے میں‌ امریکی سینیٹ نے صدر ڈونلڈ ٹرمپ کو کانگریس کی اجازت کے بغیر ایران کے خلاف فوجی کارروائی سے روکنے کی قرارداد منظور کرلی۔

قرارداد کے حق میں 55 جبکہ مخالفت میں 45 ووٹ ڈالے گئے، 8 ری پبلکن سینیٹرز نے بھی قرارداد کے حق میں ووٹ ڈالا۔قرارداد کے مطابق امریکی صدر کو ایران کیخلاف جنگ کی صورت میں کانگریس سے منظوری لینا پڑے گی اور جارحیت میں ملوث امریکی فوجیوں کو واپس بلانا پڑے گا۔ امریکی صدر نے ایسی کسی بھی قرارداد پر ووٹنگ سے خبردار کیا تھا، اور وائٹ ہاؤس نے قرارداد کو ویٹو کرنے کی دھمکی دی تھی۔سینیٹ نے یہ اقدام ایرانی جنرل قاسم سلیمانی کو امریکا کی جانب سے نشانہ بنائے جانے کے 40 ویں روز کیا ہے۔

ایران میں جنرل قاسم سلیمانی کے چالیسویں پر تعزیتی تقریب انعقاد کیا گیا اور ریلی بھی نکالی گئی جس میں پاسداران انقلاب کے سربراہ میجر جنرل حسین سلامی نے امریکا اور اسرائیل کو خبردار کیا ہے کہ اگر انہوں نے رتی برابر بھی غلطی کی تو ایران دونوں ملکوں کو نشانہ بنائے گا۔
واضح‌رہے کہ امریکا نے ایک ڈرون حملے ایران کے اہم جنرل کو مار دیا گیا تھا. اس طرح اس کے ساتھ اس کے 6 اہم ہمنوا بھی مارے گئے تھے.اسد کے بعد ایران نے عراق میں امریکی ہیڈ کواٹر پر میزائل داغے تھے اور بڑے نقصان کا دعوی ٰ کی تھا جس کے بعد خطے میں‌ کشیدگی عروج پر تھا.

شام میں ترک فوج کو شدید لڑائی کا سامنا

باغی ٹی وی :شام کے اندر ترکی فوجیوں کی بشار الاسد کی فوجوں سے شدید لڑائی جاری ہے .شام میں انسانی حقوق کے نگراں گروپ المرصد کے مطابق اسرائیل نے جمعرات اور جمعے کی درمیانی شب دمشق کے ہوائی اڈے کے اطراف بعض ٹھکانوں کو فضائی حملوں کا نشانہ بنایا۔

الحدث نیوز چینل کے مطابق المرصد کے ڈائریکٹر رامی عبدالرحمن نے بتایا کہ اسرائیلی حملوں میں شامی فوج کے 3 جنگجو اور ایرانی پاسداران انقلاب کے 4 افسران مارے گئے۔

ذرائع کے مطابق یہ حملے ،،، دمشق کے ہوائی اڈے پر ایرانی ہتھیاروں کی کھیپ پہنچنے کے چند گھنٹے بعد کیے گئے۔ غالب گمان ہے کہ اسرائیلی حملوں میں استعمال ہونے والے میزائل مقبوضہ گولان کے علاقے سے داغے گئے

کمشنری سوھاج : انگریزی میں فیل کیوں کیا؟ طالبعلم نے استاد پر رکشہ چڑھا دیا،پولیس نے قتل کا مقدمہ درج کردیا ،ذرائع کے مطابق انگریزی کے مضمون میں فیل ہونے والے پرائمری جماعت کے طالب علم نے استاد کو رکشے سے کچل ڈالا۔

غیر ملکی خبر رساں ادارے کی رپورٹ کے مطابق استاد پر طالب علم کے تشدد کا یہ حیران کن واقعہ مصر کے جنوبی علاقے کی کمشنری سوھاج میں پیش آیا جہاں ایک طالب علم نے فیل کرنے پر انتقامی کارروائی کرتے ہوئے استاد پر رکشہ چڑھا ڈالا۔

واقعے کی رپورٹ اسکول پرنسپل نے پولیس اسٹیشن میں درج کرائی تھی کہ ان کے اسکول کا ایک استاد حادثے میں زخمی ہوگیا ہے اور استاد کو ایک طالب علم نے زخمی کیا ہے جو استاد کو کچلنے کے بعد گھر بھی نہیں گیا اور ابھی تک مفرور ہے۔پولیس نے ملزم کی تلاش جاری رکھی ہوئی ہے جبکہ واردات میں استعمال ہونے والا رکشہ بھی اپنی تحویل میں لےلیا ہے۔

زخمی استاد نے پولیس بیان دیا کہ مذکورہ طالب علم انگریزی میں کافی کمزور ہے اور ہر ٹیسٹ میں فیل ہوتا ہے، امتحانات سے قبل اس کے والد کو بھی اس کی تعلیمی کارکردگی سے آگاہ کیا تھا تاکہ والدین امتحانات میں کارکردگی بہتر کروا سکیں۔پولیس نے مفرور طالب علم کے خلاف اقدام قتل کا مقدمہ درج کرکے تلاش شروع کردی ہے۔

یہ بات بھی یاد رہے کہ انگریزی میں‌فعل ہونا کسی ایک طالب علم نہیں دنیا بھر کے طالب علموں‌کا مسئلہ ہے ، پاکستان میں بھی اکثروبیشترطالب علم انگریزی کے مضمون میں فیل ہوجاتے ہیں