Author: +9251

اسلام آباد:ترک صدر کے دورہ پاکستان کے موقع پرامریکہ کا بھارت کوجدید ایئرڈیفنس سسٹم دینے کا اعلان پاکستان کے لیے پیغام ، پاکستان کی تشویش ،اطلاعات کےمطابق پاکستان نے امریکا کی جانب سے بھارت کو جدید فضائی دفاعی نظام کی فروخت پر تشویش کا اظہار کیا ہے۔

دفتر خارجہ نے خبردار بھی کیا کہ ترک صدراور اقوام متحدہ کے سیکرٹری جنرل انتونیو گوتریس کے دورہ پاکستان کےدوران بھارت کوئی غیرذمہ دارانہ قدم اٹھا سکتا ہے، پاکستان نےعالمی برادری کوبھارتی فالس فلیگ آپریشن کےخدشے سے آگاہ کردیاہے، بھارت کو کسی بھی مہم جوئی کا منہ توڑ جواب دیا جائے گا۔

ترجمان دفتر خارجہ عائشہ فاروقی نے ہفتہ وار پریس بریفنگ میں کہا کہ پاکستان کو امریکا کی جانب سے بھارت کو جدید فضائی دفاعی نظام کی فروخت پر تشویش ہے اور امریکی فیصلے سے خطے کے استحکام پر سنجیدہ اثرات مرتب ہوں گے۔ترجمان دفترخارجہ کا کہنا ہے کہ جنوبی ایشیا ہتھیاروں کی دوڑ کا مزید متحمل نہیں ہوسکتا، بھارت کو ائیر ڈیفنس سسٹم کی فروخت پرتشویش ہے۔

ترجمان نے امریکا کی جانب سے بھارت کو جدید فضائی دفاعی نظام (ایڈوانسڈ انٹرڈکشن ویپن سسٹم – اے آئی ڈبلیو ایس) کی فروخت پر سخت تشویش کا اظہار کرتے ہوئے کہا کہ امریکا اور بھارت کے درمیان دفاعی تعلقات جنوبی ایشیا میں عدم استحکام کا باعث بن رہے ہیں۔ عالمی برادری پاکستان کیخلاف بھارت کے جارحانہ عزائم اور بھارتی سیاسی و عسکری قیادت کے دھمکی آمیز بیانات سے بخوبی آگاہ ہے۔

ترجمان نے کہا کہ عالمی برادری کی ذمہ داری بنتی ہے کہ وہ بھارت کو خطے میں عدم استحکام کی کوششوں سے روکے۔ایک سوال کا جواب دیتے ہوئے ترجمان نے کہا کہ امریکی صدر ٹرمپ نے کئی بار کشمیر پر ثالثی کی پیشکش کی ہے، تاہم ان پر عملدرآمد کی ضرورت ہے۔ ہم توقع رکھتے ہیں کہ امریکی صدر دورہ بھارت کے دوران یہ معاملہ اٹھائیں گے۔

اسلام آباد:پاکستانیو ! ترکی ایف اےٹی ایف کے معاملے پر پاکستان کے ساتھ کھڑا ہے، شاہ محمود قریشی،اطلاعات کےمطابق وزیر خارجہ شاہ محمود قریشی کا کہنا ہے کہ ترکی ایف اےٹی ایف کے معاملے پر پاکستان کے ساتھ کھڑا ہے، ترکی کو ایف اے ٹی ایف سے متعلق تمام میٹنگز پر باخبر رکھا ہے۔

تفصیلات کے مطابق وزیر خارجہ شاہ محمود قریشی نے ایک نجی ٹی وی سے خصوصی گفتگو کرتے ہوئے کہا کہ پاکستان اور ترکی کے تعلقات مثالی اور تاریخی ہیں، پاکستان اور ترکی نے ہر فورم پر ایک دوسرے کاساتھ دیا۔

پاکستان کے وزیرخارجہ شاہ محمود قریشی نے کہا کہ ترک صدر کے دورہ پاکستان پر ماحول میں گرم جوشی ہے، ترک صدر کے دورہ پاکستان سے نئے دور کا آغاز ہوگا، ترکی کے ساتھ نئی انڈراسٹیڈنگ اور فریم ورک کے ساتھ چلیں گے، تعلقات میں نئی سمت اختیار کریں گے۔

وزیر خارجہ کا کہنا تھا کہ ترک صدر نے مسئلہ کشمیر پر بڑا واضح مؤقف اختیار کیا، ترک صدر نے ہمارے مؤقف کو سمجھا اور مکمل حمایت کی، رجب طیب اردگان اقوام متحدہ کے ان لیڈر میں سے ہیں جنہوں نے اپنی تقریر میں کشمیر کا ذکر کیا۔

شاہ محمود قریشی نے کہا کہ ترکی اور پاکستان کے تعلقات کو اکنامک ڈپلومیسی سے مضبوط کرنا چاہتے ہیں، پاکستان میں ترک سرمایہ کاری کو فروغ دینے کے لیے پرعزم ہیں، ترکی کے تاجر پاکستان کی سرمایہ کار پالیسی سے فائدہ اٹھا سکتے ہیں۔

اسلام آباد: جعلی اکاؤنٹس کیس: عبدالغنی مجید کی ضمانت منظور، زرداری کے لیے خطرے کی گھنٹی بج گئی ،اطلاعات کےمطابق جعلی اکاؤنٹس کیس میں گرفتار اومنی گروپ کے سربراہ انور مجید کے صاحبزادے عبدالغنی مجید کو طبی بنیادوں پر ضمانت مل گئی۔جسٹس میاں گل حسن اورنگزیب اور جسٹس فیاض احمد جندران پر مشتمل دو رکنی بینچ نے عبدالغنی مجید کی ضمانت منظور کی۔

عدالت کا کہنا ہے کہ عبدالغنی مجید کی ضمانت طبی بنیادوں پر منظور کی گئی، عبدالغنی مجید اسلام آباد کے اسپتال میں زیر علاج رہیں گے اور ہر پیشی پر پیش ہوں گے۔لیکن دوسری طرف اسلام آباد میں یہ خبرین بھی گردش کررہی ہیں کہ عبدالغنی مجید کی طبی بنیادوں پرضمانت اصل میں زرداری کے خلاف وعدہ معاف گواہ بننے کی وجہ سے رعایت ہے

خیال رہے کہ منی لانڈرنگ کیس میں اومنی گروپ کے سربراہ اور آصف زرداری کے قریبی ساتھی انور مجید اور ان کے صاحبزادے عبدالغنی مجید کو سپریم کورٹ سے گرفتار کیا گیا تھا جب کہ زرداری کے ایک اور قریبی ساتھی نجی بینک کے سربراہ حسین لوائی بھی منی لانڈرنگ کیس میں گرفتار ہیں۔

اسی کیس میں تشکیل دی گئی جے آئی ٹی میں سابق صدر آصف زرداری اور فریال تالپور پیش ہوچکے ہیں۔تحقیقات میں تیزی کے بعد سے اب تک کئی جعلی اکاؤنٹس سامنے آچکے ہیں جن میں فالودے والے اور رکشے والے کے اکاؤنٹس سے بھی کروڑوں روپے نکلے ہیں۔

اسلام آ باد :قاتل جوبھی ہو،منصوبہ جس نے بھی بنایا، بچ نہیں پائے گا، سپریم کورٹ کا سانحہ ماڈل ٹاؤن کا فیصلہ تین ماہ کرنے کا حکم،،اطلاعات کےمطابق سپریم کورٹ آف پاکستان نے سانحہ ماڈل ٹاؤن کیس کا فیصلہ تین ماہ کرنے کا حکم دے دیا۔ چیف جسٹس نے ریمارکس دیئے کہ سانحہ ماڈل ٹاؤن کا فیصلہ ہر صورت ہونا چاہیے۔

تفصیلات کے مطابق چیف جسٹس گلزاراحمد کی سربراہی میں تین رکنی بینچ نے آج کیس کی سماعت کی۔عدالت نے اپنے ریمارکس میں کہا کہ سانحہ ماڈل ٹاؤن میں کئی زندگیاں چلی گئیں اور کئی لوگ زخمی بھی ہوئے، یہ سانحہ ہوگیا ہے اب اس کا فیصلہ ہونا چاہئے۔

سانحہ ماڈل ٹاؤن کے متاثرین کے وکیل علی ظفر نے عدالت میں موقف اپنایا کہ لاہور ہائیکورٹ نے جے آئی ٹی کو کام کرنے سے روک دیا ہے اسے کام سے روکنا بد نیتی پر مبنی ہوگا کیونکہ 80 فیصد تحقیقات مکمل ہوچکی ہیں۔جس پر جسٹس اعجاز الاحسن نے کہا کہ یہ مفاد عامہ کا معاملہ تھا، لاہور ہائیکورٹ کا تین ممبر بینچ کیسے سپریم کورٹ کے پانچ رکنی بینچ کا فیصلہ کالعدم قرار دے سکتا ہے؟ جن لوگوں نے لاہور ہائیکورٹ میں فیصلہ چیلنج کیا وہ سپریم کورٹ میں پیش نہیں ہوئے تھے۔

انہوں نے کہا کہ متاثرین نے نئی جے آئی ٹی بنانے کے لیے کہا تھا، جس پر کسی کو اعتراض نہیں تھا۔چیف جسٹس نے اپنے استفسار کیا کہ کون چاہتا ہے جے آئی ٹی بنانا؟ کس نے بنائی تھی جے آئی ٹی؟َ جس پرجسٹس اعجازالاحسن نے بتایا کہ پنجاب حکومت نے جے آئی ٹی بنائی تھی۔سپریم کورٹ نے لاہور ہائی کورٹ کو سانحہ ماڈل ٹاؤن کیس کا فیصلہ تین ماہ میں کرنے اور نیا بینچ تشکیل دینے کا حکم دے دیا۔چیف جسٹس نے ریمارکس دیئے کہ سانحہ ماڈل ٹاؤن کا فیصلہ ہر صورت ہونا چاہیے۔