Author: +9251

اسلام آباد:ترک صدرطیب اردوان بنیں گے مہمان ، جش کا سماں اورخوش ہے پاکستان ،اطلاعات کےمطابق پاکستان کے گلی کوچے صدر ایردوان کے اعزاز میں کسی جشن کا سماں پیش کر رہے ہیں

دارالحکومت اسلام آباد کی میں سرکاری دفاتر کے واقع ہونے والی شاہراہ کانسٹیٹیوٹشن، قیام کرنے والے ہوٹل اور ہوائی اڈے کی گزرگاہیں پرچموں سے سجی ہوئی ہیں
صدر رجب طیب ایردوان کو خوش آمدید کہنے کی تیاریوں میں ہونے والے پاکستان کے گلی کوچوں کو صدر ایردوان کی تصاویر اور ترک پرچموں سے آراستہ کیا گیا ہے۔

دارالحکومت اسلام آباد کی میں سرکاری دفاتر کے واقع ہونے والی شاہراہ کانسٹیٹیوٹشن، قیام کرنے والے ہوٹل اور ہوائی اڈے کی گزرگاہیں پرچموں سے سجی ہوئی ہیں۔علاوہ ازیں پاک ترک دوستی کے حوالے سے تحریروں کے بینرز بھی جگہ جگہ چسپاں کیے گئے ہیں۔

ڈیرہ اسمٰعیل خان :سی ٹی ڈی اور پولیس کی مشترکہ کارروائی، 2 دہشت گرد ہلاک ہو گٸے،بھاری اسلحہ برآمد ،اطلاعات کے مطابق ڈیرہ اسماعیل خان سی ٹی ڈی نے بگوانی گاوں میں سرچ اپریشن کے دوران مخبر کی اطلاع پر ایک مکان پر چھاپہ مارنے کے دوران مشتبہ افراد کے سی ٹی ڈی اہلکاروں پر فائرنگ کردی جوابی کاروائی سے دو دہشت گرد مارے گٸے

پولیس حکام کےمطابق مقابلے میں مارے جانے والے دونوں دہشت گردوں کی شناخت وقار ظفر آباد ،نوید بستی درکھان والی سے ہوئی ہے دونوں مرنے والے دہشتگرد گزشتہ کھتی پولیس چیک پوسٹ حملے میں ملوث ہونے کے ساتھ ساتھ اغوا برائے تاوان اور پولیس کی ٹارگٹ کلنگ کے علاوہ حساس تنصیبات پر حملے میں بھی پولیس کو مطلوب تھے۔

مرنے والوں کا تعلق کالعدم جماعت ٹی ٹی پی کھیارہ گروپ سے تھا دہشت گردوں کے قبضے سے وائرلیس سیٹ۔کلاشنکوف۔اور دستی بم سمیت بارودی مواد برامد کرکے لاشیں قبضے میں لے کر ہسپتال منتقل کردی ہے جبکہ آر پی او ڈیرہ فلائیٹ لیفٹیننٹ (ر) محمد امتیاز شاہ اور ڈی پی او ڈیرہ کیپٹن (ر) واحد محمود کی قیادت میں علاقے میں سر چ آپریشن شروع کر رکھا ہے

پولیس جوانوں کے ہمراہ آر پی او اور ڈی پی او بزات خود اپریشن کی نگرانی کر رہے ہیں۔گزشتہ شب پوٹہ پولیس چوکی پر حملے کے بعد آر پی او نے دہشت۔گردوں کی سرکوبی کے لئے سی ٹی ڈی اور پولیس پر مشتمل ٹاسک ٹیم بنائی تھی

اسلام آباد:منی بجٹ نہیں آئے گا، پاکستان اور آئی ایم ایف کے درمیان مذاکرات میں اتفاق،ادھراطلاعات کےمطابق پاکستان اور بین الاقوامی مالیاتی فنڈ (آئی ایم ایف) کے وفد کے درمیان مذاکرات میں منی بجٹ نہ لانے پر اتفاق کر لیا گیا ہے۔

ذرائع کے مطابق مذاکرات میں اتفاق کیا گیا ہے کہ رواں سال جون تک ٹیکسز میں اضافہ اور ٹیکس ہدف میں کمی نہیں ہوگی۔وزارت خزانہ کے ذرائع کا کہنا ہے کہ پاکستان کی جانب سے ٹیکس ہدف کے حصول کیلئے بھرپور کوششیں ہوں گی۔ آمدن بڑھانے کے لیے نان ٹیکس آمدن بڑھائی جائے گی۔

اس کے علاوہ نجکاری کے روڈ میپ پر عملدرآمد یقینی بنایا جائے گا جبکہ نان ٹیکس آمدن میں 400 ارب روپے اضافہ کیا جائے گا۔آئی ایم ایف کیساتھ مذاکرات میں اتفاق کیا گیا کہ سیلز ٹیکس کا ریٹ 18 فیصد نہیں ہوگا، اس کی شرح 17 فیصد پر ہی برقرار رہے گی۔

ذرائع وزارت خزانہ کے مطابق پاکستان نے آئی ایم ایف کے بیشتر اہداف حاصل کرتے ہوئے خسارے اور نقصانات میں کمی کا روڈ میپ تیار کر لیا ہے۔ آئی ایم ایف مالیاتی اور کرنٹ اکاؤنٹ خسارے پر مطمن ہے۔ دونوں فریقین 10 روزہ مذاکرات کا الگ الگ اعلامیہ جاری کریں گے۔

اسلام آباد:تمام عالمی سوشل میڈیا پلیٹ فارمز کی پاکستان میں رجسٹریشن لازمی قرار دیدی گئی،اطلاعات کےمطابق وفاقی کابینہ نے نئے سوشل میڈیا رولز کی منظوری دیتے ہوئے تمام عالمی سوشل میڈیا پلیٹ فارمز کی تین ماہ میں پاکستان میں رجسٹریشن لازمی قرار دیدی ہے۔

دستاویز کے مطابق یوٹیوب، فیس بک، ٹویٹر اور ٹک ٹاک سمیت تمام کمپنیاں رجسٹریشن کرانے کے پابند اور تین ماہ میں اسلام آباد میں دفتر قائم کرنا لازم ہوگا۔اس کے علاوہ عالمی سوشل پلیٹ فارمز اور کمپنیوں پر پاکستان میں رابطہ افسر تعینات کرنے کی شرط عائد بھی کر دی گئی ہے۔ سوشل میڈیا پلیٹ فارمز اور کمپنیوں کو ایک سال میں پاکستان میں ڈیٹا سرور بنانا ہوں گے۔

قومی اداروں اور ملکی سلامتی کے خلاف بات کرنے والوں کے خلاف کارروائی ہو سکے گی۔ بیرون ملک سے ان اداروں کو آن لائن نشانہ بنانے والوں کے خلاف بھی کارروائی کا اختیار ہوگا۔ سوشل میڈیا کمپنیوں کو ریگولیٹ کرنے کے لیے نیشنل کوآرڈینیشن اتھارٹی بنائی جائے گی۔

اتھارٹی ہراسگی، اداروں کو نشانہ بنانے اور ممنوعہ مواد کی شکایت پر اکاؤنٹ بند کر سکے گی۔ اتھارٹی سوشل میڈیا کمپنیوں کے خلاف ویڈیوز نہ ہٹانے پر ایکشن لے گی۔ اگر کمپنیوں نے تعاون نہ کیا تو ان کی سروسز معطل کر دی جائیں گی۔

اگر کمپنیوں نے رولز کو فالو نہ کیا تو پچاس کروڑ تک جرمانہ ہوگا۔ یوٹیوب سمیت سوشل میڈیا پر بنائے جانے والے مقامی پلیٹ فارمز کی رجسٹریشن کرانا لازمی ہوگی۔ قانون نافذ کرنے والے اور انٹیلی جنس ادارے قابل اعتراض مواد پر کارروائی کر سکیں گے۔

اگر کمپنیوں نے رولز کو فالو نہ کیا تو پچاس کروڑ تک جرمانہ ہوگا۔ یوٹیوب سمیت سوشل میڈیا پر بنائے جانے والے مقامی پلیٹ فارمز کی رجسٹریشن کرانا لازمی ہوگی۔ قانون نافذ کرنے والے اور انٹیلی جنس ادارے قابل اعتراض مواد پر کارروائی کر سکیں گے۔

لاہور:خطرہ ٹل گیا : پاکستانی آل راؤنڈر محمد حفیظ کا بولنگ ایکشن کلیئر قراردے گیا ، ،اطلاعات کےمطابق ٹی ٹوئنٹی بلاسٹ کاؤنٹی کرکٹ میچ میں محمد حفیظ کے بولنگ ایکشن کو مشکوک قراردیا گیا تھا جس کے بعد بائیو مکینک لیب نے ان کے ایکشن کو کلیئر قرار دے دیا۔

گزشتہ سال ٹی ٹوئنٹی بلاسٹ لیگ میں پاکستانی بولر ’مڈل سیکس ٹیم‘ کا حصہ تھے اور ’سومر سیٹ‘ ٹیم کے خلاف کھیلے جانے والے میچ میں حفیظ کے ایکشن کو انگلینڈ اور ویلز کرکٹ بورڈ (ای سی بی) کی جانب سے مشکوک قراردیا گیا تھا۔اسی اثناء میں پاکستانی بولر پر برطانیہ کے کسی بھی کاؤنٹی میچ میں بولنگ کرنے پر پابندی عائد کردی گئی تھی۔

بولنگ ریویو گروپ نے ’لارڈز‘ میں اس شکایت پر فیصلہ دیا تھا جس کے نتیجے میں پاکستانی بولر کو پابندی کا سامنا کرنا پڑا۔لیکن لاہور میں قائم لیب میں ٹیسٹ کے بعد محمد حفیظ کے بولنگ ایکشن کو کلیئر قرار دے دیا گیا جس کے بعد وہ کسی بھی ملک کی کرکٹ لیگز میں بولنگ کرسکتے ہیں۔

محمد حفیظ نے گزشتہ برس لیگ میں مڈل سیکس کی جانب سے چار میچز کھیلے جن میں انہوں نے مجموعی طور پر 115 رنز بنائے جس میں سب سے زیادہ ان کا اسکور 48 رنز رہا۔ ساتھ ہی انہوں نے دو وکٹیں بھی حاصل کیں۔

یاد رہے کہ محمد حفیظ پر بولنگ کی پابندی کا اطلاق صرف انگلینڈ اور ویلز کرکٹ بورڈ کے تحت ہونے والے میچز کے لیے تھا بعد ازاں انہوں نے کیریبیئن پریمئیر لیگ، پاکستان کے ٹی ٹوئنٹی ڈومیسٹک میچز اور قطر ٹی ٹین لیگ میں بولنگ کی تھی۔

محمد حفیظ کے بولنگ ایکشن کو لاہور میں قائم آئی سی سی کے منظور شدہ ٹیسٹنگ سینٹر میں چیک کیا گیا جس میں ان کے بولنگ ایکشن کو کلیئر قراردیا گیا اور بتایا گیا ان کی کہنی کا خم تسلیم شدہ 15 ڈگری کے زاویے کے اندر اندر ہے۔

پاکستانی آل راؤنڈر محمد حفیظ کے بولنگ ایکشن پر یہ پابندی کوئی پہلی مرتبہ نہیں لگائی گئی اس سے پہلے بھی کئی بار ان کے بولنگ ایکشن کو مشکوک قرار دیا جاچکا ہے اور ہر بار ٹیسٹ کلیئر کرنے پر ان پر سے پابندی ہٹالی جاتی ہے۔