Author: +9251

اسلام آباد:پاکستانی سیاست میں ڈرامائی تبدیلی :چینی سفیر اہم پیغام لے کر زرداری ہاوس پہنچ گئے ،باغی ٹی وی کے مطابطق پاکستان میں چینی سفیر اہم پیغام لے کر زرداری ہاوس پاکستان پیپلزپارٹی کے چیئرمین بلاول بھٹو سے ملاقات کیلئے پہنچ گئے

باغی ٹی وی کے مطابق اس ملاقات میں چینی سفیر نے چین حکومت کا خیرسگالی کا پیغام پہنچایا ادھر ذرائع کے مطابق اس موقع پرچیئرمین بلاول بھٹو زرداری نے یاؤجِنگ کو چینی صدر شی جن پنگ کے لئے خط حوالے کیا

باغی ٹی وی کے مطابق چینی سفیر سے ملاقات کے دوران چیئرمین بلاول بھٹو زرداری نے خط میں صدر عوامی جمہوریہ چین سے کرونا وائرس کے حوالے سے اظہار یکجہتی کیاج،اس دوران چیئرمین بلاول بھٹو زرداری اور چینی سفیر کے درمیان ووہان میں پاکستانی طلبہ کے حوالے سے بات چیت کھل کربات ہوئی اور بلاول بھٹونے اس مشکل وقت میں پاکستان کے بھرپورتعاون کا یقین بھی دلایا

باغی ٹی وی کے مطابق اس ملاقات میں چیئرمین بلاول بھٹو زرداری سے چینی سفیر یاؤجِنگ نے اقتصادی راہداری منصوبے میں حائل مشکلات پر بات کی، چینی سفیر سے بات کرتے ہوئے بلاول بھٹونے کہا کہ پاکستان پیپلزپارٹی نے پاک چین دوستی کی مضبوط بنیادیں رکھیں،بلاول بھٹو نے کہاکہ سی پیک نے صدر آصف زرداری کی وجہ سے حقیقت کا روپ دھارا

اس موقع پر بلاول بھٹو نے کہا کہ میں ووہان میں موجود پاکستانی طلبہ کے حوالے سے فکرمند ہوں، بلاول بھٹونے مزید کہاکہ چین ایک مشکل وقت سے گزررہا ہے، ہم اپنے دوست ملک کے ساتھ ہیں

چینی سفیر نے بلاول بھٹوکا شکریہ ادا کرتے ہوئے کہا کہ وہ اس مشکل وقت پر اہل پاکستان اورپاکستان کے بہت مشکورہیں جنہوں نے مشکل وقت میں ہمارا ساتھ دیا

اسلام آباد : میں نے قوم سے وعدہ کیا تھا کہ مشکل وقت کے بعد حالات بہترہوں گے ،وزیراعظم عمران خان نے گیس اور بجلی کی قیمتیں بڑھانے کی مخالفت کردی،اطلاعات کے مطابق وزیر اعظم عمران خان نے وفاقی کابینہ کے اجلاس میں گیس اور بجلی کی قیمتیں بڑھانےکی مخالفت کرتے ہوئے 15 ارب ریلیف پیکج کی منظوری دے دی اور کہا عوام پر مہنگائی کاپہلے ہی بوجھ ہے مزید بوجھ نہیں ڈال سکتے۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اہم اجلاس ختم ہوگیا ، اجلاس میں 14نکاتی ایجنڈے پر غور کیا گیا، وزیراعظم نےگیس اوربجلی کی قیمتیں بڑھانےکی مخالفت کردی اور کہا عوام پرمہنگائی کاپہلےہی بوجھ ہےمزیدبوجھ نہیں ڈال سکتے۔

اجلاس میں مہنگائی میں کمی سے متعلق بڑے فیصلوں سمیت 15 ارب ریلیف پیکج کی منظوری دے دی گئی جبکہ وزیراعظم نے ای سی سی کےچینی کی درآمد کے فیصلے کو منسوخ کرتے ہوئے چینی کی برآمد پر پابندی کے فیصلے کی توثیق کردی اور کہا چینی کے معاملے پر عوام کو پریشان نہیں ہونے دوں گا۔

اجلاس میں دالوں پرامپورٹ ڈیوٹی ختم کرنے کا فیصلہ کیا گیا ، فیصلے سے ملک بھرمیں دالوں کی قیمت کم کردی جائے گی جبکہ 50ہزارنوجوانوں کویوتھ اسٹورز کے لئے قرض دینے کی بھی منظوری دی گئی۔

ذرائع کے مطابق کابینہ اجلاس میں یوٹیلیٹی اسٹورز کی تعداد بڑھانے اور احساس پروگرام کے اشتراک پربھی بات ہوئی جبکہ کابینہ کو گندم آٹا بحران پر تحقیقات کی پیش رفت سے آگاہ کیا گیا۔

گذشتہ روز وزیر اعظم عمران خان ن کا کہنا تھا کہ مجھے ان مشکلات کا ادراک ہے جن کا تنخواہ دار طبقے سمیت مجموعی طور پر عوام کو سامنا ہے، میں نے فیصلہ کیا ہے کہ کچھ بھی ہوجائے، میری حکومت منگل کو کابینہ کے اجلاس میں عوام کے لیے بنیادی غذائی اجناس کی قیمتوں میں کمی کی خاطر مختلف اقدامات کا اعلان کرے گی۔وزیر اعظم نے قوم کو مزید خوشخبری دیتے ہوئے کہا تھا کہ قوم اطمینان رکھے ذمہ داروں کا بھرپور محاسبہ کیا جائے گا اور انہیں قرار واقعی سزا دی جائے گی۔

فرینکفرٹ :چین کرونا وائرس کی زد میں تو یورپ میں سمندری طوفان کیارا نے تباہی مچا دی۔تفصیلات کے مطابق جرمنی، فرانس، برطانیہ اور بیلجیم سمیت بیشتر ممالک میں شدید بارشوں اور سمندری طوفان نے تباہی مچا دی، طوفان سے بجلی کا نظام درہم برہم جبکہ سینکڑوں پروازیں معطل کر دی گئیں ۔ 90 میل فی گھنٹہ کی رفتار سے چلنےو الی طوفانی ہواؤں نے فضائی سفرکو بری طرح متاثر کرکے رکھ دیا۔

ذرائع کے مطابق چیک ری پبلک میں ایک شخص اس وقت ہلاک ہوگیا جب اس نے اپنی کار کوگرتے ہوئے درخت سے بچانے کی کوشش کی ۔ طوفان سے کئی افراد زخمی بھی ہوئے ہیں ۔ ایک گھنٹہ میں 180 کلو میٹر تک چلنے والی ہواؤں نے 100،000 افراد کو بجلی کی فراہمی معطل کردی ۔

سلووینیا میں پیر کے روز ایک 52 سالہ شخص کی موت اس وقت ہوئی جب سفر کے دوران اس کی گاڑی پر ایک درخت آگرا ۔ جنوبی پولینڈ میں ایک 40 سالہ خاتون اور اس کی نو عمر بیٹی طوفانی ہواؤں کی زد میں آکر چھت سے پھسل کر جان سے ہاتھ دھو بیٹھیں ۔

برمنگھم اور میونخ ائیرپورٹ پربھی طیارے کی لینڈنگ پائلٹس کیلئے کڑا امتحان بن گئی، ایمسٹراڈیم ائیرپورٹ پر طیارے کی لینڈنگ کی کوشش پانچ بار ناکام ہوگئی جس سے مسافروں میں خوف و ہرا س پھیل گیا ۔

ذرائع کے مطابق طح عطوفانی ہواؤں کے سبب لینڈنگ نہ کرنے پانے سےطیارہ واپس میڈرڈ ائیرپورٹ لینڈ کرگیا۔ ناکام لینڈنگ کا شکار ہونیوالےطیارےمیں تین سو مسافر سوارتھے۔

لندن پولیس کے مطابق اتوار کے روز دارالحکومت کے جنوب مغرب میں موٹر وے پر درخت گرنے سے کار میں سوارایک شخص ہلاک ہوگیا ۔ مغربی جرمنی میں درختوں کے گرنے سے تین افراد شدید زخمی ہوگئے جن میں سیربرک میں دو خواتین جن میں سے ایک کی حالت تشویشناک ہے اور پیڈبرن میں ایک 16 سالہ لڑکا شامل ہے۔ خوفناک طوفان ہفتے کے آخر سے ہی پورے خطے میں پھیل گیا ہے۔