Author: +9251

لندن :برٹش ایئرویزنے نیویارک سے لندن کا فاصلہ کم ترین وقت میں طئے کرنے کا عالمی ریکارڈ قائم کردیا ،باغی ٹی وی کےمطابق یہ پروازہفتے کی شام کوامریکہ کے شہرنیویارک کے ایئرپورٹ سے اڑی اور اپنے مقررہ وقت سے پہلے پہنچ گئی

باغی ٹی وی کےمطابق برٹش ایئرویز کے ایک ہوائی جہازکی نیویارک سے لندن روانگی اس وقت ایک اہم ایشو بنا ہوا ہے، ذرائع کے مطابق برٹش ایئرویز کا بوئنگ 747 ہفتے کی ر ات نیویارک سے روانہ ہوا اور فاصلہ جواس سے پہلے تیز ترین جہاز طئے کرنے میں وقت استعمال کرتا ہے اس برٹش ایئرویزکے بوئنگ طیارے نے وقت سے پہلے طئے کرکے ایک عالمی ریکارڈ قائم کردیا ہے

ادھر ذرائع کے مطابق اس برطانوی جہاز نے 1287 کلومیٹرفی گھنٹہ کی رفتارسے یہ فاصلہ طئے کیا ہے ،عالمی ذرائع ابلاغ کے مطابق اس جہاز نے نیویارک سے لندن کا یہ فاصلہ 4گھنٹوں اور6 منٹس میں طئے کیا ،جس کی وجہ سے فضائی سفر کی مانیتڑنگ کرنے والے اداروں نے اس طیارے کے اتنی جلدی سفرکرنے پرحیرانگی ظاہر کی ہے دوسری طرف یہ بھی معلوم ہوا ہےکہ تقریبا 2 گھنٹے یہ جہاز پہلے پہنچا ہے جس کی وجہ سے اس کو یہ اعزاز حاسل ہے

نوشہرہ: اتحادیوں کے ساتھ کوئی مسئلہ نہیں، افواہیں پھیلائی جا رہی ہیں:جھوٹ بولا اورپھیلایا جارہا ہے ، پرویز خٹک،اطلاعات کے مطابق وزیر دفاع پرویز خٹک نے کہا ہے کہ اتحادیوں کے ساتھ کوئی مسئلہ نہیں، بعض لوگ میڈیا کے ذریعے بے پر کی اڑا رہے ہیں۔ افواہیں پھیلانے والوں کو منہ کی کھانا پڑے گی۔

نوشہرہ میں ورکرز کنونشن سے خطاب میں پرویز خٹک کا کہنا تھا کہ اپوزیشن کے ساتھ بھی رابطے جاری ہیں تاہم حکومت ڈیل پر یقین نہیں رکھتی۔ عدلیہ اور نیب سمیت تمام ادارے آزاد ہیں۔ عدالت کا ہر فیصلہ من وعن تسلیم کریں گے۔

پرویز خٹک کا کہنا تھا کہ ان ہاؤس تبدیلی آئے گی نہ ہی حکومت کو کچھ ہوگا۔ قانون سازی کے حوالے سے اپوزیشن کے ساتھ باہمی مشاورت کے ساتھ آگے بڑھ رہے ہیں۔ معلوم نہیں بعض عناصر کو افواہیں پھیلانے سے کیا ملتا ہے۔

پرویزخٹک کا کہنا ہےکہ نہ اتحادی کہیں جا رہے ہیں اور نہ ہی اپوزیشن کے ساتھ کوئی خلا پیدا ہوا ہے۔ ایسی افواہیں بہت جلد دم توڑ دیں گی۔ مسلم لیگ (ق) کی قیادت سے ہمارے فیصلہ کن مذاکرات ہو رہے ہیں۔

وزیر دفاع نے کہا کہ ایم کیو ایم، بی این پی مینگل، گرینڈ ڈیموکر یٹک الائنس سمیت تمام اتحادیوں کے ساتھ بامعنی مذاکرات ہو چکے ہیں۔ خواجہ آصف کے ایک بیان پر ردعمل دیتے ہوئے ان کا کہنا تھا کہ معلوم نہیں انھیں خبریں کہاں سے ملتی ہیں۔

لاہور: پارٹی وابستگی اورصبرکام آگیا :ڈاکٹر شہباز گل کو اہم ذمہ داری سونپ دی گئی،اطلاعات کےمطابق وزیراعلیٰ پنجاب سردار عثمان بزدار کے سابق ترجمان ڈاکٹر شہباز گل کو اہم ذمہ داری سونپ دی گئی۔ وفاقی وزرا کے پی آر اوز کے ساتھ منگل کو اہم میٹنگ بھی طلب کر لی۔

تفصیل کے مطابق ڈاکٹر شہباز گل جو کچھ عرصہ قبل وزیراعلیٰ پنجاب سردار عثمان بزدار کے بطور ترجمان خدمات سر انجام دے چکے ہیں، ان کو حکومت پاکستان کی جانب سے اہم ذمہ داری سونپ دی گئی ہے۔

اسلام آباد سے ذرائع کےمطابق شہباز گل وفاقی وزرا کے پی آر اوز کے ساتھ منگل کو میٹنگ کریں گے۔ جاری کردہ مراسلے میں لکھا گیا ہے کہ تمام پی آر اوز اپنے متعلقہ محکمے کے اگلے تین ماہ تک کے ایوینٹس کی تفصیلات ساتھ لائیں۔ڈاکٹر شہباز گل کی منظوری کے بعد تمام پی آر اوز کی میٹنگ کا نوٹیفیکیشن جاری کر دیا گیا ہے۔

کراچی:آئی جی سندھ کے معاملے پر پھردونوں بڑے بڑادل کرکے بیٹھ گئے ،اطلاعات کےمطابق آئی جی سندھ کے معاملے پر گورنرسندھ عمران اسماعیل سے وزیراعلیٰ سندھ مراد علی شاہ نے ملاقات کی۔گورنر ہاؤس میں ہونے والی ملاقات میں امن وامان اور صوبے کے دیگر معاملات پر گفتگو کی گئی۔

ذرائع کے مطابق گورنر اور وزیر اعلیٰ کی ملاقات میں انسپکٹر جنرل (آئی جی) پولیس سندھ کی تبدیلی سے متعلق بھی تبادلہ خیال کیا گیا۔اس موقع پر گورنر سندھ عمران اسماعیل کا کہنا تھا کہ وفاقی حکومت صوبے کے تمام اسٹیک ہولڈرز کو ساتھ لے کر چلنا چاہتی ہے اور مسائل کے حل کے لیے وزیراعظم تمام سیاسی جماعتوں کی شمولیت چاہتے ہیں۔

یاد رہے کہ گزشتہ دنوں سندھ کابینہ نے آئی جی سندھ پولیس کلیم امام کو عہدے سے ہٹاکر ان کی خدمات وفاق کے سپرد کرنے کی منظوری دی تھی جس پر پی ٹی آئی سندھ کے رہنما فردوس شمیم نقوی نے عدالت جانے کا اعلان کیا تھا۔

صوبائی حکومت کی جانب سے وفاق کو غلام قادر تھیبو، مشتاق مہر، کامران فضل، انعام غنی اور ثناءاللہ عباسی کے نام نئے آئی جی کے لیے بھیجے گئے تھے تاہم وفاقی حکومت نے آئی جی سندھ کا تبادلہ وفاقی کابینہ کی منظوری سے مشروط کیا تھا۔

وزیراعظم کے دورہ کراچی کے دوران وزیراعظم اور وزیراعلیٰ کے درمیان آئی جی کے لیے ایک نام پر اتفاق رائے کی خبر سامنے آئی تھی تاہم بعد میں وفاقی کابینہ نے آئی جی سندھ کی تعیناتی کا معاملہ وزیراعلیٰ اور گورنر کے سپرد کردیا لیکن سندھ حکومت نے کابینہ کے فیصلے کو غیر آئینی قرار دیتے ہوئے گورنر سندھ سے مشاورت سے انکار کیا۔

پشاور: جرگہ سسٹم کے فوائد زیادہ ، خیبر پختونخوا کے ضم شدہ قبائلی اضلاع میں جرگہ سسٹم دوبارہ شروع،اطلاعات کےمطابق خیبر پختونخوا حکومت نے ضم شدہ قبائلی اضلاع میں جرگہ سسٹم دوبارہ شروع کردیا۔ جرگہ ایکٹ نافذ کرنے کا مقصد قبائلیوں کے مسائل فوری حل کرنا ہے۔

تفصیلات کے مطابق صوبائی حکومت نے ضم شدہ قبائلی اضلاع میں عرصہ دراز سے قبائلیوں کے درمیان جاری تنازعات کے حل کے لیے اقدامات مزید تیز کر دیئے ہیں۔ مصالحتی جرگہ سسٹم ایکٹ نافذ کرتے ہوئے ہر قبائلی ضلع میں تحصیل کی سطح پر 50 مشیران جرگہ کے لئے نامزد کئے گئے ہیں۔

دوسری جانب جرگہ سسٹم کے نفاذ سے کوئی خوش تو کسی نے تحفظات کا اظہار کر دیا ہے۔ عمائدین سمیت صوبائی اسمبلی کے اراکین کہتے ہیں کہ ایسے لوگوں کو نامزد کیا گیا جو جرگہ اور روایات سے بے خبر ہیں۔انتظامیہ کے مطابق جرگہ ممبران کے میرٹ کے برعکس فیصلوں پر انہیں جرگہ کی لسٹ سے خارج بھی کیا جائے گا۔