کراچی:مصطفیٰ کمال نے کمال دکھانا شروع کردیا ، مختلف مقامات پرتربیتی نشتوں کا اہتمام ،اطلاعات کےمطابق پاک سرزمین پارٹی کے چیئرمین مصطفیٰ کمال پارٹی کی تنظیم نوکے سلسلے میں گلی گلی اورہرمحلے تک جارہے ہیں،
باغی ٹی وی کےمطابق اس حوالے سے چئیرمین پاک سرزمین پارٹی سید مصطفی کمال نے ڈسٹرک سینٹرل کے ورکرز اجلاس سے خطاب کیا اورآئندہ کے لیے اپنی انتخابی پالیسیوں کا اعلان بھی کیا
پاک سرزمین پارٹی کے چیئرمین سید مصطفیٰ کمال نے کہا ہے کہ پاک سرزمین پارٹی بدترین حالات میں امید کی ایک کرن بن کر ابھری ہے۔ عوام باالخصوص نوجوانوں کو کہتا ہوں کہ گھروں میں رہ کر تبصرے کرنے کا وقت نہیں، نہ ہی کسی خواب و خیال کی جنت میں رہنا چاہیے، جھوٹے دعوے اور وعدوں سے باہر آئیں خود کو اس ملک کی خاطر ایمانداری کے ساتھ انتھک محنت کے لیے تیار کریں ورنہ ان کا اور آئندہ آنے والی نسلوں کا مستقبل تاریک ہو جائے گا۔
صرف باتوں سے قوموں کی تقدیریں نہیں بدلتیں، قربانی دینی پڑتی ہے۔ میں عوام سے جھوٹے وعدے نہیں کروں گا، سب کو مل کر نہ صرف اپنی بلکہ پورے معاشرے کی ذمے داری لینی ہوگی آسمان سے فرشتے نہیں آئیں گے۔ ہر کسی کی بات سن کر اپنی زندگیوں کے ساتھ کھیلنے کے بجائے باکردار اور باصلاحیت لوگوں کو مضبوط کرنا ہوگا تاکہ ملک صحیح سمت میں گامزن ہو۔
ذرائع کےمطابقاس موقع پرصدر انیس قائیمخانی ڈسٹرک سینٹرل کے انچارج عبداللہ شیخ اور سی ای سی میمبر شاکر علی اور نیک محمد اور نیشنل کونسل کے اراکین بھی موجود تھے۔
