Baaghi TV

Author: +9251

  • آرمی چیف کی زیر صدارت کور کمانڈر کانفرنس،خطے اورعالمی حالات کے تناظرمیں مختلف امور پر تبادلہ خیال

    آرمی چیف کی زیر صدارت کور کمانڈر کانفرنس،خطے اورعالمی حالات کے تناظرمیں مختلف امور پر تبادلہ خیال

    راولپنڈی: آرمی چیف کی زیر صدارت کور کمانڈر کانفرنس،خطے اورعالمی حالات کے تناظرمیں مختلف امور پر تبادلہ خیال ،اطلاعات کے مطابق آرمی چیف جنرل قمر جاوید باجوہ کی زیر صدارت کور کمانڈر کانفرنس ہوئی جس میں مختلف امور پر تبادلہ خیال کیا گیا۔

    پاک فوج کے شعبہ تعلقات عامہ آئی ایس پی آر کے نئے ڈی جی میجر جنرل بابر افتخار نے پہلا ٹوئٹ کیا اور انہوں نے ٹوئٹ ذریعے کانفرنس کو عوام تک پہنچایا ہے۔ان کا کہنا تھا کہ آرمی چیف جنرل قمر جاوید باجوہ کی زیر صدارت کور کمانڈر کانفرنس ہوئی۔کانفرنس میں خطے،قومی سلامتی کے امور پر تبادلہ خیال کیا گیا جبکہ کانفرنس میں داخلی،سلامتی اور سرحدی صورتحال پر خصوصی غور بھی کیا گیا۔

     

    ڈی جی آئی ایس پی آر کا مزید کہنا تھا کہ کانفرنس میں خطے کی جیواسٹریٹجک صورتحال کا تفصیلی جائزہ لیا گیا جبکہ کانفرنس میں مقبوضہ کشمیر کے عوام کو خراج تحسین بھی پیش کیا گیا۔کانفرنس میں عسکری قیادت کا کہنا تھا کہ بھارتی قیادت کے اشتعال انگیز بیانات انتہائی غیر ذمہ دارانہ ہیں، ان اشتعال انگیز بیانات سے خطے پر منفی اثرات مرتب ہوں گے۔

    ڈی جی آئی ایس پی آر کا مزید کہنا تھا کہ پاکستان کی مسلح افواج امن کی خواہاں ہیں،کشمیری بہادری سے بھارتی ظلم وستم ،پابندیوں کا مقابلہ کر رہے ہیں،بھارتی فوج کشمیریوں کوان کے حق خود ارادیت سے دستبردار نہیں کر سکتی،حق خود ارادیت کا وعدہ اقوام متحدہ کی قراردادوں میں کیا گیا ہے۔

    آرمی چیف جنرل قمر جاوید باجوہ کا کہنا تھا کہ پاک فوج کے جوان کسی بھی مہم جوئی کا بھرپور جواب دینے کے لیے تیار ہیں،ہر قیمت پر مادر وطن کا دفاع کریں گے اورپاک فوج کسی بھی جارحیت کا بھرپور جواب دینے کے لیے تیار ہے،کشمیریوں کی جدوجہد کامیاب ہو گی اور کشمیری یواین کی قراردادوں کے مطابق حق خود ارادیت لے کر رہیں گےاور کشمیریوں کو حق خود ارادیت سے قابض بھارتی فوج نہیں روک سکتی۔

  • مودی کے کارندے مسلمانوں کے قتل پر ھندؤں کوسرعام اکسانے لگے

    مودی کے کارندے مسلمانوں کے قتل پر ھندؤں کوسرعام اکسانے لگے

    مودی کے کارندے مسلمانوں کے قتل پر ھندؤں کوسرعام اکسانے لگے

    باغی ‌ٹی وی رپورٹ کے مطابق :مودی اور اس کے کارندوں کی اسلام دشمنی انتہا کو پہنچ گئی اب اس کے ایم ایل اے ارجن سنگھ نے راشٹریہ سویم سیوک سنگھ (آر ایس ایس) کے کارکنوں کو مسلمانوں کے قتل کا حکم دے دیا ہے
    ایسی ہی ایک ویڈیو سوشل میڈیا پر وائرل ہے جس میں مودی کا ایم ایل اے ارجن سنگھ راشٹریہ سویم سیوک سنگھ کارکنوں کو مسلمانوں کو مارنے کا حکم رہا ہے۔ ، ویڈیو میں انتہا پنسد یہ کہہ رہا ہے کہ اگر بھارتی وزیر اعظم نریندر مودی پر کوئی مسلم تنقید کرے تو آر ایس ایس مسلمانوں کو مار ڈالے گی۔

    اس ویڈیو میں ارجن سنکھ برملا کہتا ہے کہ "اگر کوئی نریندر مودی کے بارے میں غلط بات کرتا ہے تو ہم آپ کو آپ کے گھروں میں ماریں گے ، اور کوئی ہمارے خلاف نہیں کھڑا ہوسکتا ہے۔” انہوں نے استدلال کیا کہ ہندوستانی حکام نریندر مودی ، امت شاہ یا یہاں تک کہ بھارتیہ جنتا پارٹی کے خلاف بولنے والے کسی کو بھی جیل میں ڈال دیں گے۔ ویڈیو کے مطابق ، ارجن سنگھ کا دعویٰ ہے کہ ، "اگر کوئی نریندر مودی کے بارے میں برا بولتا ہے تو ہم آپ کو آپ کے ساتھ ماریں گے۔ ہم آپ کو آپ کے گھروں میں مار ڈالیں گے ، مسلمانوں میں سے کوئی ہمارے خلاف نہیں کھڑا ہوسکتا ہے۔
    اس نتہا پسند ہندو نے بعض اپنے ہی نرم پہلو رکھنے والے سیاستدانون پر تنقید کرتے ہوئے کہا کہ سی اے اے بی جے پی کے خلاف ڈٹ جانے میں ناکام رہی ہے۔ ا۔ اس نے کہا کہ بھارتیہ جنتا پارٹی ریاست چلاتی ہے اور جو بھی قانون بی جے پی کے حق میں ہے اس کو نافذ کرے گی۔
    https://www.youtube.com/watch?time_continue=30&v=csOMpc8cLPM&feature=emb_logo

  • اوساکا بیٹری ملک میں کھیلوں کے فروغ کیلئے کوشاں اوساکا بیٹری کپ کی تقریب رونمائی

    اوساکا بیٹری ملک میں کھیلوں کے فروغ کیلئے کوشاں اوساکا بیٹری کپ کی تقریب رونمائی

    اوساکا بیٹری ملک میں کھیلوں کے فروغ کیلئے کوشاں اوساکا بیٹری کپ کی تقریب رونمائی۔۔۔
    باغی ٹی وی رپورٹ کے مطابق :جی ایم مینوفیکچرنگ اوساکا بیڑیز افتخار احمد ہنڈل نے پا کستان ٹیسٹ ٹیم کے کپتان اظہر علی اور بنگلا دیش کے کپتان مومن الحق کے ہمراہ ٹرافی کی رونمائی کی۔
    پاکستان اور بنگلا دیش کے درمیان دو میچوں پر مشتمل آئی سی سی ٹیسٹ چیمپئن شپ کا پہلا میچ کل سے راولپنڈی کرکٹ اسٹیڈیم میں کھیلا جائے گا۔
    راولپنڈی( )پاکستان ٹیسٹ ٹیم کے کپتان اظہر علی نے پریس کانفرنس سے خطاب کرتے ہوئے کہا ہے کہ سیریز کے انعقاد کا کریڈٹ کرکٹ بورڈ کو جاتا ہے ، انٹر نیشنل ٹیموں کاپاکستان آ کر کھیلنا مثبت قدم ہے ، پنڈی میں عام طور پر ٹیسٹ میچ نتیجہ خیز ہوتا ہے ، بنگلہ دیش کو آسان نہیں لے رہے کیونکہ ان کے پاس کھلاڑی ہیں جو میچ جتوا سکتے ہیں۔
    ان خیالات کا اظہار انہوں نے اوساکا بیٹری کپ کی تقریب رونمائی سے قبل پریس کانفرنس کے دوران کیا
    تفصیلات کے مطابق اظہر علی کا کہناتھا کہ کوشش ہو گی کہ بطور کپتان پرفارمنس دوں اور جیت میں اہم کردار ادا کروں ، کوشش ہو گی کہ کراچی ٹیسٹ کے کمبی نیشن کے ساتھ میدان میں اتریں ۔ انہوں نے کہا کہ جیسے جیسے پاکستان میں کرکٹ ہو گی ،انٹرنیشنل کرکٹ کی بحالی کے معاملات بہتر ہوں گے ، نئے بولنگ اٹیک پر اعتماد ہے اور اچھا پرفارم کر رہے ہیں ۔ ان کا کہناتھا کہ راولپنڈی کا کراؤڈ بہترین ہے اور سری لنکا کے خلاف ٹیسٹ میچ میں کراؤڈ بھر پور تھا ، امید ہے کہ بنگلہ دیش کے خلاف ٹیسٹ میں بھی کراوڈ سٹیڈیم کا رخ کرے گا ، ہم بنگلہ دیش کو آسان نہیں لے رہے کیونکہ ان کے پاس کھلاڑی ہیں جو میچ جتوا سکتے ہیں ۔
    اس موقع پر جی ایم مینوفیکچرنگ اوساکا بیڑیز افتخار احمد ہنڈل کا کہنا تھا کہ
    اوساکا بیٹری نےعزم کررکھا ہے کہ کرکٹ کو ملک میں دوبارہ واپس لانا ہے ،
    پاکستان کرکٹ اور اوساکا بیٹریز کا چولی دامن کا ساتھ ہے، جس ملک کے کھیل کے میدان آباد ہونگے انکی معیشت بھی خوشحال ہوگی اور ملک کی رونقیں بحال ہونگی۔
    اورہمیں خوشی ہے کہ اوساکا بیٹریز نے کرکٹ بحالی میں مثبت کردار ادا کیا اور آج ہمیں یہ دن دیکھنے کو ملے کہ پاکستانی گراؤنڈز میں کھیلوں کے میلے سج رہے ہیں۔

  • نوخیز اداکارہ نیٹالی کیسے اپنے سینئر کے ہاتھوں زیادتی کا شکار ہوئی

    نوخیز اداکارہ نیٹالی کیسے اپنے سینئر کے ہاتھوں زیادتی کا شکار ہوئی

    نوخیز اداکارہ نیٹالی کیسے اپنے سینئر کے ہاتھوں زیادتی کا شکار ہوئی

    باغی ٹی وی : نٹالی ووڈ ایک چائلڈ اسٹار تھیں جنہوں نے ایک بہت ہی کامیاب کیریئر حاصل کیا۔ قسمت کی ستم ظریفی سے خوبصورت اداکارہ بھی ایک خوفناک جنسی حملے کا نشانہ بنی۔ جب وہ پندرہ سال کی تھی تو نٹالی کو ایک بڑی عمر کے اداکار نے زیادتی کا نشانہ بنایا۔ اس زیادتی کی رپورٹ کرنے کے لیے اگرچہ وہ کبھی بھی پولیس کے پاس نہیں گئی تھی اس نے کئی دوستوں کو بتایا کہ اس کا ریپ اداکار کرک ڈگلس نے کیا ہے۔ نٹالی 20 جولائی 1938 کو کیلیفورنیا کے سان فرانسسکو میں نتالیہ نیکولائنا زاخرینکو میں پیدا ہوئی۔ اس کی روسی والدہ نے انھیں ہالی ووڈ منتقل کردیا جو نٹالی کوایک سیلبرٹی بنانے کا عزم رکھتی تھی ۔


    نو عمری میں ہی وہ معجزاتی طور پر Miracle On 34th Street میں ایک کراہت شدہ سی لڑکی کے طور پر کاسٹ ہوئی۔ یہ ایک ہٹ فلم تھی اور وہ ایک مشہور چائلڈ اداکارہ بن گئیں ۔ پھر 1954 کی بہار میں کرک ڈگلس نے نٹالی کو اپنے کمرے میں آڈیشن کے لئے بلایا۔اس کی والدہ نے اسے ہوٹل پہنچایا اور گاڑی میں انتظار کیا۔ جب وہ کمرے میں پہنچی تو کرک نے نٹالی کو شراب پلائی اور اسے بتایا کہ اسے نوجوان لڑکیاں پسند ہے۔ پھر اس نے اسے نیچے بستر پر پھینک دیا اور اس کے ساتھ بے دردی سے زیادتی کی۔ یہ حملہ کئی گھنٹوں تک جاری رہا۔ جب یہ ختم ہو گیا تو اس نے اس سے کہا "اگر تم کسی کو بتاتی ہوتو یہ تمہارے کرنے کا آخری کام ہوگا۔ اس کی والدہ نے اسے شکایت درج کروانے کی حوصلہ شکنی کی کیونکہ اسے خدشہ تھا کہ اس سے ان کے فلمی کیریئر کو نقصان پہنچے گا۔ اس وقت کرک ڈگلس ہالی ووڈ کے طاقتور ترین اداکاروں میں سے ایک تھا۔اس نے خود کو ایک شرابی تو تسلیم کیا لیکن اس نے کبھی بھی ریپ کا اعتراف نہیں کیا۔ اس حملے سے نٹالی کو صدمہ پہنچا تھا اور اس نے سالوں تک تھراپی میں گزارے تھے۔ دوستوں نے کہا کہ جب بھی انہوں نے ڈگلس کا نام سنا تو وہ کانپ اٹھتی تھی

  • جنوبی پنجاب کا ا نجینئرمیرٹ پرہونے کے باوجودنظراندازکردیا گیا ،5سال سے انصاف کی تلاش میں، مگرانصاف دے گا کون؟

    جنوبی پنجاب کا ا نجینئرمیرٹ پرہونے کے باوجودنظراندازکردیا گیا ،5سال سے انصاف کی تلاش میں، مگرانصاف دے گا کون؟

    Noلاہور:جنوبی پنجاب کا بے روزگار،حق دار انجینئرمیرٹ پرہونے کے باوجودنظراندازکردیا گیا ،5سال سے انصاف کی تلاش میں ،مگرانصاف دے گا کون؟اطلاعات کےمطابق اس ملک میں ایسے بھی لوگ ہیں جنہیں انصاف دینے والے بھی اپنی انگلیوں پرنچاتے ہیں‌، جنوبی پنجاب کے علاقہ کوٹ ادو سے تعلق رکھنے والا غریب انجنیئرپانچ سال سے دربدرکی ٹھوکریں کھا رہا ہے لیکن انصاف کہیں سے بھی نہیں ملا

    باغی ٹی وی کےمطابق کوٹ ادو سے تعلق رکھنے والے بےروزگارانجنیئر برہان سلیم نے سابق وزیراعظم میاں نواز شریف کے دورمیں ایک وفاقی محکمے میں خالی آسامیوں کااشتہارآنے کے بعد درخواست دی اورپھرجب میرٹ لسٹ کا مرحلہ آیا توبرہان سلیم کا میرٹ لسٹ پر11 واں نمبر تھا ، اس اشتہارمیں ڈپٹی ڈائریکٹرکے لیے 4 آسامیاں تھیں ،

    باغی ٹی وی کےمطابق بھرتی پالیسی کےمطابق 4 خالی آسامیوں کے لیے 20 امیدواروں کوبلایا جاتا ہے، جبکہ ہوا یہ کہ 4 آسامیوں کے لیے 33 لوگوں کوبلایا گیا جوکہ بھرتی پالیسی کے خلاف ہے ، باغی ٹی وی کےمطابق برہان سلیم میرٹ لسٹ کا گیارواں نمبرتھا،بعد ازاں بھرتی کمیٹی نے دوافراد جوکہ پہلے اس محکمے میں مختلف عہدوں پرکام کررہے تھے ان کونوازنے کے لیے میرٹ لسٹ کوغلط ترتیب دیا

    ذرائع کےمطابق اس میرٹ لسٹ میں 25 نمبراصغرعلی اور29 ویں نمبرخرم متین نامی امیدواروں کو نوازنے کے لیے میرٹ لسٹ کی حد 20 سے بڑھا کر33 کردی گئی ہے ، اس کے بعد بھرتی کمیٹی نے ان دونوں افراد کونوازنے کے لیے جونمبردیئے ہیں وہ بھی ظاہرکرتے ہیں‌کہ یہ نمبرغیرقانونی پردیئے گئے ہیں

    باغی ٹی وی کے مطابق تین ممبران نے ٹوٹل مارک کی کیٹیگری میں برہان سلیم کو7 نمبردیئے جبکہ اصغرعلی اورخرم متین کو25،25 نمبردے کرڈپٹی ڈائریکٹرکی سیٹ دینے کےلیے نیچے سے اوپرلایا گیا


    باغی ٹی وی کےمطابق اس ناانصافی کے خلاف برہان سلیم نے محکمے سے لیکرہائی کورٹ تک اورپھرہائی کورٹ سے لیکرسپریم کورٹ تک انصاف کی بھیک مانگی مگر کہیں سے بھی شنوائی نہ ہوئی ،


    اطلاعات کےمطابق برہان سلیم جوکہ جنوبی پنجاب کےعلاقے کوٹ ادوسے تعلق رکھتا ہے اورغریب گھرانے سے ہے ، ایک انجنیئرہیں‌ اوراپنے حق کے لیے وزیراعظم شکایات سیل تک جاکردستک دی لیکن وہاں بھی چکرلگوائے گئے اورکسی نے داد رسی نہ کی

    اطلاعات کےمطابق وزیراعظم کے قریبی ساتھی اعظم سواتی نے بھی وعدہ کیا تھا کہ وہ برہان سے ہونے والی زیادتی کا ازالہ ضرور کریں گے لیکن وہ خود نہ رہے ،بعد ازاں موجودہ سائنس اینڈ ٹیکنالوجی کے وفاقی وزیرفواد چوہدری تک آواز پہنچائی گئی مگرکچھ نہ بنا

    باغی ٹی وی کے مطابق اس دوران محکمانہ انکوائریاں‌بھی دبائی گئیں‌اورمعاملے کودبانے کے لیے برہان کوچکرایا گیا ، پانچ سال گزرنے کے باوجود برہان سلیم کے ساتھ ناانصافی کی گئی ،


    باغی ٹی وی کے مطابق برہان سلیم نے اب پھراپنی آوازانصاف کی فراہمی کا دعویٰ کرنے والی تحریک انصاف کی حکومت کے بانی اورملک کے وزیراعظم تک پہنچانے کےلیے کوشش کی ہے ، برہان کہتے ہیں‌کہ مجھے بتایا جائے کہ کیا میں پاکستانی شہری نہیں ہوں‌،کیا میں میرٹ پر نہیں‌ تھا، مجھے بتایا جائے اگرانصاف والے وزیراعظم کے دورحکومت میں انصاف نہیں‌ملنا توکب ملے گا

  • شام: اسرائیل کے ایران نواز ملیشیاء کے ٹھکانوں پر حملے

    شام: اسرائیل کے ایران نواز ملیشیاء کے ٹھکانوں پر حملے

    شام میں صدر بشارالاسد کی حکومت نے دعویٰ کیا ہے کہ اس کے فضائی دفاعی نظام نے دارالحکومت دمشق اور جنوبی صوبہ درعا کی فضائی حدود میں اسرائیل کا میزائل حملہ پسپا کر دیا ہے جبکہ برطانیہ میں قائم شامی رصدگاہ برائے انسانی حقوق نے اطلاع دی ہے کہ اس حملے میں ایران نواز بارہ غیرملکی اور شامی جنگجو ہلاک ہوگئے ہیں۔

    رصدگاہ کے ڈائریکٹر رامی عبدالرحمان نے بتایا ہے کہ جمعرات کو علی الصباح اسرائیل کے فضائی حملے میں دمشق کے جنوب میں واقع علاقہ کسوہ میں سات غیرملکی جنگجو ہلاک ہوئے ہیں۔اس علاقے میں ایرانی اور ایران نواز غیرملکی جنگجو موجود تھے۔جنوبی صوبہ درعا کے علاقہ ازرع میں ایران کے حمایت یافتہ ایک شامی گروپ کے پانچ ارکان ہلاک ہوگئے ہیں۔

    شام کی سرکاری خبر رساں ایجنسی سانا کے مطابق اسرائیل نے مقبوضہ گولان کے علاقے کی فضا سے دمشق کے دیہی علاقے کی جانب حملہ کیا تھا مگردشمن کے ہتھیاروں کو مار گرایا گیا۔شامی حکومت کے میڈیا نے بتایا ہے کہ اسرائیلی بم باری میں الکسوہ، مرج السلطان اور دمشق کے نزدیک بغداد پُل کے علاوہ جنوبی صوبہ درعا میں واقع علاوہ ازرع کو نشانہ بنایا گیا۔

  • ابوبکر بغدادی کے بعد داعش کتنا کمزور ہوئی ، امریکی رپورٹ آگئی

    ابوبکر بغدادی کے بعد داعش کتنا کمزور ہوئی ، امریکی رپورٹ آگئی

    ابوبکر بغدادی کے بعد داعش کتنا کمزور ہوئی ، امریکی رپورٹ آگئی

    باغی ٹی وی :داعش اتنے بڑے دھچکے بعد بھی کمزور ہو سکی ، امریکی کمیشن کی ایک رپورٹ میں بتایا گیا کہ شدت پسند گروپ ‘داعش’ نے اپنے رہ نما ابوبکر البغدادی کی ہلاکت کے باوجود شام میں مضبوط ہے اور اپنی صلاحیتوں کو برقرار رکھے ہوئے ہے۔ رپورٹ میں متنبہ کیا گیا ہے کہ عراق سے امریکی افواج کا انخلا ممکنہ طور پر شدت پسندوں کو دوبارہ سر اٹھانے کا موقع فراہم کرسکتا ہے۔

    پینٹاگان میں انسپکٹر جنرل کے دفتر کے ماتحت ایک آزاد کمیشن کی طرف سے جاری کردہ رپورٹ میں رپورٹ میں کہا گیا ہے کہ شام میں امریکی اسپیشل فورس کے ایک آپریشن میں البغدادی کی گذشتہ سال کے آخر میں ہلاکت نے شدت پسند تنظیم کی صلاحیتوں کو متاثر نہیں کیا۔48 سالہ البغدادی نے 2014 سے دولت اسلامیہ کی قیادت کی اور وہ دنیا میں مطلوب افراد کی فہرست میں سرفہرست تھا۔ اس نے سنہ 2014ء میں عراق اور شام کے وسیع رقبے پر ڈرامائی انداز میں قبضہ کرلیا تھا۔البغدادی کو 27 اکتوبر کو شمال مغربی شام کی ادلب گورنری میں امریکی اسپیشل فورسز کے ایک آپریشن میں مارا گیا جس کے بعد داعش نے ابو ابراہیم الہاشمی القرشی نامی ایک جنگجو کو اس کا جانشین مقرر کیا ہے۔
    رپورٹ میں مشرق وسطی میں امریکی افواج کے لیے ذمہ دار امریکی سنٹرل کمانڈ کے حوالے سے کہا گیا ہے کہ داعش کی قیادت اور اس کے شام کے شہروں اور دیہاتوں میں موجود نیٹ ورک کے درمیان بھرپور روابط موجود ہیں اور ان میں مکمل ہم آہنگی پائی جاتی ہے۔

    امریکی سینٹرل کمانڈ اور ملٹری انٹیلیجنس ایجنسی دونوں نے یہ نتیجہ اخذ کیا کہ بغدادی کی موت عراق اور شام میں داعش کی صلاحیتوں کو زیادہ متاثر نہیں کرسکی۔
    تین جنوری کو بغداد میں امریکی فوج کے ایک آپریشن میں ایرانی پاسداران انقلاب کے جنرل قاسم سلیمانی کی ہلاکت کے بعد ایران اور امریکا کے درمیان کشیدگی میں غیرمعمولی اضافہ ہوا ہے۔ سلیمانی کی ہلاکت کے بعد امریکی فوج نےعراق میں اپنے 5200 فوجیوں کے تحفظ کے لیے داعش کے خلاف آپریشن عارضی طور پر روک دیا تھا۔
    سی آئی اے ابوبکر البغدادی تک کیسے پہنچی؟

    واضح‌رہے کہ امریکی سینٹرل کمانڈ نے ‘داعش’ کے سربراہ ابو بکر البغدادی کو شمالی شام میں ایک اسپیشل کارروائی کے دوران ہلاک کیے جانے کے بعض مناظر پرمبنی فوٹیج جاری کی ہے۔ سینٹرل کمانڈ کا کہنا ہے کہ البغدادی کو ہلاک کیے جانے کے 24 گھنٹے بعد اس کی لاش کو سمندر میں پھینک دیا گیا تھا۔

  • ملکی معیشت کس طرف جارہی مبشر لقمان بول پڑے

    ملکی معیشت کس طرف جارہی مبشر لقمان بول پڑے

    ملکی معیشت کس طرف جارہی مبشر لقمان بول پڑے

    باغی ٹی وی رپورٹ : معروف اینکر پرسن اور سینئر صحافی مبشر لقمان نے ٹویٹ کرتے ہوئے کہا ہے کہ پاکستان میں شرح نمو سب سےکم ترین سطح پر گر چکا ہے .معاشی سرگرمیاں تعطل کا شکار ہیں.گیس اور بجلی کے نرخ عوام کی کمر توڑ رہے ہیں.ان حالات میں شاید جلد کچھ مہلت مل جائے .
    واضح رہے کہ جب سے موجودہ حکومت آئی ہے . تب سے معیشت کاپہیہ رکا ہوا ہے.کھانے پینے کی عام اشیا کی قیمت بھی بڑھ چکی ہے .اس مہنگائی پر نہ صرف اپوزیشن تنقید کررہے ہیں بلکہ حکومت کے اپنے وزرا تسلیم کرتے ہیں.مہنگائی کے اس طوفان میں اگر حکومت نے عوام کو کچھ ریلیف نہ دیا تو اس سب کا ذمہ دارسابقہ حکومتوں کو ٹھہرانے والا بہانہ زیادہ دیر نہیں چل سکے گا.

  • بھارتی وزارت دفاع بوکھلاہٹ کا شکار، نمائش میں ترکی کے جنگی ہیلی کاپٹرکی تصاویرلگاکردنیا کوگمراہ کرنے لگے

    بھارتی وزارت دفاع بوکھلاہٹ کا شکار، نمائش میں ترکی کے جنگی ہیلی کاپٹرکی تصاویرلگاکردنیا کوگمراہ کرنے لگے

    ینئی دہلی :بھارتی وزارت دفاع بوکھلاہٹ کا شکار، نمائش میں ترکی کے جنگی ہیلی کاپٹرکی تصاویرلگاکردنیا کوگمراہ کرنے لگے ،باغی ٹی وی کےمطابق حسب روایت بھارتی وزارت دفاع بوکھلاہٹ کا شکارہوگئی اوراترپردیش میں بھارتی اسلحے کی نمائش میں ترکی کے جنگی جہازکی تصاویرلگاکردنیا کوگمراہ کرنے لگے

    باغی ٹی وی کےمطابق بھارتی وزارت دفاع نے اترپردیشن میں ہونے والی دفاعی نمائش میں ترکی کے جنگی گن شپ ہیلی کاپٹرٹی-129 کی تصاویرلگاکردنیا بھرسے آنے والے مہمانوں‌کویہ کہہ کرگمراہ کرتے رہے کہ یہ بھارت کا جدید جنگی ہیلی کاپٹرہے اوربھارت نے اس کی پیداوار بھی شروع کردی

    باغی ٹی وی کےمطابق بھارتی وزارت دفاع نے یہ غلطی پہلی مرتبہ نہیں کی بلکہ اس سے قبل بھی بھارت پاکستان کے ایئرکموڈرسہیل امان کوجے ایف تھنڈرمیں بیٹھے ہوئے دکھا کردنیا کوگمراہ کرنے کی کوشش کرتےرہےجسے پاکستانی دفاعی حکام نے بری طرح ناکام بناکردنیا کوبتادیا کہ بھارت جھوٹ سے کام لے رہا ہے

  • ٹیسٹ سیریز میں‌ بھی بنگلہ دیش کو شکست دینے کے لیے کپتان قومی ٹیم پر عزم

    ٹیسٹ سیریز میں‌ بھی بنگلہ دیش کو شکست دینے کے لیے کپتان قومی ٹیم پر عزم

    ٹیسٹ میں‌بھی بنگلہ دیش کو شکست دینے کے لیے کپتان قومی ٹیم پر عزم

    باغی ٹی وی : قومی ٹیسٹ ٹیم کے کپتان اظہر علی نے کہا ہے کہ بنگلہ دیش کی ٹیم کو ہرانے کے لیے پرعزم ہیں، کوشش کریں کے مہمان ٹیم کو جیتنے کا کوئی موقع نہ دیںمیڈیا سے گفتگو کرتے ہوئے ان کا کہنا تھا کہ سری لنکا کے خلاف ٹیسٹ میچ کے دوران راولپنڈی میں شائقین کرکٹ کو دیکھ کر بہت خوشی ہوئی تھی، یہاں جب بھی کھیلے ہیں نتائج اچھے سامنے آئے ہیں۔

    ان کا کہنا تھا کہ ہوم گراؤنڈ کا فائدہ ہوتا ہے، پاکستان کا نیا باولنگ اٹیک زبردست ہے،امید ہے یہ اٹیک ہمیں ٹیسٹ میچ جتائےگا۔انہوں نے کہا کہ غیر ملکی ٹیموں کا پاکستان آنا خوش آئند ہے، پاکستان سپر لیگ (پی ایس ایل) میں بھی غیر ملکی کھلاڑی پاکستان آرہے ہیں، کرکٹ بورڈ کی کوشش سے ہی پاکستان میں کرکٹ بحال ہو رہی ہے۔

    اظہر نے کہا کہ کہ بطور کپتان اور بحیثیت کھلاڑی میری کوشش ہے کہ اپنی کارکردگی میں بھی بہتری لاؤں۔انہوں نے بتایا کہ ٹیسٹ میچز کو جیتنا آسان کام نہیں ہے، بنگلہ دیش کی ٹیم بہترین ہے، شائقین اچھا مقابلہ دیکھنے کو ملے گا.