Author: +9251

او آئی سی نے ٹرمپ کا مشرق وسطیٰ کا امن منصوبہ مستردکر دیا
باغی ٹی وی :اسلامی تعاون تنظیم (او آئی سی ) نے امریکی صدر ڈونلڈ ٹرمپ کا پیش کردہ مشرقِ اوسط امن منصوبہ مسترد کردیا ہے اور کہا ہے کہ فلسطین میں امن اور سلامتی فلسطینیوں سمیت تمام فریقوں کی منظوری کے بغیر ممکن نہیں۔

اوآئی سی کا خصوصی اجلاس سوموار کو سعودی عرب کے ساحلی شہر جدہ میں ہوا ہے اور اس میں صدر ٹرمپ کے پیش کردہ منصوبے کا تفصیل سے جائزہ لیا گیا ہے۔فلسطینیوں اور عرب لیگ نے اس منصوبے کو پہلے ہی مسترد کردیا ہے۔

اوآئی سی کے اجلاس میں پڑھے گئے بیان میں کہا گیا ہے کہ امریکا کے اعلان کردہ منصوبہ کو منصفانہ اور فریقین کے اطمینان کے مطابق ہونا چاہیے تھا۔بیان میں اس یک طرفہ منصوبے کو مسترد کردیا گیا ہے اور کہا گیا ہے کہ یہ فلسطینیوں کے مطالبات واُمنگوں کو پورا نہیں کرتا ہے۔

امریکی صدر ڈونلڈ ٹرمپ نے فلسطین اور اسرائیل کے مابین امن کا پلان پیش کردیا

بیان کے مطابق اوآئی سی فلسطینی عوام اور ان کی حکومت کے ساتھ آزاد فلسطینی ریاست کے قیام،ان کی امداد اور آبرومندانہ زندگی گزارنے کے قابل بنانے کے لیے کھڑی ہے۔

بیان میں او آئی سی کے سیکریٹری جنرل پر زوردیا گیا ہے کہ وہ اس معاملے میں مداخلت کریں اور ایسی کسی بھی قرارداد کو یکسر مسترد کردیں جس میں فلسطینی کاز کا کوئی مفاد پنہاں نہ ہو۔اس میں تنظیم کے رکن ممالک سے کہا گیا ہے کہ بین الاقوامی اداروں بالخصوص اقوام متحدہ کی سلامتی کونسل کے ساتھ فلسطینی نصب العین کے مفاد میں قراردادوں کی تیاری کے لیے ابلاغ کریں۔

شام میں ہوئی ترک فوج کی ہلاکتیں
باغی ٹی وی :ترکی پھر شام میں اپنی عسکری کاروائیاں جاری رکھے ہوئے ہے. شامی افواج نے ادلب کے شمال مشرقی حصّے پر شیلنگ کردی جس کے نتیجے میں ترکی کے پانچ فوجی اہلکار جبکہ ایک عام شہری جاں بحق ہوگیا۔

ترکی کے وزیرِدفاع کا کہنا تھا کہ پیر کو شامی فورسز کی شیلنگ سے 5 ترک اہلکار اور ایک سیویلین جاں بحق ہوا جبکہ 7 فوجی زخمی ہوئے ہیں۔

وزیرِ دفاع کا مزید کہنا تھا کہ ترک افواج اپنی موجودگی کے حوالے سے مسلسل شامی فوج کے ساتھ رابطے میں ہے پھر بھی حملے کی زد میں آئی۔

دوجسم یک جان : ترکی اور پاکستان:دوہری شہریت کا معاہدہ طئے پانے کے قریب
اس واقع پر اُن کا کہنا تھا کہ جس نے بھی یہ نفرت انگیز حملہ کیا ہے اُسے اس حملے کا حساب دینا ہوگا اور اس طرح کے کسی بھی حملے میں ہم اپنے دفاعی حقوق کا استعمال کریں گے۔قبل ازیں ترکی کے صدر رجب طیب اردوان کا کہنا تھا کہ اس حملے کے جوابی حملے میں شام کے 30 سے 35 اہلکار مارے گئے ہیں۔

خیال رہے کہ ادلب میں ترکی کے 12 کے قریب آبزرویشن پوسٹس ہیں جو اس نے روس کے ساتھ معاہدے کے تحت قائم کیے ہیں۔ترک میڈیا کے مطابق ترکی نے شام کے شمالی علاقے کوبانی میں روس کے ساتھ اپنے مجوزہ مشترکہ گشت کو منسوخ کردیا ہے۔

چین کا ووہان کے سوا دیگر شہروں سے پاکستانیوں کوواپس بھیجنے کا فیصلہ

اسلام آباد میں معاون خصوصی برائے صحت ظفر مرزا نے چینی سفیر یاؤژنگ کے ہمراہ پریس کانفرنس کے دوران کہا کہ ملک میں کورونا وائرس کا ایک بھی کیس نہیں، وائرس کے مشتبہ 7 لوگوں کے نمونے منفی آنا خوش آئند ہے، کورونا وائرس سے متعلق حکومت روزانہ کی بنیاد پر انتظامات کا جائزہ لیتی ہے، کوئی بھی پاکستانی یا چینی اس وقت تک چین نہیں چھوڑ سکتا جب تک ان کا معائنہ نہ کیا جائے،چین سے آنے والوں میں کوئی مشتبہ مسافر نہیں ملا، چین سے آنے والا کوئی مسافر ایسا نہیں جسے آبزرویشن کی ضرورت ہو۔

کرونا وائرس، چین میں ہلاکتوں میں اضافہ ،کتنے پاکستانی چین میں ہیں ؟ ترجمان دفتر خارجہ نے بتا دیا

کرونا وائرس پاکستان میں پھیلنے کا خدشہ، ملتان کے بعد لاہور میں بھی چینی باشندہ ہسپتال داخل

وفاقی دارالحکومت میں بھی کرونا وائرس کا مشتبہ کیس سامنے آ گیا

کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز

کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا

کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

پریس کانفرنس کے دوران چینی سفیر یاؤژنگ کا کہنا تھا کہ کورونا وائرس سے 371 افراد ہلاک ہو چکے ہیں، اس سے نمٹنے کے لیے ہر ممکن کوشش کررہے ہیں، چین میں تمام تقریبات منسوخ کر دی گئی ہیں، ہم عالمی ادارہ صحت اور دیگر حکام سے مسلسل رابطے میں ہیں۔ عالمی ادارہ صحت نے ہمارے اقدامات کو سراہا ہے، ہم پرامید ہیں اس وبا سے نمٹ لیں گے۔ ہم کرونا وائرس پر قابو پانے کی صلاحیت رکھتے ہیں، وائرس کی ویکسین بنانے کیلئے بھی تحقیق جاری ہے، کرونا وائرس میں مبتلا 500 سے زائد مریض صحت یاب ہوچکے ہیں، دنیا کو اپنے اقدامات سے آگاہ کررہے ہیں۔
ادھر ڈاکٹر ظفر مرزا نے کہا کہ کورونا وائرس کیس کا فرٹیلیٹی ریٹ 2.2 ہے یعنی 100 میں سے تین افراد کی اموات ہوسکتی ہیں۔ انہوں ںے کہا کہ باقی ایک تہائی کو شدید نمونیا ہوتا ہے۔

ایک سوال کے جواب میں انہوں ںے بتایا کہ مریض کو کنفرم ہونے کے بعد آئی سولیشن میں رکھا جاتا ہے تاکہ بیماری پھیل نہ سکے۔ ان کا کہنا تھا کہ ایک خاص مدت کے بعد مریض خود بخود ٹھیک ہونا شروع ہو جاتے ہیں۔