Author: +9251

اسلام آباد:سندھ حکومت کی نااہلی :معاشرتی علوم کی کتاب میں بہاریوں کو پناہ گزین لکھنے پر قومی اسمبلی میں احتجاج،اطلاعات کےمطابق متحدہ قومی موومنٹ (ایم کیوایم) کےرکن قومی اسمبلی صابر قائم خانی نے سندھ میں ساتویں کلاس کی معاشرتی علوم کی کتاب میں مہاجروں کو پاکستانی کی بجائے الگ قوم لکھنے کا معاملہ اٹھا دیا۔

قومی اسمبلی کے اجلاس میں صابر قائم خانی نے کہا کہ معاشرتی علوم کی کتاب میں میں لکھا گیا ہے کہ اورنگی ٹاؤن پناہ گزینوں کی کالونی ہے، کتاب میں مہاجرین کی توہین کی گئی ہے لہٰذا اس کتاب پر فوری پابندی لگائی جائے۔

خیال رہے کہ گزشتہ دنوں سوشل میڈیا پر ایک تصویر وائرل ہوئی تھی جس کے حوالے سے کہا گیا تھا کہ یہ سندھ ٹیکسٹ بک بورڈ کی ساتویں جماعت کی معاشرتی علوم کی درسی کتاب کا ایک مضمون ہے جس میں بنگلادیش سے ہجرت کرکے پاکستان آنے والوں کیلئے ’فرار‘ ہونے کا لفظ استعمال کیا گیا اور اس مضمون میں ہجرت کرکے آنے والوں کیلئے پناہ گزینوں کا لفظ استعمال کیا گیا ۔

اس واقعے پر ایم کیو ایم پاکستان کی جانب سے آج پریس کانفرنس بھی کی گئی جس میں حکومت سے مطالبہ کیا گیا کہ ان افسران کیخلاف کارروائی کی جائے جو اس طرح کے متعصبانہ مضامین اسکولوں میں پڑھائی جانے والی کتابوں میں شامل کررہے ہیں۔ایم کیو ایم رہنما کنور نوید جمیل نے کہا کہ اس معاملے پر معافی نہ مانگی گئی اور مضمون کو ہٹایا نہ گیا تو احتجاج کریں گے۔

کراچی :حکومت صحافیوں کے مسائل کے حل کے لئے اقدامات کرے گی، اطلاعات کےمطابق گورنر سندھ عمران اسماعیل نے کہا ہے کہ وفاقی حکومت صحافیوں کے مسائل کے حل کے لئے ہر ممکن اقدامات کرے گی۔

تفصیلا ت کے مطابق گورنر سندھ عمران اسماعیل سے کراچی پریس کلب کے رکنی وفد کی گورنر ہاوس میں ملاقات ہوئی جبکہ گورنر سندھ نے نو منتخب اراکین کو مباکباد بھی دی۔

اس موقع پر صحافیوں کو درپیش مسائل، صحافیوں کی فلاح و بہبود میں کراچی پریس کلب کے کردار ، آزادی صحافت، کلب کی کاوشوں پر تبادلہ خیال کیا گیا جبکہ وفد کے اراکین نے گورنر سندھ کو صحافیوں کے لئے ہیلتھ کارڈ، اور رہائشی سہولیات کی فراہمی میں تعاون کی درخواست کی۔

ملاقات میں عمران اسماعیل نے کہا کہ کراچی پریس کلب جمہوری جدوجہد کی تاریخ کا حصہ ہے اور اس کے اراکین نے جمہوریت اور صحافتی اقدار کے فروغ کے لئے نمایاں خدامات انجام دی ہیں اور وفاقی حکومت صحافیوں کے مسائل کے حل کے لئے ہر ممکن اقدامات کرے گی۔

وفد کی قیادت کلب کے صدر امتیاز خان فاران کررہے تھے جبکہ اس موقع پر اراکین میں نائب صدر سعید سربازی، سیکریٹری ارمان صابر، جوائنٹ سیکریٹری ثاقب صغیر، اے جبار ناصر، بینا خان، وحید راجپر، لیاقت مغل،، زین علی، سعید لاشاری، طاہر حسن خان، جبار خان،اے ایچ خانزادہ، طارق ابوالحسن اور دیگر شامل تھے۔

۔

نیویارک:آج یکم فروری سے کروڑوں موبائل فونز پر واٹس ایپ بند ہوجائے گا،تفصیلات کےمطابق پیغام رسانی کیلئے استعمال ہونے والا معروف ترین سافٹ وئیر ’واٹس ایپ‘ یکم فروری 2020 سے کروڑوں موبائل فونز پر بند ہوجائے گا۔

ذرائع کے مطابق آج یکم فروری سے وہ تمام آئی فونز جن میں iOS 7 آپریٹنگ سسٹم ہے یا وہ اینڈرائید فونز جن پر 2.3.7 جنجربریڈ آپریٹنگ سسٹم سے پہلے کا کوئی بھی ورژن ہے ان موبائل ڈیوائسز میں واٹس ایپ مکمل طور پر بند ہوجائے گا۔

آپ کو یہ جان کر حیرانی ہوگی کہ آج بھی لاکھوں موبائل فونز میں مذکورہ آپریٹنگ سسٹمز ہی موجود ہیں حالانکہ یہ دونوں آپریٹنگ سسٹم سالوں پرانے ہیں، iOS 7 2014 میں جبکہ جنجر بریڈ 2010 میں لانچ کیا گیا تھا۔

گوگل کے اعداد و شمار کے مطابق 0.3 فیصد اینڈرائیڈ ڈیوائسز اب بھی جنجر بریڈ آپریٹنگ سسٹم پر چل رہے ہیں جس کا مطلب یہ ہے کہ پوری دنیا میں 2 ارب 50 کروڑ اینڈرائیڈ ڈیوائسز میں سے 75 لاکھ فونز میں اب بھی جنجر بریڈ سسٹم ہے اور اگر انہیں اپ گریڈ نہیں کیا گیا تو واٹس ایپ ان موبائل فونز میں نہیں چلے گا۔

اینڈرائیڈ کی طرح گوگل نے آئی فون ڈیوائسز میں استعمال ہونے والے آپریٹنگ سسٹم کا ڈیٹا فراہم نہیں کیا لیکن اندازے کے مطابق سارے iOS ڈیوائسز میں سے 7 فیصد میں iOS 12 سے پرانا سافٹ وئیر موجود ہے۔ اس کے علاوہ 0.1 فیصد پرانے آئی فونز، جیسے 5S میں بھی iOS 7 سسٹم موجود ہے لیکن یہ اعداد و شمار مصدقہ نہیں ہیں۔

اسلام آباد:وفاقی وزارت خزانہ نے پیٹرولیم مصنوعات کی قیمتیں برقرار رکھنے کا فیصلہ کیا ہے۔ گزشتہ روز آئل اینڈ گیس ریگولیٹری اتھارٹی (اوگرا) نے یکم فروری سے پیٹرولیم مصنوعات کی قیمتوں میں اضافے کی سفارش کی تھی۔

سمری میں ڈیزل کی قیمت میں 2 روپے 47 پیسے فی لیٹر اضافے اور پیٹرول کی قیمت میں 6 پیسے فی لیٹر کمی کی سفارش کی گئی تھے تاہم وفاقی حکومت نے پیٹرولیم مصنوعات کی قیمتیں برقرار رکھنے کا فیصلہ کیا ہے۔

وزرات خزانہ کے اعلامیے کے مطابق پیٹرول کی قیمت 116 روپے 60 پیسے فی لیٹر جبکہ ہائی اسپیڈ ڈیزل کی قیمت 127 روپے 26 پیسے برقرار رکھنے کا فیصلہ کیا گیا ہے۔

گزشتہ روز مٹی کے تیل کی قیمت میں فی لیٹر 66 پیسے کمی کی تجویز دی گئی تھی جو اب 99 روپے 45 پیسے فی لیٹر برقرار رہے گی جبکہ لائٹ ڈیزل آئل کی قیمت 84 روپے 51 پیسے فی لیٹر برقرار رکھنے کا فیصلہ کیا گیا۔

اسلام آباد:ایف اے ٹی ایف اجلاس سے پہلے دوست ممالک سے رابطوں کومستحکم کیا جائے،خوشخبری ملے گی،مشیرخزانہ عبدالحفیظ شیخ کا کہنا ہے کہ ایف اے ٹی ایف اجلاس میں شرکت سے پہلے دوست ممالک کے ساتھ رابطوں کومزید مستحکم کیا جائے،گرے لسٹ سےنکلنے کیلئے کوششیں کو مزید تیز کیا جائے۔

امریکی منصوبے میں فلسطینی قوم کے دیرینہ حقوق برباد کیے گئے: عرب لیگ

مشیر خزانہ عبدالحفیظ شیخ کی زیر صدارت نیشنل ایگزیکٹو کمیٹی برائے اینٹی منی لانڈرنگ کا اجلاس منعقد ہوا،جس میں حماد اظہر،مراد سعید سمیت مختلف وازرتوں اور اداروں کے سربراہان نے شرکت کی۔اجلاس میں منی لانڈرنگ کی روک تھام کے لیے اٹھائے گئے اقدامات اور ان کے نتائج کا جائزہ لیا گیا۔

یورپ کے بگڑے ہوئے نسلیت پرست بچے اپنی حد میں رہیں، ترک پرچم ہر جگہ لہراتا رہے گا:

اس موقع پر مشیر خزانہ کا کہنا تھا کہ فروری میں ایف اے ٹی ایف اجلاس میں مؤثر طریقے سے شرکت کی جائے، مثبت نتائج کے حصول کے لیے مکمل تیاریاں کی جائیں، گرے لسٹ سے نکلنے کیلئے کوششیں کو مزید تیز کیا جائے۔علا وہ ازیں اجلاس کے دوران ایف اے ٹی ایف کے اجلاس میں شرکت سے قبل دوست ممالک کیساتھ رابطوں کو مزید مستحکم بنانے پر بھی اتفاق کیا گیا۔

بیت المقدس کی تاریخی مسجد البدریین جسے شہید کرنے کی مذموم کوشش کی گئی

واضح رہے کہ ایف اے ٹی ایف کا اجلاس 16فروری سے پیرس میں ہوگا،جس میں پاکستان کو گرے لسٹ میں رکھنے یا نکالنے کا حتمی اعلان متوقع ہے۔ دوسری طرف یہ امید کی جارہی ہےکہ پاکستان کواس اجلاس میں گرے لسٹ سے نکال دیا جائے گا اوریوں پاکستان بڑے عرصے کے بعد ایک آزاد معاشی ملک کے طورپرسامنے آئے گا

اسلام آباد: عدالت میں پیشی کے دوران چیونگم چبانے پر دھوکہ دہی اور فراڈ کے ملزم کی عبوری ضمانت مسترد ہوگئی۔اطلاعات کے مطابق فراڈ اور دھوکہ دہی کے ملزم کو عدالت میں چیونگم چبانا مہنگا پڑ گیا اور اسلام آباد کی مقامی عدالت نے ملزم یاسر عرفات کی عبوری ضمانت مسترد کر دی۔

اسلام آباد سے ذرائع کے مطابق ایڈیشنل ڈسٹرکٹ اینڈ سیشن جج محمد عدنان نے کیس کا تحریری حکم نامہ جاری کردیا ہے جس میں کہا گیا ہے کہ ملزم یاسر عرفات نے فراڈ اور دھوکہ دہی کے الزام میں عبوری ضمانت کرارکھی تھی، ملزم پہلی دفعہ کیس کال ہونے پر عدالت کے سامنے پیش نہ ہوا،

عدالت کے حکم نامے میں کہا گیا ہےکہ ملزم دوسری دفعہ کیس کال ہونے پر وکیل سردار عدنان خان کے ساتھ پیش ہوا، ملزم عدالت کے سامنے پیشی کے وقت چیونگم چبارہا تھا، ملزم سے عدالت کے سامنے پیشی کے دوران چیونگم چبانے کی وجہ پوچھی گئی لیکن ملزم عدالت کو کوئی اطمینان بخش جواب نہ دے سکا۔

عدالتی حکم نامے میں تحریر ہے کہ عبوری ضمانت ملزم کے لیے غیر معمولی ریلیف ہوتا ہے لیکن ملزم کا رویہ وہ نہیں تھا جو عبوری ضمانت میں ضروری ہوتا ہے، عدالت ملزم کی درخواست ضمانت قبل ازگرفتاری مسترد کرتی ہے

اسلام آباد:جیل سے جیل تک :پارلیمنٹ لاجزہاؤس نمبر204 خواجہ سعد رفیق کیلیے سب جیل قرار،اطلاعات کے مطابق پیراگون ہاؤسنگ سوسائٹی اسکینڈل میں گرفتار مسلم لیگ (ن) کے رکن اسمبلی خواجہ سعد رفیق کے لیے پارلیمنٹ لاجز ہاؤس کو سب جیل قرار دے دیا گیا۔

تفصیلات کے مطابق اسلام آباد کی ضلعی انتظامیہ نے پارلیمنٹ لاجز ہاؤس نمبر 204 کو خواجہ سعد رفیق کے لئے سب جیل قرار دے دیا، اس حوالے سے چیف کمشنر اسلام آباد نے باقاعدہ نوٹیفکیشن بھی جاری کر دیا ہے۔نوٹیفکیشن کے مطابق قومی اسمبلی سیشن کے اختتام تک پارلیمنٹ لاجز سعد رفیق کے لیے سب جیل رہے گا۔

دوران سماعت خواجہ سعد رفیق نے عدالت میں موقف اختیار کیا تھا کہ جیل حکام مجھے اسلام آباد لے کر جاتے ہیں اور شام کو واپس لے آتے ہیں، میں ہر اجلاس کے موقع پر8گھنٹوں کا سفر نہیں کرسکتا، اسلام آباد میں ہی سب جیل قرار دے کر مجھے وہی رکھا جائے، میں نے حکومت سے بھی اپیل کی فیصلہ حکومت نے کرنا ہے۔