اسلام آباد:وزیروں کوپھرکابینہ میں شامل کیاجائے آئندہ وہ ڈسپلن کی خلاف ورزی نہیں کریں گے ، عمران خان کی محمود خان کوہدایت،اطلاعات کےمطابق وزیراعظم عمران خان سے وزیراعلیٰ خیبرپختونخوا محمود خان نے ملاقات کی۔ اس ملاقات کی جس میں صوبے کے سیاسی اور حکومتی امور پر تبادلہ خیال کیا گیا۔

ذرائع کےمطابق وزیراعظم عمران خان سے وزیراعلیٰ خیبرپختونخوا محمود خان نے ملاقات میں‌ وزیر اعلیٰ نے وزیراعظم کو قبائلی اضلاع میں ترقیاتی منصوبوں سے متعلق بھی آگاہ کیا اور صوبائی کابینہ کی کارکردگی کے حوالے سے بھی بات چیت ہوئی۔

وزیر اعظم اور وزیر اعلیٰ خیبر پختونخوا کی ملاقات کی اندرونی کہانی سامنے آئی جس کے مطابق ملاقات میں وزیراعظم نے وزیراعلیٰ سے کہا کہ برطرف وزراء کو ایک موقع ضرور دیں، آپ پر کسی قسم کا کوئی دباؤ نہیں ڈالنا چاہتا مگر میں سمجھتا ہوں آپ لوگوں کے درمیان غلط فہمی ہوئی ہے، تینوں برطرف وزراء کو کابینہ میں شامل کرکے ایک بار پھر اپنی ٹیم کو مضبوط کریں۔

ذرائع کے مطابق وزیر اعظم عمران خان نے وزیر اعلیٰ خیبر پختونخوا محمود خان پر مکمل اعتماد کا اظہار کرتے ہوئے کہا آپ کو بااختیار رکھنے کے لیے ہی وزراء کو برطرف کرنے کی منظوری دی تھی۔وزیراعظم نے کہا کہ برطرف وزراء کو سمجھایا ہے کہ وزیراعلیٰ میرا نمائندہ ہے اور انہیں یہ بھی واضح طور پر بتا دیا ہے کہ آپ کو چیلنج کرنا مجھے چیلنج کرنا ہے۔

خیال رہے کہ 29 جنوری کو وزیراعظم عمران خان سے خیبرپختونخوا کابینہ کے برطرف وزراء عاطف خان اور شہرام ترکئی نے ملاقات کی تھی جس میں انہیں کابینہ میں واپسی کا عندیہ دیا گیا تھا۔

اسلام آباد :ٹیکس گوشوارے جمع کرانے کی تاریخ میں مزید ایک ماہ کی توسیع،اطلاعات کےمطابق فیڈرل بورڈ آف ریوینیو (ایف بی آر) نے مالی سال 20-2019 کے ٹیکس گوشوارے جمع کرانے کی تاریخ میں ایک ماہ کی توسیع کردی۔

ایف بی آر کی جانب سے جاری نوٹیفکیشن کے مطابق ٹیکس گوشوارے اب 28 فروری 2020 تک جمع کرائے جاسکتے ہیں۔خیال رہے کہ ٹیکس گوشوارے جمع کرانے کی آخری تاریخ 31 جنوری 2020 تھی۔ ٹیکس گوشوارے جمع کرانے کی تاریخ میں چوتھی مرتبہ توسیع کی گئی ہے۔

یاد رہےکہ اس سے پہلے بھی ایف بی آر کئی مرتبہ ٹیکس گوشوارے جمع کروانے میں رعایت دے چکی ہے تاکہ ٹیکس دہندگان کوکسی قسم کی مشکلات کا سامنا نہ کرنے پڑے