،چین میں پھنسے پاکستانیوں کے حوالے سے کوئی حکومتی ایکشن نظر نہیں آرہا، بلاول نے سوال اٹھا دیا
باغی ٹی وی : پاکستان پیپلزپارٹی کے چیئرمین بلاول بھٹو زرداری نے قومی اسمبلی میں میڈیا نمائندگان کے ساتھ بات چیت کرتے ہوئے کہا ہے کہ ہم چین میں محصور پاکستانیوں کے حوالے سے کافی پریشان ہیں، ہم نے قومی اسمبلی میں چین میں پھنسے پاکستانیوں کے مسئلے کو اٹھایا ہے،
حکومت کے وزیر نے ہمیں یقین دہانی کرائی ہے کہ چین میں پھنسے پاکستانیوں سے متعلق اقدامات کئے جارہے ہیں، بھارت اور بنگلہ دیش اپنے شہریوں کو واپس لارہے ہیں مگر نجانے پاکستان کو کیا مشکلات ہیں،چین میں پھنسے پاکستانیوں کے حوالے سے کوئی حکومتی ایکشن نظر نہیں آرہا،بلاول بھٹو نے مطالبہ کرتےہوئے کہا حکومت اپنی ذمہ داری ادا کرتے ہوئے پاکستانی شہریوں کو وطن واپس لائے،
ہمیں عوام کے مسائل کے حل کی کوشش کرنا چاہئیے، وفاقی حکومت نے کراچی کے حوالے سے ایم کیوایم کے مطالبات پر عمل نہیں کیا، پاکستان پیپلزپارٹی اور ایم کیوایم کے نظریات میں کافی فرق ہے، بلاول بھٹوجہاں تک کراچی کے عوام کے مسائل کا تعلق ہے تو سب کو مل کر ان کو حل کرنا چاہئیے،ایم کیوایم کو سوچنا چاہئیے کہ کیوں وہ ایسی جماعت کا ساتھ دے رہے ہیں کہ جس نے کراچی کے شہریوں کو مشکلات میں ڈال دیا ہے،ملک کی معاشی صورت حال سب کے سامنے ہیں، عوام کا معاشی قتل کیا جارہا ہے، عمران خان نے آج تک عوام سے جو وعدے کئے، ان میں سے ایک بھی پورا نہیں ہوا، ہم سے وعدہ کیا گیا تھا کہ پانی کے منصوبوں پر وفاقی حکومت سندھ حکومت کے ساتھ مل کر کام کرے گی،ڈی سیلینیشن پلانٹ اور کے فور منصوبوں کے وعدوں پر عمران خان نے یوٹرن لے لیا،
عمران خان نے نوکریاں دینے اور گھر بنانے کے وعدے بھی پورے نہیں کئے،ایم کیوایم کراچی کے مسائل کے حل کی دعویدار ہے اور یہ بھی مانتی ہے کہ پی ٹی آئی نے وعدے پورے نہیں کئے، یہ ایم کیوایم کے اختیار میں ہے کہ وہ وفاقی حکومت اور وزارتیں چھوڑے اور کراچی کے عوام کے مسائل حل کرے، پی ٹی آئی حکومت کے خلاف وفاق، پنجاب اور خیبرپختونخوا سے بھی آوازیں اٹھ رہی ہیں، میں سمجھتا ہوں کہ حکومت کے خلاف اٹھنے والی آوازوں کا سلسلہ یہاں نہیں رکے گا،
پی ٹی آئی میں یہ صلاحیت نہیں کہ وہ ملک کو چلاسکے، بلاول بھٹو
پی ٹی آئی میں یہ بھی اہلیت نہیں کہ وہ اپنے اتحادیوں کو ساتھ رکھ سکے، بلاول بھٹو
آئی جی سندھ کے حوالے سے وزیراعظم اور وزیراعلی کے درمیان مشاورت ہوئی ہے، بلاول بھٹو
آئی جی سندھ کے حوالے سے وزیراعظم اور وزیراعلی کے درمیان اتفاق رائے بھی پیدا ہوا ہے، بلاول بھٹو
امید کرتا ہوں کہ وزیراعظم اور وزیراعلی کے اتفاق رائے کے ساتھ سندھ کے آئی جی کا فیصلہ ہوگا، بلاول بھٹو
امید کرتا ہوں کہ وزیراعظم سندھ کے آئی جی کے حوالے سے اپنے وعدے پر قائم رہیں گے، بلاول بھٹو
مجھے امید ہے کہ سندھ میں قیام امن کے حوالے سے جو مسائل پیش آرہے ہیں، وہ حل ہوسکیں گے، بلاول بھٹو
یہ تاثر نہیں آنا چاہئیے کہ وفاقی حکومت جان بوجھ کر سندھ میں قیام امن کی صورت حال کو خراب کرنا چاہتی ہے، بلاول بھٹو
ملک میں ہمیشہ معاشی طور پر اجارہ داری قائم کرنے کی کوشش کی گئی ہے، بلاول بھٹو
ہم نے سوچا تھا کہ اپنے وعدوں کے مطابق پی ٹی آئی معاشی اجارہ داری کے ہتھکنڈوں میں ملوث نہیں ہوگی، بلاول بھٹو
چینی کے معاملے میں جان بوجھ کر نااہل ڈپٹی وزیراعظم کو منافع دینے کیلئے ملک بھر میں دیگر سرمایہ داروں کو نقصان پہنچایا گیا، بلاول بھٹو
آٹے کا بحران ایک انتہائی سنجیدہ معاملہ ہے، بلاول بھٹو
پرویز مشرف کے دور میں بھی پاکستان میں غذائی بحران تھا، بلاول بھٹو
پرویز مشرف کے دور میں بھی زرعی ملک ہونے کے باوجود ہم گندم دوسرے ملکوں سے خرید رہے تھے، بلاول بھٹو
صدر زرداری نے صرف این سال میں گندم خریدنے والے ملک کو گندم بیچنے والے ملک میں تبدیل کردیا، بلاول بھٹو
جب سے پی ٹی آئی حکومت آئی ہے، ہمارے کسانوں کا معاشی قتل ہورہا ہے، بلاول بھٹو
زراعت ہماری معیشت کی ریڑھ کی ہڈی ہے مگر حکومت کے پاس زراعت کیلئے کوئی پالیسی نہیں، بلاول بھٹو
ملک میں زرعی ایمرجنسی نافذ ہونا تھی مگر وہ بھی اب تک نہیں کی گئی، بلاول بھٹو
پی ٹی آئی حکومت کی غلط پالیسیوں کی وجہ سے ہم آٹا بحران کا سامنا کررہے ہیں، بلاول بھٹو
پی ٹی آئی آٹا بحران کا جو حل نکال رہی ہے، دراصل وہ حل بھی نہیں ہے، بلاول بھٹو
دوسرے ملکوں سے ڈیوٹی فری آٹا خریدنے سے پاکستان کی زراعت کو مزید نقصان ہوگا، بلاول بھٹو
پنجاب اور سندھ میں گندم کی فصل تقریبا تیار ہے اور اب اسے عالمی مارکیٹ سے خریدی گئی گندم کا مقابلہ کرنا ہوگا، بلاول بھٹو
