Author: +9251

اسلام آباد: کفایت شعاری مہم، صدر اور وزیراعظم کیمپ آفسز ختم کرنے کا فیصلہ،اطلاعات کےمطابق وفاقی حکومت نے کفایت شعاری مہم کی ایک اور نئی مثال قائم کردی۔ حکومت نے صدر اور وزیراعظم کا کیمپ آفسز بنانے کا اختیار ختم کرنے کا فیصلہ کرلیا۔صدر اور وزیراعظم کے کیمپ آفسز ختم کرنے کا فیصلہ اخراجات میں کمی کے لیے کیا جارہا ہے۔

تفصیلات کے مطابق مذکورہ آفسز کے خاتمے کے لیے صدر اور وزیراعظم کے اختیار سے متعلق ایکٹ 1975میں ترمیم لائی جائے گی۔ ترمیم کا مسودہ تیار لیا گیا، کل وفاقی کابینہ میں منظوری کے لیے پیش کیا جائے گا۔

سمری میں کہا گیا ہے کہ صدر اور وزیراعظم کیمپ آفسز ختم کرنے کا فیصلہ کفایت شعاری مہم کا حصہ ہے۔ صدر، وزیراعظم دفاتر اور رہائش کے علاوہ کوئی کیمپ آفس نہیں بناسکیں گے۔ ترمیم کابینہ سے منظوری کے بعد بل کی شکل میں پارلیمنٹ میں پیش کی جائے گی۔

یاد رہے کہ گزشتہ سال حکومت کی کفایت شعاری مہم کے تحت پارلیمانی تاریخ میں پہلی بار قومی اسمبلی سیکریٹریٹ کے اخراجات میں 63 کروڑ سے زائد کی بچت کی گئی تھی۔خیال رہے کہ ملک میں وزیراعظم نے کفایت شعاری مہم کا آغاز کررکھا ہے، جس کے تحت سرکاری افسران کے اخراجات میں کمی لاکر عوامی امور پر خرچ کرنا ہے، جو ملکی معیشت پر بھی مثبت اثرات مرتب کرے گا۔

اسلام آباد: پاکستان کا افغان صدر اشرف غنی کے ٹویٹ پر تشویش کا اظہار، ،اطلاعات کےمطابق پاکستان نے افغان صدر اشرف غنی کے حالیہ ٹویٹ پر تشویش کا اظہار کرتے ہوئے کہا ہے کہ یہ ہمارے اندرونی معاملات میں واضح مداخلت ہیں۔بیان میں کہا گیا ہے کہ ایسے بیانات دونوں ملکوں کے دوستانہ تعلقات کے فروغ کے لیے معاون نہیں ہو سکتے۔

I am troubled by the arrest of Manzoor Pashteen and his colleagues. I fully echo the concerns raised by Amnesty International in this regard and hope for their immediate release. While our region is suffering from atrocities caused by violent extremism and terrorism…

— Ashraf Ghani (@ashrafghani) January 27, 2020

ترجمان عائشہ فاروقی نے کہا کہ افغانستان کے ساتھ عدم مداخلت کے اصولوں کی بنیاد پر قریبی اور خوشگوار تعلقات کے خواہاں ہیں۔ افغانستان اور خطے میں امن واستحکام کے مشترکہ مقصد کے لیے مل کر کام کرنے کی ضرورت ہے۔

یاد رہےکہ افغان صدر اشرف غنی نے آج پاکستان مخالف منظورپشتین کی گرفتاری پر سخت الفاظ میں تنقید کی ہے اوراس ایمنسٹی انٹرنیشنل سے اس کی رہائی کی درخواست کی ہے

اسلام آباد:میڈیا ورکرز کوتنخواہیں نہیں مل رہیں تووہ بیچارے کیسے گزارہ کرتے ہوں گے،وزیراعظم نے اہم فیصلہ کرلیا.اطلاعات کےمطابق وزیراعظم کا میڈیا ورکرز کے تحفظ کیلئے بڑا اقدام سامنے آگیا

ذرائع کےمطابق وزیرعظم نے اشتہارات سے متعلق مجوزہ پالیسی میں میڈیا ورکرز کے حقوق کا تحفظ یقینی بنانے کی ہدایت کردی ۔وزیراعظم نے مزید کہاکہ سرکاری اشتہارات کا اجراء میڈیا ورکرز کو بروقت تنخواہوں کی ادائیگی سے مشروط کیا جائے۔عمران خان نے یہ ہدایت بھی کی کہ سرکاری اشتہارات کو میڈیا ورکرز کے واجبات کی ادائیگی سے بھی مشروط کیا جائے ۔

یاد رہے کہ پاکستان کے میڈیا مالکان صحافیوں کو ایک توبےروزگارکررہےہیں جبکہ دوسری طرف ساتھ ساتھ یہ ظلم بھی روا رکھا جارہا ہےکہ ان کی تنخواہیں بھی روک رکھیں ہیں اوراگرچند لوگ رہ گئے ہیں تو ان کو کئی کئی ماہ تک تنخواہیں نہیں ملتیں‌

کراچی: ٹک ٹاک اور دیگر سوشل میڈیا ایپس کی بندش کیلیے درخواست دائر ، اب کیا کریں گے سوشل میڈیا یوزرز؟،اطلاعات کےمطابق سماجی رابطے کی ایپس کے ذریعے غیراخلاقی مواد دکھانے اور ٹک ٹاک سمیت متعدد سوشل ایپس کی بندش کے لیے سندھ ہائی کورٹ میں درخواست دائر کردی گئی۔

دائر درخواست میں مظہر علی شیخ ایڈووکیٹ نے موقف اپنایا ہے کہ سوشل میڈیا ایپس کے ذریعے ہماری معاشرتی اقدار ختم کی جا رہی ہیں، سماجی رابطے کے نام پر بننے والی ایپس غیر اخلاقی اقدار کا پرچار کر رہی ہیں، اسلامی ملک میں ایسی سماجی رابطے کی ویب ایپس کی اجازت نہیں ہونی چاہیے۔

درخواست میں چیئرمین اسلامی نظریاتی کونسل، ڈی جی ایف آئی اے، چیئرمین پیمرا، نجی موبائل فون کمپنیوں سمیت دیگر کو فریق بنایا گیا ہے۔یاد رہےکہ ٹک ٹاک پر پابندی نہ صرف پاکستان میں لگانےکے مطالبات آرہے ہیں بلکہ امریکہ میں بھی ٹک ٹاک پرپابندی لگا دی گئی ہے

کابل:صوبہ غزنی میں تباہ ہونے والا طیارہ امریکی سی آئی اے کا ہے ، اطلاعات کےمطابق اس امریکی طیارے کے مارگرائے جانے کے حوالے سے عالمی ذرائع ابلاغ نے افغان طالبان کے حوالے سے دعویٰ کیا ہے کہ افغانستان کے صوبہ غزنی میں گر کر تباہ ہونے والے طیارہ امریکی خفیہ ادارے سی آئی اے کا ہے۔

غیر ملکی خبر رساں ادارے کے مطابق افغان طالبان کا کہنا ہے کہ طیارے میں سوار امریکی انٹیلی جنس کے اعلیٰ افسران اور دیگر تمام ارکان مارے گئے ہیں۔ یہ طیارہ ضلع دہ یک کے علاقے سدو خیلو میں گر کر تباہ ہوا۔افغان طالبان کے حوالے سے کہا ہے کہ طیارے کا ملبہ اور امریکی حکام کی لاشیں کریش سائٹ پر پڑی ہوئی ہیں۔ تباہ ہونے والا یہ امریکی طیارہ انٹیلی جنس آپریشن پر تھا۔

#AFG. #BreakingNews. Taliban in a statement claims that they have shot down a #US air forces plane in #Ghazni province.
All on board crew members, including many #CIA high ranking officers were killed, #Taliban statement reads.

— Ab Qadir Sediqi (@qadir_sediqi) January 27, 2020

دوسری جانب امریکا نے ابھی تک طیارہ حادثے پر کسی قسم کا کوئی تبصرہ نہیں کیا لیکن اطلاعات ہیں کہ امریکی فوج کی جانب سے اس کی تحقیقات شروع کر دی گئی ہے۔ادھر افغان حکومت نے طیارے کو پیش آنے والے حادثے کی تصدیق کرتے ہوئے کہا ہے کہ طیارہ مقامی وقت کے مطابق دوپہر ایک بجے کے قریب گرا۔ یہ ایک مسافر بردار طیارہ تھا جو ضلع دہ یک میں گرا۔ ابتدائی طور پر معلوم ہوا ہے کہ اس طیارے میں تکنیکی خرابی پیدا ہو گئی تھی جس کے بعد وہ سیدھا زمین پر گرا اور اس میں آگ لگ گئی۔

A USAF E-11A '11-9358' which is an Airborne battlefield communications aircraft has crashed in Ghazni, Afghanistan #Afghanistan pic.twitter.com/RCdtehTtCb

— CNW (@ConflictsW) January 27, 2020

امریکی سینٹرل کمانڈ کی ترجمان میجر بیتھ ریاورڈن نے طالبان کے دعوے پر ردعمل دینے سے گریز کرتے ہوئے کہا ہے کہ امریکی تفتیش کار طیارہ کریش ہونے کے معاملے کی تفتیش کر رہا ہے لیکن ابھی تک یہ واضح نہیں ہے کہ تباہ ہونے والے طیارہ ملٹری کا تھا۔

بعدازاں ایک اعلیٰ ملٹری افسر نے طیارے تباہ ہونے کی تصدیق کرتے ہوئے خبررساں ادارے کو بتایا کہ امریکی فضائیہ کا طیارہ تکنیکی خرابی کے باعث گر کر تباہ ہوا۔یاد رہے کہ ابتدائی طور پر کہا گیا تھا کہ یہ طیارہ افغان ایئر لائن آریانا کا ہے لیکن کمپنی نے ان افواہوں کو مسترد کرتے ہوئے کہا تھا کہ طیارہ ان کا نہیں ہے۔

کراچی: وزیراعظم عمران خان کا دورہ کراچی کامیاب ترین،پیپلزپارٹی سمیت سب نے حمایت کا یقین دلادیا،اطلاعات کےمطابق وزیراعظم عمران خان کا دورہ کراچی بہت کامیاب رہا ،جس میں تمام حکومتی اتحادی جی ڈی اے اور تحریک انصاف کے درمیان تحفظات ختم ہوگئے۔

ذرائع کے مطابق پیرپگارا نے وزیراعظم سے ملاقات کےدوران اپنے تمام شکوے رکھے اورعمران خان کیطرف سے تمام خدشات پرمدلل جواب کے بعد پیر پگارا کا کہنا تھا کہ آپ ہمارے گھر آئے آپ کے لیے عزت ہے، وزیراعظم نے کہا کہ کنگری ہاؤس کے باہر سے جب بھی گزرتا تھا یہاں آنے کی خواہش تھی، آج کنگری ہاؤس آیا ہوں یہ خواہش بھی پوری ہوگئی۔

وزیراعظم عمران خان کا کہنا تھا کہ مجھے علم نہیں آپ کے تحفظات کیا تھے اور نہ مجھے بتایا گیا، آپ رابطے میں رہیں تاکہ کوئی غلط فہمی پیدا نہ ہو۔وزیراعظم عمران خان نے کہا کہ ہماری حکومت تمام اتحادیوں کو ساتھ لے کر چلنا چاہتی ہے جس پر پیر پگارا نے کہا کہ ہم بھی تو یہی چاہتے ہیں کہ آپ سب کو ساتھ لے کر چلیں۔

وزیراعظم نے کہا کہ میں اور اتحادی اس بات پر متفق ہیں کہ عوام کو انصاف فراہم کیا جائے۔پیر پگارا نے کہا کہ ہم عوام کو انصاف دلانے کے لیے آپ کے ساتھ ہیں، پہلے بھی وزرائے اعظم کنگری ہاؤس آئے ہم نے انہیں دل میں جگہ دی۔