ریاض:آج سے 100 سال قبل سعودی عرب کیساتھا؟ریاض کے قدیم بازار کی 100 سال پرانی تصویر،اطلاعات کےمطابق سعودی عرب کی کنگ عبد العزیز اکیڈمی نے ریاض کے قدیم بازار کی 100 سال پرانی تصویر جاری کردی جو سوشل میڈیا پر وائرل ہوگئی۔

سعودی ذرائع ابلاغ کے مطابق یہ تصویر 1322 ہجری مطابق 1914 کی ہے۔ الخرازین نامی یہ بازار امام ترکی بن عبداللہ جامع مسجد کے برابر میں محل کی فصیل سور النسا (خواتین والی دیوار) کے نیچے واقع ہے۔تصویر میں دیکھا جا سکتا ہے کہ بازار کے اطراف کھجور کے درخت نظر آرہے ہیں اور بازار کی دکانیں کچی ہیں۔تصویر میں سامان خریدنے اور فروخت کرنے کے لیے مردوں کے علاوہ خواتین بھی نظر آرہی ہیں۔

کنگ عبد العزیز اکیڈمی نے اس سے قبل مدینہ منورہ کی 100 سال پرانی تصویر بھی جاری کی تھی۔ تصویر میں شہر کے چھوٹے سے رقبے کو دیکھا جاسکتا ہے اور اس میں مسجد نبوی ﷺ کا رقبہ بھی بہت کم ہے۔اس دور میں مدینہ منورہ میں نخلستانوں کے مناظر عام تھے جو تصویر میں بھی نظر آرہا ہے۔ ادارے کے مطابق دارالمدینہ المنورہ عجائب گھر میں بھی مدینہ منورہ کی تاریخ اور ثقافت دیکھنے کو ملتی ہے۔

یاد رہےکہ سعودی عرب کی قدیم تاریخ سے متعلق آئے روز کوئی نہ کوئی اہم دریافت سامنے آتی رہتی ہے، ادھر یہ بھی معلوم ہوا ہےکہ عجائب گھر اب تک مدینہ منورہ کے تاریخی اور قابل دید مقامات سے متعلق 44 سے زائد کتب شائع کر چکا ہے جبکہ مدینہ منورہ کی تہذیب و تمدن پر خصوصی تحقیق بھی کر رہا ہے۔

امریکی سٹار حادثے میں چل بسا

باغی ٹی وی :سکرامنٹو:امریکی باسکٹ بال سٹار اپنی فیملی کے ساتھ کس طرح بے بسی سے چل بسا. ریٹائرڈ این بی اے کھلاڑی کوبی برائینٹ اور ان کی 13 سالہ بیٹی گیانا برائینٹ کیلی فورنیا میں ہیلی کاپٹر حادثے میں ہلاک ہو گئے ہیں۔

امریکی میڈیا کے مطابق کوبی اپنی بیٹی سمیت نو افراد کے ہمراہ نجی ہیلی کاپٹر میں سفر کر رہے تھے۔ ہیلی کاپٹر میں اس وقت آگ بھڑکی جب وہ کلاباسس شہر کے اوپر سے گزر رہا تھا۔

میڈیا رپورٹس کے مطابق حادثے میں پائلٹ سمیت نو افراد ہلاک ہو گئے جن میں نجی کالج کے بیس بال کوچ، ان کی اہلیہ اور بیٹی بھی شامل ہیں۔لاس اینجلس کاؤنٹی حکام نے بتایا ہے کہ لاشوں کو تلاش کرنے میں کئی دن کا وقت لگ سکتے ہے کیونکہ ہیلی کاپٹر ایک کھردرے علاقے میں گر کر تباہ ہوا ہے۔

عینی شاہدین کے مطابق ہیلی کاپٹر کے نیچے گرنے سے پہلے انجن کی زوردار آواز سنی گئی تھی تاہم حادثے میں زمین پر موجود آبادی کو کسی قسم کا نقصان نہیں پہنچا۔اس افسوسناک حادثے کی اطلاع مقامی وقت کے مطابق صبح دس بجے ملی، حادثے کی وجوہات جاننے کے لیے تحقیقات جاری ہے۔

لیجنڈ کھلاڑی کی موت کی خبر نے امریکہ سمیت دنیا بھر میں موجود باسکٹ بال کے مداحوں کو رنجیدہ کر دیا، مداحوں کی جانب سے مختلف طریقوں سے گہرے دکھ اور افسوس کا اظہار کیا جا رہا ہے۔

کوبی برائنٹ کی ہلاکت کی خبر سوشل میڈیا پر ٹاپ ٹرینڈ بن گئی ہے۔ ان کی موت کی خبر پر نامور شخصیات کی جانب سے بھی رد عمل سامنے آیا ہے۔امریکی صدر ٹرمپ نے اپنی ٹویٹ کے ذریعے تعزیت کی اور کوبی برائنیٹ کی ہلاکت کو افسوسناک خبر قرار دیا۔