پشاور:دوغلا پن نہیں چلے گا:خیبر پختونخوا کے 3 وزرا برطرف کر دیئے گئے، عاطف خان، شہرام ترکئی اور شکیل خان شامل،اطلاعات کےمطابق خیبر پختونخوا کے 3 وزرا کو عہدوں سے ہٹا دیا گیا ہے جن میں عاطف خان، شہرام ترکئی اور شکیل خان شامل ہیں، کے پی حکومت کی جانب سے برطرفیوں کا نوٹیفکیشن جاری کر دیا گیا۔
پاکستان تحریک انصاف کی طرف سے اس فیصلے کی توثیق کی گئی ہے اورکہا گیا ہے کہ یہ ایکشن پارٹی ڈسپلن کی خلاف ورزی پر لیا گیا، اگر پارٹی میں جزا و سزا کا عمل نہ ہو تو ہر کوئی پارٹی کے خلاف بیان بازی کرتا رہے گا،اس حوالے سے ڈاکٹرفردوس عاشق اعوان نے کہا ہےکہ یہ دوسروں کیلئے مثال ہے کہ قواعد و ضوابط کا خیال رکھا جائے ، ایسے باتوں سے جماعت کا بیانیہ کمزور اور مخالفین کو فائدہ پہنچے گا
معاون خصوصی برائے اطلاعات فردوس عاشق اعوان کا کہنا تھا کہ کے پی وزرا کو پارٹی ڈسپلن کی خلاف ورزی پر ہٹایا گیا،اگر پارٹی میں جزا و سزا کا عمل نہ ہو تو ہر شخص پارٹی کے خلاف بیان بازی کرتا رہے گا،یہ دوسروں کیلئے مثال ہے کہ پارٹی قواعد و ضوابط کا خیال رکھا جائے۔
دوغلے پن اوروزیراعلیٰ سے تعاون نہ کرنے والےجووزرا کابینہ بدر کئے گئے ان میں عاطف خان، شہرام ترکئی اور شکیل خان شامل ہیں، عاطف خان کے پاس سپورٹس اور کلچر کا قلمدان تھا جبکہ شہرام ترکئی کے پاس صحت اور شکیل احمد ریونیو کے وزیرشامل ہیں ۔
وزیراطلاعات کے پی شوکت یوسفزئی کا کہنا ہے کہ ہٹائے گئے وزراء گروپنگ میں ملوث تھے، ان کی طرف سے یہ تاثر بھی دینے کی کوشش کی گئی کہ وزیراعلیٰ اہل نہیں اورکام نہیں کرتے، حالانکہ فاٹا انضمام وزیراعلی محمود خان کا کارنامہ ہے اور ان وزرا نے فاٹا انضمام میں بھی تعاون نہیں کیا۔ وزیراطلاعات کا مزید کہنا تھا کہ وزیراعظم عمران خان کے علم میں جب یہ بات آئی تو انہوں نے اظہار ناراضی کیا۔
