Author: +9251

لاہور:شاہزیب خانزادہ جھوٹا،شرپسند،معاشرے میں منافرت پھیلانےوالا،جہانگیرترین نے ہتک عزت کے نوٹسزبھیج دیئے ،اطلاعات کےمطابق پاکستان تحریک انصاف کے سینئر رہنما جہانگیر ترین نے نیوز پروگرامز میں جھوٹے الزامات لگانے اور ان کی ساکھ کو نقصان پہنچانے کی کوشش کرنے پر اینکر پرسنز شاہزیب خانزادہ اور وسیم بادامی پر ایک ایک ارب روپے ہرجانے کا ہتک عزت کا دعویٰ دائر کردیا۔

ذرائع کےمطابق شاہزیب خانزادہ کو بھیجے گئے نوٹس کے مطابق 21 جنوری کو جیو نیوز پر نشر کیے گئے پروگرام ’آج شاہزیب خانزادہ کے ساتھ‘ میں شاہزیب خانزادہ نے یہ تاثر دیا تھا کہ جہانگیر ترین ’ شوگر مافیا ‘ کا حصہ ہیں اور ملک بھر میں چینی کی مصنوعی مہنگائی پیدا کرنے میں اجتماعی طور پر شامل ہیں۔

علاوہ ازیں نوٹس میں کہا گیا کہ شاہزیب خانزادہ نے کہا تھا کہ جہانگیر ترین چینی کی پیداوار، فروخت، درآمد یا برآمد سے متعلق وفاقی اور صوبائی حکومتوں کی پالیسی کا ’ فیصلہ یا انتظام کررہے تھے‘ جس کی وجہ سے چینی کی قیمت میں اضافہ ہوا۔نوٹس میں کہا گیا کہ یہ تاثر بھی دیا گیا کہ شوگر انڈسٹری میں جہانگیر ترین کا مفاد حکام کی جانب سے شوگر ملز کی ریگولیشن اور چینی کی قیمت میں رکاوٹ بنا ہوا ہے۔

شاہ زیب خانزادہ نے سخت تنقید کرتے ہوئے کہا کہ اس میں مزید کہا گیا کہ جہانگیر ترین وفاقی یا صوبائی حکومتوں کا حصہ نہیں ہیں لہٰذا وہ پالیسی سازی کے عمل پر ااثر انداز نہیں ہوسکتے۔نوٹس میں اس بات پر زور دیا گیا کہ جہانگیر ترین کا کسی اتھارتی یا انضباطی اداروں جیسا کہ کمپیٹیشن کمیشن آف پاکستان کے ساتھ کوئی گٹھ جوڑ نہیں۔

شاہزیب خانزادہ نے اپنے پروگرام میں چینی کی بڑھتی ہوئی قیمت پر بات کی تھی اور کہا تھا کہ جہانگیر ترین زرعی مصنوعات کی درآمد اور برآمد کے معاملات دیکھ رہے ہیں ان کی شوگر ملز ہیں۔وسیم بادامی کو بھیجے گئے علیحدہ نوٹس میں جہانگیر ترین نے کہا کہ 23 جنوری کو نشر کیے گئے شو الیونتھ آور میں اینکر نے انہیں ’ کرپٹ‘ کہا۔

نوٹس کے مطابق وسیم بادامی نے جہانگیر ترین کےخلاف مبینہ کرپشن یا بدعنوانی کے عمل کا کوئی ثبوت یا شواہد پیش نہیں کیے تھے۔اپنے پروگرام میں وسیم بادامی نے ٹرانسپیرنسی انٹرنیشنل کے کرپشن پرسیپشن انڈیکس(سی پی آئی) 2019 کی رپورٹ سے متعلق بات کرتے ہوئے کہا تھا کہ وزیراعظم نے خود کو ایسے لوگوں سے گھیر لیا ہے جن پر کرپشن کے الزامات ہیں۔

دونوں نوٹسز میں جہانگیر ترین نے شکایت کی شاہزیب خانزادہ یا وسیم بادامی نے ’ انتہائی بدنیتی پر مبنی، بدنام کرنے والے اور نقصان پہنچانے والے بیانات پر ان کا جواب نہیں مانگا تھا۔شاہزیب خانزادہ اور وسیم بادامی کے بیانات کو ’ بے بنیاد اور من گھڑت‘ قرار دیتے ہوئے جہانگیر ترین کے وکیل نے اینکر پرسنز سے ان کے ہتک آمیز بیانات واپس لینے کا مطالبہ کیا اور اپنے متعلقہ پروگرام میں ‘ باقاعدہ عوامی معافی ‘ مانگنے اور توہین آمیز بیانات کی تردید شائع کرنے کا مطالبہ کیا ۔

نوٹس میں متنبہ کیا گیا کہ اگر اینکر پرسنز مذکورہ اقدامات نہیں اٹھاتے تو ان کے خلاف ہتک عزت آرڈیننس، 2002 کے تحت ایک ارب روپے ہرجانے کے لیے قانونی کاروائی شروع کی جائے گی۔

لاہور:پاکستان میں انٹرنیشنل کرکٹ تسلسل کے ساتھ ہورہی ہے،سینٹر فیصل جاوید کی میڈیا سے گفتگو،اطلاعات کے مطابق پاکستان تحریک انصاف کے نوجوان رہنما سینیٹرفیصل جاوید کی میڈیا سے گفتگو
کہا ہےکہ پاکستان دنیا بھر کے لیے ایک پرامن اورپرکشش ملک بن گیا ہے ،

سینیٹرفیصل جاوید نے میڈیا سے بات کرتے ہوئے کہا کہ یہی وجہ ہے کہ اب پاکستان میں انٹرنیشنل کرکٹ تسلسل کے ساتھ ہورہی ہے، سینیٹرفیصل جاوید نے مزید کہا کہ اب تو پاکستان میں ٹیسٹ کرکٹ کے بعد تمام کرکٹ کے دروازے مکمل طور پر کھل گے ہیں

سینیٹرفیصل جاوید کہتے ہیں‌ کہ کپتان عمران خان نے کہا تھا کہ سارا پی ایس ایل لاہور میں ہورہا ہے،ان کا کہنا تھا کہ پاکستان کے لیے اچھی خبریں آرہی ہیں، سینیٹرفیصل جاوید نے کہا کہ پاکستان کو نمبر ون ملک سیاحتی ملک قرار دیا ہے، انہوں نے مزید کہا کہ اس سب میں کرکٹ کی بحالی کا ہاتھ ہے

سینیٹرفیصل جاوید نے میڈیا سے گفتگوکرتے ہوئے کہا کہ ٹی ٹونٹی کا وننگ کمبی نیشن نہ بدلنے کی باتیں سیاست دانوں نے کی تھیں ،آج پھر سے وہی کمبینیشن ہیں شعیب اور حفیظ واپس آئے ہیں،سینیٹر فیصل جاوید نے کہا کہ ہم نے بس ٹیم کے کمبینیشن کو لے کر آواز اٹھائی تھی

سینیٹرفیصل جاوید نے مزید کہا کہ کپتان ہی سب کچھ ہوتا ہے تو کپتان کو دیکھنا چاہیے کہ کون سا ہو، بابر اعظم کو پریشر سے نکالا جائے وہ نمبر ون بیٹسمین ہے، اسے کپتانی کے پریشر سے نکالیں اور سرفراز کو کپتانی میں واپس لیں آئیں

سینیٹر فیصل جاوید نے کہا کہ اگر سرفراز احمد بطور کپتان واپس آتے ہیں تو پاکستان ورلڈکپ جیت جائے گا،سینیٹرفیصل جاوید نے کہا کہ پہلے ادوار میں کرکٹ میں بھی سیاسی اجارہ داری قائم کی گئی تھی ،سابق چیئرمین پی سی بی نجم سیٹھی نے کرکٹ بورڈ کا بیڑہ غرق کردیا تھا،ٹیسٹ ٹیم کی سلیکشن پی ایس ایل کی کارکردگی کی بنیاد پر ہوتی رہی

کیمبرج:پنجاب کی ہلدی کے برطانیہ میں چرچے:ہلدی بنی سونا،اب کھلاڑیوں اور ایتھلیٹ کے لیے بھی مفید قرار،اطلاعات کے مطابق ہلدی کو مغرب میں اب پیار سے خالص سونا کا نام دیا جارہا ہے۔ اس کی وجہ یہ ہے کہ اس میں موجود جادوئی مرکب ’سرکیومن‘ بلڈ پریشر، کینسر، امراضِ قلب ، جوڑوں کے درد میں انتہائی مفید تصور کیا جاتا رہا ہے۔ اب تازہ خبر یہ ہے کہ کھلاڑیوں اور ایتھلیٹ کی صلاحیت بڑھانے میں بھی اس کا کوئی ثانی نہیں۔

لیکن اب بھی ایک سوال سب سے اہم ہے کہ سرکیومن جسم کے اندار آسانی سے جذب نہیں ہوتا۔ اسی بنا پر کیمبرج یونیورسٹی کے ممتاز ماہرین نے ٹرمرک سی فارمولہ بنایا ہے جو جسم کے اندر سرکیومن کو انجذاب کو 30 گنا بڑھاتا ہے۔ اس فارمولے میں وٹامن سی شامل کیا گیا ہے جو خون میں سرکیومن جذب کرنے میں مدد دیتا ہے۔

ٹرمرک سی سپلیمنٹ سی کو برطانیہ کے مجاز اداروں نے استعمال کی اجازت بھی دیدی ہے۔ برطانیہ میں لوگوں کی بڑی تعداد سرکیومن استعمال کررہی ہے جو ہلدی کی رنگت اور اسے جادوئی تاثیر دینے والا ایک اہم مرکب ہے۔ اس کا باقاعدہ استعمال جوڑوں کے گھساؤ اور ہڈیوں کی بریدگی کو روکتا ہے اور یہی وجہ ہے کہ بڑی تعداد میں ایتھلیٹ اسے استعمال کرر ہے ہیں۔

45 سالہ مارک وشارٹ دوڑنے کے شوقین ہیں اور میراتھن سے لے کر دوڑ کے ہر چھوٹے بڑے مقابلوں میں ضرور شریک ہوتے ہیں۔ وہ اپنی بہترین کارکردگی کے لیے سرکیومن سپلیمنٹ لے رہے اور انہوں نے غذا میں ہلدی کا استعمال بڑھادیا ہے۔

دوسری جانب ہلدی جسم کے اندر سوزش اور فاسد مادوں کو بھی ختم کرنے کی زبردست صلاحیت رکھتی ہے۔ اگرچہ ہلدی صدیوں سے ایشیا میں استعمال ہوتی آرہی ہے لیکن حال میں یورپ اور امریکا میں تحقیق کے بعد اس کے زبردست فوائد سامنے آئے ہیں۔ اس کے بعد ہلدی کا استعمال طرزِ زندگی کا ایک اہم حصہ بن چکا ہے۔

یاد رہےکہ ہلدی پنجاب کی سب سے مقبول ترین اورمشہورجنس ہے جس کا ان دنوں موسم ہے، اس وقت پنجاب کے علاقہ قصور،اوکاڑہ پاکپتن میں بہت زیادہ کاشت کی جاتی ہے