Author: +9251

سی پیک سے متعلق امریکی اعتراضات کے بعد چین سے پاکستان کیلئے زبردست خوشخبری کئی چینی کمپنیوں کا اپنی صنعتیں پاکستان منتقل کرنے کا عندیہ،

پاکستان میں سستی لاگت سے مصنوعات تیار کرکے نا صرف مقامی ضروریات کو پورا کیا جاسکے گا بلکہ ان مصنوعات کو برآمد بھی کیا جائے گا جس سے قیمتی زرمبادلہ حاصل ہوگا

لاہور 25 /January 2020 سی پیک سے متعلق امریکی اعتراضات کے بعد چین سے پاکستان کیلئے زبردست خوشخبری، کئی چینی کمپنیوں کا اپنی صنعتیں پاکستان منتقل کرنے کا عندیہ، پاکستان میں سستی لاگت سے مصنوعات تیار کرکے نا صرف مقامی ضروریات کو پورا کیا جاسکے گا بلکہ ان مصنوعات کو برآمد بھی کیا جائے گا جس سے قیمتی زرمبادلہ حاصل ہوگا۔

تفصیلات کے مطابق چینی کمپنیوں نے اپنی صنعتیں پاکستان منتقل کرنے کا عندیہ دیاہے، یہ کمپنیاں درمیانے اورچھوٹے درجے کی ہیں اور 10کروڑ ڈالر کی سرمایہ کاری کریں گی ،
پاکستان میں بنائی گئی اشیاء مقامی استعمال اور برآمدات کے لئے ہوں گی۔ بتایا گیا ہے کہ کھلونوں اورالیکٹرانکس مصنوعات بنانے والی چینی کمپنی نے پاکستان میں اپنی صنعتیں منتقل کرنے کا پلان بنالیا، یہ کمپنیاں پاکستان میں دس کروڑ ڈالر مالیت کی سرمایہ کاری کرنا چاہتی ہیں۔

پاکستان میں سستی لاگت سے مصنوعات تیار کرکے نا صرف مقامی ضروریات کو پورا کیا جاسکے گا بلکہ ان مصنوعات کو برآمد بھی کیاجائے گا، اعداد و شمار کے مطابق پاکستان میں چین کے مقابلے میں ورکرزکی اجرت کئی گنا کم ہے،

اس لیے چینی کمپنیاں پاکستان میں صنعتوں کو جدید ٹیکناکوجی کے ساتھ منتقل کرناچاہتی ہیں۔ اس کے علاوہ حال ہی میں ٹائر بنانے والی کمپنی نے پاکستانی کمپنی کے ساتھ جوائنٹ وینچر کرنے کی بھی منظوری دی ہے۔

گذشتہ روز پاکستانی ٹائر ساز مقبول کمپنی سروس انڈسٹریز لمیٹیڈ اور چین کی کمپنی چاؤیانگ لانگ مارچ ٹائرکمپنی لمیٹیڈ نے آل اسٹیل ریڈیل ٹرک اور بس ٹائرز کی پاکستان میں تیاری کے حوالے سے مشترکہ معاہدے پر دستخط کئے تھے، کمپنیوں کے معاہدے کے مطابق نئی کمپنی کی پیداوار کا 30 فیصد پاکستان میں فروخت جبکہ 70 فیصد برآمد کیا جائے گا۔
اس موقع پر وزیر اعظم کے مشیر برائے تجارت عبد الرزاق داود کا کہنا تھا کہ حکومت سرمایہ کاروں کو مواقع دے رہی ہے جبکہ وزیر مملکت و چیرمین فیڈرل بورڈ آف انوسٹمنٹ کا تقریب سے خطاب میں کہنا تھا کہ صنعت کو سہولت فراہم کر کے ہی ملکی معیشت میں بہتری لائی جا سکتی

قصور:زینب الرٹ بل میں پھانسی کی سزا تھی تاہم بعض پارٹیوں نے پھانسی کی سزا کی مخالفت کی ،اسد عمرزینب کے گھرپہنچ گئے،اطلاعات کےمطابق وفاقی وزیر برائے منصوبہ بندی، ترقی اور خصوصی اقدامات اسد عمر نے کہا ہے کہ حکومت کے مجوزہ زینب الرٹ بل میں مجرم کے لیے پھانسی کی سزا رکھی گئی تھی جس کی بعض سیاسی جماعتوں نے مخالفت کی تاہم وہ خود اس سزا کی حمایت کرتے ہیں۔

قصور میں زیادتی کا شکار ہونے والی بچی زینب کی دوسری برسی کے موقع پر وفاقی وزیر اسد عمر ان کے گھر پہنچے اور اہل خانہ سے ملاقات کی۔ اس موقع پر میڈیا سے گفتگو میں اسد عمر کا کہنا تھا کہ حکومت کے مجوزہ زینب الرٹ بل میں پھانسی کی سزا تھی تاہم بعض پارٹیوں نے پھانسی کی سزا کی مخالفت کی لیکن وہ ایسے کیسز میں پھانسی کی سزا کی حمایت کرتے ہیں۔

انہوں نے کہا کہ ریاستی نظام کی اس سے بڑھ کر اور کوئی خوش قسمتی نہیں ہو گی کہ معصوم بچوں کے لیے یہ بل پاس ہوا، وفاق کے بعد تمام صوبوں میں بھی زینب الرٹ بل منظور کرائیں گے، تمام اداروں کو مل کر کام کرنا ہو گا تاکہ کمسن بچوں سے زیادتی کے واقعات رک سکیں، عدلیہ، پولیس اور پورا پاکستان اگر اس پر متفق ہو جائے تو ایسے واقعات پر قابو پایا جا سکتا ہے۔

وفاقی وزیر کا کہنا تھا کہ عوام اور پولیس کے درمیان اعتماد کا رشتہ نہیں، ایسا لگتا ہے ایک دوسرے کے حریف ہیں لیکن یقین ہے وزیراعظم عمران خان پولیس بہتر کر کے دکھائیں گے، پولیس نظام کا ٹیسٹ ہے کہ غریب اوراس کا بچہ محفوظ ہو۔انہوں نے کہا کہ آج خیبر پختونخوا کے نئے آئی جی سے ملاقات ہوئی ہے، ان کی ابتدائی پرفارمنس پر وزیراعظم عمران خان مطمئن ہیں۔

خیال رہے کہ 10 جنوری 2020 کو قومی اسمبلی نے قصور میں زیادتی کے بعد قتل ہونے والی بچی کے نام سے پیش کئے گئے زینب الرٹ بل کو متفقہ طور پر منظور کیا۔2018 کے آغاز میں پنجاب کے ضلع قصور سے اغواء کی جانے والی 7 سالہ بچی زینب کو زیادتی کے بعد قتل کردیا گیا تھا، جس کی لاش 9 جنوری کو ایک کچرا کنڈی سے ملی تھی۔17 اکتوبر 2018 کو زینب کو قتل کرنے والے مجرم عمران کو پھانسی دے دی گئی تھی