بے حس اور مردہ ضمیر میڈیامالکان کے نام ایمرا کا کھلاپیغام

باغی ٹی وی :الیکٹرانک میڈیا رپورٹرز ایسوسی ایشن(ایمرا)کے صدر محمد آصف بٹ اور ایمرا سیکرٹری سلیم احمد شیخ و ایمرا باڈی کا کیپٹل نیوز چینل اسلام باد کے کیمرہ مین فیاض علی کی بوجہ بقایا جات اور تنخواہ کی بروقت ادائیگی نہ ہونے سے ہارٹ اٹیک سے ہونے والی موت پر میڈیا مالکان کے نام پیغام ہے۔
اسلام آباد میں کیپٹل نیوز چینل کا کیمرہ مین کو گزشتہ 6 ماہ کی تنخواہ اور بقایاجات مانگنے پر نوکری سے فارغ کردیا گیا۔جو گھر گیا اور بیوی بچوں اور مالک مکان کو گھر کے کرایہ کی ادائیگی پر سوالات پر پریشانی کے باعث ہارٹ اٹیک ہونے سے دنیا سے کوچ کر گیا ہے۔
اناللہ و انا الیہ راجعون
میڈیا مالکان کی وجہ سے ہمارے ورکرز کے معاشی اورمعاشرتی حالات دن بدن خراب ہوتے جارہے ہیں۔ آئے روز کسی کی والدہ دواء کے پیسے وقت پر نہ ملنے پر اسپتال میں زیر علاج ہے اور کسی کے بچے سکولوں کی فیس وقت پر ادا نہ کرنے کے باعث گھربیٹھنےپر مجبور ہیں۔ اور میڈیا سیٹھ مالکان کے مردہ ضمیر مزیدمردہ ہوتے جارہے ہیں اور ہم آئے روز اپنے ساتھیوں اور ورکرزکی موت کے جنازے اٹھارہے ہیں۔ ہم میڈیامالکان کو یکم فروری تک تمام میڈیا ورکرز کی تنخواہیں اوربقایاجات کی ادائیگی کے لئے یکم فروری تک کا وقت دیتے ہیں کہ تب تک اپنے تمام سٹاف کے بقایاجات اور تنخواہیں ادا کردیں ورنہ ان مردہ ضمیر میڈیا مالکان کے خلاف ملک گیر احتجاجی تحریک چلائی جائے گی*اور یہ احتجاج تب تک جاری رہے گا جب تک تمام ادارے اپنے سٹاف کے واجبات اور تنخواہوں کی ادائیگی نہ کردیں۔ اب یہ احتجاج ملک بھر کے پریس کلب ، "پی۔ایف۔ یو۔جے”پی۔یو۔جے” ایمرا” اور اینکا سمیت تمام صحافتی تنظیموں کے ساتھ ملکر ان میڈیا مالکان کے دفاتر کے ساتھ ساتھ ان کے گھروں کے باہر بھی احتجاج کیا جائے گا۔ ان کے دفاتر اور گھروں کے باہر احتجاجی بینرز آویزاں کئے جائیں گے۔ ہماری تمام میڈیا تنظیموں سے اپیل ہے کہ وہ اس احتجاجی تحریک میں بھرپور کردار ادا کرنے کے لئے تیار رہیں۔
جاری کردہ؛
ایمرا سیکرٹری انفارمیشن
شفیق شریف و ایمرا میڈیا سیل

پاکستان کی رپورٹ پر ایف اے ٹی ایف نے کیسے رد عمل کا اظہار کیا

باغی ٹی وی :بیجنگ میں پاکستان اور ایف اے ٹی ایف کے درمیان مذاکرات جاری ہیں، اجلاس میں اکتوبر سے جنوری 27 شرائط پر عملدرآمد رپورٹ پیش کی گئی جس پر وفاقی وزیر اقتصادی امور حماد اظہر نے بریفنگ دی۔ ذرائع کے مطابق پاکستان نے 27 شرائط پر عملدرآمد رپورٹ پیش کی۔یف اے ٹی ایف کے سوالات پر جوابی رپورٹ کا جائزہ لیا گیا، وفاقی وزیر اقتصادی امور حماد اظہر نے بریفنگ دی، دہشت گردوں کی فنڈنگ روکنے کے لیے اقدامات سے آگاہ کیا گیا، منی لانڈرنگ اور دہشت گردوں کی مالی معاونت کے خاتمےکے اقدامات پر بریفنگ دی۔ ایف اے ٹی ایف کی 22 سفارشات پر عملدرآمد سے متعلق آگاہ کیا گیا۔رپورٹ پر تنطیم نے اطمینان کا اظہار کیا ہے

اجلاس کو بتایا گیا کہ کالعدم تنظیموں پر پابندیاں عائد کی جا چکی ہیں، اینٹی منی لانڈرنگ ایکٹ میں ایف اے ٹی ایف سفارشات کے مطابق ترمیم سے آگاہ کیا، اینٹی منی لانڈرنگ ایکٹ میں جرمانے اور سزاؤں کی معیاد بڑھائی گئی۔

ایف اے ٹی ایف کا ایک بار پھر ڈومور، کالعدم تنظیموں کیخلاف کیا کیا؟ رپورٹ طلب

ایف اے ٹی ایف کا پاکستان کی کوششوں کا اعتراف، ڈومور بھی کہہ دیا

8 کالعدم تنظیموں کے خلاف کاروائی ،کتنے مقدمات، کتنی گرفتاریاں اور کیا سزائیں دی گئیں؟ رپورٹ سامنے آ گئی

واضح رہے کہپاکستان نے ایف اے ٹی ایف کو جواب میں کہا ہے کہ دہشت گردوں تک رقوم پہنچانے کے 700 کیسز کی تحقیقات کیں، کالعدم تنظیموں تک رقوم پہنچانے والے 190 افراد کے خلاف کارروائی کی گئی، دہشت گردوں تک رقوم پہنچانے پر 170افراد زیر حراست ہیں، کالعدم تنظیموں کی ایک ہزار سے زائد جائیدادیں ضبط کیں

پاکستان کوایف اے ٹی ایف نے 150سوالات پرمشتمل سوال نامہ بھیجا تھا،سوال نامے میں مدارس سے متعلق کیے گئے قانونی اقدامات کی تفصیلات پوچھی گئیں، ایف اے ٹی ایف کی جانب سے کالعدم تنظیموں کے خلاف درج مقدمات کی نقول مانگی گئی ہیں،ایف اےٹی ایف نے پاکستان سے کالعدم تنظیموں سے منسلک افراد کوسزادلوانے کا مطالبہ بھی کیا ہے،