Author: +9251

اسلام آباد:وزیر خارجہ مخدوم شاہ محمود قریشی تین روزہ اہم دورہ امریکہ کامیابی کے ساتھ مکمل کرکے واپس وطن روانہ ، اطلاعات کےمطابق امریکہ میں تعینات پاکستانی سفیر ڈاکٹر اسد مجید اور سفارت خانے کے سنیر حکام نے وزیر خارجہ کو الوداع کیا، یاد رہےکہ وزیر خارجہ کا یہ دورہ ء امریکہ دو مرحلوں پر مشتمل تھا

پہلے مرحلے میں وزیر خارجہ نیویارک گئے جہاں ان کی سیکریٹری جنرل اقوام متحدہ،صدر سیکورٹی کونسل اور صدر جنرل اسمبلی کے ساتھ اہم ملاقاتیں ہوئیں جن میں انہوں نے مقبوضہ جموں و کشمیر کی صورتحال اور پاکستان کے خدشات کو بار_دگر باور کروایاوزیر خارجہ نے اپنے دورہ ء امریکہ کے دوسرے مرحلے میں امریکی سینٹ کے سینیئر اراکین ، وزیر خارجہ مائیک پومپیو، امریکی مشیر برائے قومی سلامتی اور دیگر اہم شخصیات سے ملاقاتیں کیں

وزیر خارجہ نے ان ملاقاتوں میں مشرق وسطیٰ میں پائی جانے والی کشیدگی کو کم کرنے ، افغان مفاہمتی عمل ،خطے میں قیام امن کیلئے پاکستان کی کاوشوں اور اپنے حالیہ دورہ ء ایران و سعودی عرب سے آگاہ کیا -امریکی حکام کی طرف سے قیام امن کیلئے پاکستان کی مخلصانہ کوششوں کو سراہا جانا پاکستان کی بہت بڑی کامیابی ہے

وزیر خارجہ نے واشنگٹن میں پاکستان کانگریشنل کاکس اور پاکستانی کمیونٹی سے بھی الگ الگ ملاقاتیں کیں اور پاک امریکہ تعلقات کو آگے بڑھانے اور اسے مزید مستحکم بنانے میں ان کے کردار کی تعریف کیوزیر خارجہ نے بین الاقوامی میڈیا سے بھی گفتگو کی اور اپنے دورہ ء امریکہ کے اغراض و مقاصد اور امریکی حکام سے ہونیوالی اہم ملاقاتوں کی تفصیلات پر روشنی ڈالی ،خطے میں بدلتی ہوئی صورتحال کے تناظر میں وزیر خارجہ کے اس دورہ ء امریکہ کو اہم سفارتی کامیابی سمجھا جا رہا ہے اسی لئے سفارتی حلقوں میں وزیر خارجہ کے اس دورے کو بہت پذیرائی مل رہی ہے

واشنگٹن: واشنگٹن میں امریکی سینیٹروں کی وزیرخارجہ شاہ محمود قریشی سے ملاقاتیں ،اطلاعات کےمطابق امریکی ڈیموکریٹ سینیٹر کرس وان ہولن کی پاکستان ہاؤس واشنگٹن میں وزیر خارجہ مخدوم شاہ محمود قریشی سے خصوصی ملاقات دوران ملاقات پاک امریکہ دو طرفہ تعلقات اور باہمی دلچسپی کے امور پر تبادلہ خیال بھی ہوا

اس ملاقات میں وزیرخارجہ نے باور کرایا کہ پاکستان امریکہ کے ساتھ اپنے دو طرفہ تعلقات کو بہت اہمیت دیتا ہے اور اسٹرٹیجک شراکت داری کے ذریعے ان تعلقات کو مزید مستحکم کرنے کا خواہاں ہے ،وزیر خارجہ نے سینیٹر ہولن کو مقبوضہ جموں و کشمیر میں گذشتہ پانچ ماہ سے جاری محاصرے ، بلاجواز پابندیوں اور امن و امان کی تشویشناک صورتحال سے آگاہ کیا

وزیر خارجہ مخدوم شاہ محمود قریشی نے مقبوضہ جموں و کشمیر میں جاری انسانی حقوق کی سنگین خلاف ورزیوں کے حوالے سے سینیٹر کرس وان ہولن کے اصولی موقف کی تعریف کی اور امریکی سینیٹرپرواضح کیاکہ بھارت سرکار کی جانب سے مقبوضہ جموں و کشمیر میں جاری ریاستی جبر اور اقلیتوں کو دیوار سے لگانے کی حکومتی پالیسیوں نے پورے جنوبی ایشیائی خطے کو شدید خطرات سے دو چار کر دیا ہے

مخدوم شاہ محمود قریشی نے امریکی سینیٹرکوکہا کہ پاکستان، امریکہ کے ساتھ مل کر افغانستان کے مسئلے کے سیاسی حل کو پایہ ء تکمیل تک پہنچانے کیلئے پر عزم ہے افغانستان میں قیام امن سے حاصل ہونے والے ثمرات سے پورا خطہ مستفید ہو گا

وزیر خارجہ نے سینیٹر ہولن کو مشرق وسطیٰ میں کشیدگی کو کم کرنے اور قیام_امن کیلئے پاکستان کی طرف سے کی جانے والی کاوشوں سے آگاہ کیا،تاریخی اعتبار سے جنوبی ایشیائی خطے میں قیام امن کیلئے بروئے کار لائ گئی کوششوں میں پاکستان اور امریکہ اہم اتحادی رہے ہیں

یاد رہےک امریکی سینیٹر کرس وان ہولن نے اکتوبر 2019 میں اپنے دورہ ء پاکستان کے دوران پر تپاک خیر مقدم پر ،وزیر خارجہ مخدوم شاہ محمود قریشی کا شکریہ ادا کیا،امریکی سینیٹر کرس وان ہولن نے اس دوران آزاد جموں و کشمیر کا دورہ بھی کیا تھا، امریکی سینیٹرکے ساتھ ایک اور سینیٹرنے ملاقات کی اورپاکستان کے اقدامات کو سراہا