Author: +9251

واشنگٹن: امریکی صدر ٹرمپ نے ایران میں ہونے والے حکومت مخالف مظاہروں کی حمایت کرتے ہوئے مظاہرین کے نام فارسی میں پیغام جاری کردیا۔ڈونلڈ ٹرمپ نے یہ حمایت اس وقت جب برطانیہ کے سفیر نے بھی ان مظاہروں میں شرکت کی جس پرایرانی حکام نے انہیں گرفتاربھی کرلیا تھا

به مردم شجاع و رنج کشیده ایران: من از ابتدای دوره ریاست جمهوریم با شما ایستاده‌ام و دولت من همچنان با شما خواهد ایستاد. ما اعتراضات شما را از نزدیک دنبال می کنیم. شجاعت شما الهام بخش است.

— Donald J. Trump (@realDonaldTrump) January 11, 2020

سماجی رابطے کی ویب سائٹ ٹویٹر پر ٹرمپ نے فارسی زبان میں ٹویٹ کرتے ہوئے ایرانی مظاہرین کی ہمت کو داد دی اور اُن کے عزم کو بھی سراہا۔ امریکی صدر کا کہنا تھا کہ بہادر،طویل عرصےسےمصائب کا شکار ایرانی قوم کےنام میرا پیغام ہے کہ ہم ایران میں مظاہروں کی قریب سے پیروی کررہے ہیں۔

انہوں نے لکھا کہ ہم ایرانی مظاہرین کی ہمت سےمتاثر ہیں، میں اپنے عہد صدارت کی ابتدا سےہی ایرانی عوام کےساتھ ہوں، میری انتظامیہ ایرانی مظاہرین کےساتھ کھڑی رہےگی، ایران میں احتجاج کےدوران زمینی حقائق رپورٹ کرنے کی اجازت دی جائے۔

دولت ایران باید به گروه‌های حقوق بشر اجازه بدهد حقیقت کنونی اعتراضات در جریان مردم ایران را نظارت کرده و گزارش بدهند. نباید شاهد کشتار دوباره ی معترضان مسالمت آمیز و یا قطع اینترنت باشیم. جهان نظاره گر این اتفاقات است.

— Donald J. Trump (@realDonaldTrump) January 11, 2020

ٹرمپ کا کہنا تھا کہ ایران انسانی حقوق کے گروپس کو رپورٹنگ کی اجازت دے، مظاہرین کا پھر سے قتل عام یا انٹرنیٹ بندش قبول نہیں کیونکہ دنیا سب دیکھ رہی ہے۔

یاد رہے کہ ایران میں گزشتہ روز سپریم کمانڈر کے خلاف مظاہرے ہوئے تھے، مظاہرین کا مطالبہ تھا کہ خامنہ ای اور حسن روحانی اپنے عہدوں سے فوری طور پر دستبردار ہوں، ایرانی حکام نے رات گئے برطانوی سفیر کو مظاہرے منعقد کروانے کے الزام میں گرفتار کیا تھا۔

واشنگٹن :جنرل قاسم سلیمانی کے قتل کیلئے اسرائیل نے امریکا کو خفیہ معلومات فراہم کیں،اطلاعات کےمطابق ایرانی پاسداران انقلاب کی ذیلی تنظیم القدس فورس کے سربراہ میجر جنرل قاسم سلیمانی کے قتل کے لیے اسرائیلی انٹیلیجنس نے امریکا کو خفیہ معلومات فراہم کی تھیں۔

امریکی میڈیا کے مطابق جنرل قاسم سلیمانی کے قتل کے لیے اسرائیلی انٹیلیجنس نے امریکاکی معاونت کی تھی اور اسرائیلی خفیہ ایجنسی سے ہی امریکاکو تصدیق ہوئی کہ سلیمانی دمشق سے بغداد کس طیارے میں آرہے ہیں۔

امریکا میڈیا کا کہنا ہے کہ امریکی خفیہ ایجنسی سی آئی اے کو ایک مخبر نے شام سے اطلاع دی تھی کہ قاسم سلیمانی کس طیارے میں سوار ہوں گے جس کے بعد اسرائیلی انٹیلیجنس نے مخبر کی اطلاع کی تصدیق کرتے ہوئے اس اطلاع کی توثیق کی تھی۔

نجی شامی ائیر لائن ’شام ونگز‘ کے ائیربس اے 320 کے بغداد ائیر پورٹ پر پہنچنے کے بعد وہاں موجود امریکی جاسوسوں نے قاسم سلیمانی کی آمد کی اطلاع امریکی فوج کو دی جس کے بعد ہیلی فائر میزائلوں سے لیس 3 امریکی ڈرون ہدف کی جانب روانہ ہوئے اور باآسانی ہدف کو نشانہ بنایا۔اس دوران انہیں کسی قسم کی دقت کا سامنا نہیں کرنا پڑا کیو نکہ عراق کی فضائی حدود مکمل طور پر امریکا کے زیراثر ہے۔

کیف: طیارہ حادثہ، شوہر کی منتیں کرتی رہی، اس جہازمیں سوار نہ ہوں‘یوکرائنی جہازکے جاں بحق پائلٹ کی بیوی کی یادیں‌،اطلاعات کےمطابق یوکرین طیارہ حادثے میں ہلاک ہونے والے پائلٹ کی اہلیہ کا کہنا ہے کہ میں شوہر کی منتیں کرتی رہی کہ اس جہاز میں سوار نہ ہوں اور اسے نہ اڑائیں۔

ذرائع کے مطابق یوکرینی طیارہ اڑانے والے پائلٹ کی اہلیہ کترینا گیپونینکو نے انکشاف کیا ہے کہ روانگی سے قبل اپنے شوہر کی منتیں کرتی رہی تھی کہ وہ جہاز میں سوار نہ ہوں اور اسے نہ اڑائیں لیکن وہ میری باتوں کو نظر انداز کرتے ہوئے چلے گئے۔

یوکرینی طیارہ اڑانے والے پائلٹ کی اہلیہ کترینا گیپونینکو نے انکشاف کیا ہے کہ ایران اور امریکا کے مابین کشیدگی کے باعث شدید خطرہ محسوس ہورہا تھا، میں نہیں چاہتی تھی کہ شوہر جہاز لے کر ایران کی فضائی حدود میں جائیں۔

یوکرینی طیارہ اڑانے والے پائلٹ کی اہلیہ کترینا گیپونینکو کا کہنا تھا کہ اس روز میرے شوہر ولودمیر نے مجھے کہا کہ ایران اور امریکا کی کشیدگی کے باعث ہوسکتا ہے کہ پرواز منسوخ ہوجائے لیکن جب پرواز منسوخ نہیں کی گئی تو مجھے شدید پریشانی لاحق ہوگئی۔

یوکرائنی پائلٹ کی بیوی کا کہنا ہے کہ آخری وقت تک انہیں جہاز اڑانے سے روکتی رہی لیکن انہوں نے مجھے جواب دیا کہ ہمیں مشکل صورت حال میں پیچھے نہیں ہٹنا چاہئے، اگر میں نہیں جاؤں گا تو کوئی اور جائے گا، میں پھر بھی ولودمیر کو روکتی رہی لیکن انہوں نے میری ایک نہ سنی اور چلے گئے۔

ولودمیر پرواز کے تین پائلٹوں میں تجربہ کار تھے، یوکراینی انٹرنیشنل ایئرلائن کا کہنا ہے کہ ولود میر کو 12000 گھنٹے تک 737 طیارہ اڑانے کا تجربہ تھا۔واضح رہے کہ ایران نے غلطی سے یوکرینی طیارے کو مار گرایا تھا جس کے نتیجے میں پائلٹ اور عملے سمیت 176 افراد ہلاک ہوگئے تھے۔

بغداد:امریکی فوجی اڈے پرچارمیزائل فائر،عراقی فوجی زخمی،اطلاعات کے مطابق عراقی دارالحکومت میں قائم امریکی فوجی اڈے پر ایک بار پھر راکٹ سے حملہ ہوا جس کے نتیجے میں چار عراقی فوجیوں کے زخمی ہونے کی اطلاعات سامنے آئی ہیں۔

خبررساں ادارے کی رپورٹ کےمطابق بغداد کے گرین زون میں قائم امریکی سفارت خانے کے قریب زور دار دھماکوں کی آوازیں سنائی دیں جس کے بعد پولیس نے تعین کیا تو معلوم ہوا کہ امریکی بیس کو میزائلوں سے نشانہ بنایا گیا۔

رپورٹ کے مطابق عراق میں قائم امریکی فوجی اڈے پر 4 راکٹ داغےگئے،جس کے نتیجے میں اب تک چارعراقی فوجیوں کے زخمی ہونے کی اطلاعات سامنے آئی ہیں۔ رپورٹ میں بتایا گیا ہے کہ امریکی فوجی بیس پرمارٹر گولوں اورراکٹ سے حملہ کیا گیا، جس میں امریکی فوجیوں کے رہائشی علاقےکوبھی نشانہ بنایا گیا، حملے کی ذمہ داری تاحال کسی گروپ نے قبول نہیں‌کی۔