Author: +9251

دربھنگہ:بھارت:فرقہ وارانہ جھڑپ، قبرستان میں لگائی آگ، کئی افراد زخمی، پولیس تعینات ،اطلاعات کےمطابق جالے تھانہ کے ریونڈھا گاؤں کے جھوٹکی فقیر تکیہ مسجد کے پاس نمازکےدوران مذہبی جلوس میں شامل باجے کی تیز ساونڈ پرایک خاص فرقہ کی جانب سے اعتراض کئے جانے پرشرپسندوں نے کڑا رخ اختیار کیا اور جئے شری رام کا نعرہ لگاتے ہوئے ساونڈ کو جاری رکھنے پر آمادہ ہوگئے

ذرائع کے مطابق اس حوالے سے معلوم ہوا ہے کہ دونوں فرقوں کے لوگوں کے درمیان تلخ کلامی ہوگئی جس کے بعد بھیڑ نے حملہ شروع کردیا۔ تاہم دونوں جانب سے ہوئی سنگ باری کے بعد حالات بگر گئے لیکن انتظامی افسران نے بروقت کارروائی کر حالات کو پرامن بنایا۔ ٹاور چوک کے قریب ہوئی جھڑپ میں مقامی چوکیدار سمیت کئی افراد کے زخمی ہونے کی بات سامنے آئی ہے تاہم انتظامی افسران سے اس کی تصدیق نہیں ہوپائی ہے۔

فی الحال سیٹی ایس پی یوگیندر کمار ،صدر ایس ڈی او راکیش کمار گپتا ، صدر ایس ڈی پی او انوج کمار اور مقامی تھانہ انچارج دلیپ کمار پاٹھک کی قیادت میں رائیٹ کنٹرول وہیکل کے ساتھ مسلح فورس کی تعیناتی کے ساتھ کئی تھانوں کی پولیس موقع پر کیمپ کر رہی ہے۔ شرپسندوں کے ذریعہ قبرستان میں لگائی گئی آگ کو فائر بریگیڈ کی مدد سے بجھالیا گیا ہے۔ گاؤں میں حالات معمول پر ہیں اور پولیس کی نقل حرکت جاری ہے۔

جیسے ہی سنگ باری کے بعد ریونڈھا میں ہم آہنگی بگڑنے کی خبر عام ہوئی حالات فرقہ وارانہ شکل لے لیا۔ تاہم جلوس میں شامل شرپسندوں نے فقیرتکیہ کی قبرستان میں آگ لگا دی اور پوپری سے لوٹ رہے 32 سالہ نوجوان کو گھیر کراس پردھاردار ہتھیارسے حملہ کر شدید طور پرزخمی کردیا۔ زخمی نوجوان کی شناخت ریونڈھا گاؤں کے محمد منصور عالم کے لڑکے محمد ارشاد کے طور پر ہوئی ہے جس کا علاج مقامی ریفرل اسپتال میں چل رہا ہے۔

محمد ارشاد پوپری سے بائک سے کرانہ دکان کا سامان لیکر لوٹ رہا تھا تبھی پٹیل چوک کے پاس اس پر جان لیوا حملہ ہوا۔ حملے میں اس کے دائیں ہاتھ کی 3 انگولیاں کٹ گئی ہیں اور جسم پر گہرے چوٹ لگے ہیں۔

نئی دہلی :جب تک مسلم مخالف شہریتی قانون واپس نہیں لیا جائے گا احتجاج جاری رہے گا،خواتین ڈٹ گئیں،اطلاعات کےمطابق متنازع شہریت قانون اوراین آرسی کے خلاف ملک بھر میں پروٹیسٹ اور احتجاج کا سلسلہ جاری ہے ۔

اس قانون کوپارلیمنٹ سے پاس ہوئے ایک ماہ کا وقت مکمل ہوچکاہے اور اس دوارن اس کے خلاف احتجاج کا سلسلہ مسلسل بڑھتا جارہاہے ۔ ملک کے کچھ حصو میں روازنہ احتجاج ہورہاہے تو وہیں کچھ علاقوں میں پابندی کے ساتھ لگاتار احتجاج کا سلسلہ جاری ہے ۔ دہلی کے شاہین باغ اور جامعہ ملیہ اسلامیہ کی طر ح ذاکر نگر میں بھی خواتین روزانہ کینڈل مارچ نکالتی ہیں ۔

تفصیلات کے مطابق 15دسمبر 2019 سے اوکھلا کے ذاکر نگر میں ڈھلان روڈ پر روزانہ رات کے 8 بجے سے رات کے 11 بجے تک خواتین کینڈل مارچ نکالتی ہیں ۔ اس مارچ میں مرد اور چھوٹے چھوٹے بچے بھی بڑی تعداد میں شریک ہوتے ہیں ۔

ذرائع کےمطابق خواتین نے بتایاکہ ہمار ا یہ پرامن احتجاج سی اے اے ،این آرسی اور این پی آر کے خلاف ہے ۔ آئین کو بچانے اور دستور کی حفاظت کیلئے ہم احتجاج کررہے ہیں ۔ بھارت کی سب سے بڑی طاقت یہاں کا دستور ہے اور اب اس کو ختم کیا جارہاہے جسے بچانے کیلئے ہم سڑکوں پر نکلے ہیں ۔

کواللمپور:مودی سرکار نے کشمیر مسئلہ پر حمایت کرنے کے عوض تمام الزامات واپس لینے کی پیشکش کی تھی ۔میں نے مسترد کردیا ،اطلاعات کےمطابق ملائیشیا میں جلاوطن معروف بھارتی ریسرچ اسکالر ڈاکٹر ذاکر نائیک نےانتہا پسند مودی سرکار کی عیارانہ چالوں کا بھانڈا پھوڑ دیا۔ڈاکٹر ذاکر نائیک کے مطابق بھارتی حکومت کی جانب سے انہیں یہ بھی کہا گیا کہ وہ بی جے پی اور وزیراعظم نریندر مودی کے خلاف بیانات نہ دیں۔

ذرائع کے مطابق ڈاکٹر ذاکر نائیک نے انکشاف کیاہےکہ انہیں بھارتیہ جنتا پارٹی (بی جے پی) حکومت کی جانب سے خفیہ پیش کش کی گئی کہ اگر وہ مقبوضہ کشمیر میں آرٹیکل 370 ختم کرنے کی حمایت کریں تو بھارتی حکومت ان پر قائم مقدمات ختم کرکے انہیں بھارت واپس آنے کی اجازت دیدے گی۔ڈاکٹرذاکرنائیک کا کہنا ہے کہ انہوں نے بھارتی حکومت کی اس پیشکش کو قبول کرنے سے صاف انکار کیا۔

معروف اسکالر کا مزید کہنا تھا کہ بھارت کے جن مسلم رہنماؤں نے متنازعہ شہریت کے قانون کی حمایت کی ہے، انہیں یقین ہے کہ انہیں ایسا بیان دینے کے لیے بھارتی حکومت کی جانب سے بلیک میل یا مجبور کیا گیا۔

خیال رہے کہ معروف اسلامی مبلغ ذاکر نائیک گذشتہ 3 سالوں سے زائد عرصے سے سعودی عرب اور پھر ملائیشیا میں جلا وطنی کی زندگی گزار رہے ہیں، ان پر مودی سرکار کی جانب سے منی لانڈرنگ اور نفرت انگیز تقاریر کے الزامات لگائے گئے ہیں جب کہ ان کا بھارتی پاسپورٹ بھی منسوخ کیا جاچکا ہے۔

2016 میں بنگلا دیش میں ایک ریسٹورنٹ پر حملے میں ملوث افراد نے گرفتاری کے بعد مبینہ طور پر ڈاکٹر ذاکر نائیک کی تقاریر سے متاثر ہونے کا بیان دیا تھا۔اس بیان کو جواز بنا کر بھارت کی نیشنل کرائم ایجنسی نے ڈاکٹر ذاکر نائیک کے ادارے اسلامک ریسرچ فاؤنڈیشن (آئی آر ایف) کو غیر قانونی قرار دیکر اس کے اثاثے منجمد کر دیے تھے۔