لاہور:شاہی قلعہ میں شادی کی اجازت،فورٹ انچارج بلال طاہرمعطل،اطلاعات کے مطابق شاہی قلعہ میں شادی کی تقریب کا معاملہ شدت اختیارکرگیا ہے،ادھراس واقعہ کا وزیراعلی پنجاب سردار عثمان بزدار کا واقعہ کا سخت نوٹس لیا ہےاورمزید تحقیقات کا حکم دے دیا ہے –

باغی ٹی وی کےمطابق وزیراعلیٰ نے اس حوالے سے ڈی جی لاہور والڈ سٹی اتھارٹی سے رپورٹ طلب کرلی ہے اورشادی کی تقریب کے انعقاد کے ذمہ داران کے خلاف کارروائی کا حکم بھی دیا ہے، یہ بھی معلوم ہوا ہےکہ اس واقعہ پروزیراعلیٰ نے کہا ہےکہ شاہی قلعہ جیسی تاریخی عمارت میں شادی کی تقریب کا انعقاد سنگین غفلت اور کوتاہی ہے

عثمان بزدارنے کہا ہےکہ شادی کاانعقاد کرنے والوں کے خلاف بھی بلا امتیاز قانونی کارروائی عمل میں لائی جائے-آئندہ ایسے واقعہ کی روک تھام سخت مانیٹرنگ کے ذریعے ہرصورت یقینی بنائی جائے-

ادھر ذرائع کے حوالے سے معلوم ہوا ہےکہ لاہور شاہی قلعہ میں پابندی کے باوجود بااثر شخصیت کے بیٹے کی مہندی کی تقریب کی گئی اور قوانین کی دھجیاں اڑا دی گئی ہیں ۔ دعوت ولیمہ بدھ کی رات شاہی باورچی خانے میں ہوئی ، دعوت ولیمہ میں تین سو افراد نے شرکت کی ،

باغی ٹی وی کےمطابق شادی کی اس تقریب کے موقع پر شاہی باورچی خانے میں قناعتیں ، ساونڈ سسٹم اور دیواروں پر فانوس لٹکا کر پورا ماحول بنایا گیا ۔ یہاں یہ امر قابل ذکر ہے کہ شاہی قلعہ بین الاقوامی ورثہ کونسل میں شامل ہے اور بین الاقوامی ورثہ کونسل قوانین کے مطابق شاہی قلعے میں کوئی تقریب نہیں ہو سکتی ہے ، ورلڈ اولڈ سٹی اور شاہی قلعہ انتظامیہ نے سیاسی دباﺅ اور رشوت کے عوض اجازت دی ہے ۔

دوسری جانب ڈی جی اولڈ سٹی کامران لاشاری نے بیان جاری کرتے ہوئے کہاہے کہ شادی کی تقریب نہیں ہوئی بلکہ مہندی کا فنکشن ہواہے جس کے خلاف ایکشن لیا گیاہے ، سیکیورٹی ضبط اور متعلقہ افسر کو معطل کر دیا گیاہے ۔ا نہوں نے کہا کہ تقریب شیش محل میں نہیں بلکہ شاہی باورچی خانے میں ہوئی ہے ۔

ڈیرہ اسماعیل خان میں شیعہ علماء کونسل کا امریکا کے خلاف مظاہرہ

ڈیرہ اسماعیل خان میں کوٹلی امام حسین سے ایک احتجاجی ریلی منعقد کی گئی گی ڈیرہ بنوں روڈ پر جلسے کی شکل اختیار کرنے والی ریلی سے شیعہ علماء کونسل پاکستان کے مرکزی نائب صدر علامہ رمضان توقیر سمیت دیگر نے خطاب کرتے ہوئے ایرانی جنرل کی امریکی حملے میں جاں بحق ہونے پر شدید الفاظ میں مذمت کی۔ امریکہ کے خلاف احتجاجی مظاہرہ کیا گیا احتجاجی مظاہرے سے خطاب کرتے ہوئے شیعہ علماء کونسل کے مرکزی نائب صدر علامہ رمضان توقیر اور دیگر نے خطاب کرتے ہوئے کہا کہ ایرانی فوج کے جنرل پر امریکی جان لیوا حملہ کھلی دہشت گردی ہے ہے یہ امریکی اقدام بین الاقوامی قوانین کی خلاف ورزی ہے ہم اس کی شدید مذمت کرتے ہیں ہم مظلوموں کے حق کی آواز بلند کرتے رہیں گے اس پر موقع پر مظاہرین نے امریکہ اور اس کے اتحادی اسرائیل اسرائیل کے خلاف شدید نعرے بازی کی۔

کشمیریوں سے یکجہتی کیلیے حافظ سعید کی رہائی ضروری، ایسی خبر جسے جان کرمودی سرکار نے سر پکڑ لیا

لاہور:لاہور:میں پارکنگ والے من مانیاں کرنے لگے،عوام الناس سے مقررکئے گئے پیسوں سے زیادہ وصول کرنے لگے،اطلاعات کےمطابق لاہورمیں پارکنگ کے نام پرقائم سرکاری اداروں میں‌ پارکنگ اسٹینڈ ضلعی حکومت کی طرف سے مقرر کئے گئے نرخوں سے زیادہ وصول کرکے حکومتی رٹ کوپامال کررہے ہیں

باغی ٹی وی کے مطابق لاہور کے تمام سرکاری پارکنگ اسٹینڈز پرپرچی کے ذریعے پارکنگ فیس وصول کرنے والا مافیا لوگوں سے زبردستی مقرر کی گئی حد سے زیادہ نہ صرف پیسے وصول کرتے ہیں بلکہ دھمکیاں بھی دیتے ہیں‌

باغی ٹی وی کےمطابق ویسے توتمام پارکنگ اسٹینڈزکی صورت حال ایک جیسی ہے ، فی الحال جو تازہ واقعہ سامنے آیا ہے وہ لاہورجنرل ہسپتال کے پارکنگ اسٹینڈ کا ہے جہاں پارکنگ مافیا لوگوں سے مقررکی گئی رقم سے زیادہ پیسے وصول کررہے ہیں‌

باغی ٹی وی کے مطابق تازہ واقعہ میں‌ ایک مریض جب ہسپتال پہنچا تو اس نے موٹرسائیکل وہاں کھڑی کی تو اس وقت جو اسے پرچی دی گئی اس پردس روپے درج تھے جسے پارکنگ اسٹینڈ والوں نے سیاہ مارکرسے مٹاکر20 روپے ظاہرکرکے تھما دی ،جبکہ پرچی پرواضح 10 روپے لکھے ہوئے تھے

ذرائع کےمطابق جب مریض نے پارکنگ اسٹینڈ والے سے کہا کہ بھائی اس پرتو10 روپے لکھے ہیں اورآپ 20 روپے وصول کررہےہیں ، اس پراسٹینڈوالے آدمی نے نہ صرف اصرار کیا بلکہ 10 روپے لینے سے انکارکردیا ،یہ بھی معلوم ہوا ہےکہ یہ مافیا دھمکیاں بھی دے رہا تھا اور چیلنج کررہا تھا کہ جاو کہہ دو جس سے کہنا ہم 20 ہی لیں گے

ادھر باغی ٹی وی کو موصول ہونے والی اطلاعات کےمطابق یہ صرف ایک مریض کے ساتھ واقعہ پیش نہیں آیا بلکہ ہرکسی کے ساتھ یہ رویہ اپنایا جارہا ہے، لوگ بھی یہ کہتے سنےگئے ہیں کہ کیا یہ تبدیلی ہےکہ یہ مافیا مقرر کردہ رقم کوتبدیل کرکے منہ مانگی رقم وصول کرے