Author: +9251

واشنگٹن:ٹرمپ کوایران پرحملہ کرنے سے روکنے کے لیے امریکی کانگریس میدان میں آگئی ، رائے شماری کا فیصلہ،اطلاعات کےمطابق امریکی صدر ڈونلڈ ٹرمپ کو ایران کے ساتھ جنگ سے روکنے کے لیے آج ایوان نمایندگان میں رائے شماری ہوگی۔

امریکی ذرائع ابلاغ کے مطابق امریکی ایوان نمایندگان کی اسپیکر نینسی پلوسی نے امریکا کو ایران کے خلاف جنگ سے روکنے کے لیے رائے شماری کرانے کا مطالبہ کیا تھا، نینسی پلوسی کا کہنا تھا کہ گزشتہ ہفتے ٹرمپ انتظامیہ نے کانگریس کے علم میں لائے بغیر ایرانی جنرل پر حملہ کیا تھا، اس حملے کے حوالے سے ٹرمپ انتظامیہ ہمارے تحفظات دور کرنے میں ناکام رہی ہے۔

گزشتہ روز نینسی پلوسی نے ٹرمپ کی جنگ پر مبنی پالیسی پر بھی تنقید کرتے ہوئے کہا تھا کہ ٹرمپ انتظامیہ کی غیر ضروری اشتعال انگیزی کا خاتمہ یقینی بنانا ہوگا، ہمیں امریکی اہل کاروں کی حفاظت کرنی ہے، اسپیکر کا کہنا تھا کہ عراق میں امریکی فوجیوں کو ہدف بنا کر بم باری کے بعد پیدا ہونے والی صورت حال کا باریک بینی سے جائزہ لیا جا رہا ہے، ایسے میں اپنے اہل کاروں کا تحفظ ضروری ہے۔

امریکی ایوان نمایندگان کی اسپیکر نینسی پلوسی نے ایک ٹویٹ میں لکھا کہ ٹرمپ انتظامیہ بے مقصد اشتعال انگیزی کر رہی ہے، جسے روکنا ضروری ہے۔ گزشتہ روز امریکی صدر ڈونلڈ ٹرمپ نے کہا تھا کہ ایران کو جوہری منصوبے سے دست بردار ہونا پڑے گا، میں جب تک امریکا کا صدر ہوں ایران ایٹمی طاقت نہیں بن سکتا۔

لندن:برطانیہ کا شاہی خاندان ٹوٹ پھوٹ کا شکار،شہزادہ ہیری اورشہزادی میگھن مارکل برطانیہ چھوڑ جائیں گے ،ذرائع کےمطابق برطانوی شہزادے ہیری اور اُن کی اہلیہ میگھن مارکل نے شاہی خاندان سے علیحدگی کا فیصلہ کرتے ہوئے برطانیہ سے منتقلی کا فیصلہ کرلیا۔

امریکا سے تعلق رکھنے والی شاہی خاندان کی بہو کا کہنا تھا کہ برطانیہ سے شمالی امریکا منتقل ہونے کے بعد معاشی طورپرخود مختار زندگی بسر کریں گے، کئی ماہ کی سوچ بچار اوربات چیت کے بعد علیحدگی کا فیصلہ کیا۔

شہزادہ ہیری اور میگھن کا کہنا تھا کہ رواں سال خود مختار زندگی گزارنےکے فیصلے پر عمل درآمدکریں گے،ہماری مکمل حمایت ملکہ برطانیہ اورتاج برطانیہ کےساتھ رہےگی اور اپنے بیٹے کی پرورش بھی شاہی روایات کےمطابق جاری رکھیں گے اور اپنے رفاعی منصوبے پر مکمل توجہ دیں گے۔

شہزادہ ہیری اورمیگھن نے اپنےآفیشل انسٹاگرام پر علیحدہ علیحدہ ایک ہی بیان جاری کیا۔برطانوی میڈیا رپورٹ کے مطابق ملکہ برطانیہ سالانہ5ملین پاؤنڈز شہزادہ ہیری اور اُن کے بھائی شہزادہ ولیم کودیتی ہیں، شہزادہ چارلس بھی اپنے بیٹوں ہیری اور ولیم کو سالانہ لاکھوں پاؤنڈز ادا کرتے ہیں البتہ علیحدگی کے بعد پرنس ہیری کو اب یہ رقم یا دیگر سہولیات میسر نہیں ہوں گی۔

یاد رہے کہ مئی 2018 میں برطانوی شاہی خاندان کے چھوٹے شہزادے ہیری اور امریکی اداکارہ میگھن مرکل رشتہ ازدواج میں منسلک ہوئے تھے۔ دونوں کی شادی کو سال کی سب سے بڑی شادی قرار دیا گیا تھا۔لیکن یہ بات بھی قابل ذکرہےکہ شاہی حرم میں‌ایک امریکی خاتون کے آنے سے برطانیہ کا شاہی خاندان اختلافات کا شکارہوگیا

واشنگٹن :جنرل قاسم سلیمانی کوبہت پہلے ماردینا چاہیے تھا ، ایران کے حملے میں کوئی جانی نقصان نہیں ہوا،اطلاعات کےمطابق امریکی صدر ڈونلڈ ٹرمپ کا کہنا ہے کہ ایران کے عراق میں امریکی فوجی اڈوں پر حملوں میں کوئی جانی نقصان نہیں ہوا۔

امریکی ذرائع ابلاغ کے مطابق ڈونلڈ ٹرمپ نے واشنگٹن میں ایران کے ساتھ بڑھنے والی کشیدگی کے حوالے سے ایک پریس کانفرنس کے ذریعے ایرانی حملے کے حوالے سے گفتگوکی،انہوں نے کہا کہ جنرل قاسم سلیمانی کو کہیں پہلے مار ڈالنا چاہیے تھا، اس کاروائی کے ذریعے ہم نے ایران کو ایک قطعی پیغام دیا ہے۔

ایران کے یورپی یونین سے طے کردہ جوہری معاہدے کے بعد سے” توازن بگڑنے ” کا دعوی کرنے والے ٹرمپ کا کہناتھا کہ ایران کو اب جوہری ہتھیاروں کے ہدف کو ماضی میں چھوڑ دینا چاہیے اور جرمنی، فرانس اور چین کی طرح کے ممالک کو تہران انتظامیہ سے تعاون کا خاتمہ کرنا چاہیے۔

امریکی رہنما نے نیٹو سے بھی اپیل کرتے ہوئے اب کے بعد یہ مشرق وسطی میں مزید اپنا کردار ادا کرے۔ان کا کہنا ہے کہ قبل از وقت الرٹ سسٹم کی بدولت ایران کے عراق میں امریکی فوجی اڈے پر حملے میں کوئی بھی امریکی اور عراقی شہری ہلاک نہیں ہوا اور مالی نقصان بھی کچھ زیادہ نہیں ہوا۔

واضح رہے کہ ایران نے جنرل قاسم سلیمانی کے امریکی آپریشن میں قتل کے بعد ایران نے عراق میں الا اسد اور عربیل میں امریکی فوجی اڈوں پر بالسٹک میزائلوں سے حملے کیے تھے اور ایرانی ٹی وی نے اس دوران 80 امریکی فوجیوں کی ہلاکت کی اطلاع دی تھی۔

انقرہ :”مشرق وسطی پرمنڈلاتے جنگ کے نئے بادل "ترک وزیر خارجہ آج عراق جائیں گے،ادھرپاکستان نے بھی سفارتی کوششیں تیز کردی ہیں‌،ذرائع کےمطابق ترک صدر طیب اردوان کی ہدایت پرترک وزیر خارجہ مولود چاوش اولوامریکہ اور ایران کے درمیان کشیدگی کم کروانےکی دائرہ کار میں آج عراق روانہ ہونگے ۔

ترک دفتر خارجہ کے مطابق ، خطےکی حالیہ صورتحال کے نتیجے میں بڑھنے والی کشیدگی کم کروانے کے تحت سفارتی کوششوں میں اضافے کےلیے وزیر خارجہ 9 جنوری 2020 کو عراق کا یک روزہ دورہ کریں گے جہاں وہ علاقائی صورت حال سمیت دو طرفہ تعلقات پر بھی بات چیت کریں گے۔

دوسری طرف خطے میں جنگ کے ممکنات کے پیش نظرامریکی سیکرٹری دفاع نے بھی آج آرمی چیف جنرل قمرجاوید باجوہ کوٹیلی فون کیا ہے اوران سے درخواست کی ہےکہ وہ براہ مہربانی جنگ کوروکنے کےلیے اپنا اثرورسوخ استعمال کریں‌

نیپال :بڑی شان سے بڑی آن سے :پرتگال میں‌ پانچ سو سال بعد مسجد کی بنیاد رکھی گئی!ذرائع کے مطابق نیپال میں صدیوں بعد ایک تاریخی مسجد کی بنیاد رکھ دی گئی ہےگئی ہے، تاریخ بتاتی ہے کہ پرتگال کا علاقہ مسلم اسپین کا حصہ تھا جسے فتح کرنے کا سہرا موسٰی بن نصیر کے سَر ہے۔

"مشرق وسطی پرمنڈلاتے جنگ کے نئے بادل "ترک وزیر خارجہ آج عراق جائیں گے

مورخین کے مطابق مسلمانوں نے بڑی شان و شوکت سے اس خطے پر حکم رانی کی، لیکن بعد میں یہ علاقہ عیسائیوں کے قبضے میں چلا گیا اور بڑا ظلم ڈھایا گیا۔ مسلمانوں کو قتل کیا گیا اور مساجد کو کلیسا میں تبدیل کر دیا گیا۔آج پرتگال میں مسلمان اقلیت میں‌ ہیں۔ یہ 1968 کی بات ہے جب وہاں ایک قانون سازی کے بعد مسلمانوں نے خود کو مستحکم کرنے اور اپنا وجود منوانے کی کوششیں شروع کیں۔

اصلی یا نقلی ، سام سنگ نےبولنے ،سننے اورسنانے والےانسان تیارکرنے شروع کردیئے

مورخین کے مطابق اس زمانے میں 17 مسلمانوں نے مل کر وہاں ایک تنظیم کی بنیاد رکھی۔ بعد میں اسی تنظیم کے تحت مسلمانوں کی مدد کرنے اور ان کے لیے فلاحی و تعلیمی مراکز کھولنے کا سلسلہ شروع ہوا۔ وہاں آباد مسلمانوں نے قرآن مجید کا مقامی زبان میں ترجمہ کروایا اور اس کی اشاعت ممکن بنائی۔

عوام اپنے واٹس ایپ گروپس کو پولیس سٹیشن میں رجسٹر کروائیں:کشمیر پولیس

ذرائع کےمطابق 29 مارچ 1985 کی ایک صبح، جمعے کے مبارک دن پرتگال میں ایک بڑی تقریب کے دوران مسجد کی بنیاد رکھی گئی جو پرتگال کی سرزمین پر پانچ صدی بعد مسلمانوں کی پہلی عبادت گاہ تھی۔