Author: +9251

لکھنؤ:بھارت میں ہڑتالیں،مظاہرے،احتجاج کی زد میں ، اربوں ڈالرزکا معیشت کونقصان،اطلاعات کےمطابق مرکزی و ریاستی حکومتوں کے عوام مخالف و ملازم مخالف پالیسیوں کے خلاف و تمام سرکاری ملازمین کے لئے پرانی پنشن اسکیم کے نفاذ کے مطالبے کے ساتھ بدھ کو تقریبا 1.5 ملین محکمہ توانائی کے ملازمین اور انجینئروں نے ملک گیر پیمانے پر ہڑتال کرکے اپنی ناراضگی و مخالفت درج کرائی ملازمین نے متعدد مقامات پر احتجاجی میٹنگ کئے اور جلوس نکالے۔لکھنؤ میں شکتی بھون پر ملازمین اور انجینئروں نے احتجاجی میٹنگ کے بعد نعرے بازی کی۔

ہڑتال کی کال نیشنل کو۔آرڈیشن کمیٹی آف الکٹریسٹی امپلائز اور انجینئر (این سی سی او ای ای ای) کی جانب سے دی گئی تھی۔ یہ ملک کے بجلی ملازمین و انجینئرز کی یونین اور فڈریشن کی ایک متحدہ پلیٹ فارم ہے۔محکمہ بجلی کے ملازمین مرکزی حکومت کے بجلی (ترمیمی) بل کی منظوری کے ساتھ ساتھ حکومت کی نجکاری پالیسیوں کے خلاف سراپا احتجاج ہیں۔جو کہ مبینہ طور پر عام صارف اور ملازمین کے مفاد کے خلاف ہے۔

آل انڈیا انجینئرز فیڈریشن کے چئیر مین شیلیندر دوبے نے میڈیا نمائندوں کو یہاں بتایا کہ بجلی محکمے کے ملازمین اور انجینئرز کی ہڑتال کو ملک گیر پیمانے پر ہر ریاست سے اچھا تعان ملا۔ اور ہڑتال کا ملا جلا اثر دکھائی دیا۔ہڑتال میں شریک ہونے والے زیادہ ملازمین و انجینئرز کی تعداد اترپردیش، کیرالہ، تلنگانہ اڈیشہ، آندھرا پردیش، تمل ناڈو، کرناٹک، اتراکھنڈ، ہریانہ، پنجاب، مغربی بنگال، چھتیس گڑھ، مدھیہ پردیش، گجرات، مہاراشٹرا، آسام، بہار، جھارکھنڈ اور تریپورہ ریاستوں سی تھی۔

مسٹر دوبے کے مطابق الکٹری سیٹی ایکٹ 2003 میں مجوزہ ترمیم اور نیشنل ٹیرف پالیسی عام صارف کے مفاد کے خلاف ہے۔انہوں نے الزام عائد کیا کہ مجوزہ ترمیم عوام مخالف ہے اور اس سے صرف پرائیویٹ کمپنیوں کو فائدہ ہوگا اور وہ بڑے و نفع بخش صارفین کے مفاد کا ہی تحفظ ہوگاجبکہ چھوٹے اور غریب صارف اس میں پستے چلے جائیں گے۔انہوں نے کہا کہ اسمارٹ میٹر لگائے جانے کی تجویز ایک بڑے اسکیم کی مشق ہے۔ آج بھی متعدد ترقی یافتہ ممالک میں نارمل میٹر بغیر کسی دقت کے استعمال کئے جاتے ہیں۔

مسٹر دوبے کے مطابق اس کے تحت ریاستی ریگولیٹر کمیشن کا کردار محدود ہوکر رہ جائے گا اور اسے نئے ترمیم کے تحت نیشنل ٹیرف پالیسی کے مطابق کام کرنا ہوگا۔انہوں نے کہا کہ اگر حکومت نے پرائیویٹائزیشن کے لئے کوئی آرڈیننس لانے کی کوشش کی تو ملازمین بغیر کسی پیشگی نوٹس کے اپنے ہڑتال کو مزید تیز کرنے پر مجبور ہوں گے۔

نئی دہلی :طلبااوراساتذہ کومارنےکی ذمہ داری بھارتی انتہاپسندتنظیم نےقبول کرلی، مودی خاموش ،اطلاعات کےمطابق نئی دہلی کی معروف یونیورسٹی جے این یو کے طلبہ پر ہونے والے پرتشدد حملے کی ذمہ داری ایک سخت گیر ہندو تنظیم نے قبول کی ہے لیکن ابھی تک پولیس نے کسی کو گرفتار نہیں کیا۔

اتوار کی شام درجنوں نقاب پوش حملہ آوروں نے یونیورسٹی کیمپس میں گھس کر طلبہ اور اساتذہ کو بری طرح سے تشدد کا نشانہ بنایا تھا۔ اس میں طلبہ انجمن کی صدر آیشی گھوش کے سر پر شدید چوٹیں آئی تھیں اور بعض پروفیسر بھی بری طرح سے زخمی ہوئے تھے۔ اس کا الزام حکمراں جماعت بی جے پی سے وابستہ سخت گیر طلبہ تنظیم اے بی وی پی پر عائد کیا گیا تھا۔ لیکن پولیس نے اس سلسلے میں جو کیس درج کیا ہے اس میں متاثرہ آیشی کا نام بھی سر فہرست ہے۔ پولیس کی اس کارروائی پر سیاسی و سماجی حلقوں کی جانب سے شدید نکتہ چینی ہو رہی ہے۔

دہلی پولیس وزارت داخلہ کے ماتحت کام کرتی ہے اور کانگریس پارٹی نے اس کے لیے وزیر داخلہ امت شاہ کو ذمہ دار ٹھہرایا ہے۔ پارٹی کا کہنا ہے کہ تمام تر واضح ثبوت ہونے کے باوجود اس واقعے کے پچاس سے زیادہ گھنٹے بعد بھی ایک شخص کی گرفتاری نہیں ہوئی۔ جاری ہونے والے ایک بیان میں کہا گیا ہے، ’’کیا امت شاہ کی قیادت میں پولس اتنی ناکارہ ہو گئی ہے۔ تعجب تو اس بات پر ہے کہ حملے میں زخمی ہونے والی متاثرہ ایک لڑکی کے خلاف کیس درج کیا گیا ہے۔ یہ بڑی شرم کی بات ہے۔‘‘

سیاسی رہنما اسد الدین اویسی نے بھی پولیس کی اس کارروائی کو غلط بتاتے ہوئے کہا کہ جس لڑکی کو قتل کرنے کی کوشش کی گئی، پولیس نے اسی کے خلاف مقدمہ درج کر لیا۔ انہوں نے پولیس پر الزام لگایا کہ پہلے اس نے حملہ آوروں کو کیمپس میں آنے کی اجازت دی پھر انہیں نکلنے کا پورا موقع فراہم کیا گيا، اس کے لیے ذمہ دار کون لوگ ہیں؟ بہت سے دانشوروں اور سماجی کارکنان نے بھی پولیس کے اس رویے کی شدید الفاظ میں مذمت کی ہے اور پولیس کے کردار پر نکتہ چینی ہو رہی ہے۔

ادھر ایک سخت گیر ہندو تنظیم ’ہندو رکشا دل‘ نے اس حملے کی ذمہ داری قبول کی ہے۔ تنظیم کے صدر کا کہنا ہے کہ جے این یو پر حملے کی وہ پوری ذمہ داری لیتے ہیں۔ ان کا الزام ہے کہ جے این یو ملک مخالف سرگرمیوں کا اڈہ ہے، اسے برداشت نہیں کیا جائےگا اور اس لیے ان کے کارکنان نے طلبہ کو نشانہ بنایا۔ پولیس کا کہنا ہے کہ وہ تفتیش کر رہی ہے کہ آخر تنظیم کےاس دعوے کی سچائی کیا ہے؟

ادھر دہلی پولیس نے جواہر لال یونیورسٹی کے سابق سرکردہ طلبہ کے ایک مارچ کو روک دیا ہے، جو متاثرہ طلبہ کی حمایت میں نکالا گيا تھا۔ اس میں سیتا رام یچوری جیسے سیاسی رہنماؤں کے ساتھ ساتھ کئی سرکردہ دانشور شامل تھے لیکن پولیس نے اس کی اجازت نہیں دی۔

جے این یو بھارت کی سب سے پروقار یونیورسٹیز میں سے ایک ہے، جہاں کے تعلیم یافتہ مختلف شعبے کے دانشور دنیا بھر میں معروف ہیں۔ گزشتہ برس اقتصادیات کے لیے نوبل انعام پانے والوں میں ابھیجیت بنرجی نے بھی جے این یو میں تعلیم حاصل کی تھی۔ موجودہ حکومت میں وزير خزانہ نرملا سیتا رمن اور وزیر خارجہ ایس جے شنکر جیسے بہت سے دانشور اور سیاسی رہنما اسی یونیورسٹی کے فارغ التحصیل ہیں۔ ان سب نے اس تشدد کی مذمت کی تھی۔

اس دوران مرکزی حکومت کی ایک کمیٹی میں شامل یونیورسٹی کے پروفیسر سی پی چندر شیکھر نے تشدد اور کیمپس کے حالات کا حوالہ دیتے ہوئے اپنے عہدے سے مستعفی ہونے ک اعلان کیا ہے۔ مسٹر شیکھر شعبہ اقتصادیات کے سینیئر پروفیسر ہیں۔ انہوں نے اپنے استعفے میں لکھا ہے کہ ایک ایسے بیانیے کو پختہ کرنے کی کوشش کی جا رہی ہے کہ اس ادارے میں ملک مخالف عنصر کا ہونا سچ ہے۔ انہوں نے افسوس کا اظہار کرتے ہوئے لکھا کہ جس طرح کے حالات پیدا ہو گئے ہیں، ایسے میں ان کے لیے کام کرنا مشکل ہو گيا ہے۔

ادھر جے این یو میں طلبہ پر ہونے والے تشدد کے خلاف ملکی سطح پر اب بھی مظاہرے جاری ہیں۔ ملک کی زیادہ تر یونیورسٹیز اور اعلی تعلیمی اداروں میں طلبہ نے اس کے خلاف احتجاج کیا ہے۔ ممبئی میں لوگ گیٹ وے آف انڈيا پر گزشتہ روز سے دھرنے پر بیٹھے تھے جنہیں آج پولیس نے ایک کھلے میدان میں منتقل کر دیا ہے۔ اس مظاہرے میں انوراگ کشیپ اور ضویا اختر جیسے فلم سازوں نے بھی شرکت کی۔

امریکا اگر مزید حملے کرتا ہے تو ایران کیا کرے گا، ایرانی آرمی چیف نے بتایا

باغی ٹی وی :ایران کی مسلح افواج کے سربراہ میجر جنرل محمد باقری نے امریکا کو خبردار کرتے ہوئے کہا ہے کہ امریکا نے دوبارہ حملہ کیا توجواب مزید سخت ہوگا۔

عراق میں امریکی میزائل حملے میں جاں بحق ایرانی جنرل قاسم سلیمانی کے قتل کا انتقام لینے کے بعد ایرانی فوج کے سربراہ میجر جنرل محمد باقری کا تازہ بیان سامنے آیا ہے ۔

واضح‌ رہے کہ ایرانی جنرل قاسم سلیمانی کے امریکی حملے میں ہلاکت کے بعد ایران کی جانب سے بغداد میں عین الاسد اور اربیل امریکی ہوائی اڈوں پر میزائل حملے کیے گئے۔ ایران کے سپریم لیڈر آیت اللہ خامنہ ای نے آپریشنز ہیڈ کوارٹر آکر کارروائی کی سربراہی کی۔ ایرانی میڈیا کے مطابق عراق میں امریکی ایئربیس پر 30 میزائل داغے گئے۔

پنٹاگون نے عراق میں امریکی فوج کے اڈے پر حملے کی تصدیق کر دی۔ امریکی محکمہ دفاع کے مطابق حملہ مقامی وقت کے مطابق صبح ساڑھے 5 بجے ایران سے کیا گیا

ایرانی وزیر خارجہ کا کہنا ہے کہ متناسب جواب دے دیا، اسی فوجی اڈے کو نشانہ بنایا جہاں سے ایرانی جنرل کو ہدف بنایا گیا تھا۔ اقوام متحدہ کے چارٹر کے تحت سیلف ڈیفنس میں کارروائی کی۔

امریکی حملے میں ایران کے قاسم سلیمانی،عراقی ملیشیا کے کمانڈر جاں بحق، ایران نے دیا امریکہ کو سخت ردعمل

قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟

ایرانی جنرل کو مارنے کے بعد امریکہ نے دی شہریوں کو اہم ہدایات

جنرل قاسم سلیمانی کی شہادت، امریکہ نے خطے کا امن داؤ پر لگا دیا، ایسا کس نے کہا؟

ایرانی جنرل پر امریکی حملہ، چین بھی میدان میں آ گیا، بڑا مطالبہ کر دیا

تیسری عالمی جنگ، امریکا کے خطرناک ترین عزائم، سابق امریکی وزیر خارجہ کے انٹرویو نے تہلکہ مچا دیا

واضح رہے کہ بغداد ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے، فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا ہے کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔

بغداد میں امریکی حملے پر ایران کے وزیر خارجہ جواد ظریف نے ردعمل دیتے ہوئے کہا ہے کہ جنرل سلیمانی پر حملہ عالمی دہشت گردی ہے، امریکا کو اس حرکت کے نتائج بھگتنا ہوں گے۔ ایرانی وزیر خارجہ جواد ظریف نے اس حملے کو عالمی دہشت گردی قرار دیا ہے۔ ایران نے انتقام لینے کا اعلان کیا ہے، عراق نے بھی امریکا کی فوج کے انخلا کی قرار داد منظور کر لی ہے جس پر امریکہ نے عراق کو بھی دھمکی دی ہے، پاکستان نے خطے میں امن کے لئے بات چیت سے معاملہ حل کرنے کا کہا ہے، دیگر ممالک نے بھی بات چیت پر زور دیا ہے،

مکہ مکرمہ : گرمیوں کیطرح اب سردیوں میں بھی عمرہ کرنے والوں کی تعداد میں بہت اضافہ دیکھنے میں آرہا ہے، اطلاعات کےمطابق دنیا بھر سے عمرہ کرنے والوں کی وجہ سے مکہ تمام ہوٹل بک ہوچکے ہیں اوراب کافی رش دیکھنے کومل رہا ہے،

تفصیلات کے مطابق سعودی عرب میں سردی کی چھٹیوں کے دوران مکہ مکرمہ کے ہوٹلوں میں 70 فیصد بکنگ مکمل ہوگئی ہے۔اس کے علاوہ ٹرانسپورٹ، ریستوران اور مارکیٹنگ کے شعبوں میں بھی کاروباری سرگرمیوں میں بڑے پیمانے پر تیزی دیکھی جا رہی ہے۔سعودی عرب کے تمام علاقوں سے ان دنوں سعودی شہری اور مقیم غیرملکی عمرہ کے لیے مکہ مکرمہ پہنچے ہوئے ہیں۔ دنیا بھرسے بھی لاکھوں زائرین عمرے پر آئے ہوئےہیں۔

عمرہ سیزن کے سعودی ماہرمعاشیات محمد سعد القرشی نے عرب ٹی وی کوانٹرویودیتے ہوئے بتایا کہ سردی کی چھٹیوں سے ہمارے طلبہ وطالبات اور اساتذہ بھرپور لطف اٹھا رہے ہیں۔ ہزاروں مکہ مکرمہ کی روحانی فضاﺅں میں روز وشب بسرکررہے ہیں۔انہوں نے کہا کہ خاص طور پر سعودی عرب کے ان شہروں کے باشندے مکہ مکرمہ کثیر تعداد میں پہنچے ہوئے ہیں جہاں سردی کی شدید لہرآئی ہوئی ہے۔

ایران میں طیارہ گرکر تباہ،کتنا ہوا جانی نقصان

باغی ٹی وی ایران کے دارالحکومت تہران میں یوکرائن کا مسافر طیارہ بوئنگ737 گر کر تباہ ہو گیا ہے جس میں سوار 179 مسافر ہلاک ہوگئے ہیں۔

مسافر طیارہ امام خمینی ائرپورٹ سے ٹیک آف کے کچھ دیر بعد گر کر تباہ ہوا۔ ہلاک ہونے والے میں32 غیر ملکی اور 147 ایرانی مسافر سوار شامل ہیں۔حادثہ ایران کے مقامی وقت صبح 6:22 منٹ پر پیش آیا۔ چار ہیلی کاپٹر اور 22 ایمبولینسز امدادی کارروائیوں میں حصہ لے رہے ہیں۔ حکام کا کہنا ہے کہ بوئنگ737 ایران سے یوکرائن جا رہا تھا۔

یوکرائن کے وزیرخارجہ نے تصدیق کی ہے کہ طیارے میں سوار تمام مسافر ہلاک ہوچکے ہیں۔ ایران میں یوکرائن کے سفارتخانے نے اپنے بیام میں بتایا کہ مسافر طیارہ انجن فی ل ہونے کے سبب حادثے کا شکار ہوا۔

یوکرائن انٹرنیشنل ایئرلائن نے تہران جانے والی پروازیں غیر معینہ مدت کیلیےمعطل کردیں۔ یوکرائن سیکیورٹی کونسل کے مطابق حادثے کا شکار ہونے والے مسافر طیارے میں یوکرائن کے 11 شہری سوار تھے۔

بین الاقومی خبر ایجنسی کے مطابق مسافر طیارے میں ایران، کینیڈا، سویڈن اور یوکرائن کے شہری سوار تھے