Author: +9251

نئی دہلی :مستقبل کی کوئی پرواہ نہیں معروف اداکارہ دیپیکا پڈوکون بھی جواہرلال نہرویونیورسٹی کے مظلومین کی حمایت میں‌ آگئیں ، باغی ٹی وی کےمطابق بھاری پولیس اورخفیہ ایجنیسیوں کے اہلکاروں کی طرف سے چند دن قبل اساتذہ اورطلباپرجوتشدد کیا گیا اس نے نہ صرف علم کے پیاسوں کوجھنجھوڑ کررکھ دیا بلکہ اب تو بالی وڈ کی شخصیات بھی ان مظلومین سے اظہارمحبت اورمودی جی سے نفرت کا دم بھرتے ہوئے اپنے اپنے حلقہ احباب سے نکل کراحتجاجیوں کے ساتھ نکل پڑے ہیں

باغی ٹی وی کے مطابق بالی وڈ کی مشہورفلمی شخصیت دیپیکا پڈوکون نے چند دن بعد منظرعام پرآنے والی اپنی فلم کی پرواہ کئیے بغیرجواہرلال نہرویونیورسٹی کے مظلوم اساتذہ اورطلباء پرتشدد کے خلاف احتجاجی کاررواں میں شامل ہوگئی ہیں‌، اطلاعات کے مطابق وہ مشہورطالب علم رہنما کنیا کمارسے ملاقات کرنے بھی یونیورسٹی گئیں وہاں طالبہ رہنما انوراک کاشیاپ سے بھی ملیں اوران پرہونے والے تشدد کی مذمت کی

باغی ٹی وی کے مطابق بالی وڈ کی اس فلمی شخصیت نے اپنی فلم کی پرواہ نہیں کی جوکہ چند دن بعد منظرعام پرآنے والی ہے، یہ بھی معلوم ہوا ہےکہ دیپیکا پڈوکون کا کہنا ہےکہ اسے معلوم ہے کہ اس کی فلم کو وہ لوگ بھی بہت زیادہ دیکھتے ہیں جنہوں نے جواہرلال نہرویونیورسٹی کے طلباواساتذہ پرظلم کیا ہے مگراسے اب اپنی فلم کی نہیں اپنی قوم کے طلباوطالبات کی فکر ہےجسے انتہاپسندوں کی طرف سے سخت مزاحمت کا سامنا ہے

فن لینڈ:مزدوروں ،ملازموں کے لیے خوشخبری ، تبدیلی آگئی ، دن میں 6 گھنٹے اورہفتے میں چاردن کام ،وزیراعظم کی خواہش ، تجاویزطلب کرلیں،اطلاعات کےمطابق وزیراعظم نے کام کاج کرنے والے مزدوروں ،ملازموں اوردیگرافراد کی صحت کا خیال رکھتے ہوئے ان کو ریلیف دینے کا فیصلہ کیا ہے

باغی ٹی وی کےمطابق اس حوالے سے وزیراعظم نے یہ منصوبہ تیارکیا ہےکہ ہرروز 6 گھنٹے کام اورہفتے میں 4 دن ڈیوٹی ہوا کرے گی ، اس حوالے سے فن لینڈ کی وزیراعظم نے اپنی پارٹی کے پاس یہ تجاویز بھیج دی ہیں اور ان سے مزید آرا بھی طلب کی ہیں‌

یا درہےکہ دن میں‌ 6 گھنٹے کام نہ صرف ایک تجویز ہے بلکہ کئی ممالک میں اس پرعمل بھی شروع ہوچکا ہے جس کے نتیجے میں کاروباری سرگرمیوں میں بڑی تیزی آئی ہے اورپیداوار میں بہت اضافہ بھی ہوا ہےجس کی وجہ سے کئی دوسرے ممالک بھی اس منصوبے کو اپنانے کے لیے کوشاں ہیں

نئی دہلی :ملک میں سب ٹھیک چل رہا ہے، یہ کہنا بند کیجیے،یہ الفاظ کسی عام ہندوستانی کےنہیں بلکہ بالی وڈ کی ایک معروف اداکارہ ہیں جسے دنیا جانتی ہے، جے این یو طلبا پر حملہ کے خلاف بالی ووڈ ہستیاں بھی خوب کھل کر اپنا رد عمل ظاہر کر رہے ہیں اور اس حملے کی سخت الفاظ میں تنقید بھی کر رہے ہیں۔

ذرائع کےمطابق اس سلسلے میں فلم اداکارہ عالیہ بھٹ نے اپنے انسٹاگرام پر اسٹوری شیئر کی ہے۔ اس مین انھوں نے لکھا ہے کہ ”جب طالب علم، ٹیچرس اور پرامن رہنے والے شہریوں پر روزانہ جسمانی حملے ہونے لگے تو یہ دکھانے کی کوشش بند کر دینی چاہیے کہ سب کچھ ٹھیک ہے۔ ہمیں سچائی سے آنکھیں ملانی چاہئیں۔“ عالیہ بھٹ نے ساتھ ہی جے این یو میں طلبا پر ہوئے حملہ کی سخت الفاظ میں تنقید کرتے ہوئے کہا کہ یہ آخر کیا چل رہا ہے، اس طرح کے واقعات ہر دن پریشان کرنے والے ہیں۔

عالیہ بھٹ کے علاوہ کئی اوربالی وڈ کے اداکاربھی میدان میں نکل پڑے ہیں اورجواہرلال نہرویونیورسٹی کے طلبا اوراساتذہ پرتشدد کے خلاف احتجاج کرنے والوں کے ساتھ شامل ہوگئے ہیں، ایسے ہی ڈپیکا پیڈیکون نے بھی زخمی طالب علموں سے اظہارہمدردی کرتے ہوئے اپنا احتجاج ریکارڈ کروایا ہے