Author: +9251

برلن :ایران کی دھمکی کام دکھا گئی ، امریکہ کے اتحادی ساتھ چھوڑ نے لگے ،ادھرعراق میں ایرانی لیفٹیننٹ جنرل قاسم سلیمانی کی ہلاکت کے بعد امریکی اتحادی افواج نے اپنے فوجیوں کا انخلاء شروع کر دیا ہے۔امریکا کی طرف سے عراق کے دارالحکومت بغداد میں ایرانی جنرل قاسم سلیمانی کی ہلاکت کے بعد ایران اور امریکا میں کشیدگی عروج پر پہنچ گئی ہے۔

ادھر جرمن فوج کے ترجمان کے مطابق سیکیورٹی خدشات کے پیش نظر جرمنی اپنے کچھ فوجی اہلکاروں کو عراق سے پڑوسی ممالک منتقل کررہا ہے۔اس دوران سلوواکیہ نے کہا کہ اس نے عارضی طور پر عراق سے اپنے سات فوجیوں کو منتقل کردیا ہے ، جو ایک نیٹو کے تربیتی مشن کا حصہ ہیں، کیونکہ خطے میں کشیدگی بڑھ رہی ہے۔

جرمن حکومت نے پارلیمنٹ میں پیر کے روز ایک مراسلہ میں بتایا کہ عراق میں موجود 120 جرمن فوجیوں میں سے 30 کو جو اردن اور کویت میں بنیادی طور پر عراقی سیکیورٹی فورسز کی تربیت حاصل کریں گے ، کو دوبارہ سے ملازمت میں بھیج دیا جائے گا۔

عراق کی پارلیمنٹ نے اتوار کے روز بغداد کے ایک ہوائی اڈے پر ایران کے سب سے ممتاز جنرل ، قاسم سلیمانی کے قافلے پر امریکی ڈرون حملے میں جاں بحق ہونے کے بعد، جمعہ کے روز امریکہ اور دیگر غیر ملکی فوجیوں کو جانے کا مطالبہ کیا تھا۔

جرمن حکومت کا کہنا ہے کہ جرمن فوجیوں کی واپسی کا حکم امریکہ کی زیر قیادت مشترکہ کمانڈ نے اسلامک اسٹیٹ سے لڑنے کے لئے دیا تھا۔ اس کا اطلاق عراقی دارالحکومت کے بالکل شمال میں واقع شہر بغداد اور تاجی میں فوجیوں پر ہوگا جہاں قریب 30 جرمن فوجی تعینات ہیں۔جرمنی کے 120 فوجیوں میں سے 90 کے لگ بھگ ملک کے شمال میں کرد علاقے میں تعینات ہیں۔جرمنی کی حکومت نے کہا کہ اگر ان کا تربیتی مشن دوبارہ شروع ہوا تو افواج کو واپس عراق منتقل کیا جاسکتا ہے۔

نئی دہلی: امریکی صدر ڈونالڈ ٹرمپ کے خلاف آج بھارت کی راجدھانی دہلی میں امریکہ کی ایمبسی کے سامنے سیکڑوں لوگوںنے احتجاج کیا ۔ مظاہرین نے امریکہ مردہ باد ۔ ٹرمپ مردہ باد کے نعرے لگائے ۔یہ احتجاج ایران کے طاقتور شخص اور القدس فوج کے چیف کمانڈر قاسم سلیمانی کے قتل کے بعد ہورہے دنیا بھر میں احتجاج کا حصہ ہے ۔

احتجاج میں شیعہ سنی سمیت مختلف مسلک اور مذہب کے ماننے والوں نے شرکت کی ۔ احتجاج کی قیادت معرو ف شیعہ عالم دین مولانا کلب جواد نقوی کررہے تھے ۔قاسم سلیمانی ایران کے سپریم کمانڈر علی خامنہ ای کے بعدوہاں کی سب سے زیادہ طاقتور سیاسی شخصیت اور پالیسی ساز تھے ۔وہ ایران کی القدس فوج کے چیف کمانڈ ر تھے جوصرف علی خامنہ ای کے سامنے جوابد ہ ہے۔

تین جنوری کو امریکہ نے بغداد ایئر پورٹ پر قاسم سلیمانی اور عراق کی پاپولر موبیلائزیشن فورس کے ڈپٹی کمانڈر ابو مہدی المہندس کو ڈرون حملہ میں قتل کردیاتھا ۔قاسم سلیمانی لبنان یا شام سے عراق آرہے تھے ۔ بغداد ایئر پورٹ سے باہر نکلنے کے بعد جیسے وہ کار میں بیٹھے ڈرون حملہ ہوا جس میں ان کے ساتھ گیارہ افراد کی موت ہوگئی ۔

جنر ل قاسم سلیمانی کی مو ت کے بعد ایران سمیت مختلف ممالک میں امریکہ کے خلاف احتجاج ہورہاہے ۔ اس دوران ایران اور امریکہ کے درمیان جنگ جیسے حالات بن چکے ہیں ۔ عراق کی پارلیمنٹ نے امریکی فوج کے خلاف متفقہ قرار داد پاس کردیا ہے جس کے مطابق اب امریکی فوج کو عراق سے باہر نکلنا پڑے گا ۔

واشنگٹن :فی الحال ایران پرحملے کی صورت میں مذہبی مقامات اورثقافتی ورثوں پر حملے کا کوئی پروگرام نہیں ،پینٹا گون نے ایران کوٹرمپ کی طرف سے دی جانے والی دھمکیوں پراپنا موقف بتادیا ، ادھر وزیر دفاع مارک ایسپرنےصدرڈونلڈ ٹرمپ کی ٹوئٹ کی تردیدکرتے ہوئے کہا ہے کہ اس کےاعلی فوجی کمانڈرقاسم سلیمانی کےامریکی قتل پرتہران سے انتقامی کارروائی کے دھمکیوں کے باوجودامریکی فوج کا ایرانی ثقافتی مقامات پر بمباری کا کوئی منصوبہ نہیں ہے۔

پیرکوصحافیوں سے گفتگوکرتےہوئےوزیردفاع مارک ایسپر نےکہاکہ امریکی فوج “مسلح تصادم کے قوانین پرعمل کرے گی”۔قوانین کےتحت کوئی بھی ملک جنگ کی صورتحال کےباوجودمخالف ملک کی ثقافتی مقامات کو نقصانات نہیں پہنچاسکتا۔ واضح رہے کہ امریکی صدر ڈونلڈ ٹرمپ نے اتوارکو سماجی رابطےکی سائٹ پرٹوئٹ کرتےہوئےایران کودھمکی دی تھی کہ اگر ایران کی جانب سے کسی بھی شہری کونقصان پہنچاتوایران کے 52 مقامات پر حملہ کو نقصان پہنچایاجائےگا ۔

جس پرایرانی قیادت کی جانب سےبھی سخت ردعمل کااظہارکیاجارہاہے۔ایرانی صدرحسن روحانی نےامریکی صدر ڈونلڈ ٹرمپ کے 52 اہداف کے جواب میں ایرانی صدر حسن روحانی نے انہیں 290 یاد رکھنے کا کہہ دیا۔ دوسری جانب ایران قدس فورس کے نئے کمانڈر اسماعیل قا آنی نے کہا ہے کہ قاسم سلیمانی کا بدلہ لینے کے لیے ایران کے پاس 13 مقامات ہیں جن کو نشانہ بنایا جا سکتا ہے۔

کواللمپور:مسلم ممالک کو متحد ہوجانا چاہیے،عالم کفر توپہلے ہی متحد ہے،اطلاعات کےمطابق ملائیشین وزیر اعظم مہاتیر محمد کا کہنا ہے وقت آگیا ہے کہ اب مسلمان ممالک کو متحد ہوجانا چاہیے۔انہوں نے امریکی سامراجیت کی بڑھتی ہوئی سرحدوں پرتشویش کااظہارکرتے ہوئے کہا کہ مسلمان اگراکھٹے نہ ہوئے توپھردشمن سب کو ایک ایک کرکے نگل لے گا.

غیر ملکی خبر رساں ادارے کے مطابق ملائیشین وزیراعظم مہاتیر محمد نے ایرانی جنرل قاسم سلیمانی کی امریکی ڈرون حملے میں ہلاکت کی شدید الفاظ میں مذمت کی ہے۔انہوں نے کہا کہ ہم محفوظ نہیں ہیں ،اپنے تحفظ کے لیے مسلمانوں کو اب متحد ہوجانا چاہئے ۔مہاتیر محمد نے کہا کہ آزادی رائے کا اظہار کرنا سب کا حق ہے ،آزادی اظہار کے بدلے ڈرون بھیجناکسی طور پر درست نہیں ہے۔

ادھرآج ایرانی پراکسی جنگوں کے ماہرجنرل قاسم سلیمانی کے نمازجنازہ کے موقع پربھگڈرمچ جانے سے 40 سے زائد افراد ہلاک ہوگئے ہیں ، ادھر ایرانی حکام کا کہنا ہےکہ ان کے جنازے میں لاکھوں افراد نے شرکت کی تھی اوررش کی وجہ سے یہ حادثہ پیش آیا ہے

برلن : انشاءاللہ کی اہمیت یورپ میں بھی تسلیم کرنےکےبعد کیا قدم اٹھایا کہ ہرکوئی خوش ہوگیا،اطلاعات کے مطابق جرمن حکومت نے مسلمانوں کا معروف ترین عربی لفظ ‘انشاءاللہ’ (اللہ نے چاہا) کی حقانیت کو تسلیم کرتے ہوئے بہت بڑا قدم اٹھایا ہے

جرمن میڈیا کے مطابق یورپی ممالک نے بھی انشاءاللہ کو تسلیم کرلیا ہے جس کا واضح ثبوت جرمن لغت میں اس معتبر ترین عربی لفظ کا شامل ہونا ہے۔مسلمان ہر کام کو شروع کرنے سے پہلے، یا کسی نہ کسی بات کے دوران انشاءاللہ ضرور کہتے ہیں جیسے کہ ‘انشاءاللہ کل ملاقات ہوگی’ جو کسی کام کے خیریت سے مکمل ہونے کی امید کےلیے بطور دعا کہا جاتا ہے۔اسی لیے جرمن حکام کی جانب سے اس لفظ کو جرمن لغت ڈیوڈین میں بھی شامل کرلیا گیا ہے۔

انشاءاللہ اب جرمن لفظ کے طور پر بھی استعمال ہوگا، جرمن میں انشاءاللہ کو (NSCHALLAHٰٰٰ) کہیں گے۔غیر ملکی میڈیا کا کہنا تھا کہ فی الحال اس لفظ کو صرف جرمن لغت کی ویب سائٹ پر تحریر کیا گیا ہے، پرنٹ ورژن میں کب درج کیا جائے گا اس کی تفصیلات ابھی سامنے نہیں آئی ہیں۔خیال رہے کہ جرمنی یورپ کا وہ ملک ہے جہاں مسلمانوں کی آبادی 5 لاکھ سے زائد ہے اور یہ مسلمانوں کی آبادی کے لحاظ کے یورپ کا دوسرا ملک ہے۔اب اس کا 27 واں ورژن شائع ہوگا، جس میں انشاءاللہ لفظ ‘انشاءاللہ بھی درج ہوگا۔