فیصل آباد (محمد اویس ) ڈپٹی کمشنر محمد علی کی ہدایت پر اسسٹنٹ کمشنر تاندلیانوالہ محمد اورنگزیب سندھو نے سبزی منڈی کا دورہ کیا اور مختلف پھلوں وسبزیوں کی نیلامی کے عمل کاجائزہ لیا۔اسسٹنٹ کمشنرتاندلیانوالہ نے مارکیٹ کمیٹی کے سٹاف سے کہا کہ مختلف سبزیوں کی سپلائی پر گہری نظر رکھیں اور کسی بھی سبزی یا پھل کی قیمت میں بلاجواز اضافہ نہیں ہونا چاہیے۔انہوں نے کہا کہ سبزیوں اور پھلوں کے سٹاکس کے بارے میں مکمل معلومات روزانہ کی بنیاد پرحاصل کی جائیں اور نیلامی کا عمل ہر لحاظ سے شفاف ہونا چاہیے۔انہوں نے آلو،پیاز،ٹماٹر اور دیگر سبزیوں کی قیمتوں ومعیار کا بھی جائزہ لیا۔انہوں نے کہا کہ حکومت پنجاب کے احکامات اورڈپٹی کمشنر سردار محمد علی کی ہدایات پر سبزی وفروٹ منڈیوں میں تھوک قیمتوں پر کڑی نظر رکھی جارہی ہے تاکہ ان کی پرچون قیمتوں میں اضافہ نہ ہو۔انہوں نے سبزی منڈی میں صفائی ستھرائی کو یقینی بنانے کی بھی تاکید کی۔
Author: +9251
-
ایران امریکا کشیدگی کا پاکستان سٹاک مارکیٹ پربرا اثر پڑ گیا
ایران امریکا کشیدگی کا پاکستان سٹاک مارکیٹ پراثر پڑ گیا
باغی ٹی وی رپورٹ کے مطابق مشرق وسطی میں ایران اور امریکا کے درمیان جنرل سلیمانی کی ہلاکت کے بعد بڑھتی ہوئی کشیدگی کے باعث پاکستان سٹاک مارکیٹ ’کریش‘ ہو گئی، کاروباری ہفتے کے پہلے روز 1027 پوائنٹس کی گراوٹ دیکھی گئی۔ انویسٹرز کے 170 ارب روپے ڈوب گئے۔
تفصیلات کے مطابق سٹاک مارکیٹ میں رواں ہفتے کے پہلے کاروباری روز کے دوران بڑی مندی دیکھی گئی، 1027 پوائنٹس کی بڑی مندی کے باعث حصص مارکیٹ کی 11 حدیں گر گئیں۔ گرنے والی حدوں میں 42300، 42200، 42100، 42000، 41900، 41800، 41700، 41600، 41500، 41400، 41300 کی حدیں شامل ہیں۔یاد رہے کہ گزشتہ ہفتے کے آخری کاروباری روز مارکیٹ میں چھائی غیر یقینی صورتحال کے باعث حصص مارکیٹ کے 100 انڈیکس 157.46 پوائنٹس کی مندی کے بعد 42323.30 پوائنٹس کی سطح پر بند ہوا تھا۔
واضح رہے کہ بغداد ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے، فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا ہے کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔
بغداد میں امریکی حملے پر ایران کے وزیر خارجہ جواد ظریف نے ردعمل دیتے ہوئے کہا ہے کہ جنرل سلیمانی پر حملہ عالمی دہشت گردی ہے، امریکا کو اس حرکت کے نتائج بھگتنا ہوں گے۔ ایرانی وزیر خارجہ جواد ظریف نے اس حملے کو عالمی دہشت گردی قرار دیا ہے۔ ایران نے انتقام لینے کا اعلان کیا ہے، عراق نے بھی امریکا کی فوج کے انخلا کی قرار داد منظور کر لی ہے جس پر امریکہ نے عراق کو بھی دھمکی دی ہے، پاکستان نے خطے میں امن کے لئے بات چیت سے معاملہ حل کرنے کا کہا ہے، دیگر ممالک نے بھی بات چیت پر زور دیا ہے،
-
وہاڑی : گراں فروش کے خلاف کارروائیاں جاری رہیں گی
وہاڑی (نمائندہ باغی ٹی وی) ڈپٹی کمشنر کیپٹن (ر) وقاص رشید نے کہا ہے کہ اسلام میں گراں فروشی کو ناجائز قرار دیا گیا ہے بحیثیت مسلمان ہمیں گراںفروشی سے اجتناب کرنا چاہیے گراں فروشی پر قابو پانے کیلئے پرائس کنٹرول مجسٹریٹس کاروائیاں کر رہے ہیں جس کے مطابق 151چھاپے مارے گئے جس میں23 خلاف ورزیوں پر 35ہزار جرمانہ کیا گیا ہے انہوں نے مزید کہا کہ ان کاروائیوں کا مقصد عوام پر مہنگائی کے بوجھ کو کم کرنا ہے تاکہ عوام کو اشیائے خوردونوش سستے نرخوں پر فراہم ہوں ۔ جو بھی دکاندار گراں فروشی کا مرتکب پا یا گیا اس کے خلاف سخت قانونی کاروائی کی جائے گی ۔
-
وہاڑی : عوامی مسائل کے حل کیلئے ڈی پی او آفس کھول دیا گیا
وہاڑی (نمائندہ باغی ٹی وی) ڈسٹرکٹ پولیس آفیسر وہاڑی اختر فاروق کا عوام الناس کو انصاف کی فراہمی کیلئے کھلی کچہری کا انعقاد..شہریوں کی سہولت اور سرد موسم کو ملحوظ خاطر رکھتے ہوئے تمام شہریوں کو اپنے آفس میں بٹھایا کر مسائل
تفصیلات کے مطابق ڈی پی او وہاڑی اختر فاروق نے دفتر پولیس میں کھلی کچہری کا انعقاد کیا. شہریوں کی سہولت اور سرد موسم کو ملحوظ خاطر رکھتے ہوئے ڈی پی او وہاڑی نے تمام شہریوں کو اپنے دفتر میں بیٹھا کر ان کے مسائل سنے اور درخواستوں کا بغور جائزہ لیا. جبکہ مسائل کے حل کے لئے متعلقہ افسران کو احکامات بھی جاری کئے گئے. شہریوں نے اپنے خیالات کا اظہار کرتے ہوئے کہا کہ ڈی پی او وہاڑی تک عوام آدمی کی رسائی خوش آئند جبکہ مسائل فوری حل کرنے کیلئے ایک موثر پلیٹ فورم ہے
-
میلسی : عوام کی سہولت کیلئے نادرا کا اہم اقدام
میلسی (نمائندہ باغی ٹی وی) چیئرمین نادرا کے احکامات کے تحت میلسی (ملتان ریجن) میں نادرا آفس کی نئی بلڈنگ کو عوام کی خدمت کے لئے کھول دیا گیا۔
یاد رہے کہ چیئرمین نادرا نے اپنے گزشتہ نادرا میلسی آفس کے دؤرے پر نادرا آفس کو از سر نو عوام کی سہولت کو مدنظر رکھتے ہوئے ون ونڈو، کیو میٹک سسٹم اور جدید سہولیات سے مزین آفس تیار کرنے کے احکامات جاری کئے تھے۔ -
لودہراں : سابقہ حکومت کے ترقیاتی منصوبے صرف تختی کی حد تک
لودھراں(نمائندہ باغی ٹی وی) دو حکومتیں آ گئی مگر آج تک تین سال قبل لودھراں جلالپور موڑ پر انڈر پاس کا وعدہ آج تک وفا نہ کر سکا-
ٹرین حادثہ میں شہید 8 طلباء اور ایک رکشہ ڈرائیور کی آج تیسری برسی-وزیر اعلی پنجاب اور وزیر ریلوے خواجہ سعد رفیق کے کئے گئے فلائی اوور کے اعلان پر آج تک ایک اینٹ تک نہیں رکھی گئی۔ضمنی الیکشن NA 154 2015 میں سابق وزیر اعظم نواز شریف بھی لودھراں جلسے میں اسی انڈر بائی باس اور فلائی آوور کی تعمیر کا اعلان کرگئے تھے۔فلائی آوور پر وزیر اعلی پنجاب کا اعلان آج تک افتتاحی تختی تک ہی محدود رہا۔یاد رہے کہ اج سے تین سال قبل ہزارہ ایکسپریس میں 6 جنوری کو سکول جاتے ہوئے شدید دھند اور سگنل نا دیکھائی دینے اور ریلوے پھاٹک بند نا ہونے کیوجہ سے یہ واقع پیش آیا تھا۔وزیر اعلی پنجاب شہباز شریف نے لودھراں 28 مارچ 2017 کو فلائی آوور کا سنگ بنیاد رکھا تھا جو کہ آج تک صرف تختی تک محدود رہا- -
سرگودھا : سلانوالی میں مظلوم کشمیریوں کے حقوق کے حوالے سے ریلی کا انعقاد ۔
سرگودھا (ادریس نواز سے) سلانوالی میں نہتّے اور مظلوم کشمیریوں کے حقوق کے حوالے سے ریلی کا انعقاد کیا گیا۔ بھارتی فوج نے مظلوم کشمیریوں پر ظلم کے پہاڑ توڑ دیٸے۔ ریلی کی سربراہی اسسٹنٹ کمشنر مدثر ممتاز ہرل نے کی۔
تفصیلات کے مطابق :
سلانوالی میں اسسٹنٹ کمشنر مدثر ممتاز ہرل کی سربراہی میں بھارتی فوج کی نہتے اور مظلوم کشمیریوں پر ظلم اور بربریت کے حوالے سے ریلی نکالی گٸی۔ ریلی میں شریک افراد نے بھارت مردہ آباد اور بھارتی فوج مردہ آباد کے نعرے لگاٸے۔ شہریوں نے نہتے اور مظلوم کشمیریوں کے حقوق کے حوالے سے بھی نعرے بازی کی۔ ریلی میں سی او ظفر، سیاسی و سماجی ، مذہبی افراد اور شہریوں نے کثیر تعداد میں شرکت کی۔ ریلی میونسپل کمیٹی سے شروع ہو کر شہر کے مختلف بازاروں سے ہوتی ہوٸی کمیٹی روڈ پر اختتام پزیر ہوٸی۔ -
غریب عوام کا جینا محال ہوگیا ہے
سابق چئیرمین بلدیہ کمالیہ ملک امجد یعقوب اور سنئیر نائب صدر مسلم لیگ ن الریاض سعودی عرب نے صحافیوں سے گفتگو کرتے ہوئے اپنے مشترکہ بیان میں کہا ہے کہ ملک پاکستان میں مہنگائی کیوجہ سے غریب عوام کا جینا محال ہوگیا ہے بجلی کے بلوں میں بے پناہ ٹیکسوں کا اضافہ پٹرول کی قیمتیں آسمان سے باتیں کررہی ہیں تبدیلی کانعرہ لگانے والوں نے ملک میں مہنگائی کا جن چھوڈ کر اپنا نعرہ سچ کر دکھایا تحریک انصاف کی حکومت نے انتقامی کاروائی جو سیاستدانوں کے ساتھ شروع کر رکھی ہے ایسی مثال کبھی بھی نہیں دیکھی ہمارے قائد میاں نواز شریف اور میاں شہباز شریف نے ملک سے مہنگائی کا جو خاتمہ کیا تھا آج تحریک انصاف نے مہنگائی کا جن بے قابو کرکے غریب عوام کو زندہ دفن کردیا ہے تحریک انصاف کے ناسمجھ منچلے کارکن اپنی حکومت کی ناقص پالیسوں کی وجہ سے بے انتہا پریشان ہیں ملک پاکستان میں جب بھی مسلم لیگ کی حکومت آئی ہمیشہ ترقی کے راستے نکلے۔
-
گجرات پولیس کی بروقت کارروائی، کھاریاں کے علاقہ میں دس سالہ بچی سے زبردستی زیادتی کرنے والا ملزم ایک گھنٹے کے اندر گرفتار کرلیا گیا
گجرات (چوہدری فیضان ارشاد سے)
گجرات پولیس کی بروقت کارروائی،
کھاریاں کے علاقہ میں دس سالہ بچی سے زبردستی زیادتی کرنے والا ملزم ایک گھنٹے کے اندر گرفتار کرلیا گیا
تفصیلات کے مطابق ڈسٹرکٹ پولیس آفیسر گجرات توصیف حیدر کی ہدائیت پر ایس ایچ او تھانہ صدر کھاریاں مجاہد عباس نے دس سالہ معصوم بچی سے زیادتی کرنے والا درندہ ایک گھنٹے کے اندر گرفتار کرکے حوالات میں بند کردیا۔ متاثرہ بچی کی والدہ نے تھانہ کو اطلاع دی کہ میری بچی کھاریاں کے علاقہ میں واقع مدرسہ میں زیر تعلیم تھی جو کہ صفائی کے لئے مدرسہ کی دوسری شاخ میں گئی جہاں موقع پا کرملزم سکندر علی ولد محمد خان سکنہ مرزا طاہر حال اصغر کالونی کھاریاں بچی کو اکیلا پا کر مدرسہ میں داخل ہو گیا اور میری بچی کے ساتھ زبردستی زیادتی کر ڈالی جو ہمارے اچانک مدرسہ پہنچنے پر ہمیں دیکھ کر ملزم موقع سے فرار ہوگیا۔ بچی کے والدہ کی مدعیت میں تھانہ صدر کھاریاں میں مقدمہ درج کرکے ملزم کی تلاش شروع کردی گئی جو مختلف جگہوں پر چھاپے مار کر بالآجر ملزم ایک گھنٹے کے اندر گرفتار کرلیا جس کی مزید انٹیروگیشن جاری ہے۔ -
رحیم یار خان ()تھانہ بھونگ (15 پکار پر جھوٹی اغوا کی اطلاع)
سرکل صادق آباد
تھانہ بھونگ (15 پکار پر جھوٹی اغوا کی اطلاع)
پکار 15 پر پیارا خان نے کال کی جس میں اس نے اپنے بھائی نثار کے اغواء کی اطلاع دی تھی۔ جس پر فوری رسپانس کرتے ہوئے ایس ایچ او نوید نواز واہلہ اور انکی پولیس ٹیم موقعہ پر پہنچے۔ پولیس ٹیم نے اطلاع کے مطابق اپنی تفتیش کا آغاز کیا اور کچھ ہی دیر میں نثار کو جب پولیس نے ڈھونڈ نکالا تو معاملہ اطلاع کے برعکس نکلا۔ جھوٹی اطلاع پر دونوں ملزمان بھائیوں کو گرفتار کرکے مقدمہ درج کر لیا گیا۔