Author: +9251

لاہور:8-جنوری یوم مطالبات،صحافی بچاو تحریک،ملک بھرمیں پرامن مظاہرے ہوں گے ،باغی ٹی وی کےمطابق ملک بھر میں صحافیوں کی معاشی بدحالی کے خلاف ملک بھر کے صحافیوں نے بالآخراپنی بے بسی اور پریشانی کوعوام اورحکمرانوں کے گوش گزارکرنے کا فیصلہ کرلیا ہے ، اس سلسلے میں 8 جنوری کو ملک بھرمیں صحافی بچاوتحریک کا آغاز ہورہا ہے

باغی ٹی وی کےمطابق ملک بھر کے صحافیوں نے میڈیا مالکان کی طرف سے جبری برطرفیوں اورباقی بچ جانے والوں کو جس طرح رسواکرکے ان کی ماہانہ محنت مزدوری وقت پرنہ دینے کے خلاف اب فیصلہ کرلیا ہےکہ وہ بتائیں گے کہ یہ میڈیا مالکان کس طرح کرتے ہیں‌رسوا چھوٹے ورکروں کو اور کس طرح یہ حق روکتے ہیں حق داروں کا

باغی ٹی وی کےمطابق اس سلسلے میں ملک بھر کی تمام صحافتی تنطیموں نے فیصلہ کیا ہےیہ وہ مورخہ 8 جنوری بروز بدھ ملک بھر میں احتجاجی مظاہرے کریں گے اوراس سلسلے میں پرامن ریلیاں بھی نکالی جائیں گی

ذرائع کےمطابق صحافیوں نے یہ فیصلہ مجبوری میں کیا ہے کیوں کہ میڈیا مالکان نے اکثرکوتو جبری برطرف کردیا ہے ،باقی بچ جانے والوں کو 8-8 ماہ تک تنخواہ نہیں ملتی ،گھروں کے چولہے بجھ گئے ہیں، اورفیسیں ادانہ کرسکنے کی وجہ سے بچوں کو سکولوں سے نکال دیا گیا ہے،

باغی ٹی وی کے مطابق پاکستان فیڈرل یونین آف جرنلسٹس کی طرف سے جاری کردہ اعلان کے مطابق 8-30 جنوری تک گلگت ،بلتستان سمیت ملک کے چاروں صوبوں اوروفاقی دارالحکومت سمیت تمام جگہوں پراسمبلی اجلاسوں کے دوران احتجاجی کیمپ لگائے جائیں گے

یہ بھی معلوم ہوا ہےکہ

کوئٹہ:شدید بارش اور برفباری کے باعث اتوار اور پیر کے دوران بلوچستان کے شمالی اضلاع کے ندی نالوں میں طغیانی اور ملک کے پہاڑی علاقوں میں لینڈ سلائیڈنگ کا خدشہ پیدا ہوگیا ہے، یہ بھی اطلاعات ہیں کہ سردی اوربرفباری کی وجہ سے نظام زندگی مفلوج ہوکررہ گیا ہے، لوگ گھروں میں محصورہوگئے ہیں‌

باغی ٹی وی کے مطابق اتوار کے روز بلوچستان ،زیریں خیبر پختونخوا ، جنوبی/وسطی پنجاب میں اکثرمقامات پر، بالائی خیبر پختونخوا، کشمیر اور گلگت بلتستان میں کہیں کہیں پر جبکہ بالائی پنجاب ، بالائی سندھ میں چند مقامات پربارش اور پہاڑوں پر برفباری کا امکان ہے۔

اس دوران شمالی بلوچستان میں موسلادھار بارش اور برفباری کا بھی امکان ہے۔پیر کے روز بلو چستان، خیبر پختونخوا، پنجاب ، اسلام آباد، گلگت بلتستان اور کشمیر میں اکثر مقامات پرجبکہ بالائی سندھ میں چند مقامات پر بارش اور پہاڑوں پر بر فباری کا امکان ہے۔ اس دوران شمالی بلوچستان میں موسلادھار بارش کا بھی امکان ہے۔

گذشتہ 24 گھنٹے کا موسم پنجاب کے میدانی علاقوں میں چند مقامات پر دھند چھائی رہی ۔ پٹن، بالاکوٹ ،مالم جبہ ، کوئٹہ ، مسلم باغ، قلات، پشین،چمن، مستونگ، بارکھان، ژوب، لورلائی، زیارت،سیالکوٹ،ڈی جی خان، کوٹ ادو اور کشمیر میں چند مقامات پر بارش ہوئی ۔ملک کے دیگر علاقوں میں موسم خشک اور سرد جبکہ بالائی علاقوں میں شدید سرد رہا۔

سب سے زیادہ بارش (ملی میٹر): خیبر پختونخواہ: مالم جبہ 09، پٹن 03 ، بالاکوٹ 01،بلوچستان: کوئٹہ (شہر 06، سمنگلی05) ، قلات06،کشمیر: راولاکوٹ ،کوٹلی 01 ۔ریکارڈ کیا گیا ہے،آج ریکارڈ کیے گئے کم سے کم درجہ حرارت: کالام منفی 15، اسکردو منفی 13، استور منفی 09، بگروٹ ،گوپس منفی 08، مالم جبہ منفی07، پاراچنار منفی 06اورراولاکوٹ میں منفی 05 ڈگری سینٹی گریڈ ریکارڈ کیا گیا۔

جنوبی وزیرستان :ملک کے دیگر بالائی علاقوں کی طرح ضلع جنوبی وزیرستان میں بھی موسم سرما کی برفباری شروع ہے۔ لوگوں کو بہت زیادہ مشکلات کا سامنا کرنا پڑرہا ہے، یہ بھی اطلاعات ہیں کہ برف باری کی وجہ سے خوردونوش کی چیزوں کا حصول بھی مشکل دکھائی دے رہا ہے،

باغی ٹی وی کےمطابق تحصیل شکئی،برمل، خمرنگ ،نازی نارائی،اعظم ورسک،مکین،لدھا اور پریغال پر کے پہاڑوں نے برف کے سفید چادر اڑلی ہیں اور میدانی علاقوں میں سردی کی شدت میں انتہائی اضافہ ہوچکا ہے جس کی وجہ کاروباری سرگرمیاں ٹھپ ہوکر رہ گئیں ہیں۔ضلعی انتظامیہ کے مطابق تحصیل برمل کے علاقہ خمرانگ،نازی نارائی اور تحصیل سراروغہ اور لدھا کے بعض مقامات پر برفباری کی وجہ راستے بند ہوگئیں ہیں جس سے عوامی حلقوں نے مذکورہ علاقوں میں اشیائے خوردنوش کی قلت کا خدشہ ظاہر کیا جارہاہے۔

جنوبی وزیرستان۔۔شمالی و جنوبی وزیرستان کے بدر شکئی شوال پر اب تک ایک فٹ تک برف پڑ چکی ہے،جنوبی وزیرستان اور ڈیرہ کے مختلف مضافات میں بارش شروع جنوبی۔وزیرستان۔وانا کے مضافاتی علاقوں اعظم ورسک،شاہ عالم ، رغزئی،اورپاک افغان بارڈر انگوراڈہ میں برف باری شروع گئی ہے اوربرفباری سے امدورفت کے راستے مسدود ھو گئے ھیں۔