Author: +9251

سڈنی : آگ لگنے سے تقریباً 48 کروڑ جانور ہلاک، 30 لاکھ ہیکڑ رقبہ جل کر راکھ،اربوں ڈالرزکانقصان ہو گیا ہے،تفصیلات کے مطابق آسٹریلیا کے جنگلات میں گزشتہ چند ماہ سے خوفناک آگ لگی ہوئی ہے، اس آگ کی وجہ سے جہاں مالی اور جانی نقصان اٹھانا پڑ رہا ہے تو اس کے اثرات ماحولیات پر بھی پڑ رہے ہیں تاہم ایک افسوسناک خبر نے سب کو چونکا دیا ہے کہ آسٹریلیا میں جنگلات پر آگ لگنے والی کے باعث جہاں درجہ حرارت بڑھا وہی پر 48 کروڑ جانور ہلاک ہو گئے ہیں۔

آسٹریلیا سے آمدہ اطلاعات کے مطابق آسٹریلیا کی صرف ریاست نیو ساؤتھ ویلز میں چند ماہ کے دوران 30 لاکھ ہیکٹر کا رقبہ جل کر راکھ ہو چکا ہے۔ نازک مزاج کوالا کی رہائش گاہیں شامل ہیں۔ بہت سے کوالا ہلاک ہو گئے ہیں اور جن کوالاز کو بچالیا گیا ہے، ان کی زندگی بھی پہلے جیسی نہیں رہے گی۔ اس جانور کو قید رکھا جائے تو دیکھ بھال کے باوجود بیمار ہو جاتا ہے اور آزاد رہ کر صحت مند رہتا ہے۔

ادھرعالمی ذرائع ابلاغ کےمطابق سڈنی یونیورسٹی کے پروفیسر کرس ڈک مین کا کہنا تھا کہ کم از کم 48 کروڑ جانور، پرندے اور حشرات براہ راست آگ یا دھوئیں سے ہلاک ہوئے ہیں۔ شاید کچھ جانداروں کی نسل کو دوبارہ نہیں دیکھا جا سکے گا۔واضح رہے کہ آسٹریلیا منفرد جانوروں کی سرزمین ہے اور وہاں کے متعدد جاندار دنیا کے دوسرے مقامات پر نہیں پائے جاتے۔

آسٹریلوی حکام کےمطابق صرف پورٹ میک کوائر اور بریمر کے جنگلات میں دو ہزار سے زائد کوالا ہلاک ہوئے ہیں۔ پروفیسر ڈک مین کا کہنا تھا کہ آپ کہہ سکتے ہیں کہ کچھ مقامات پر کوالا ناپید ہو گئے ہیں۔ صرف یہی جانور نہیں بلکہ کئی دوسرے جانور بھی ایسے ہی خطرے سے دوچار ہیں۔25 سال پہلے بھی جنگلوں میں ایسی ہی آگ لگی تھی جن سے کئی جاندار نایاب ہو گئے تھے۔ نیو ساؤتھ ویلز میں اب بھی 79 مقامات پر جنگلوں میں آگ لگی ہوئی ہے جن میں سے 40 قابو سے باہر ہیں۔

بغداد :امریکہ بپھرگیا:بغداد، عراق میں ایک اور فضائی حملہ، حشد الشعبی کے 6 اہم جنگجو ہلاک،اطلاعات کےمطابق بغداد میں امریکہ کے ایک اورفضائی حملے میں گاڑیوں کے قافلے کو نشانہ بنایا گیا۔ ایرانی حمایت یافتہ حشد الشعبی کے 6 اہم جنگجو مارے گئے۔

روسی خبر ایجنسی نے دعویٰ کیا کہ حملہ بغداد کے شمالی مضافاتی علاقے ال تاجی میں کیا گیا، گاڑیوں کے ایک قافلے کو نشانہ بنایا گیا جس میں ایرانی حمایت یافتہ حشد الشعبی کے 6 اہم جنگجو ہلاک ہوئے۔رپورٹ کے مطابق نشانہ بننے والا گاڑیوں کا قافلہ طبی عملے کا تھا تاہم کوئی کمانڈر جاں بحق نہیں ہوا۔

قاسم سلیمانی کی ہلاکت پر امریکا میں صدر ٹرمپ پر تنقید کا سلسلہ جاری ہے۔ امریکی سینیٹر برائن شیٹز نے اپنے ٹویٹ میں لکھا کہ انہوں نے ہر چیز پر جھوٹ بولا ہے۔ ان پر سخت ترین نگرانی ہونی چاہیے۔

کانگریس کی خواتین ارکان الہان عمر اور رشیدہ طلیب کی جانب سے بھی ڈونلڈ ٹرمپ کو شدید تنقید کا نشانہ بنایا گیا۔ الہان عمر کا کہنا ہے کہ کیا بدحواسی کی یہ حرکت مواخذےسےتوجہ ہٹانےکےلیےکی گئی؟ ان کا مزید کہنا تھا کانگریس کی اجازت لیےبغیرممکنہ طورپر ایک اور جنگ چھیڑدی گئی ہے۔

۔

نئی دہلی :تم اسلام اسلام کرتے ہو: بھارتی وزیرنے مسلم طالب علم کوملک بدرکرکے پاکستان بھیجنے کی دھمکی دے دی ،اطلاعات کےمابق مسلم طالب علم کے ایک سوال پر مرکزی وزیر بابل سپریو اتنا مشتعل ہو گئے کہ اخلاقیات کی سبھی حدیں پار کر گئے۔ انھوں نے دھمکی آمیز لہجہ میں کہا کہ ’’بوریا بستر سمیٹ کر تمھارے ملک پاکستان واپس بھیج دوں گا

ذرائع کےمطابق مرکزی وزیربابل سپریو سوال سے اس قدر ناراض ہوئے کہ دھمکی آمیز لہجہ اختیار کر لیا۔ انھوں نے طالب علم سے کہا کہ ’’بوریا بستر سمیٹ کر واپس بھیج دوں گا تمھارے ملک۔‘‘ دراصل سوشل میڈیا پر وزیر محترم کی ایک مسلم طالب علم سے بحث ہو گئی۔ طالب علم اور مرکزی وزیر کے درمیان بحث بازی کا یہ دور اس وقت شروع ہوا جب مرکزی وزیر نے 26 دسمبر کو جادھو پور کی طالبہ کے ذریعہ شہریت قانون کی کاپی پھاڑنے کی تنقید کرتے ہوئے اپنا ایک پوسٹ فیس بک پر شیئر کیا تھا۔

مودی کابینہ میں شامل بابل سپریو کے اس پوسٹ پر تبصرہ کرتے ہوئے ایک طالب علم مستفیض الرحمن نے ان سے اور مغربی بنگال بی جے پی صدر دلیپ گھوش کا ایجوکیشنل سرٹیفکیٹ مانگ لیا۔ طالب علم کے اس قدم پر مرکزی وزیر بری طرح ناراض ہو گئے۔ انھوں نے کہا کہ ’’مستفیض الرحمن پہلے مجھے تمھارا بوریا بستر سمیٹ کر تمھارے ملک بھیجنے دو اس کے بعد پوسٹ کارڈ کے ذریعہ تمھیں ریپلائی کروں گا۔‘‘

واضح رہے کہ مستفیض الرحمن ویربھوم ضلع واقع علامہ بازار کے ایک کالج میں سائنس کا طالب علم ہے۔ مستفیض کا کہنا ہے کہ ’’میرے پاس اس بات کے کافی ثبوت ہیں کہ میں ہندوستانی ہوں۔ لیکن آپ نہیں جانتے ہیں کہ بنگالیوں کی عزت کیسے کی جاتی ہے اور آپ ابھی بھی ریاست کے رکن پارلیمنٹ ہیں… کیا آپ روزانہ گائے کا پیشاب پی رہے ہیں؟‘