Author: +9251

لاہور،اسلام آباد:ٹرانسپورٹرزکامیاب ، جرمانوں میں اضافہ معطل توہڑتال بھی ختم ، اطلاعات کےمطابق اس حوالے سے حکومت سے ٹرانسپورٹرز کے مذاکرات کامیاب رہے ،

ٹریفک قوانین کی خلاف ورزی پربھاری جرمانوں کے خلاف احتجاجاً ٹرانسپورٹرز نے مختلف شہروں میں گاڑیاں بند کردیں۔

ٹرانسپورٹرز کا مطالبہ ہے کہ نیشنل ہائی ویز پرپارکنگ فیس کا اجرا فوری بند اوراضافی ٹول پلازے ختم کیے جائیں۔

پبلک ٹرانسپورٹرز نے موٹروے پر ٹول ٹیکس اور جرمانوں کی شرح میں اضافے کے خلاف پہیہ جام ہڑتا ل صبح ہی شروع کردی، دوسرے شہروں کو جانے والے مسافروں کو اڈوں پر پہنچ کر ہڑتال کا پتہ چلا تو وہ پریشان ہوگئے،

سارا دن ہڑتال ختم ہونے کا انتظار کرتے رہے، شدید سردی میں خواتین اوربچے بھی ٹھٹھرتے رہے اور حکومت اور ٹرانسپورٹرز کو کوستے رہے۔

ٹرانسپورٹرز، ڈرائیورز اور ورکرز سارا دن وقفے وقفے سے احتجاج کرتے رہے جبکہ ان کے نمائندے انتظامیہ سے مذاکرات میں بھی مصروف رہے۔

مسافروں کا کہنا ہے کہ ٹرانسپورٹرز کے مطالبات ہوں یا حکومت کی سخت پالیسیاں ،ملبہ مسافروں پر گرتا ہے، سارے دن کی خجل خواری اور منزل تک نہ پہنچنے کی کوفت کون دور کرے گا؟

کامیاب مذاکرات کے بعد ہڑتال ختم، جرمانوں کی شرح میں اضافے کا نوٹیفکیشن معطل
پبلک ٹرانسپورٹرز نے گورنر پنجاب سے کامیاب مذاکرات کے بعد ہڑتال ختم کرنے کا اعلان کردیا جبکہ جرمانوں کی شرح میں اضافے کا نوٹیفکیشن بھی معطل کردیا گیا ہے اور دیگر مطالبات پر غور کیلئے 8 رکنی کمیٹی قائم کر دی گئی ہے۔

لاہورمیں ٹرانسپورٹرز اینڈ گڈز ایسوسی ایشن کے گورنر پنجاب سے مذاکرات کامیاب رہے جس کے بعد ٹرانسپورٹرز نے صبح سے جاری ہڑتال ختم کرنے کا اعلان کردیا۔

گورنر پنجاب نے 31 جنوری تک ٹرانسپورٹرز کے مسائل حل کرنے کی یقین دہانی کرا دی جس کے لیے حکومت اور ٹرانسپورٹرز کے نمائندوں پر مبنی 8 رکنی کمیٹی قائم کر دی گئی۔

گورنر پنجاب چوہدری سرور نےگرفتار ڈرائیورز اور کنڈیکٹرز کو رہا کرنے کا بھی اعلان کیا۔

ٹرانسپورٹرز الائنس کے چیئرمین عصمت اللہ نیازی کا کہناتھاکہ گورنر پنجاب کی یقین دہانی پر ہڑتال ختم کررہےہیں ، امید ہے وہ اپنا وعدہ پورہ کریں گے

خیال رہے کہ نیشنل ہائی وے اتھارٹی نے قانون کی خلاف ورزی پر جرمانوں کی شرح میں کئی گنا اضافہ کردیا ہے جس کا اطلاق یکم جنوری سے ہوگیا ہے۔

اسلام آباد: معیشت بہترہونے لگی ، ملکی زرمبادلہ کے ذخائرکی سطح بڑھ گئی،ملکی حالات کے بھی بہترہونے کی امید،اسٹیٹ بینک آف پاکستان کی جانب سے اعلامیہ جاری کیا گیا ہے جس کے مطابق ملکی زرمبادلہ کے ذخائر بڑھ گئے ہیں۔

اسٹیٹ بینک آف پاکستان کے مطابق آئی ایم ایف سے دوسری قسط وصول ہونے کے بعد ملکی زرمبادلہ کے ذخائر18ارب ڈالرز کی سطح سے بھی بڑھ گئے ہیں۔اسٹیٹ بینک آف پاکستان کی طرف سے یہ کہا گیا ہےکہ اگلے چند دنوں تک زرمبادلہ کے ذخائرمزید بڑھنے کی امید ہے

گزشتہ ہفتے کے دوران ملکی زرمبادلہ کے ذخائر میں مجموعی طور پر 48کروڑ62لاکھ ڈالرز کا اضافہ ریکارڈ کیا گیا جبکہ اسٹیٹ بینک نے 27دسمبر کو ختم ہونے والے ہفتے پر ملکی زرمبادلہ کے ذخائر18ارب8کروڑ14لاکھ ڈالرز کی سطح پر رہے تھے۔

اس دوران مرکزی بینک کے ذخائر58کروڑ21لاکھ ڈالرز اضافے سے 11ارب48کروڑ94لاکھ ڈالرز جبکہ کمرشل بینکوں کے ذخائر9کروڑ59لاکھ ڈالرز کمی سے 6ارب59کروڑ20لاکھ ڈالرز رہے ،گزشتہ ہفتے کے دوران مرکزی بینک کے ذخائر میں58کروڑ ڈالرز سے زائد کا اضافہ ریکارڈ کیا گیا۔

اسٹیٹ بینک اعلامیہ کے مطابق اسٹیٹ بینک کے ذخائر 58 کروڑ ڈالر اضافے سے11.48 ارب ڈالر جبکہ شیڈول بینکوں کے ذخائر 9 کروڑ ڈالر کم ہوکر 6.59 ارب ڈالر ہوگئے ہیں۔

اسلام آباد:ارکان اسمبلی اپنے اثاثےظاہرکرنے میں ہچکچاہٹ محسوس کرنے لگے،563 ارکان اسمبلی کی فہرست جاری، اطلاعات کےمطابق الیکشن کمیشن نے اثاثوں کی تفصیلات جمع نہ کرانے والے 563 ارکان قومی و صوبائی اسمبلی اور 32 سینیٹرز کی فہرست جاری کردی۔

الیکشن کمیشن ذرائع کےمطابق وزیر قانون فروغ نسیم، علی زیدی، فہمیدہ مرزا، خرم دستگیر، شیخ رشید، پرویز خٹک، شہریار آفریدی، بلاول بھٹو، آصف علی زرداری، رضا ربانی، حاصل بزنجو، وزیر اعلیٰ سندھ مراد علی شاہ، وزیر اعلیٰ خیبر پختونخوا محمود خان، شفقت محمود، فیصل واوڈا، خواجہ اظہار الحسن اور سعید غنی نے بھی اثاثوں کی تفصیلات جمع نہیں کرائیں۔

اثاثوں کی تفصیلات جمع نہ کرانے والوں میں سینیٹ کے 32، قومی اسمبلی کے 166، پنجاب اسمبلی کے 190، خیبر پختوانخوا اسمبلی کے 85، بلوچستان کے 40، سندھ کے 82 ارکان شامل ہیں۔

ڈپٹی چیئرمین سینیٹ سلیم مانڈوی والا، میاں رضا ربانی، سینیٹر حاصل بزنجو، سرفراز بگٹی، انوار الحق کاکڑ، سینیٹر مصدق ملک، کامران مائیکل بھی اثاثوں کی تفصیلات جمع نہ کروانے والوں میں شامل ہیں۔۔

ادھرالیکشن کمیشن نے صوبائی اسمبلیوں کے اراکین کے نام بھی ظاہر کردیئے ہیں‌جس کے مطابق رکن خیبر پختوانخوا اسمبلی شہرام خان، محمد عاطف، رکن سندھ اسمبلی شہلا رضا خواجہ اظہار الحسن، سعید غنی، شرجیل میمن نے بھی اثاثوں کی تفصیلات جمع نہیں کرائیں۔

ذرائع کے مطابق پنجاب اسمبلی چوہدری نثار علی خان، بلال فاروق تارڑ، حامد یار حراج، بلال یاسین نے بھی اثاثوں کی تفصیلات جمع نہیں کرائیں۔بلوچستان سے رکن اسمبلی سردار یار محمد رند، سردار ثناء اللہ زہری بھی اثاثوں کی تفصیلات جمع نہ کروانےوالوں میں شامل ہیں۔

اسلام آباد:میں اپنا پیشہ نہیں چھوڑسکتا،فروغ نسیم نے سپریم کورٹ سے رجوع کرلیا،اطلاعات کے مطابق وفاقی وزیر قانون فروغ نسیم نے آرمی چیف مدت ملازمت توسیع نظرثانی کیس بطور وکیل لڑنے کا فیصلہ کرلیا ہے، بطور وکیل پیش ہونے کیلئے سپریم کورٹ میں درخواست دائر کر دی گئی ہے۔

تفصیلات کے مطابق وفاقی وزیر قانون فروغ نسیم نے آرمی چیف ایکسٹنشن نظر ثانی کیس بطور وکیل لڑنے کے ساتھ ساتھ دیگراہم کیسز میں بھی اپنے پیشے کوجاری رکھنے کا فیصلہ کیا ہے،یہی وجہ ہےکہ انہوں نے وزیر رہتے ہوئے بطور وکیل پیش ہونے کیلئے سپریم کورٹ سے رجوع بھی کر لیا ہے

وفاقی وزیر قانون فروغ نسیم نے کہا کہ آرمی چیف ایکسٹنشن نظر ثانی کیس میں بھی وہ جنرل باجوہ کی وکالت کرینگے، مگر اس مرتبہ وزارت سے استعفیٰ دینے کی ضرورت نہیں،

وفاقی وزیر قانون فروغ نسیم نے کہا کہ وزیر رہتے ہوئے بطور وکیل پیش ہونے سے متعلق ایک عدالتی فیصلہ موجود ہے جو انہیں ایسا کرنے کی اجازت دیتا ہے۔لٰہذا وہ یہ چاہتے ہیں‌کہ وہ اس پیشے کے ذریعے اہم قومی معاملات پراپنا کردار جاری رکھیں‌

اس سے پہلے فروغ نسیم نے آرمی چیف جنرل قمر جاوید باجوہ کی سپریم کورٹ میں مدت ملازمت سے متعلق کیس کی پیروی کرنے کے لیے وہ پہلے ایک مرتبہ استعفیٰ دے چکے ہیں‌۔ مستعفی ہونے کے بعد بیرسٹر فروغ نسیم آرمی چیف کی مدت ملازمت میں توسیع سے متعلق کیس میں جنرل قمر جاوید باجوہ کی طرف سے سپریم کورٹ میں پیش ہوئے اور مقدمے کی پیروی کی۔

اسلام آباد:اپوزیشن نے بھی آرمی ایکٹ میں تبدیلی پررضامندی ظاہرکردی ،اطلاعات کےمطابق وفاقی وزیر قانون فروغ نسیم نے کہا ہے کہ آرمی ایکٹ میں ترمیم کے حوالے سے اپوزیشن کی ہر طرح سےتسلی ہو گئی ہے۔

کشمیری آزادی سمیت بنیادی انسانی حقوق سے یکسر محروم ہیں،حق دلاکررہیں گے،شاہ محمود…

تفصیلات کےمطابق آرمی چیف کی مدت ملازمت میں توسیع کے حوالے سے آرمی ایکٹ میں ترمیمی بل پرپارلیمانی جماعتوں کا مشاورتی اجلاس ہوا جس میں وفاقی وزیر فروغ نسیم نے شرکاء کو بریف کیا۔فروغ نسیم نے بتایا کہ آرمی ایکٹ پر تمام سیاسی جماعتوں کوبریفنگ دی ہے،

بھارتی فوج کشمیری نوجوانوں کواغواکرکے شہید کرنے لگی، سخت سردی میں بھیانک مظالم

وزیرقانون فروغ نسیم نے بتایا کہ ہمارےحساب سے اپوزیشن کی ہر طرح سے تسلی ہوئی تاہم کل صبح ساڑھے 10 بجے دوبارہ پارلیمانی کمیٹی کااجلاس ہوگا۔دوسری جانب مسلم لیگ (ن) کے خواجہ آصف نے صحافیوں کو بتایا کہ چاروں سروسزچیفس سےمتعلق ترمیم پیش ہوگی جب کہ حکومت مطمئن نہ کرسکی ایسی کوئی بات نہیں۔

پاکستان کھیل کےمیدان میں بھی ترقی کرنےلگا،کرکٹ کےبعداب ہاکی کا سپرلیگ ٹورنا منٹ…