Author: +9251

ٹرانسپورٹرز کی ملک گیر ہڑتال ، عوام پریشان، حکومت خاموش

باغی ٹی وی :حکومت کی جانب سےٹریفک قوانین کی خلاف ورزی پرجرمانوں میں بھاری اضافے کے خلاف پبلک ٹرانسپورٹ اینڈ گڈز الائنس نے ملک گیر پہیہ جام ہڑتال شروع کر دی ہے۔

اس ضمن میں چئیرمین پبلک اینڈ گڈز ٹرانسپورٹ الائنس عصمت اللہ نیازی نے کہا تھا کہ اب پنجاب ، خیبر پختونخواہ ، بلوچستان اورسندھ میں بھی پہیہ جام ہڑتال ہو گی۔

انہوں نے بتایا کہ 2 جنوری کو اے سی ، نان اے سی ، چھوٹی بڑی تمام بسیں بند ہوں گی، اس کے علاوہ ٹرک ، منی مزدا ، چھوٹے بڑے تمام ٹرالر بھی ہڑتال پر ہوں گے۔

عصمت اللہ نیازی نے حکومت سے مطالبہ کرتے ہوئے کہا ہےکہ موٹروے ، ہائی وے ، رنگ روڈ پر ٹول پلازہ ، جرمانوں میں اضافہ سمیت دیگر اضافی ٹیکس واپس لیے جائیں۔ حکومت کے ساتھ مذاکرات کیلیے ہمارے دروازے کھلے ہیں۔انہوں نے کہا کہ اگر حکومت نے مطالبات نہ مانے تو ہڑتال کو غیر معینہ مدت کیلیے بڑھا دیا جائے گا۔
جرمانے اور دیگر ٹیکسز سے پریشان ٹرانسپورٹرز نے جمعرات کو ملک میں پہیہ جام ہڑتال کی کال دے دی ہے۔ لاہور میں 12 مقامات پر احتجاجی ریلیاں نکالی جائیں گی۔

ٹرانسپورٹرز نے لاہور کے داخلی اور خارجی راستے بند کرنے کی دھمکی دیتے ہوئے سبزیوں اور دودھ کی سپلائی کیلئے بھی ٹرانسپورٹ نہ چلانے کا اعلان کر دیا ہے۔پبلک اینڈ گڈز ٹرانسپورٹرز ایسوسی ایشن کے عہدیدار کہتے ہیں کہ ہر قسم کی گاڑیوں کا پہیہ جام رکھیں گے۔ ٹرانسپورٹرز نے جرمانوں اور ٹیکسز میں اضافے کو ناانصافی قرار دیتے ہوئے اضافہ فوری واپس لینے کا مطالبہ کیا ہے۔

شہر کے تمام جنرل بس اسٹینڈ اور تمام اڈوں پر گاڑیوں کی آمدورفت بند ہے جس کی وجہ سے مسافروں کو دوسرے شہروں میں آنے جانے کیلئے تکلیف کا سامنا ہے۔

ورکرز کی تنخواہیں نہ دینے اور استحصال کرنے والے چینلز کے ٹھکیدار مالکان کے نام ایمرا باڈی کا سخت پیغام

باغی ٹی وی : ایمرا باڈی کے علم میں آیا ہے کہ پبلک نیوز سات ماہ سے ورکرز کو تنخواہوں کی ادائیگی اور بقایا جات کلئیر نہیں کررہا ہے بلکہ الٹا ہمارے صحافتی ورکرز ہراساں کررہا ہے نوکری سے فارغ کرنے کی دھمکیاں دے رہے ہیں اگر پبلک نیوز نے اگر تمام بقایا جات کلئیر نہ کئے گے تو مالکان کے گھروں اور دفاتر کے باہر اجتجاجی مظاہرے ہونگے ایمرا باڈی ، پی ایف یو جے ، لاہور پریس کلب ، پی یو جے ، اینکا ، کے ہمراہ اجتجاج کرنے ورکرز کا حق لیکر رہے گے .

اس کے علاوہ ایمرا باڈی نے خبردار کیا کہ اگر نیوز ون چینل کے ورکرز کی سات ماہ کی تنخواہوں کی ادائیگی نہ کی تو ایمرا باڈی نیوز ون لاہور بیورو آفس سمیت اسلام آباد میں وزیر اعظم ہاوس اور نیوز ون کے مالک کے گھر کے باہر تاریخی مظاہرے ہونگے جس کا ذمہ دار طاہر اے خان خود ہوگا اور جب تک تنخواہیں نہیں دی جائے گی نیوز ون کی لاہور میں کسی جگہ کوریج نہیں ہونے دینگے اور ڈی ایس این جی کو بھی روکا جائے گا ایمرا باڈی پی ایف یو جے ، پی یو جے ، لاہور پریس کلب، اینکا کے ہمراہ ایک بھرپور اجتجاج کریں
ایمرا باڈی نے اس بات سے بھی خبردار کیا کہ ایمرا باڈی کے علم میں آیا ہے آپ نیوز مزید صحافتی ورکرز کو جبری طور پر نوکری سے نکالنا چاہا رہے ہیں اور سینکڑوں ورکرز کی تنخواہوں پر شب خون مار کر کٹوتی کرنا چاہتے ہیں ہم آپ نیوز چینل کی انتظامیہ کو وارننگ دیتے ہیں وہ اپنے اس اقدام سے باز آئے اور فوری طور چھوڑ کر جانے والے اور نکالے گے ورکرز کی تنخواہیں اور بقایا جات کلئیر کریں ورنہ ایمرا باڈی لاہور پریس کلب ، پی ایف یو جے ، پی یو جے ، اینکا مشترکہ طور پر اجتجاج کریں گی اور آپ نیوز چینل کے دفتر میں دھرنا دیکر نشریات بند کردی جائے گی

وزیراعظم کے بھانجے حسان نیازی کی عبوری ضمانت کی درخواست کیوں خارج کر دی گئی

باغی ٹی وی رپورٹ کے مطابق پی آئی سی حملہ کیس میں انسداد دہشتگردی کی خصوصی عدالت نے تاخیر سے آنے پر وزیراعظم کے بھانجے حسان نیازی کی عبوری ضمانت کی درخواست خارج کر دی۔
عدالت نے حسان نیازی کے تاخیر سے آنے پر اظہار برہمی کرتے ہوئے کہا آپ وکیل ہو کر بھی تاخیر سے آ رہے ہیں، قانون سب کیلئے برابر ہے۔

دوسری جانب میں عدالت نے 9 ملزمان کی عبوری ضمانت میں 6 جنوری تک توسیع کر دی۔ ملزمان وکلا عبدالماجد، سید زین عباس، سکندر صدیق، علی جاوید ملک، اسامہ معاذ،عبدالرحمن بٹ، رانا عدیل، عمر غوری اور چوہدری مزمل کی درخواست ضمانت میں توسیع کی گئی۔

سانحہ پی آئی سی، کتنے وکلاء پر مقدمات درج ہو گئے؟ اور کیا دفعات شامل کی گئیں؟ اہم خبر

الٹا چور کوتوال کو ڈانٹے،وکلاء کی ہڑتال،سائلین خوار،گرفتاریوں کے لئے ٹیمیں تشکیل

سانحہ پی آئی سی، وزیراعلیٰ پنجاب عثما ن بزدار کی طلبی ہو گئی

سانحہ پی آئی سی، نقصان کی ابتدائی رپورٹ جاری،کتنے کروڑ کا نقصان ہوا؟

واضح‌رہے کہ لاہور میں پی آئی سی کے باہر وکلا کے پرتشدد احتجاج کے دوران وزیر اعظم عمران خان کے بھانجے بیرسٹر حسان خان نیازی بھی ساتھی وکلا کے ساتھ موجود تھے، حسان خان نیازی معروف تجزیہ نگار حفیظ اللہ نیازی کے صاحبزادے ہیں، انہوں نے اس موقع پر دوستوں کے ساتھ تصاویر بھی بنوائیں۔جو سوشل میڈیا پر وائرل بھی ہوئیں، حسان نیازی کی موجودگی پر مسلم لیگ ن بھی حکومت پر شدید تنقید کی اور کہا کہ وزیراعظم کا بھتیجا بھی سانحہ پی آئی سی میں ملوث ہے.