Author: +9251

بے نظیر بھٹو کی برسی کے موقع پر جلسے کی اجازت نہ مل سکی اس کے باوجود پی پی کا بڑا اعلان

باغی ٹی وی رپورٹ کے مطابق ترجمان بلاول بھٹو زرداری نے اپنے ایک بیان میں کہا ہے کہ حکومت اوچھے ہتھکنڈے استعمال کر رہی ہے تاہم بے نظیر بھٹو کی برسی کے موقع پر جلسہ لیاقت باغ راولپنڈی میں ہو گا اور ہر حال میں ہو گا۔

مصظفیٰ نواز کھوکھر نے کہا کہ یہ فاشٹ حکومت ہمیں اپنے شہیدوں کی برسی تک منانے نہیں دے رہی اور سلیکٹڈ حکومت فاشزم نافذ کر کے بھی عوامی سیاست سے خوفزدہ ہے۔ اسی لیےہر وہ آواز دبانے کی کوشش کی جا رہی ہے جو سلیکٹڈ کے خلاف اٹھتی ہے۔
اس سے پہلے بلاول بھٹو زرداری نے الزام عائد کیا کہ ہمیں شہید بینظیر بھٹو کی برسی منانے کے لیے اجازت بھی نہیں کی جا رہی اور ریل گاڑی کی بکنگ کے حوالے سے روکا جا رہا ہے۔ آمرانہ طرز عمل سے حکومت چلائی جا رہی ہے۔

چیئرمین پیپلز پارٹی کا کہنا تھا کہ جو کچھ ایک سال میں ہوا، سب کے سامنے ہے۔ عوام کے مسائل حل نہیں کیے جا رہے۔ ہر سیاسی جماعت اور کارکن کی کردار کشی کی جا رہی ہے۔ سیاسی رہنماؤں کے خلاف مقدمات بنائے جاتے ہیں۔ ہمیں سیاست کے حق سے محروم کیا جا رہا ہے۔

بھائی کے ٹھیکوں سے اربوں کمانے والوں کے چہروں سے خوف صاف جھلک رہا ہے،مراد سعید

باغی ٹی وی رپورٹ کے مطابق وفاقی وزیر مواصلات مراد سعید کا کہنا ہے کہ اعلیٰ عدلیہ نے وزیراعظم عمران خان کو صادق اور امین قرار دیا لیکن نواز شریف آج تک رسیدیں نہیں دکھا سکے۔
احسن اقبال کی پریس کانفرنس پر ردعمل دیتے ہوئے مراد سعید نے کہا کہ بھائی کے ٹھیکوں سے اربوں کمانے والوں کے چہروں سے خوف صاف جھلک رہا ہے، لیگی رہنما حقائق سے نظریں چرا رہے ہیں۔

وفاقی وزیر مراد سعید نے کہا کہ عمران خان نے ثابت کیا کہ کمائی حلال ہو تو برسوں بعد بھی رسیدیں مل جاتی ہیں لیکن دوسری جانب مسلم لیگ ن کے لیڈر کو رسیدیں ملیں نہ ہی قطری خط، مریم نواز کا کیلبری فونٹ بھی کسی کام نہیں آیا۔

ان کا کہنا تھا کہ کرپشن کی تاریخی داستان پر آپ کو نیب نے تحقیقات کیلئے بلایا۔ شور مچانا آپ کی ملکی دولت کی لوٹ کھسوٹ کی کہانی عیاں کرتا ہے۔
اس سے پہلے مراد سعید نے کہا تھا کہ احسن اقبال اس وقت ذہنی دباؤ کا شکار ہیں، کیس کی تحقیقات پراحسن اقبال کی بوکھلاہٹ میں اضافہ ہورہاہے، احسن اقبال سوالات کے جوابات سے راہ فراراختیارکررہے ہیں، احسن اقبال اوران کے بھائی کےغیرقانونی ٹھیکوں کی تفصیلات سامنے آ چکیں،

لیگی قیادت کے اعمال ان کے سامنے آ رہے ہیں. فردوس عاشق اعوان

باغی ٹی وی وزیراعظم کی معاون خصوصی برائے اطلاعات و نشریات فردوس عاشق اعوان نے کہا ہے کہ ن لیگی ترجمانوں کی جانب سے کرپشن کا جھوٹ اور ڈھٹائی کے ساتھ دفاع کرنا باعث شرمناک ہے۔

اپنے ایک ٹویٹ میں انہوں نے کہا ہے کہ لیگی قیادت کے اعمال ان کے سامنے آ رہے ہیں، قوم کے معاشی حقوق پر ڈاکہ ڈالنے والے اپنے انجام کو پہنچ رہے ہیں۔

فردوس عاشق اعوان کا کہنا ہے کہ عمران خان نے اداروں کو طاقتوروں کے چنگل سے آزاد کر کے با اختیار بنایا ہے۔ ان کو تکلیف یہ ہے کہ قانون ان سے بالا تر کیسے ہو گیا؟

معاون خصوصی کا کہنا تھا کہ فارن فنڈنگ کا واویلا وہ مچا رہے ہیں جو آل اولاد اور فارن اکاؤنٹس سمیت بیرون ممالک میں مقیم ہیں اور خود الیکشن کمیشن میں تاریخیں لے رہے ہیں۔

فردوس عاشق اعوان نے کہا کہ احسن اقبال ابھی تک مراد سعید کے پانچ سوالوں کا جواب دینے سے قاصر ہیں،نیب کو کیا جواب دیں گے؟

انہوں نے کہا کہ وزیراعظم عمران خان ملک میں کرپشن کے خلاف جہاد کا علم پوری قوت سے بلند رکھے ہوئے ہیں۔ قومی خزانے کو بے رحمی سے لوٹنے والوں کو قوم خوب جانتی ہے،کوئی جھوٹا پروپیگنڈا انہیں اب گمراہ نہیں کرسکتا۔

دنیا کے مختلف ممالک میں سورج گرہن ہوگا ،پاکستان میں بھی دیکھا جاسکے گا

باغی ٹی وی رپو رٹ کے مطابق 26 دسمبر کو پاکستان سمیت دنیا کے مختلف ممالک میں سورج پر گرہن لگ جائے گا۔ یہ رواں سال کا تیسرا سورج گرہن ہوگا جسے پاکستان میں بھی دیکھا جاسکے گا۔

محکمہ موسمیات کے مطابق رواں سال کا پہلا سورج گرہن جنوری جبکہ دوسرا سورج گرہن جولائی کی رات کو ہواتھا، جسے پاکستان میں نہیں دیکھا جا سکا تھا۔

محکمہ موسمیات کا کہنا ہے کہ 26 دسمبر کو صبح چار گھنٹے تک سورج پر گرہن لگے گا۔ صبح 7:30 منٹ پر سورج پر چاند کا سایہ پڑنا شروع ہوجائے گا۔ 8:34 منٹ پر سورج کو جزوی طور پر گرہن لگے گا جبکہ 10:18 سے 11:58 تک سورج کو گرہن لگے گا۔

سورج گرہن پاکستان کے علاوہ انڈیا ،آسٹریلیا، بحر اوقیانوس اور یورپ سمیت دوسرے ممالک میں بھی دیکھا جاسکے گا۔ اس سے قبل 1999 میں سورج کو ملک گرہن لگا تھا جس کی شددت زیادہ تھی۔

ایک اور ن لیگی رہنما سائبر کرائم کو مطلوب

باغی ٹی وی رپورٹ : مسلم لیگ ن کے رہنما عطا اللہ تارڑ کو وفاقی تحقیقاتی ادارے (ایف آئی اے) سائبر کرائم سیل نے طلب کر لیا۔مسلم لیگ ن کے ڈپٹی سیکرٹری جنرل عطا اللہ تارڑ کو ایف آئی اے کی جانب سے 27 دسمبر کو طلب کیا گیا ہے۔

ایف آئی اے ذرائع کے مطابق مسلم لیگ ن کے رہنما عطا اللہ تارڑ کو سابق جج ارشد ملک کیس میں طلب کیا گیا ہے اور ایف آئی اے سائبر کرائم ونگ نے جج ارشد ملک کی ویڈیو لیک کرنے کے معاملے میں مقدمہ درج کر رکھا ہے۔

واضح‌رہے کہ مسلم لیگ ن کے رہنما احسن اقبال کو نیب راول پنڈی نے گرفتار کرلیا،احسن اقبال کو نارووال اسپورٹس سٹی کرپشن کیس میں آج نیب نے طلب کیا تھا،نیب راولپنڈی کی جانب سے احسن اقبال کو 23 دسمبر بروز پیر کو طلبی کا سمن جاری کیا گیا تھا۔