Author: +9251

انقرہ:ترکی2022 سےہرسال ایک آبدوزتیارکیا کرےگا: صدرایردوان نےفوجی قوت بڑھانے کا اعلان کردیا،اطلاعات کےمطابق ترک صدررجب طیب ایردوان نے کہا ہے کہ اگر ضرورت پڑی توترکی لیبیا کی فوجی ضروریات اورامداد میں اضافہ کرسکتا ہے۔

انہوں نے ان خیالات کا اظہارکوجہ ایلی میں گیولجیک شپ یارڈ کمان گاہ میں پہلی قومی آبدوز پیری ریس کوسمندرمیں اترانےاور5 ویں جہازسید الرئیس کی پہلی ویلڈنگ تقریب سےخطاب کرتے ہوئے کیا۔

اسرائیلی جلاد قیدیوں کواذیتیں دینے کےجرائم پرپردہ ڈالنےکے لیے نئے نئے ڈرامے

ترک صدرنےاپنےخطاب میں مشرقی بحیرہ روم میں ترکی کی طرف سےاپنائی جانے والی پالیسی کا حوالے دیتے ہوئے کہا کہ یونان اوراس کی حمایتی ممالک ترکی کو سمنر میں ایک قدم بھی آگے بڑھتے ہوئے دیکھنا نہیں چاہتے تھے ۔ انہوں نے شمالی قبرصی ترک جمہوریہ کی تمام راہیں مسدود کرکے رکھ دی تھیں۔

یمن پر سعودی اتحاد کے حملوں میں 43 ہزار شہری شہید و زخمی

صدرایردوان نے کہا کہ بحیرہ ایجین اور بحیرہ روم کے تمام ساحلی ممالک ان دونوں سمندروں کےمالک ہیں اور انہیں تمام سمندری حقوق حاصل ہیں۔ہم بز کسی کی سرزمین پر قبضہ کرنے یا حق و حقوق کوغصب کرنےکا کوئی ارادہ نہیں رکھتے ہیں ۔انہوں نے کہا کہ کسی بھی ملک کو ترکی کو ایک خطے یا ایک خاص علاقے تک محدود کرنے کا کوئی حق نہیں ہے۔

جنرل پرویزمشرف کےدشمن ملک کےدشمن، ہمیں سب سےپہلے پاکستان عزیزہے،چوہدری شجاعت حسین

انہوں نےسب میرین کے بارے میں کہا کہ 2022 سے ہر سال ایک سب میرین خدمت تیار کرکے خدمت کے لیے پیش کی جائے گی اور سن 2027ہماری تمام چھ آبدوزیں ہماری بحریہ کے لیے خدمات فراہم کرنا شروع کردیں گی۔

یمن کی قومی نجات حکومت کی وزارت انسانی حقوق نے یمن پر سعودی عرب کی مسلط کردہ جنگ میں عظیم اور بڑے پیمانے پر ہونے والے نقصانات کی تفصیل جاری کی ہے

رپورٹ کے مطابق یمن کی قومی نجات حکومت کی وزارت انسانی حقوق نے یمن پر سعودی عرب کی مسلط کردہ جنگ اور جارحیت میں بڑے پیمانے پر ہونے والے نقصانات کی طرف اشارہ کرتے ہوئے کہا کہ سعودی اتحاد یمن کے 43 ہزار345 شہریوں کے شہید اور زخمی ہونے کا ذمہ دارہے۔

یمن کی وزارت انسانی حقوق نے یمن پر سعودی عرب کی مسلط کردہ جنگ کے 1700 دنوں میں ہونے والے وسیع پیمانے پر نقصانات کی طرف اشارہ کرتے ہوئے کہا کہ سعودی عرب کی مسلط کردہ جنگ اور شہری آبادی پر بمباری کے نتیجے میں 80 ہزار بچے نفسیاتی بیماری میں مبتلا ہوگئے ہیں۔

یمن کی وزارت انسانی حقوق کے مطابق 24 ملین افراد کو فوری طور پر غذائی اور طبی امداد کی ضرورت ہے ۔ سعودی عرب کے محاصرے کی وجہ سے غذائی اور طبی اشیاء کی درآمد بند ہوگئی ہے۔ اقوام متحدہ کے ادارے کی جانب سے محدود پیمانے پر امداد ناکافی ہے۔

رام اللہ :فلسطین میں انسانی حقوق کے لیے کام کرنے والی ایک تنظیم نے اسرائیلی عقوبت خانوں میں سفاک صہیونی جلادوں کے ہاتھوں قیدیوں پر ہولناک تشدد اورانہیں اذیتیں دینے کے جرائم پر کڑی تنقید کی ہے۔ انسانی حقوق کی تنظیم "ضمیر فائونڈیشن برائے حقوق اسیران’ کا کہنا ہے کہ اسرائیلی داخلی انٹیلی جنس ادارے’شاباک’ کے جلاد حراستی مراکز میں فلسطینی قیدیوں پر تشدد کے بدترین حربے استعمال کرتے ہیں۔

صہیونی انٹیلی جنس ادارے اپنے جرائم اور قیدیوں پر تشدد کے بارے میں من گھڑت کہانیاں بیان کرتے ہیں۔ قیدیوں کی عدالت میں پیشی کے موقع پران کے خاندان ، وکیل یا کسی دوسرے قریبی عزیز کو عدالت میں پیشی کی اجازت نہیں دی جاتی۔ اس کی تازہ مثال کامل البرغوثی کی لی جاسکتی ہے جس کی عدالت میں پیشی کے موقع پراس کے اہل خانہ اوروکیل کو عدالت میں حاضری کی اجازت نہیں دی گئی۔

رپورٹ میں بتایا گیا ہے کہ اسیر سامر عربید کو رام اللہ میں حراست میں لیے جانے کے بعد ہولناک تشدد کا نشانہ بنایا گیا جس کے نتیجےاس کی حالت تشویشناک ہوگئی اور اسے اسپتال منتقل کردیا گیا۔انسانی حقوق گروپ کا کہنا ہے کہ ‘شاباک’ کی طرف سے قیدیوں پر تشدد کے حوالے سے سنگین جرائم کے ارتکاب اور جرائم کو چھپایا جا رہا ہے۔

واشنگٹن:اسرائیل کی حمایت سےدستبردارنہیں ہوسکتے،امریکہ کافلسطینیوں پرمظالم کےباوجوداعلان،اطلاعات کے مطابق امریکہ کی طرف سے قابض صہیونی اور نسل پرست ریاست کے فلسطینیوں کے خلاف جنگی جرائم کی اندھی حمایت کا سلسلہ بدستور جاری ہے۔

واشنگٹن سے ذرائع کے مطابق امریکی وزیر خارجہ مائیک پومپیو نے فلسطینیوں کے خلاف اسرائیلی ریاستی دہشت گردی کی تحقیقات کے حوالے سے عالمی فوج داری عدالت کے اعلان کی مخالفت کی ہے۔ ان کا کہنا ہے کہ عالمی عدالت کا اسرائیلی جنگی جرائم کے واقعات کی تحقیقات کے کیسز کھولنا ناقابل قبول ہے۔ اس حوالے سے امریکا اسرائیل کے ساتھ کھڑا ہے۔

خیال رہے کہ عالم فوج داری عدالت کی طرف سے دو روز قبل ایک بیان میں کہا گیا تھا کہ وہ فلسطینیوں کے خلاف اسرائیلی ریاست کے جرائم کی تحقیقات کی تیاری کررہی ہے۔مائیک پومپیو نے اسرائیلی جرائم کی تحقیقات کی مخالفت کرتے ہوئے کہا کہ امریکہ کو عالمی عدالت کے اس فیصلے پر سخت تشویش ہے۔

مائیک پومپیو کا کہنا تھا کہ ہم عالمی فوج داری عدالت کے اس اعلان کو مسترد کرتے ہیں۔ اسرائیل کو انتقامی کارروائیوں کا نشانہ بنانے کے لیے یہ بھی ایک غیرمنصفانہ طریقہ ہے کہ تل ابیب کے خلاف مقدمات قائم کیے جائیں اور اسرائیل کو جنگی جرائم کے مقدمات میں گھیسٹا جائے۔