Author: +9251

دہلی کی جامعہ ملیہ یونیورسٹی کے طلبا پر بھارتی پولیس کے ظلم کی انتہا

باغی ٹی وی رپورٹ کے مطابق انڈیا میں شہریت کے نئے ترمیمی قانون کے خلاف لوگ سڑکوں پر نکل آئے ہیں۔ جو شور شمال مشرقی ریاست آسام کے طلبہ کی جانب سے اٹھا وہ گذشتہ روز دہلی کی جامعہ ملیہ اسلامیہ یونیورسٹی میں نظر آیا۔
جامعہ ملیہ اسلامیہ کے احتجاجی طلبا پر پولیس نے تشدد کیا جس کے خلاف پیر کو انڈیا کے مختلف شہروں میں قائم جامعات کے طلبا سڑکوں پر نکل آئے ہیں۔
انڈیا کی خبر رساں ایجنسی پریس ٹرسٹ آف انڈیا (پی ٹی آئی) کے مطابق جامعہ کے طلبا کے ساتھ اظہار یکجہتی کے لیے نہ صرف آئی آئی ٹی ممبئی کے طلبہ نکل آئے ہیں بلکہ آئی آئی ٹی کانپور، آئی آئی ٹی مدراس کے طلبہ بھی مظاہرے کر رہے ہیں۔ آئی آئی ٹی کیمپسز میں اس قسم کے احتجاج اور مظاہرے شاذونادر دیکھنے میں آتے ہیں۔پولیس ہاسٹل میں گھس گئی جہاں طلبا و طالبات پر تشدد کیا اور بعض کو جان سے مار دیا
اس کے علاوہ پولیس کے ظلم سے متاثرہ طلبا نے عین اس وقت اپنے آئیڈیو مسچ بھیجھے اور مودی سرکار کے ظلم و ستم کو بیان کیا

ترکی لیبیا میں فوج کیوں بھیجنے جا رہا

باغی ٹی وی رپورٹ کے مطابق ترکی کی پارلیمنٹ نے لیبیا کی عالمی سطح پر تسلیم شدہ قومی وفاق حکومت کی فوری فوجی امداد پر غور شروع کیا ہے۔

اتوار کی شام ترک پارلیمنٹ کے اجلاس میں انقرہ اور طرابلس کے درمیان طے پائے دفاعی معاہدے کے بارے میں ایک بل پیش کیا گیا۔ اس معاہدے میں کہا گیا ہے کہ ضرورت پڑنے اور قومی وفاق حکومت کی طرف سے مدد کی درخواست کی صورت میں ترکی طرابلس کی فوری فوجی مدد کرے گا۔

خیال رہے کہ گذشتہ ماہ کے آخر میں ترکی اور لیبیا کی قومی وفاق حکومت کے درمیان ایک دفاعی معاہدہ طے پایا تھا۔ وسیع نوعیت کے اس سمجھوتے میں ترکی کی طرف سے طرابلس کو فوجی سازو سامان، اسلحہ اور دیگر جنگی آلات فراہم کرنے کی یقین دہانی کرائی گئی ہے۔ مصر، یونان اور لیبیا کے منحرف جنرل ریٹائرڈ خلیفہ حفتر نے اس معاہدے کو بین الاقوامی قوانین کی خلاف ورزی قرار دیا تھا۔

قومی وفاق حکومت اور ترکی کے درمیان طے پائے معاہدے میں نیول فورس سے متعلق معاونت کی تفصیلات اقوام متحدہ کو ارسال کی گئی ہیں تاکہ اقوام متحدہ سے اس کی منظوری حاصل کی جاسکے جب کہ فوری فوجی امداد کا معاملہ ترک پارلیمنٹ میں پیش کیا گیا ہے۔ کل اتوار کے روز ترکی کے وزیر خارجہ مولود جاووش اوگلو نے کہا تھا کہ پارلیمان حکومت کی طرف سے لیبیا کی قومی وفاق حکومت کے ساتھ طے پائے سمجھوتے کو نافذ کرے گی.ترکی اور لیبیا کے درمیان "بحری اختیارات” اور ” فوجی تعاون” کے سمجھوتوں میں سے پہلے کو قومی اسمبلی میں منظور کر لیا گیا تھا اور اب دوسرے سمجھوتے کا متن بھی قومی اسمبلی کے اسپیکر مصطفیٰ شین توپ کے دستخطوں کے ساتھ اسمبلی میں پیش کر دیا گیا ہے۔

لیبیا کے ساتھ فوجی و سلامتی سمجھوتے کے ذیل میں سلامتی و فوجی تربیت، مشترکہ مشقوں میں شرکت، دہشت گردی اور غیر قانونی ہجرت کے خلاف جدوجہد، خبروں کے تبادلے اور آپریشنل تعاون، لاجسٹک تعاون، عطیہ اور لاجسٹک سسٹم، فوجی طبّی سامان، امن کے تحفظ، انسانی امداد اور بحری قزاقی کے خلاف جدوجہد، نقشہ نویسی اور مشترکہ دفاعی و سلامتی تعاون آفس کے قیام کے موضوعات شامل ہیں۔

سعودی مرد اور خاتون کی گرفتاری کا حکم کیوں دیا گیا

باغی ٹی وی رپورٹ سعودی پبلک پراسیکیوٹر نے آداب عامہ کی خلاف ورزی اور برائی کا اعلان کرنے پر سعودی شہری اور ایک خاتون کو گرفتار کرنے کا حکم دے دیا ہے۔
عاجل ویب سائٹ کے مطابق گزشتہ دنوں ٹوئٹر سمیت سوشل میڈیا ذرائع میں ایک ویڈیو وائرل ہوگئی جس میں ایک سعودی شہری اور خاتون کو دکھایا گیا۔ شہری نے خاتون کا ہاتھ چوما اور اس سے عبایہ اتار نے کے علاوہ غیر اخلاقی اور ذومعنی الفاظ استعمال کئے۔
ویڈیو وائرل ہوتے ہی ٹوئٹر پر سعودی شہریوں نے انتہائی غم وغصے کا اظہار کرتے ہوئے کہا ہے کہ ’برائی کا اعلان کسی طور پر قابل قبول نہیں۔ اس شخص نے معاشرے کے مسلمہ اصولوں کی خلاف ورزی کی ہے۔

پبلک پراسیکیوٹر نے اعلامیہ جاری کرتے ہوئے کہا ہے کہ ’سوشل میڈیا کی نگرانی کرنے والے ادارے سے موصول ہونے والی رپورٹ کے مطابق معلوم ہوا ہے کہ مذکورہ شہری اور خاتون نے معاشرے میں رائج آداب عامہ کی خلاف ورزی کے علاوہ مسلمہ اخلاقی اور دینی اصولوں کو پامال کیا ہے۔‘
پبلک پراسیکیوٹر نے کہا ہے کہ ’قانون نافذ کرنے والے تمام اداروں کو ہدایت کی جاتی ہے کہ ویڈیو میں نظر آنے والے شہری اور خاتون کو فوری طور پر گرفتار کرکے قانونی کارروائی کی جائے۔‘