Author: +9251

16دسمبر اس بار بھی متحدہ پاکستان کے دو لخت ہونے کی تلخ یادیں کریدتا ہوا گزر رہا ہے اور ہمارے اخبارات اور میڈیا اس سانحہ کا زیادہ تر وہی رخ دکھا رہے ہیں جو وہ پچھلے پانچ عشروں سے دکھاتے چلے آرہے ہیں۔ جادو نگار قلمکاروں نے اس سانحے پر ایسی یکطرفہ حاشیہ آرائی کی ہے کہ حقائق کئی پردوں تلے چھپ گئے ہیں۔سارا زور نئی نسلوں کو یہ باور کرانے میں لگایا جاتا ہے کہ یہ بس بھارت کی سازش تھی ہاں اس میں‌کوئی شک نہیں‌ کہ بھارت نے قیام پاکستان کےدن سے ہی پاکستان کے وجود کو تسلیم نہیں کیا تھا ،

بھارتی سازشوں کوکوئی مانےیانہ مانے بھارتی وزیراعظم مودی اس کا برملا اظہارکرچکے اب یہ بحث اسی نقطے پرمرکوز ہونی چاہیے کہ مشرقی پاکستان کی متحدہ پاکستان سے علیحدگی میں بھارت کےساتھ اس وقت کی دونوں عالمی قوتیں روس اورامریکہ بھی شامل تھیں

جہاں تک تعلق ہے کہ دشمن کی سازشوں کو منطقی انجام تک پہنچانے میں کچھ اپنوں کی غلطیاں بھی تھیں‌ تو اس بات سے انکار نہیں کیاجاسکتا ،مختصر یہ کہ اس غلطی میں سب سے زیادہ کردارشیخ مجیب ملوث تھا جو اس وقت بھارتیوں کے ہاتھوں میں کھیل رہے تھے ،

اس کے ساتھ ساتھ اس وقت کے پاکستان آرمی کے سربراہ جنرل یحییٰ کی نااہلیت بھی شامل تھی، اور ان کے ساتھیوں کی سیاہ کاریوں کا نتیجہ تھا مگر حقیقت یہ ہے کہ اس سانحے کا ایک کردار ذوالفقار علی بھٹو بھی تھا۔جس کی ضد نے مجیب الرحمن کو ضدی بنادیا،یہ بحث تو ہوتی رہے گی مگراب چلتے ہیں ان مناظر کی طرف جوکبھی بھی ناقابل نظراندازیابھولنے کے قابل نہیں ہیں‌

بھارتی فوج کی ایسٹرن کمانڈ کا یہودی چیف آف اسٹاف میجر جنرل جیکب 16 / دسمبر 1971ء کو دوپہر کے وقت ڈھاکا پہنچا۔ اس کا استقبال اس کے پاکستانی مدمقابل بریگیڈیئر باقر صدیقی نے کیا۔ یہودی جنرل اپنے ساتھ ایک دستاویز لایا تھا جسے سقوط کی دستاویز (Instrument of Surrender) کہا جاتا ہے۔ جنرل نیازی اسے جنگ بندی کا مسودہ کہنا پسند کرتے تھے۔

جیکب نے یہ کاغذات پاکستانی حکام کے حوالے کیے۔ جنرل فرمان نے کہا۔ ’’یہ ہندوستان اور بنگلہ دیش کی مشترکہ کمان کیا چیز ہے، ہم اسے تسلیم نہیں کرتے۔‘‘ جنرل جیکب نے کہا۔ ’’مجھے اس میں ردوبدل کا اختیار نہیں۔‘‘ انڈین ملٹری انٹیلی جنس کے کرنل کھیرا نے‘ جو پاس ہی کھڑے تھے‘ لقمہ دیا ’’یہ ہندوستان اور بنگلہ دیش کا اندرونی معاملہ ہے‘ جہاں تک آپ کا تعلق ہے آپ صرف ہندوستانی فوج کے سامنے ہتھیار ڈال رہے ہیں۔‘‘ جنرل فرمان نے کاغذات جنرل نیازی کے آگے سرکا دیے۔ جنرل نیازی جو ساری گفتگو سن رہے تھے خاموش رہے‘ اس خاموشی کو ان کی مکمل رضا سمجھا گیا۔

تھوڑی دیر بعد نیازی‘ بھارت اور بنگلہ دیش کی مشترکہ ایسٹرن کمانڈ کے کمانڈر‘ لیفٹیننٹ جنرل جگجیت سنگھ اروڑا کو لینے ڈھاکا ائیرپورٹ گئے‘ بھارتی کمانڈر اپنی فتح کی خوشی میں اپنی بیوی کو بھی ساتھ لایا تھا۔ جونہی یہ میاں بیوی ہیلی کاپٹر سے اترے‘ بنگالی مردوں اور عورتوں نے اپنے اس نجات دہندہ کو ہاتھوں ہاتھ لیا۔ ان کو پھولوں کے ہار پہنائے‘ گلے لگایا ‘ بوسے دیے اور تشکر بھرے جذبات سے انہیں خوش آمدید کہا۔ جنرل نیازی نے بڑھ کر فوجی انداز میں سلیوٹ کیا، پھر ہاتھ ملایا۔ یہ نہایت دلدوز منظر تھا۔ فاتح اور مفتوح ایک دوسرے کے آمنے سامنے کھڑے تھے۔

جنرل نیازی اور جنرل اروڑا‘ وہاں سے سیدھے رمنا ریس کورس گرائونڈ پہنچے‘ جہاں سرعام جنرل نیازی سے ہتھیار ڈلوانے کی تقریب منعقد ہوئی تھی۔ تقریب کا نظارہ کرنے کے لیے ہزاروں بنگالی موجود تھے۔ جنہیں بھارتی سپاہیوں نے روک رکھا تھا۔ تقریب کے لیے تھوڑی سی جگہ باقی تھی جہاں ایک چھوٹی سی میز پر بیٹھ کر جنرل جگجیت سنگھ اروڑا اور جنرل نیازی نے سقوط مشرقی پاکستان کی دستاویز پر دستخط کردئیے۔ اس کے بعد نیازی نے اپنا ریوالور نکال کر اروڑہ کو پیش کردیا اور یوں ’’سقوط ڈھاکا‘‘ پر آخری مہر ثبت کردی۔ اس موقع پر جنرل اروڑہ نے پاکستانی سپاہیوں کی ایک گارڈ آف آنر کا معائنہ کیا جو اس بات کی علامت تھا کہ اب وہی گارڈ ہیں اور وہی آنر کے مستحق…!‘‘

افسوس کا مقام تو یہ ہےکہ دشمن نے اتنا بڑا زخم لگایا لیکن ہم آج تک اس زخم کو مندمل کرنے کی بجائے اس پرنمک پاشی کررہےہیں‌اورپھرجن لوگوں نے اس وقت اپنی قلم اورزبان سے بھارتیوں کی زبان بولی آج ان کی اولاد یہ کردار اداکرہی ہے، کسی نے سچ کہا کہ میر جعفراورمیرصادق اگرچہ نہیں رہے مگر میروں کی شکل میں غدارضرور پیداہوتے رہیں گے

پشاور:پاکستان کی تاریخ میں 16 دسمبرکا دن پہلے سقوط ڈھاکہ کے طورپرمنایا جاتا تھا اورمورخین مشرقی پاکستان کی علیحدگی کے اسباب بیان کرتے نہیں تھکتے تھے ،مگر16 دسمبرکا یہ دن ایک غم ، دکھ اورسانحہ کے ساتھ پھر اس قوم کے حصے میں آیا ہے،یہ دن آرمی پبلک سکول میں ننھے طالعلموں اوراساتذہ کرام کی عظیم شہادت کا سبب بنا،

تفصیلات کے مطابق سانحہ اے پی ایس پشاور کو پانچ سال بیت گئے مگر اپنے خون سے علم کے دیے جلانے والے دلوں میں آج بھی زندہ ہیں۔سانحہ اے پی ایس کا دلخراش واقعہ 16 دسمبر 2014 کو پیش آیا جب صبح طلباء علم کے حصول کے لیے گھر سے اسکول گئے تھے، وہ ابھی اسکول میں علم کی شمع سے روشناس ہورہے تھے کہ 10 بجے کے درمیان 7 دہشت گرد اسکول کے اندر داخل ہوئے اور معصوم طلباء سمیت پرنسپل اور دیگر افراد کو بے رحمی سے شہید کیا۔

یہ وہ دن تھا جس کا سورج حسین تمناؤں اور دلفریب ارمانوں کے سنگ طلوع ہوا مگر غروب 132 معصوم و بے قصور بچوں کے لہو کے ساتھ ہوا تاہم یہ وہ سانحہ تھا جس نے ہر محب وطن پاکستانی کو دلگیر و اشکبار کیا۔

شہریوں نے آرمی پبلک اسکول کے شہداوں کو سلام پیش کرتے ہوئے کہا کہ دہشتگردوں نے معصوم بچوں کو نشانہ بناکر عوام اور سیکیورٹی اداروں کا حوصلہ توڑ نا چاہتے تھے لیکن اس سانحہ کے بعد ہم سب ایک ہیں۔

16 دسمبر 2014 کو اے پی ایس پشاور لہو لہو ہوا تو ملت پاکستان نے بھی رب ذوالجلال کو گواہ بنا کر یہ عہد کر لیا کہ جب تک عرض پاک سے آخری دہشت گرد کا خاتمہ نہ ہو جائے حق و باطل اور بقا و فنا کی یہ جنگ جاری رہے گی۔
سانحہ اے پی ایس کی یاد میں پاکستان ایمرجنسی رسپانس اور ایڈونچر اسکاوٹس کی جانب سے سانحہ آرمی پبلک اسکول پشاور کے شہداء کو خراج تحسین پیش کیا گیا جبکہ معصوم طلبا اور اساتذہ کو خراج عقیدت پیش کرنے کے لیے نجی اسکول میں تقریب کا اہتمام کیا گیا ۔

سانحہ اے پی ایس شہداوں کی یاد میں بڑوں کے ساتھ ساتھ بچے بھی افسردہ نجی سکول کے ننھے منے بچوں نے شاعری کرتے ہوئے اپنے معصومانہ انداز میں شہدا کو خراج عقیدت پیش کیا جبکہ کراچی کے علاقے جوہر موڑ پر شہدا کی یاد میں موم بتیاں جلائی گئیں جس میں شہریوں نے شرکت کی۔

سرینگر:وادی کشمیر بالخصوص سرینگر میں لوگوں کا کہنا ہے کہ الیکشن کارڈوں کی عدم فراہمی سے انہیں مشکلات درپیش ہیں اور ان کے کئی اہم امورعرصہ دراز سے مسلسل التوا میں پڑے ہوئے ہیں۔

میں‌ نے پہلے کہہ دیا تھاکہ ہندوستان ٹوٹ رہاہے ، اب تو یقین ہوگیا ہے ، بھارتی رہنما…

الیکشن کارڈز کی عدم فراہمی کے بارے میں بات کرتے ہوئے سرینگر کے مختلف علاقوں سے تعلق رکھنے والے شہریوں کے ایک گروپ نے کہاکہ ‘ہمیں نئے الیکشن کارڈ نہیں مل رہے ہیں، روزانہ بنیادوں پر متعلقہ محکموں کی خاک چھاننا پڑتی ہے’۔ساؤتھ ایشین وائرکے مطابق شہریوں کے اس گروپ کے مطابق متعلقہ محکمے نے ٹھیکے داروں کی واجب الادا رقومات ادا نہیں کی ہیں جس کی وجہ سے الیکشن کارڈ بھی فراہم نہیں کئے جارہے ہیں۔ انہوں نے کہا کہ الیکشن کارڈ نہ ملنے کی وجہ سے ہمیں مشکلات کا سامنا ہے۔ادھر چیف الیکٹورل افسر شیلندر کمار سے اس معاملے پر بات کی تو انہوں نے ضلع مجسٹریٹ سے رجوع کرنے کا مشورہ دیا۔

جنگ آزادی کی طرح ہمیں شہریت قانون کے خلاف بھی لڑنا ہوگا: ہرش مندر

ایک شہری نے کہا کہ الیکشن کارڈ فراہم نہ ہونے کی وجہ سے ہمیں گوناگوں مشکلات سے دوچار ہونا پڑرہا ہے۔ساؤتھ ایشین وائرکے مطابق انہوں نے کہا: ‘الیکشن کارڑ فراہم نہیں کئے جارہے ہیں جس کی وجہ سے ہمارے کئی اہم امور التوا میں پڑے ہوئے ہیں، مجھے کسی اہم کام کے لئے الیکشن کارڈ کی اشد ضرورت ہے لیکن متعلقہ محکمہ کی سرد مہری سے میرا کام بھی سرد خانے میں پڑا ہوا ہے’۔

بھارت پاکستان سے آزادکشمیر نہیں چھین سکتا،بھارت اپنی فکرکرے: بھارتی دفاعی ماہر

موصوف شہری نے کہا کہ متعلقہ حکام کبھی انٹرنیٹ کی معطلی کا بہانہ تو کھبی پرنٹنگ مٹیریل کی عدم دستیابی کا بہانہ بناتے ہیں جس کی وجہ سے ہمیں مشکلات سے دوچار ہونا پڑرہا ہے۔ساؤتھ ایشین وائرکے مطابق انہوں نے کہا کہ دو برس قبل الیکشن کارڈ کے لئے فارم بھرنے والے بھی ابھی تک کارڈزسے محروم ہیں۔