Author: +9251

بھارت میں مسلمانوں نے ہندتوا کے خلاف بغاوت کا علم بلند کردیا،نسلی فسادات جنم لینےلگے

باغی ٹی وی بھارت میں مسلمانون نے بغاوت کا علم بلند کردیا مودی سرکار کے خلاف پورے بھارت میں شدید ہنگامہ ،نسلی فسادات نے جنم لے لیا.بھارت میں مسلمان اپنے حق کے لیے سٹرکوں پر نکل آئے . بھارت کے مختلف شہروں میں ہزاروں افراد نے شدید احتجاج کرتے ہوئے مسلم کش بل کی سختی سے مزمت کی ہے . ہزاروں مسلمان بھارت کی شاہراہوں پر مودی سرکار مردہ باد کے نعرے لگارہے تھے.متنازع شہریت بل کے خلاف بھارت کی مختلف ریاستوں میں بڑے پیمانے پر احتجاج کیے جا رہے ہیں جب کہ امریکا سمیت دنیا بھر میں بھی اس کے خلاف آوازیں اٹھائی جا رہی ہیں۔

امریکی کمیشن برائےعالمی مذہبی آزادی نے تشویش کا اظہار کرتے ہوئے امریکا کو بھارتی وزیر داخلہ اور دیگر قیادت کیخلاف پابندیوں کی تجویز پیش کرچکی ہے۔
بنگال کے ضلع مرشد آباد میں‌اس وقت خانہ جنگی کی کیفیت پیدا ہوچکی ہے اورہرطرف توڑپھوڑ اورلوگ بھارت سے بغاوت کے نعرے بلند کرتے بپھرے ہوئے سڑکوں پراحتجاج کررہے ہیں، باغی ٹی وی کےمطابق ضلع مرشد آباد کے لالگولا ریلوے اسٹیشن پراس وقت صورت حال انتہائی خراب ہے اور مظاہرین نے 5 ریل گاڑیوں کوآگ لگا دی ہے، ان ریل گاڑیوں سے میلوں‌دوردھواں ا ٹھتا دکھائی دے رہا ہے.بھارت کی شمالی مشرقی ریاستوں میں احتجاج شدت اختیار کرگیا ہے۔آسام کے دارالحکومت گوہاٹی میں بھارتی سیکیورٹی فورسز کی فائرنگ سے 3 مظاہرین ہلاک ہوگئے جب کہ متعدد افراد کے زخمی ہونے کی بھی اطلاعات ہیں۔

بھارتی فوج اورپولیس کیطرف سے لاٹھی چارج اور بعض مقامات پرگولی بھی چلائی گئی لیکن مظاہرین ا س قدر غصے میں‌ ہیں‌ کہ وہ اپنے موقف سے پیچھے ہٹنے کا نام ہی نہیں‌لے رہے، اطلاعات کےمطابق مسلمانوں کے خلاف شہریت بل کوختم کرنے اورمسلمانوں کو دیگرشہریوں کے برابر شہری حقوق دینے کا مطالبہ کررہےہیں‌‌

واشنگٹن :سورج کے طلوع نہ ہونے کی وجہ سامنے آگئی ،مریخ پر شدید طوفان, سورج بھی گردوغبار میں چھپ گیا،اطلاعات کےمطابق امریکی خلائی ادارے ناسا نے اعلان کیا ہے کہ مریخ پر گردو غبار کے شدید طوفان نے سیارے کے بڑے حصے کو اپنی لپیٹ میں لے لیا ہے جس سے روبوٹک خلائی گاڑی کو خطرات پیدا ہوگئے ۔

مریخ پر شدید طوفان کی وجہ سے سورج بھی گردو غبار میں چھپ گیا ہے اورسیارے پر شدید اندھیرا چھا گیا ہے ۔اے ایف پی کے مطابق مٹی اور ریت کے طوفان نے 3کروڑ مربع میل علاقے کو شدید متاثر کیا ہے ۔

طوفان کی شدت کا اندازہ اس بات سے لگایا جاسکتا ہے کہ ناسا کی ریسرچ کرنے والی گاڑی کے سارے سسٹم بھی خاموش ہوگئے ہیں تاہم ناسا نے اعلان کیا ہے کہ شمسی توانائی سے چلنے والے اپرچیونیٹی روور نے خود کو بند کرلیا ہے

اترپردیش:جسے اللہ رکھے اسے کون چکھے!بچی پر سے ٹرین گزر گئی، بچی معجزانہ طور پر محفوظ رہی،اطلاعات کے مطابق بھارتی ریاست اتر پردیش میں ایک سالہ بچی کے اوپر سے ٹرین گزر گئی تاہم معجزانہ طور پر بچی کو خراش تک نہ آئی۔

بھارتی میڈیا کے مطابق واقعہ آگرہ شہر کے ماتھورا جنکشن کے پلیٹ فارم نمبر ایک پر پیش آیا جہاں ماں کی گود سے بچی پٹڑی پر جاگری اور ٹرین کی بوگیاں اس کے اوپر سے گزر گئیں، لیکن بچی معجزانہ طور پر محفوظ رہی۔

بچی کے والد سونو نے بتایا کہ یہ صورتحال اس وقت پیدا ہوئی جب وہ ٹرین میں سوار ہونے کے لیے پلیٹ فارم پر انتظار کررہے تھے کہ رش کی وجہ سے کسی شخص کا ہاتھ بیوی کے بازو سے ٹکرایا اور بچی ماں کی گود سے ٹریک پر گرگئی، اسی اثنا میں ٹرین بھی چل پڑی۔

انہوں نے بتایا کہ کسی کو بھی بچی کے زندہ بچنے کی امید نہیں تھی سب کی سانسیں رک گئی تھیں اور اہلیہ چلا رہی تھی، پوری ٹرین گزرنے کے فوری بعد بچی کو ایک نوجوان نے اٹھایا اورسب دیکھ کرحیران رہ گئے کہ بچی کو خراش تک نہیں آئی ۔

فلوریڈا: ریاست فلوریڈا میں حال ہی میں دنیا کی پہلی زمین پر چلنے کے ساتھ ہوا میں اُڑنے والی نمائش کیلئے پیش کی گئی ہے۔کار کا نام ’پائنیر پرسنل ائیر لینڈنگ وہیکل‘ رکھا گیا ہے جسے ’ Pal-V‘ بھی کہا جا سکتا ہے، جدید ٹیکنالوجی کے طرز پر بنائی جانے والی کار ریٹریکٹ ایبل ہیڈ اور ریئر پروپیلرز سے لیس ہے جو آسمان پر 12 ہزار 500 فٹ کی بلندی پر اُڑان بھر سکتی ہے۔

خبر رساں ادارے کے مطابق کار میں آٹو موبائل میں استعمال کیا جانے والا فیول ہی استعمال ہوگا اور کار ہوا میں 200 میل فی گھنٹہ کی رفتار اور زمین پر 100 میل فی گھنٹہ کی رفتار سے دوڑنے کی صلاحیت ہے۔

ڈچ کمپنی کی جانب سے بنائے جانے والی اس گاڑی کی قیمت 5 لاکھ 99 ہزار ڈالرز ہے جسے 2021 میں فروخت کے لیے پیش کرنے کی توقع کی جا رہی ہے۔ اس گاڑی میں 2 افراد کے بیٹھے کی گنجائش ہے اور یہ 3 پہیے والی گاڑی سے گائروکاپٹر میں صرف 10 منٹ میں تبدیل ہو جاتی ہے۔

دنیا بھر میں ٹیکنالوجی میں روز بروز جدت آتی جا رہی ہے،دنیا میں کوئی تصور نہیں کر سکتا تھا کہ ایسی کار بھی متعارف کرائی جائیگی جو زمین پر چلنے کے ساتھ ہوا میں بھی اڑ سکتی ہے۔ اب ایک خبر امریکا سے آئی ہے جہاں یہ خواب سچ ثابت ہو گیا ہے۔