Author: +9251

نیویارک: مقبوضہ بیت المقدس کی وادی گولان میں اسرائیل کے اقدامات کی مذمت کرتے ہیں ،اقوام متحدہ ،اطلاعات کےمطابق اقوام متحدہ کی جنرل اسمبلی نے تاکید کے ساتھ کہا ہے کہ شام کے علاقے گولان کی حیثیت تبدیل کرنے کے لئے صیہونی حکومت کے تمام اقدامات منسوخ اورکالعدم ہیں۔

رپورٹ کے مطابق اقوام متحدہ کی جنرل اسمبلی نے جمعے کو ایک قرارداد منظور کر کے شام کے علاقے گولان پر اپنا غاصبانہ قبضہ مضبوط بنانے کے لئے صیہونی حکومت کے اقدامات کو بین الاقوامی قوانین اور عام شہریوں کی حمایت پر مبنی جنیوا معاہدے کی کھلی خلاف ورزی قرار دیا ہے اور صیہونی حکومت کے اس اقدام کی مذمت کی ہے۔

مقبوضہ علاقہ گولان کے زیرعنوان منظور ہونے والی اس قرار داد کے حق میں ایک سو ستاون ووٹ پڑے جبکہ بیس ملکوں نے ووٹنگ میں حصہ نہیں لیا اور امریکہ و صیہونی حکومت نے اس قرارداد کی مخالفت کی۔اقوام متحدہ کی اس قرارداد میں تاکید کی گئی ہے کہ بین الاقوامی قوانین منجملہ اقوام متحدہ کے منشور کی بنیاد پر طاقت کے ذریعے زمینوں پر قبضہ جائز نہیں ہے۔

لندن :اسکاٹ لینڈ میں دوبارہ ریفرنڈم نہیں کراؤں گا، بورس جانسن ڈٹ گئے ،اطلاعات کےمطابق برطانوی وزیراعظم بورس جانس نے شمالی آئرلینڈ میں علیحدگی کا ریفرنڈم دوبارہ کرائے جانے کی درخواست مسترد کردی ہے۔

لندن سے ذرائع کےمطابق قبل از وقت عام انتخابات میں بھاری اکثریت سے کامیابی کے بعد وزیراعظم بورس جانس نے اسکاٹ لینڈ کی فرسٹ منسٹر نکولا اسٹورجن کی جانب سے علاقے کی خود مختاری کے لیے ریفرنڈم دوبارہ کرائے جانے کے مطالبے کی کھل کر مخالفت کی۔ اسکاٹ لینڈ کی فرسٹ منسٹر سے بات چیت کرتے ہوئے بورس جانسن نے اسکاٹ لینڈ کے عوام ، 2014میں کرائے جانے والے ریفرنڈم میں برطانیہ سے علیحدگی کے خلاف ووٹ دے چکے ہیں لہذا وہ دوبارہ ریفرنڈم کرائے جانے کی حمایت نہیں کرسکتے۔

وزیراعظم بورس جانسن نے کہا کہ ہم سب کو دوہزار چودہ کے ریفرنڈم کے واضح اور شفاف نتیجے کا احترام کرنا چاہیے۔بورس جانسن نے بارہ دسمبر کو کرائے جانے والے قبل از وقت انتخابات کے نتائج کو بریگزٹ کی کامیابی قرار دیتے ہوئے کہا کہ یورپی یونین سے برطانیہ کی علیحدگی بلا چون و چرا انجام پائے گی۔برطانیہ میں جمعرات کو ہونے والے قبل از وقت عام انتخابات کے ووٹوں کی گنتی مکمل ہوگئی ہے اور وزیراعظم بورس جانس کی قیادت والی کنزرویٹیو پارٹی نے 650 کے ایوان میں 364 نشستیں حاصل کرلی ہیں۔

بنگلور:جے اسیں ناں رئہے تاں خرچے کتھوں کریں گی!بیوی کے بے تحاشہ اخراجات سےتنگ شوہرنے جان دے دی،اطلاعات کےمطابق بھارت میں ایک سافٹ ویئر کمپنی میں کام کرنے والے اعلیٰ تعلیم یافتہ شخص نے بیوی کے بے تحاشہ اخراجات سے تنگ آکر اپنی زندگی کا خاتمہ کر لیا۔

بین الاقوامی میڈیا رپورٹس کے مطابق واقعہ ریاست کرناٹکا کے مرکزی شہر بنگلور میں پیش آیا جہاں ایک اپارٹمنٹ کے فلیٹ سے 39 سالہ شخص کی پھندا لگی لاش برآمد ہوئی تو پولیس نے واقعے کی تفتیش کا آغاز کردیا۔

ریاست کرناٹکا کے مرکزی شہر بنگلورکی پولیس کا کہنا ہے کہ خودکشی کرنے والے شخص کی شناخت سری ناد کے نام سے ہوئی جو سافٹ ویئر کمپنی میں ملازمت کرتا تھا، بیوی کی خواہش پر قرض حاصل کرکے متوفی نے گھر حاصل کیا اور دیگر اخراجات پورے کیے مگراس کی بیوی پھر بھی نہ خوش ہوئی اورمطالبے پرمطالبہ اورزد کرتی گئی

بھارتی ذرائع ابلاغ کا کہنا ہےکہ پولیس کا دعویٰ ہے کہ مبینہ طور پرریکھا اپنے شوہر کی محدود آمدنی سے بڑھ کر طرز زندگی اپنانے کی خواہش کرتی تھی اور مسلسل بڑھتے ہوئے اخراجات پر ان میں تنازع رہتا تھا جب کہ وہ شوہر کی جائیداد کو اپنے والد کے نام کروانے کے لیے دباؤ بھی ڈالتی تھی۔بیوی کے بے تحاشہ اخراجات سے تنگ آکر شوہر نے گلے میں رسی ڈال کرپنکھے سے لٹک کرخودکشی کرلی

نئی دہلی :6 بھارتی ریاستوں نے وفاق کے خلاف بغاوت کردی ، شہریت بل پرعمل درآمد سے انکار،اطلاعات کےمطابق بھارت کی چھ ریاستوں نے حکومت کی جانب سے منظور کیے متنازع شہریت بل پر عمل درآمد سے انکار کر دیا ہے۔

خبر رساں ادارے ‘اے ایف پی’ کے مطابق بھارت کی ریاستوں پنجاب، مغربی بنگال، مدھیہ پردیش، کیرالہ اور چھتیس گڑھ کے وزرائے اعلٰی نے اس متنازع بل پر عمل درآمد نہ کرنے کا اعلان کیا ہے۔

متنازع بل کے خلاف بھارت کی مختلف ریاستوں میں مظاہروں کا سلسلہ جاری ہے۔ بھارتی ریاست آسام کے شہر گوہاٹی میں انتظامیہ نے کرفیو لگا رکھا ہے۔بھارت کے اندر بغاوت کےبعد حزب اختلاف کی سب سے بڑی جماعت انڈین نیشنل کانگریس نے نئی دہلی میں ‘بھارت بچاؤ’ ریلی کا اہتمام کیا ہے۔

اس بل کے تحت پاکستان، بنگلہ دیش اور افغانستان میں مذہب کی بنیاد پر نشانہ بننے والے غیر مسلموں کو بھارت کی شہریت دی جا سکے گی۔لیکن بھارت میں مقیم مسلمانوں کویہ حق حاصل نہیں ہوگا اوراانہیں غیرقانونی تارکین وطن قرار دے کرملک بدرکرنے کی تیاریاں کی جارہی ہیں‌،